رواية غزالة لديب أليف كامله وحصريه
الحلقة الأولى
{{غزالة لديب أليف }}
قصة جديدة عن حبيب وحبيبة كل واحد فيهم بيعاند التاني
هي اتعلم القاسوة من ظلم الزمان ليها ولخوتها الزمان خل قلبها قاسي جدا مع انها من جوها طفلة بريئة محتاجة الحب والحنية حساسة جدا بس محدش يحس بيها لان لو ضعفة هتتاكل لغية أنوثتها عشان تعرف تعيش زي اي راجل ومحدش يطمع فيها وتجيب العار لخوتها وامها من صغرها في السوق شقيانة هي واختها علي امها العيانة متعرفش ابوها غير من شهادة الميلاد والبطاقة الشخصية وبس مع أنة عايش لكن ميت بنسبلهم تعرفة بس عشان أسمة جنب اسمها في الأوراق الرسمية لكن الشكل لا دي حتي لو هي واخواتها شفوة مش هيعرفهوة حتي الصورة الوحيدة للي موجودة لية مش واضحة يعني تعتبر مشفتهوش لا هي ولا إخوتها عاشت تبيع كل حاجة واي حاجة حلال عشان تجيب منها اكل وعلاج امها المريضة اصل امها مريضة بمرض محتاج تقلة دهب وهي واخواتها بيحربة عشان امها تعيش متحدجش لحد متعلمتش زي اي بنت هي. واخوتها كل واحد فيهم كان عندة حلم بس ينفعش يتحقق الظروف اجبرت كل واحد فيهم أنة يتنازل عن حلمة وليد كان نفسة يكون مهندس أما يونس كان نفسة يكون محاسب قانوني أما غزالة كان نفسها تكون ظابط بس اكتفت هي واخواتها انهم ياخد دبلوم التجارة عشان تعرف تعيش وتعالج امها عندها اخينا اسمهم وليد ويونس هما التلاتة تؤام شكل بعض بس غزالة اجمل وحدة فيهم بس مسترجلة هي الكبيرة ويجي وراها وليد و يا عيني علي وليد مش هقول معاق لا هنقول اتخلق كدة رجل اطول من رجل مش بيعرج اوي بس بيحاول يساعد يعرف يجيب القرش من بق السبع زي ما بيقولوا هو واخواتة ويونس دي بقة سبع راجل مع أنة اصغر واحد فيهم بس بيحمي اخواتة من أي حاجة اللي يشوف يقول الكبير دمة حامي وطبيعة شديد غير وليد وغزال وليد هادي ويخد حقة بهدوء و غزالة تاخد حقها وهي عمل نفسها هبلة في طبعاها مش هقول مكر لا الذكاء وتاخد حقها من غير متغلط تغلط اللي قدمها وتاخد حقها معروفين في السوق انها أنضف بائعين من ناحية الزمة و الميزان ومن ناحية الاخلاق مفيش قرش حرام يخش جبهم كانت كلمة امهم عمر المال الحرام ما يشبع بالعكس دي بياكل فيك ويدمر المال الحرام زي النار تاكل كل حاجة قدمها اتمرمتو كتير بس حمدين ربهم من صغرهم في السوق مكان امهم ما الست سميحة امهم كانت بردة بياعة في السوق الخضار
امهم يا عيني غلبانة المرض ضعفها وخلها مش قدرة تقف في السوق دي غير الحزن اللي في عينيها علي بعاد جوزها عنها وعن ولادة بدون سبب
نبتدئ الحكاية حد يقول الله طب وهو فين البطل مفيش كلم عنة
هقول اصبر يا ابني انت وهو بعد.شوية هنتعرف علية اصل دي حكاية لوحدة في جبروتة وقاسوتة وكمان حنينة هتقول نعم جبروتة و قاسوتة و حنية طب ازاي هقول اصبر حبة اصبر جميل
تبتدئ بقة ومحدش يقطعني
