رواية اقتلني اشفيني الفصل الثاني 2 بقلم سومة ناصر
Part 2 رواية ( إقتلني إشفيني ) روايات بنوتة ليبية الكاتبة : "سومة ناصر "
"صَنعوا مني شخصاً لَم أكُن اتمناه لنَفسي"
يوم جديد وقصة جديدة هتبدأ معا ابطالنا قصة هتغير حياتهم فوقي لوطي 
في المطار .....
.....أرجو من السادة المسافرين لتركيا التوجه ل....
ركان ....ركبت الطيارة وخايف مش خايف من شعوري اتجاها خايف من روحي إني منقتلهاش زي مقتلت أمي 
مؤيد .....قاعد سارح تعرف ركان نبي يوم بس نشوفك فيه تضحك يوم بس
ركان ....كيف تبيني نضحك ويالي قاتله أمي قاعدة عايشه وفرحانه كيف
مؤيد ....شوف أني منعرفش القصة لتوا لاكن اول منصلو لتركيا وقبل مدير اي شي لازم تحكيلي القصة غير هكي انسا ان عندك صاحب يالي نعرفه كله ان هيا يالي تسببت بموت امك بس
ركان ....تو اجي الوقت نحكيلك تحسابها ساهله أني نبي ننساه هداكا اليوم نبي ناحيه من راسي
ف تركيا ....
ملك ....نوضت وكنت فرحانه اليوم منكلم أمجد بش يجي يخطبني من عمي وأخيرا منولي مرت الشخص يالي حبيته ووثقت فيه 
........
........ع طاوله لفطور .....
سمير ...صباح الخير
كلهم .....صباح النور
وقعمز وقعدو يفطرو
سارة ....تشجعت وقررت ننزل قررت نواجه روحي قبل من نواجه الناس
صباح الخير
كلهم انصدمو 
سمير ....ءءأهلين سارة تعالي قعمزي معانا مكانك فاضي قاعد
خيريه ....صبح
سمير ....شبحلها شبحه تخوف يمكن اول مرة يشبحه ف حياته
خيرية ...اكتفت انها تنوض من لفطور ...شبعت
سمير ...كمل يفطر.
سمير .....قوليلي رهف وينه إيهاب
رهف ....إيهاب طلع ادور ف خدمة
سمير ....ايه أحسن لان تزوج ومعاش يعبا ع فلوسي خلي يعتمد ع روحه
رهف ....اي حتني هكي قوتله 
وهيا بعتاته من الصبح بش يرفع فلوس لأمها 
يقين ....قوليله
ملك ...وعلاش أني منقوله خيرك انتي متقوليلاش ها 
رهف ...خيركم توشوشو 
يقين ...موضوع خاص
رهف ....شن هوا
يقين ....مرت خوي شكلك قصقاصه هلبا 
ملك ...ضربتها ع رجلها
رهف ...كيف بتتكلم ...ءء
سمير .....عييييب يقين هادي مرت خوك وتحترماها مفهوم 
يقين ....مقصدي شي اني هيا تسأل هلبا ءء...
سمير......سكري فمك قولت اني
رهف ....خلاها عمي صغيره وطايشة قاعدة متعرفش
يقين .....أني مش صغيرة يحلوة ايوااا وناضت
سمير ....لاحوله ولا قوة الا بالله خبط الطاوله وناض دايمه
سارة .....غار علاش ي رهف هكي تقولي عرفتاها صغيرة متتحملش
رهف ...هادا ماناقص غار انتي تعلميني الادب والاحترام وحدة مجرمه
ملك ....ءءءءء كيف منتكلم شوي سمعنا صوت 
......سكري فمك حاشاها مش مجرمه 
رهف ...ءءء
مؤيد ....كلمت متاعين الهوتيل وقتلهم جايين فرحو لما سمعو بتجي
ركان ...فوته الهوتيل أجرت حوش بجنب ملك
مؤيد ....علاش
ركان .....كترات أسئلتك مؤيد
مؤيد .....حاضر تو نشوفلك لاكن توا إنزل وارتاح وبش تحكيلي الموضوع من الاول
ركان .... تمام تمام غار خلي نرتاح قبل
ملك ....تامر انت روحت امتى
تامر ....هادا مش موضوعنا توا
وجي قدم لرهف ....
سارة .....تامر فيه سوء تفاهم هيا متقصد شي رء....
تامر ...خليك برات الموضوع مرت خوي نعرف كيف نربي اللسنات اهيا
يقين ....ماما ماماااااا أفتحي
خيرية .....ها خيرك شن فيه
يقين ....تتااامر روح ويعيط لوطة وقالب الدنيا صوءءء ...
