رواية اقتلني اشفيني كامله وحصريه بقلم سومة ناصر
-
رواية إقتلني إشفيني
رواية إقتلني إشفيني -"روايات بنوته ليبية "
"روايات بنوته ليبية "-الكاتبة: "سومة ناصر"
-الحلقة الأولى (المقدمة)
الحلقة الأولى (المقدمة)حِينَ تعْصِفْ رِيَاحْ الحُبْ لاَ تَهْرُبْ قفْ أمَامَهاَ
____
ركان ( شاد التلفون ويتفرج ع صورة بنت ) : نفس لعيون نفس الشعر نفس الضحكه هادي هي بعد عشرة سنين نفسها 
مؤيد : عشره سنين وإحني نستنوا أستاد ركان وأخيراً 
ركان (سكر التلفون وكمل يشبح من الروشن وهوا قالب وجهاا )
)___
تعالولي مافهمتو شي صح
خلي اول حاجة نتعرفو ع أبطال روايتنا .
.. -ركان.....(إسمي ركان عمري 27 ليا 6 سنين نأسس فِ شركه ليا توسعت ف مجال خدمتي بحكم إنِّي ذكي قدمت منحه ل أمريكا قريت إقتصاد وإدارة تفوقت وروحت لليبيا إبنيت الشركه يلِ كنت نحلم إنِّي هنبناها من صغري وتوا نجاحي واصل لأوروبا وإنافس ف أكبرشركه استثمار يالي مالكها بنته دمرتني
____
-اما بالنسبه لمؤيد..( فهوا يد ركان اليمين يعني الشخص الوحيد يالي واثق فيه ركان لان معنداش ثقة في حد وتو تعرفو السبب في الروايه)
- ومؤيد (شخصيته حلوة وعنيد هلباااااا لاكن ميحبش لبنات بكل )
)_____
-بالنسبه ليا أني( ملك بنت قويه ف عمري نعتبر واجهت هلبا حاجات وقدرت نواجهها لاكن الماضي أقوى مني فيه ذكرى قاعدة لتوا نواجه فاها مش قادره ننساها ...)
-عمري 17 وعيلتي:-
(طبعا بابا وماما توفو من لما كان عمري سنتين فتربيت مع عمي الكبير كان بمثابة أب ليا رباني وإعتبرني بنته بش بنت خوه ومفرقش بيني وبين بنته)
مرته اسمها خيرية عندها أربعه صغار:-
-لكبير عمر ومرته سارة ميت تو تعرفو قصه موته
-تامر يمشي ويجي من ليبيا لتركيا عمره 26
-إيهاب 30سنه ومرته رهف مسمومه عمرها 20
-وبنت وحدة يقين عمرها 16
-(هادي عيلتي الصغيرة نسكنو ف تركيا وعيلتنا معروفه ف ليبيا عندنا أراضي وشركات وفنادق بحكم بأن جدي كان أكبر المستثمرين في ليبيا 
)
)___
-ركان( طلع من الفندق وشاد التلفون وماشي بكل ثقة وطبعا عيون لبنات عليه من اول مطلع لين ركب السياره )
)-مؤيد : ركان وصلت البضاعه الجديدة ولازم تشرف ع استلامها لان الاتراك معندهمش ثقة إلا فيك.
-ركان : تمام ....(ولاهي ف التلفون )
)-مؤيد : وحجزت لتركيا بكرة هنكونو غادي والمكان الجديد متاع الشركه كملو صيانته
-ركان: (قام راسه وقعد يشبح لروشن السيارة وعيونه فيهم شوق وكره ..)
..)___
-(نمشو لمكان تاني مكان كان فيه قصة حب يمكن هتكون النهاية لها وبدايه لغيرها )
)___
-(في تركيا....)
) -ملك ( فِ الحديقة ) :حبيبي خلاص تحشم عاد
-أمجد :شن قلنا حني نبي صغاري يشبهو أمهم
بس
-ملك : لا ني نبي ولد نفس عيون بوه وبنت نفس شعرك والباقي زيي
-أمجد : تِ أني نبي ناكل خدودك يالي اهبلو أخخخ امتى تولي حلالي بس
-ملك : هانت يقلبي مازالو اسبوعين وعمي يروح من ليبيا وتجي تخطبني 
-أمجد : أني نستنه أسبوعين تِ أني دقيقة بلاك منقدرش يعمري
-ملك: حليلي منك
-ملك (..اجمل شعور الحب يالي تلقاه متبادل )
)-( طبعاً تعرفت ع أمجد من شهرين وحبيته طبعا خلي نقوللكم كيف تعرفت عليه
قبل شهرين ....