{ بسم الله الرحمن الرحيم}
بتصحي غزال من النوم ساعة الفجر تصلي وتحضر الفطار عشان خاطر امها العيانة وأخوتها الرجالة وبعد شوية تصحي امها الست سميحة وتصلاي وتدعي لولدها وتدعي برجوع جوزها وتدعي لنفسها وهب تسمع صوت بيزعق ودة وليد صحي يزعق عشان غزاله صحتة زي كل يوم بالمئة الساقعة علي وشة
وليد بعصبية :تصدقي بالله انك رخمة يا بنت انتي بطلي رخامة
يونس يقلق ويكلم نفسة :اوووووف مول كل يوم
(ويحط المخدة علي راسة تاني ويحاول ينام )
غزالة برخامة وتحط ايديها في وسطها :عرفة. مش جديد اني رخمة قول حاجة جديدة يا ود
(يرفع وليد المخدرة ويحدفها بيها وتمسكها غزالة وبمرح شديد وتقول)
غزالة :يا عبيط مش عارف تجبها في الجون
وليد بغيظ :يا ماممما شوفي بنتك بق انا زهقت منها وربنا هضربها
يونس يقوم ويرمي الغطة من عليها بعصبية و بغضب شديد :يا رب نهدي انت وهي اية يا غزالة مش هتعقلة بقة كل يوم علي الموال دة اوف
غزالة ببراءة:هو انا عملت حاجة يا يونس
سميحة تقرب من يونس :صباح الخير يا حبيبي معلش اصتبحنا علي أصبح دوشة كل يوم قوم يا وليد حبيبي عشان تفطر وانتي بطلي بقة يلا عشان تشوف شغلك انت وهي يلا يا يونس انت اتوضي وصلي انت وليد وانتي خشي شوفي اللي علي البوتاجاز
غزالة :حاضر
دخلت غزالة المطبخ ويونس دخل يتوضي وخرج يصلي هو وأخوة وأمة واختة وبعد شوية
كل كان قاعد يفطرة
غزالة وهي بتضرب علي دمغها :يا نهار ابيض نسيت صح يا يونس نسيت اقول المعلم زين عاوز طلبية الخضرة زياد النهاردة حبة فلازم ناخد زيادة من عابد
وليد بصلها : طب وانتي لسة فكرة دلوقتي
غزالة :معلش اصل كنت مع ماما عند الدكتور ونسيت
وليد :طب اعملي سندوتشات يا امي وانا نازل بسرعة شوف الحاج عابد وانتي ابقى خلصي ونزلي بعد ما تفطر ماما بسرعة بس يا يونس المعلم عابد بيقول اني مش هينزل خضرة لحد من غير ما يدفع الاول
يونس :من امتى الكلام دة انشاء اللة
وليد :امبارح كان بيكلم الواد علي وبيزعق معها
يونس: قولتلي بقة علي لا الكلام مش لينا اصل علي علية فلوس لعابد
وليد :بردة اعمل حسابك وخد فلوس عشان ميتكلمش
سميحة :متخليش عليك قرش لحد يا يونس من التجار
يونس :متقلقيش محدش لية حاحة عندي احنا بندفع علي طول هو الواد علي اللي علية فلوس لعابد
سميحة :ربنا يسد ما علية أيوة يا ابني خليك زي ابوك مكنش يحب يخلي لحد حاجة عندة ربنا يرجعة بالسلام
الكل بص لسميحة وسكتة
غزالة بتكشيرة :طيب خد أفطري عشان تخدي العلاج و انزل انت يا وليد وانا في ضهرك
يونس بصلها حبة ورجع بص لوليد :انزل انت وانا هجيب الفلوس وجي في ضهرك بس بسرعة بس متخدش حاجة بايتة خلي بالك عشان الواد عنتر بيحط الخضار البايت وسط الطازة
وليد قام بسرعة : متقلقش انا مش بتعامل مع عنتر من ساعة اللي حصل وعابد مخلي طة هو اللي بيسلمني الشغل
غزالة رفعة عنية لوليد :هو في حاجة حصلة تاني