خيرية ....ولدي روح وميقوليش ونزلت فيسع لوطه ولحقت يقين
تامر ....انتي خيييييرك ليك خمسة شهور ولساااانك أطول من عمرك احتترررمي يالي ساكنين معاك راااااك زييييك زيهههم راهووو لاكننن مش منككك من خويييي يالي ساكتلك
خيريه......خيركم شن فيه وجت عانقت تامر خيرك ولدي مقتليش مروح راهو استقبلناك
تامر ...روحت قولت خلي انفاجأهم اول مخشيت لقيت الكنهه مشاءالله صوتها ع سلفتها سارة وتقوللها مجرمه
خيرية ....وهيا فعلا مجرمة
سارة ...متحملتش عيونها تعبو دموع وركب فوق فيسع قبل متسمع كلام اكثر 
تامر ...تخيركككككككم سارة مش هياااااااا ياللي قتلللت خوييي افهمووووووو وكسر المزهرية بيدأ وركب فوق
خيرية ..لحقاته
ملك ...... رهف راهو مش من حققك تتكلمي هكي معا سارة كترتاها
رهف ....انتي مدخلكش غار اروح إيهاب وتو يعرف كيف يتصرف معاكن وقلبت عيونها وركبت
ركان .....اول ماوصلت شبحت حوشهم لكبير من برا إيبان حلو لاكن من داخل السواد يالي في قلوبهم أني يالي نعرفه
ركان .....شني مواتي حتى الطاولة
مؤيد .....طلبت من مطعم وحطيته جعان راهو من الصبح
ركان ......حتى أني
مؤيد .....توا بش قوتلي منحكيلك قصت ملك وموت أمك ربي يرحمها هيا وبلا مقدمات
ركان ....لو محكتلكش هتقعد تنق فوق راسي
(مشت بيا الذاكرة لي قبل عشرة سنين وقتها كان عمري 19 السنه وملك 8 سنين وقتها كانت هيا تسكن في تركيا وأني في ليبيا لاكن نمشو ونجو لتركيا بحكم خدمت بوي كان شريك سمير بوها وكانو صحاب أمي وقتها كانت مريضة بالقلب من قبل حتى متزوجها بوي وقتها كان احبها بجنون نفكر فاها لما مشينالهم وصلنا فيهم العصر خشينا وقعمزنا قعدت أني معا إيهاب هوا كان سنه تانيا جامعة وني كيف قدمت مش ناقره برا المهم معاش نندري بشي إلا سمعنا صوت بوي اعيط لداخل وءءء شوفته طاب أمي وطالع باها معرفتش وقتها شن صار وشن فيه إلا لما مشيت المستشفى وقالنا الدكتور توفت بصدمة وقلبها متحملش ولمه عرفت ان ملك سبب الصدمه كرهتها وكرهت اشوفها وبعدين بوي تعارك مع بوها وبوي كان مصمم ان يقتلها حاول إن يقتلها ماكانش أهمه لو كانت طفله او لا لاكن إلا كان يعرف وقاله ليا إنها قاتله لاكن مقدرش يلقاها منعرفش وين سفروها وقتها وبوي تعب هلبا بعد موت أمي خسر الاسهم يالي عندا وكل شي ومات بحادث وقتها كان شارب يحسابة المشروب بنسيه أمي لاكن مات وأخر كلمه سمعتها منه قالي إقتلها زي مقتلك أمك وحرمتنا منها )
) مؤيد .....فاتح فمه من الصدمة باهي كيف قتلك أمك هيا
ركان .... هيا وقتها كانت تلعب ودير في روحها تمثل كانت تبي تولي ممثلة لاكن للأسف ولت مجرمة مرات مش هتصدك يالي بتسمعه لاكن مشت تجري وقالت لأمي ركان ضرباته سيارة وطبعا قالتها وتعبير وجهاا تقول حق من مجرد متشفها تصدقها وأمي وقتها متتحملش
وأمي وقتها متتحملش مؤيد .....لاكن هيا ماكانش قصدها طفله وتلعب
ركان ....ميهمنيش المهمممم هياااا يالي تسببت بموت أمي هيا القاتله صغيرة وله كبيرة هتتحاسب وطلعت ومش حاط في راسي إلا ملك الكلبة
إيهاب ....اطلع يكلب افتح دارك تااااااامرر 
خيرية ....فتحت اول مفتحت الباب خاش وشاد تامر من رقبتاه ...