-كنت ماشية لمحل حلاوات مش ناخد تورتة لعيد ميلادي ونفس الوقت كان هو فِ المحل ياخد ف تورته لعيد ميلاده ايه عيد ميلاده وميلادي ف نفس اليوم
-أني :.السلام عليكم
-صاحب المحل :وعليكم سلام
-اني :كنت ندهور فِ المحل وندور في كيكه ليا فَ عجبتني وحدة وقتله نباها وامجد كان واقف بجنبي ويشبح طبعا اني منتبهتلاش وهوا كان مركز عليا
-صاحب المحل :أسف اختي السيد اهوا هو خداها
-أني : لاكن عجبتني مافيش زيها
-صاحب المحل :لا لو تبي غدوة تفضلي وتلقي اختها واتيه
-اني :.منقدرش اليوم عيد ميلادي
-أمجد قام وجه :حتني اليوم عيد ميلادي
-أني :.شبحتله كيف يشبحلي كأنه معجب بيا
-أمجد.....عادي تقدري تخداها 
-أني . ...لاشكرا انت خديتها قبلي متجيش إنتَ خودها تو أنيِ ناخد غيرها
-أمجد ....باهي شوفي ع خاطر الصدفه الحلوه هادي أني عازمك لعيد ميلادي
-أني .....استغربت كيف حد منعرفاش يعزمني
وين تسكن انت
-أمجد ....في .........
-أني .....متقولش ف .....حتني نسكن غادي قصدكم انتم الجيران الجدد
-أمجد .....ايه تحساها صدفه حلوة
-أني ...معرفتش اسمك
-أمجد .....اسمي أمجد ال......
-أني .....ملك الشيخ
-أمجد تشرفت بيك
-أني ...وبيك أكتر
(وخديت رقمه بش نتواصلو وطبعا بحكم حنيعايشين ف تركيا وجيرانه كلهم ليبين فمسموح ف أعياد الميلاد الاختلاط ومن هاداكا اليوم تعرفت عليه أكتر وتقربنا لبعض وحبينا بعض بسرعة ........)____
........)____ (طبعا روحت للفيلا ...)
-أني ......سلام
-الشغاله .....أهلين أنسة ملك
-اني ....وين مرت عمي والباقي
-الشغاله ....النانا خيرية فوق حت الباقي فوق.
-أني ....مشيت واستغربت علاش كلهم فوق مجتمعين لان قبل زي الوقت هادا كلهم ع طاوله الاكل للغدي .....
-أني ...سلءء
___
- ڪل العُيون مرت مَنسية إلا عيونِك 
...
...___
-ركان ....سارح وكأن ذاكرته واخداته لذكرى من الماضي حاجه غيراته وخلاته إولي شخص تاني
ياريت لو نقدرو ننسوء يالي نبوه ونتفكرو يالي نبوه لاكن صعب يمكن حكمه من ربي بش تخلينا واعيين للدنيا ووحوشها
-ركان ....ف نص تفكيري حسيت بيد ع كتفي تلفتت لقيت الشخص يالي وقف معاي الشخص يالي لما الدنيا كلها وقفت ضدي هووقف ضدهم وقعد معاي لو كلمت صاحب تكفي فَ شويه فيه
-مؤيد ...خيرك ركان وين سارح
-ركان .....منعرفش انحس ف احساس غريب اول مرة انحسه بعد10سنين
-مؤيد ....يالي صار ف ماضي تو تتحاسب عليه خليك قوي ملك غلطت وتستاهل العقاب
-ركان ...اول ماجاب اسمها حاجه تحركت ف صدري حسيت روحي انخنقت تخلط شعور الكره والحب عندي ولما تخلطو كونولي الغضب يلي حاس بيه ومنقدرش نطفيه إلا لما نشوفها قدامي وتتعذب زي معذبتني
____
-ملك ....ءءأنت امتى روحت
سمير .....اليوم وحبيت انديرها مفجأءه ليك
-ملك ...قدمت وسلمت عليه وأني خايفه معقوله عرف بعلاقتي أني وامجد
-أني ....حمدلله ع سلامتك عمي استحشناك
-سمير ...سلمك سلمك بنتي والباقي وينهم يا خيريه
خيريه ....يحاج تامر طالع لليبيا شغل يومين ويروح وإيهاب فوق مع مرته تو ينزل ويقين مشت تشوف الطباخة وين وصلت في الغدي
سمير (وعيونه تغيرو) ....وين ساره وين
خيريه كأن حد صب علاها إميه مسقعه حست الموت أهون علاها وقتها ...منعرفش