يونس :لا مفيش اهدي انتي حبة
وليد : طيب انا هنزل بقة ادعيلنا يا اما
سميحة :آلة وانت جاهي يفتح في وشكم الابواب المقفولة ويزد رزقكم ويبعد عنكم ولد الحرام يا ولدي بطني امين يا رب
غزالة :يا رب ماما يونس انا لزم أنزل دلوقتي الفطار اهو والعلاج تخدية بعد ما تفطري يا ماما انا نزلة يونس انا عند الفرشة عاوزة حاجة يا ماما
يونس بصلها حبة :استني عندك مقولتش عرفتي ازاي اني المعلم زين طالب زيادة في الخضرة هو انا مش قايل ملكيش دعوة بزين وابنة
غزالة بتوتر :أولد نصر ابن زين هو اللي جية علي الفرشة وكلمني انا مرحتش لحد
يونس بشك قام وقف قدمها وطبطب علي كتفها بتحزير :ماشي بعد كدة لم يجي عندك حد منهم تقولي كلام الرجالة بتعتي ماشي
رغم اني غزالة الكبيرة بس بتخاف من إخوتها مش خوف بس احترام
غزالة بخوف :حاضر
يونس : روحي انتي ووضبي الفرشة و استلمي واحنا مش هنتاخر
نزلة غزالة وسميحة بصة ليونس
غزالة قفلة البابا وخدة نفس : الحمدلله مخدش بالة اوف ام نشوف اخرتها أية يا نصر هه
نزلة غزالة جري
سميحة بصة ليونس :في اية يا ابني لية مش عاوزين غزالة تتعامل مع المعلم زين وابنة مع انها بتتعامل مع كل معلمين السوق
يونس :متخديش في بالك يا ماما انا بس بخاف عليها
سميحة بستغراب :بتخبي علية اية يا يونس
يونس :مفيش يا ماما غزالة مبقتش صغيرة وبصراحة كدة المعلم زين وابنة مش كويسين سمعتهم وحشة جدا في السوق وانا خايف علي اختي منهم
سميحة :يا نهار ابيض سمعتة وحشة ازي
يونس :يعني بيعمل علاقات مع كل واحدة في السوق وانتي عرفة السوق ما بيصدق يمسك سيرة وحدة وانا بخاف علي اختي وعندي استعداد اقتل اللي يجيب سرتها انا هقوم انزل عاوزة حاجة مني
سميحة :تسلم وتعيش يا سيد الرجالة خد بالك من اخواتك انتم في ايد وحدة متخليش حد يخش بنكم
يونس :متاخفيش يا ام يونس اللي يفكر بس يعملها يبقة حكم علي نفسة بالاعدام انتي مخلفة ربع كتيبة اعدام ههههه
سميحة :ربنا يحميكم من كل شر يا حبيبي ويرجع ابوكم
يونس كشر ونزلة الكل نزل غزالة وليد ويونس وهما في غاية النشاط سلمة لكل واحد من الخضرية الخضرة بتعتة ورجعة علي فرشتهم يكملة بقيت الشغل
اصل هما كدة أصبح بدري يوزعة الخضرة وبعد ما يخلصة يرجع للفرشة بتاعتهم يبوعو ويشترة
كل يوم علي كدة نسبهم بقة في اكل عشهم ونشوف الست سميحة بتعمل اية
عند سميحة كانت قعدة وقامت فتحة الدولاب وطاعة صندوق قديم ومسكة الصندوق القديم وعملة تتفرج علي حاجة وبتعيط
سميحة بعياط : وحشتني ياغانم وحشتني يا رجلي يا طارئ انت فين من ساعة ما سفرت بلدكم ومرجعتش انا تعبانة يا غانم ارجع بقى العيال كبرت و تعبت وانا خلص بموت يا غانم المرض بيتكلم فئة انا خايفة اسيب العيال لوحدهم ارجع وشوف ولدك حرام عليك دي أنت حتي متعرفش اني خلفت ٣ تؤام ولا خلص مبقتش تحب سميحة اية يا غانم ابوك قاسي اوي كدة طب أنا موحشتكش طب مش عاوز تعرف انا خلفت اية اةةة حبيبي ربنا يرجعك بالسلامة وحطة الصور تاني في الصندوق وقفات علية وفضلة تعيط لحد ما