إيهاب .....أني مش رااااااجل ومرتيييييييي لسانهاااا طويل ومششش متتتتربيااااا يا $&$
تامر .......داف إيهاب...فيسع معبت راسك
إيهاب......هاديكا مرتي وتحترمها وشدة بيضربةة
خيرية.....سيب خووووك انت ويااااه
إيهاب .......ضرب تامر بكس
وطبعا لكل فعل رد فعل
تامر ....قدم وضربه ليل خشمه وله دم .....شوف مرتك شن مقايله ع سارة مرت خوك الميت بعدين تعالى اضرب واني مقلتش لكلام هادا إلا مرتك لسانها طويل وهيا هكي طلع وخله إيهاب طايح وخشمة دم
خيريه ...أني كلمت بوكم اجيكم ايوااا معاش نقدركم نوض نوض خشمك دم يولدي
إيهاب ....ناض وطلع بسرعة وحاط في راسههه الشررر
ملك ...شن فيه نانا خيرهم اعيطو
خيرية ....تِ هما اضاربووو إيهاب ضرب تامرر
يقين ....كيففف
كيففف ملك .....معقوله إيهاب يضرب تامر
خيرية ......معقوله وكله منها
ملك ....منهيا
خيرية ......الهانم هاديكا الست سارة وناضت ومشت ركبت
يقين .....سارة مدخلهاش كله من هاديكا اللفعة عبتله راسه وخوي يناري عاقلة قريب يهبل علاها
ملك .....مفهمتش كل حاجة في الحوش سارة وهيا مسكينه ديمه في دارها من اول ماجتنا رهف معاش ارتحنا اوففففف
يقين....نننننن مبردها دارت مشكله من الصبح
ملك ....باهي توا خلينا في موضوعي كيف منطلع من نشوف أمجد يقين مش قوتلك قولي لعمي عندك كورس وتبني نمشي معاك خيرك
يقين ...توا طلع وبعدين كان عرف إن نكدبو وإنك ماشيا تشوفي أمجد حبيبك
سمير ....كيييييف
ملك & يقين .......
.......( معاش تهدرزو بصوت عالي لحيوط عندها ودان حسني رعشت )
حسني رعشت ) تعالو قبل مايجي سمير
قبل سعتين
في الشركه .......
محمد .....أستاد سمير نضمتلك وراقيك ومواعيد وكل شي
سمير .....تمام وبأنك هتكون مساعدي الجديد الثقة والسرية في الخدمة اهم أولوياتك أني كويس لاكن لمه تخون نتحول لشخص تاني فاهم وله محمد ....تمام وحقة أستاد في شخص
اسمه ركان برا يبي اشوفك
سمير ....اول ماقال ركان لونه تغير ...ركان زعمه هوا نفسة
محمد....أستاد شن نقوله
سمير ......سارح ويفكر فيه نفسة او لا
محمد ......أستاد سمير تسمع فيا
سمير .....هأاااء..
محمد .....نقوله يتفضل
سمير .....أ ايه قوله يخش
محمد ....
أستاد ركان الخطة ماشيا
ركان ....بش انت يالي تقولي ماشيا أني قاعد مش واثق فيك فاهم خاصة بعد لوراقي يالي خديتهم مني ومش نسامحك خليك عيني ووذني هني نبي لكبيرة قبل لصغيرة وهادا ألبومه خليك معاه ليل نعرفه والمبلغ يالي اتفقنا عليه هتخدا
خشيت وأني متردد لاكن اول مشوفته تفكرت كيف لبد بنت خوه عليا تفكرت كيف مسعدش بوي في ازمته خلاه يخسر كل شي ويالي خسره هنرده وزياده
ركان ....سلام
سمير .....وعليكم السلام تفضل
ركان .....كيف الحال يا عمي سمير
سمير .....انت ركان ال.....
ركان ......ايه هوا بلحمة
سمير ....انت شدير عندي بعد هسنين يالي نعرفه انك سافرت بمنحة لبرا ليبيا بش تقرا علاش جاي شن تبي
ركان ....بشويه ع عروقك يسمير تو تعرف علاش جاي
سمير ......لو جاي ع خاطر ملك ولا تحلم تمسها
ركان......ا شنهيا خايف ع بنت خوك المجرمه يالي سببت موت أمي
سمير...... مكانش قصدها وقتها كانت تلعب وكلنا نعرفو الشي هادا
ركان ....متقعدش شادلي السبله هادي صغيرة وتلعب ومش قصدها ميهمنيش يالي اهمني ان بنت خوك غلطت ولازم تتعاقب
سمير ....هاااا وانت مصدق منخاليك تمسها تحلم
ركان .....لو بدرقها عليا لو بتتتتتررررفعها لأخر الدنيا هنلقاها وهننتقم لموت أميييي
سمير ......وأنيييي مستحيل انخلييييك اطلب مني فدية وأني مستعد للمبلغ يالي تبيه
ركان .....وقفت وقلت هادي هيا .....متأكد
سمير ....ايه كنت عارفك جاي ع الفلوس ياله قول قداش تبي وبرا معاش نبي نشوفك قدام حاد من عيلتي
ركان .....معناته اسمع .........
سمير .....كيييييف ......
......طلعت من مكتبه بعد محطيته تحت الأمر الواقع وتوا بيبدأ انتقامي منك يا ملك
سمير طلع وروح اول مخش سمع صوت يقين وملك .......
....... سمير ......انتي شننننن تقوووووليي
استنو البارت الجاي حبايبي
شن هوا يالي سمعه سمير وكيف هيتصرف والطلب يالي طلبه ركان هل هيوافق عليه أو لا
والطلب يالي طلبه ركان هل هيوافق عليه أو لا 