ملك حاولت انصلح الموقف ..ءءسارة قالت تاعبه متبيش تنزل
سمير ....تاعبه ولا خيريه مسمعتها كلام زي العادة
اني كيف منتكلم مرت عمي قصت عليا ...ءءء
خيريه .....انت هادا يالي فالح فيه توقف معاها وبس تقول بنتك مش مرت ولدك يلي سببت ف موته هي يلي قتتتتلت ولدك لكبييييير افهم
سمير ....مقتتتتتتتلاتاااااش افههههههمي خيرك يمراءءء نقعد إنفهم فيك إن يل صار حادث حادث وبسسسس
وطلع وعيونه نار
خيريه ...انهارت ع الكرسي وقعدت تبكي الغضب يالي فقلبها وحزنها ع ولدها إعمي عَ عيونها خلاها متشبحش شي غير الكره والظلم
أني .....قعمزت بجنبها خلاص بالله عليك مرت عميي مديريش ف روحك هكي يالي صار قضاء الله وقدره
خيريه .....ناضت وكأنها متبيش تتقبل فكرت إن ولدها مات بحكم ربي وإنَّ سارة مدخلهاش ف يلِ صار
خيريه ....هيا ملك خلي ننزلو للغدي اكيدة إوتي
أني ....تمام لاكن بالله مرت عمي متكلميش ساره وهيا لها ثلاثه شهور معاش نزلت من اول مسافر عمي لليبيا
خيريه ....صكريي فمك أنيي مرت عمك وأني يالي نقول يلِ يجي وما يجيش هدا ما ناقص وحدة صغيره تعلمني شن ندير وطلعت
أني ....أخخ يَ مرت عمي ربي يهدي بالك عرفه هدا كله من خسارت ولدك عمر
___
(ف ليبيا ♡)
ركان ....مقعمز ع رآس الطاوله بروحه ستارات الحوش كلهم مضلمات رغم كبر الحوش لاكن صغر ناسه مخليه فاضي فعلا العيله أغلى من الناس كلها
ركان ....ناكل وفجأة جاني اتصال شفته لقيته مؤيد عرفته موضوع ضروري
....ها مؤيد شن صاير
مؤيد ......مصيبه مصيبه يا ركان
ركان ....سيبت الطاوله ونضتت خديت مفاتيحي وطلعت طول.. شن فيه تكلم
مؤيد ....أمجد الكلب لعب ف الأوراق ومصور المشروع وبايعه لشركه تانيه
ركان ....كنت عارف هو جاسوس يالي ندورو عليه لينا 6 شهور وحني ندورو الكلب ولد &$$
طلع هوا أني جاي ومتخلوشي يطلع من الشركه
مؤيد ...تمام وسكر
______
(في تركيا ♡)
عَ طاوله الأكل
سمير ....تفضلو قعمزو
إيهاب ....نوِّر الحوش بوجودك بوي
سمير.... سلمك ولدي
يقين ....شن جبتلي بابا من ليبيا
سمير ....كملي ماكلتك و أرقي فوق انتي وملك جبتلكم يلِ وصيتوني عليه ولِ كنايني سارة ورهف
خيريه (قلبت عيونها)...وهيا وينها اِللِّلاَ سارة متجيش تسلم ع عمها وتحمدلا عَ السلامه
ملك ...كلمتها قالت تو تنزل تسلم عليه وبعدين هيا تعبانه من امس
سمير ....سلامتها تو بعدين نشوفها
خيرية ....مافاها شي غ...
سمير ...خلاص خلينا ناكلو يمرأه
رهف ....تاكل وعيونها ع ملك وبس
ملك (خيرها هادي تشبحلي هكي)... كولي مرت خوي خيرك داب متنقشي
رهف ... والله تعبانه شوي نحس ف روحي ابصر خيرني تقول عوينه وجيتني من عرسي
خيريه ......سلامتك بنتي هادي عين جارتنا حليمه لما مشيتي للمه بنتهاسمير .....لاعين لاشي معاش تصدقو الخرافات
إيهاب .....تو بعدين نرفعك للمستشفى
رهف ....صحيت قليبي
سمير ...فنص وخبط الفوطه وناض من الطاوله
خيريه ...ميه مرة نقولك رهف معاش نبي كلام زي هادا قدام لبنات وعمك عيب بنتي هادا تقوليه بينك وبين راجلك
رهف (وعيونها نار) ...أسفة يا إِلاي لاكن قاعدة عروسه جديده مش متعودة
يقين (توشوش لملك) ...ليها خمسه شهور وقاعدة عروسه يعيني
ملك ...