الباب خبط قامت تفتح ولقة واحد
سميحة باستغراب :مهران
مهران ابن عم غانم جوز سميحة ويعرف عنة كل حاجة
مهران بكسوف :ازيك يا ست الستات عمل اية
سميحة بعيتاب :ازيك لا والله فيكم الخير لسة فاكر يا مهران اني ليكم حد في مصر وفين ابن عمك لية القاسوة دي عملت اية انا عشان يبعد ويسبني كل السنين دي
مهران برتباك :اعزرني يا مرات اخوي احنا كان في كرب غانم كان علي تار وهج محدش يعرف عنة حاجة
سميحة ضربة علي صدرها :يا ساتر يا رب في أية اية اللي حصل يا مهران وغانم كويس ولا انت جي تقول أنة مات لا مش بعد كل السنين دي تيجي تعرفني بموتة لا مينفعش معشة كل السنين دي وانا وعمال اطبطب علي قلوب ولدي وتيجي انت وتقول مات
مهران بسرعة : لآلا يا مرات اخوي غانم كويس وعوزك انتي وابنة في بيته هو قبل كدة بعت حد ومعرفش يوصل ليكي
سميحة بستغراب : بعت حد امتة دة انا من ساعة ما سافر وانا زي ما انا ومين دة اللي جة ولية هو يبعت حد لية ما كان جة ولا لم شاف العز اهلة نسي سميحة ودلوقتي عوزها بعد السنين دة عوزني ههههه والله ضحكتني عوزني بعد أية بعد مربين وكبرة والمرض كل فئة دلوقتي عوزني انا وابنة
مهران بمقاطعة :يا مرات اخوية افهمي غانم كان هربان
سميحة :لم هو هربان مجاش لية مكنش حد في بلدكم عارف مكانة هنا متقول الحقيقة يا مهران ولا انت جي ومش عارف تقول أية في غياب ابن عمك بعد السنين دي كلها
مهران ::طب اصبري حبة اشرب بقة مياة ابل ريقي
سميحة وهي دخلة تجيب مياة:طب ما انا صبرة وهو انا حلتي غير الصبر (وجابت المائة وخرجة ) اتفضل ما تحكي بقة ابن عمك فين يا مهران
مهران شرب : الحمدلله انتي عرفة سبب بإعاد غانم عن اهلة اية
سميحة بصبر :يعني هو محكاش اوي قال كلام عائم
مهران :طب اسمعي غانم كان متجوز في البلد وانتي عرفة صح هي بنت عمة بس مش اصيلة قعدة مع غانم سنتين ومخلفتش بس بصراحة غانم خدها وراح للدكتور كتير اوي وعرف اني هي استحالة تخلف ومن وقتها و كل شوية حد يزن علي غانم ويقول عاوزين نشوف عوضك لم غانم زهق و قرر أنة يتجوز وفتحها الكل في الموضوع وقتها الكل وقف في وشة هو قال ان هي مش ممكن تخلف وان هو عاوز يخلف ونفسى يكون اب هي بقة متوسطش قلبت علية الدنيا وقالت اني هو يعني لامواخذة يعني اللي مش راجل وانة ملوش في الخلفة وهو عمل كدة عشان ميتفضحش وهي اللي مش هتتسحمل العيشة معها غانم كان هيطلقها بس عمي ابو غانم زعق فية وسكتة وقال انها ممكن تتعالج غانم سكت وفعلا خدها تتعالج بس مفيش فايدة هي اصلا مش هتخلف وبعدها حصل مشاكل كتير بنهم و عمي طرد غانم بعد ما شاف التحليل المزورة اللي كانت سليمة مرات غانم الاولة عملها كان فيها اني غانم يعني لامواخذة مش راجل وانى يعني ملهوش في صنف الحريم وأنها لحد انهاردة بنت عمي غضب علي غانم من غير ما يفهم وقال اني معنديش ابن اسمة غانم وخرج غانم مهموم ونزل مصر وعرفك وتجوزك ولم عرف انك حبلة رجع تاني عشان يثبت اني كلام سلمية غلط بعد ما سابك غانم وسافر وقال أنة ريح يعرف لابوة أنة اتجوز ومراتة حبلة دخل علي عمي كان في المندرة
