رواية مجهول الهوية كاملة وحصرية بقلم ولاء وسام
البارت الاول
سالم بزعيق: انتي مالك يا سهير ملكيش دعوة بتدخلي في اللي ملكيش فيه ليه.
سالم بشر: بقي بتعملوا عليا مؤمرة ماشي يا نجوي حسابك معايا عسير وانتي يا زفتة لمي حاجتك واطلعي برة البيت ده الصبح يطلع مشوفش وشك انتي وبنتك هنا انتي فاهمة.
سهير بعياط: ليه يا بيه خلاص اخر مرة والله حققك عليا ابوس ايدك يا بيه انا مليش مكان اروحه حققك عليا اخر مرة.
سالم بنرفزة: اوعي كدة مش ناقص قرف.
ومشي وساب سهير بتعيط جريت عليها سما.
سما: ماما متعيطيش ويلا نمشي ده راجل وحش وشرير اوي.
سهير بعياط: هنروح فين بس يابنتي.
حضنت بنتها وفضلت تعيط وبعدين دخلت اوضتهم وبقت تلم في حاجتهم.
وبعد فترة من الوقت وصلت نجوي البيت.
سالم بزعيق: اهلا اهلا بست الهانم مالسة بدري.
نجوي بقلق: سالم انت اي اللي جابك بدري كدة مش قولت هتتاخر مع اصحابك شوية.
سالم بهدوء وقرب منها: لالا مانا قولت اسيب مراتي بردو كل ده لا اعملها مفاجأة واجي اخدها في حضني واقعد معاها.
نجوي بتبلع ريقها: وماله يا حبيبي نسهر ثواني اطلع اخد دش واجي نتفرج علي فيلم سوا عقبال ما اقول لسهير تعملنا فشار
نجوي: سهير سهير
سالم ب ابتسامة: سهير مشيت ادتها اجازة هي وبنتها كام يوم كدة.
نجوي ب استغراب: اجازة ازاي دول ملهمش حد غير هنا.
سالم بخبث: معرفش هي اللي طلبت الاجازة.
نجوي بخوف: ماشي انا طالعة.
ومشيت وسابت سالم وهي في دماغها 100سؤال وازاي سهير تمشي من غير ما تيجي.
فلاااش باااك
قبل وصول نجوي كانت سهير بتلم حاجتهم، دخل سالم عليهم الاوضة.
سهير بفزع: في حاجه يا بيه.
سالم زق سهير علي السرير وبدا يقرب عليها
سهير بعياط: في ايه يا بيه، ابعد عني.
سالم قرب منها وهمس في ودنها: متخافيش مش سالم الشناوي اللي بيص لواحدة زيك، بس وحياة امك لو عرفت اني حد عرف حاجة من اللي سمعتيها او شوفتيها هيبقا اخر يوم في عمرك انتي وبنتك ولو انتي فين هجيبك بردو لانك زي ما عرفتي انا مش سهل خالص.
ورمي شوية فلوس جنبها علي السرير.
سالم: ودول نهاية الخدمة يا حلوة، وانتي يا قمورة عارفة لو كبيرة شوية مكنتش خلتكم مشيتوا من هنا.
سما بتبصله بخوف: انت انسان وحش وشرير.
سالم ضحك بصوت عالي: وانتي قطة مغمضة.
ومشي سالم وهو بيضحك بصوت عالي علي طفولة سما.
عند سهير وسما.
سما: هنروح فين يا ماما.
سهير: والله يابنتي مش عارفة ادينا ماشيين.
وفجاة ظهرت عربية قدامهم.
السواق: انتو مشيين بليل ليه كدة تحبي اوصلك فين يا حجة.
سهير: والله مش عارفه اروح فين.
سما: ونبي يا استاذ خدنا من هنا انا بخاف من الضلمة.
شهاب صعب عليه سما: خلاص تعالوا اركبوا.
وركبوا معاه وهما مش عارفين هيروحوا علي فين.
عند نجوي وسالم.
نجوي خرجت من الحمام.
نجوي: سالم سالم يا حبيبي انت فين، عااااااااااااااااااا
وفجأة........