خيرية .....انتي وياها ياسر تسهويك
رهف شبحتلهم وناضت فوق متعفلقة..... إيهاب تعالى نبيك 
إيهاب ناض طول ركب وراها 
_____
(في ليبيا ♡)
(في مكان كله غبره وضلام)
ركان وعيونه نار ....... تكلممممممم يكلببببب
وينن لوراقققق
محمد (داب متكلم وجها من الضرب مولي خريطه)....م م نعرف ششش شي
مؤيد (غمز لركان) ... ميمشيش معاه إلا الضي ع طول الشحنات تخليه يرقص رقص 
ركان .....شن رايك تبي تجرب
محمد ....ءءءءء خلاص تو نقول
ركان .....تكلمممممم معناتهههه
محمد ...... ء ءء الغراب
مؤيد ....مني هادا
محمد ....منعرفش
ركان ....تكلممممممم ولااااا نشحنك بالضيييي
محمد ......والله منعرفااااا هادا واحد تجيبله اوراقي مشاريع وعقارات وهوا يبيعهم برااا ويحصل فيهم مبلغ
ركان ......معناته اسمع كوييييييس شن منقول (........)
(في تركيا ♡)
مكعمزة وشادة صورة ف يدها وعيونها دموع
هدا أول يوم شفتك فيه فِ هداا اليوم من اول نظرة حبيتك قلت هدا هو هدا هو يلِ بيعوضك عَ عيشتك السودة معا أهلك لاكن اول مخليتني ومشيت ولت عيشتي شي بلاك 
(طققق)
سارة ( مسحت عيونها) ...تفضل
سمير ......سلام
سارة ....أهلين عمي سامحني أني يلِ مفروض ننزل ونسلم عليك بش انت
سمير ....بين الاب وبنته مافيش مفروض
سارة ....معاش قدرت نمسك عيوني طول عانقته وقعدت نبكي منعرفش علاش يمكن هوا بمثابة الأب يالي محسيتش بوجوده بكل( كان بوي ديمه يروح فِ نص الليل سكران كان يضرب فيا ديمه وفي أمي يلِ ماتت تحت يده بعدين خش الحبس وتوسخت سمعتي رغمنه وقتها كنت متزوجة من عمر يالي حبني وأحتواني كلمه حب فيه شويه بعدين خلاني للأيام يالي كسرتني وخلتني نكون ف نظر بعض الناس المرأه يالي كانت سبب في موت راجلها )
)سمير ..توا شني بنتي قلبتيها عزي وله شني
سارة ....مسحت دموعي وابتسمت
______
(فوق فِ الدار)..
إيهاب......تخلاص باهي فهمت معاش تنفخي راسي الزح
رهف(وهيا تدحنس عليه )....ماهو بيبي منبيكش رجل كرسي أني فِ الحوش شوف كيف أمك وبوك يلقحو عليا ديمهه ...وبدت تبكي
إيهاب (قرب منها )...خلاص عمري شني توا تبيني نرد عليهم ف النهايه بوي وأمي وهما هكي طبعهم وبعدين استحشتك أني
رهف ....توا تاخد يالي تبيه ولما نقوللك خليهم اقدروني اطنش فيا خدت الفوطه وخشت الحمام 
إيهاب .....خبط الباب برجله وطلع 
_______
(ف ليبيا♡)
ركان ......خشيت لداري داري يلِ مافيش حد يخشيلها إلا أني والمرأه يالي وقفت معاي لما كلهم تخلو عليا.. صحيتي خالتي تركيه تو انكمل تنظيم لبسي بروحي
تركيه ....ياولدي أهو قريب انكمل وبعدين متأكد انك تبي تسافر لتركيا غدوه
ركان .....ايه لازم نحسم الموضوع بش نرتاح
تركية......لاكن ياولدي تعرف يالي صار سوء تفاهم وبش بالقصد
ركان ....شاد يداها وباسهم صدقيني نعرف شن ندير متخافيش
تركيه ....ع راحتك ولدي ..وطلعت
خدي تلفونه وبعت رساله ل مؤيد نفذ الخطة
فات يوم عادي ع ابطالنا يوم ماقبل العاصفة يالي هتضرب ملك
أستنو البارت الجاي مش تعرفو شن هوا يالي مخلي ركان يكره مللك للدرجة هادي