سميحة رجعة بالذكرى لليوم اللي قبل ما يسافر ديب
###فلاش باك ###
في اليوم دة
سميحة كانت تعبانة ورجعة البيت وكانت معها صحبتها وحبة واغم عليها صحبتها جرية علي غانم غانم كان في السوق بيشتغل
صحبة سميحة :الحق يا سي غانم سميحة مراتك اغم عليها
غانم :نهار ابيض همي بسرعة روحلها وانا هجيب الدكتورة وجي
بعد فطرة الدكتورة حرجة من عند سميحة
غانم بلهفة :طمنين يا دكتورة
الدكتورة :مبروك المدام حامل
غانم بفرحة :يا بركة الله حامل الحمدالله الحمداللة اخيرا اكون اب انتي متأكدة يا دكتورة
الدكتورة :طبعا الف مبروك
غانم بفرحة :يبارك في عمرك يا دكتورة يا وش السعد
ودخل لسميحة
غانم بفرحة :مبروك يا ام الواد انتي حبلة
سميحة بكسوف :, أيوة يا سيد الرجالة شفت بقة كرم ربنا
غانم :يا مانت كريم يا رب يا بوى شوفتي أنا متزوج في البلد وهي مش بتخلف ولم اعرف ابوي الحقيقة وقولت نفسة في عيل زعل وطردني وجيت مصر وتعارك معاكي في السوق وحبيتك واتجوزتك وبعد سنة من جوازنا تحبلي يا كرم الله انا كنت خلص صدقت اني مش بخلف
سميحة :يعني فرحان يا سي غانم
غانم :فرحان دي كلمة قليلة علية من بكرة الصبح انا نزال سوهاج افرح ابوي واعرف اني بخلف مش زي بنت عمي ما قالت اني مش بخلف و العيب مني
سميحة :طب خدني معاك
غانم :بلاش المرة دي عشان اللي في بطنك لم يثبت اخدك لهناك
سميحة :اللي تامر بية يا سيد الرجالة تعرف يا سي غانم انا نفسي اشوف بلدكم دي اوى و اتعرف علي وابوك وأخواتك وامك
غانم بصلها بحب وشوق ولهفة :يا بوي ديانا عندي اخ واخت (وبغمزة ) تعالي اعرفك عليهم بس جوة يا ام والد
سميحة بكسوف : غانم الله طب ما أنا عرف اسميهم يا سيد الراجل
غانم :لا انا هعرفك عليهم شخصيا يلا يا قمر انت يام الواد
سميحة بدلع : بس عرفني عليهم بشويش اصلك قاسي اوي وبعدين اخاف علي الولد من قسوتك
غانم :متخافيش وحدة وحدة دي الغالي ابن الغالية دا انا مصدقت أنة يجي
وبعد فطرة من الحب والعشق
غانم :يا بوى كل مرة اشوفك عروسة جديدة
سميحة بكسوف : يعني مبسوط معاية
غانم :مبسوط دي حاجة قليلة علي اللي انا عائشة معاكي انا معرفتش يعني أية ساعدة وحب غير معاكي يا حبة القلب
سميحة اتكسفة :سي غانم هتسافر امتة
غانم :هههههه لسة بتكسفي مني يا سميحة عمتا بكرة من الفجر عشان الحق ارجع ونروح نعيش هناك انا وانتي والولد
سميحة بديق :طب ومراتك اللي هناك
غانم بص لسميحة وحضنها اوي :مراتي انا مش متجوز هناك يا سميحة انا حرمتها علي نفسي من بعد اللي عملتها يلا قومي اتسبحي عشان نصلي ونحمد ربنا علي اللي جاية والحق السافر وارجع ليكي واللواد
سميحة :تروح وترجع بالف سلامة يا سيد الرجالة
تاني يوم غانم سافر ومرجعش بس اللي حصل اية سميحة متعرف فاقة علي مهران وهو بيقول
###باك####
مهران :غانم رجع دار أبوة ودخل علي أبوة
عسران : حمدالله بسلام لسة. فاكر اني ليك أهل يا غانم اية اللي رجعك
غانم :عمري ما نسيت يا بوي اني لية أهل بس انت اللي طرتني بعد ما بنت اخوك عابت فية وقالت اللي ما في ست بنت اصول تقولة علي جوزها وابن عمها وانت سكت وطرتني
عسران :وراجع لية دلوقتي خلص عقلت ولا ملقتش تاكل فراجع
غانم :لا يا ابوي انا راجع دلوقتي مش عشان مش لقي اكل ولا عشان عقلت لا راجع عشان عوز اعيش انا ومراتي وسطيكم
عسران :يعني خلص هترجع لبنت عمك وتعيش معها
غانم :لا يا بوي بنت عمي اتحرمت علية حرمت امي واختي من بعد ما عابت فية قدام كبرات العيلة ومحدش فيكم رجعها
عسران بعصبية :اتجنيت يا غانم بتحرم مراتك عليك وهي عيشى كل السنين دي علي زمتك ومستحمل عيبك
غانم بغضب :انا مش معيوب العيب في بنت اخوك مش فية
عسران بصلة بغضب :امال مين مرتك اللي هتعيش معها لم انت حرامت بنت عمك عليك
غانم :يا ابوي انا تجوزة في مصر
عسران وقف بعصبية :اتجوزة من البندر يا ولد دياب ومين رضية بيك وانت
غانم بعصبية :انا راجل يا بوي وايوة اتجوز ست أصيلة متعرفش انا مين راضية بالكل حاجة فية
عسران : يعني عرفت انك مكتوب علي صنف الرجال باالاسم وانك حرمة
غانم بغضب شديد :انا مش حرمة انا راجل ومراتي حبلة مني
عسران بعصبية :حبلة منة يعني أية
غانم :أية هو اللي يعني أية مراتي وحبلة أية اللي مش مفهوم
عسران : حبلة ازاي وانت مش راجل انت راضية والبسة القرون ورضية اني بنت البندر تلبسك عيل مش منك جي لية
غانم بعصبية :,أببو سميحة ست جدعة أصيلة والشرف من وحدة عابة في جوزها وهي عرفة اني كل كلامها باطل
عسران :باطل ازاي وانا شايف بعيني التحليل والأشعة بتاعتك
غانم بغضب :كل دة كدب يا با انا راجل مش معيوب بنت اخوك انا دخلة عليها وانت شفة بعينك ليلتها
عسران :انت بتزعق في ابوك يا غانم بنت البندر قوتك علي اهلك اطلع برة ملكش مكان وسطينا
غانم :سميحة متعرفش حاجة عن كل اللي حصل دي ست الستات
عسران بتعب : اطلع برة
وهب وقع من طولة غانم جري علية وخدة علي المستشفي محدش عرف اني غانم رجع و متجوز غير وحدة بس وهي مرات غانم سليمة اللي كانت بتغل من اللي سمعتة رفعة الفون اتكلمة
سليمة :غانم رجع والمستور هياكشف اتصرف
قفلت الفون وخرجة راحة تبلغ مرات عمها اني غانم رجع
غانم خد أبوة علي المستشفي والكل جري وري كبير العيلة علي المستشفى بعد فطرة الكل كان قاعد مستني يطمن الدكتور خرج غانم قرب منة
غانم بقلق :خير يا دكتور طمني
الدكتور :خير الضغط عالي حبة متقلقش هو بقة كويس متقلقش وهيخرج معاك كمان شوية وسابة ومشي
من بعيد واحد عينة كلة شوق ودي اخو غانم الكبير بس مش شقيق بس راجل مش هقول شراني لا يعني بيخاف من الزمن ومراتة ست طيبة وبنت عمة اخت سليمة
خليفة قرب من غانم بزعيق :جيت وجايب الخراب في ديل عبايتك راجع لية يا واد ابوي بعد ما الكل عرفك انك مش راجل
غانم بزعيق :خلفية مش وقتة نشوف ابوك الاول وبعدين نتكلم
ودخل وري خليفة وحدة ست
ودي حكيمة بنت عسران بس طيبة اوي وعندها اولدها ديب ودياب اصل حكيمة بتحب جدها اوي عشان كدة سمة ولدها علي اسم جدها دياب وديب وعلي فكرة اسمها حكيمة وهي حكيمة اسم علي مسمى
حكيمة بتجاهل لغانم :في أية يا ولد ابوى مالك يا خليفة
خليفة بغضب :اخوكي جي واجيب النكد في ديل عبياتة مش مكفية اللي الناس بتقولة علية وعلي العيلة ولا نسيت العار اللي علي رقبتك يا ابن ابوي
غانم :خليفة انا محترم انك اخو الكبير ومش هرد عليك بس عوزك تعرف اني راجل ومتحوز في مصر ومراتي حبلة
حكيمة سمعة كدة بصة لغانم :غانم خليفة كفاية كدة اية مفيش احترام ابوك انت وهو. (وبصة غانم اوي )
كيفك يا واد ابوي لسة فاكر اني ليك أهل
غانم :متزودهيش علية يا خيتي انا فية اللي مكفني
حكيمة :كنت فين كل السنة دي يا ابن الدياب
غانم :نتكلم لم ابوكي يقوم بسلامة يا خايتي مش وقت
حكيمة بسرحان :انشاء الله يقعد ونتكلم
خليفة بغيظ :انا داخل اشوف ابوي
غانم : الدكتور قال هو هيخرج معانا دلوقتي انا راجع الدار
حكيمة :خدني معاك خلفية جيب ابوك وتعالي علي الدار وبلاش حديةو تفتح في حاجة لم نكون في دارنا نحكي
خليفة :حاضر يا خايتي
غانم روح هو وحكيمة واول ما دخل شاف سليمة قعدة جنب أمة واول ما دخل غانم سليمة عملت نفسها متعرفش اني غانم رجع ودي كان غباء منها وقامت جري علية
سليمة :غانم اتوحشتك اوي يا غانم اتوحشتك يا قلب سليمة
غانم مد ايدك و بعدها عنة:كيفك يا بنت عمي وكيف احوالك
سليمة :بخير يا حبيبي وحشتني اوي قلبي
سبها غانم وجري علي أمة وحضنها وقعد تحت رجليها وباس ايديها ورجليها
غانم بدموع :سمحني يا أمة اتوحشتك اوي
ليلة وهي بتحضنة : غانم يا قلب امك مسماحاك يا ولدي اتوحشتك ياغانم
غانم :انتي اكتر يا امة
غانم فضل في حضن أمة حبة
ليلة رفعة راس ابنها بحب :فين ابوك
غانم وهو بيمسح دموعة : خليفة معها في المستشفي بيخلص حبة حاجة وراجع هو بخير ومتقلقيش
ليلة هزر راسة بحب :مش قلقانة ابوك شديد وانا عرفة كنت فين كل دة يا واد الدياب
غانم :كنت في مصر يا أمة
ليلة بهمس :مصر قوم اطلع شقتك اتسبح وشوف مرتك اكيد وحشتك خد مراتك تحت ايدك وطلع لحد ما ابوك ما يرجع انا شيفها هتموت عليك قوم يلا
غانم بلع ريقة وبتوتر :مينفعش يامة اطلع معها
ليلة بصتلة بشك :لية مينفعش (فضلة بصة حبة وقالت )ولا كيف ما سليمة قالت منتش راجل ولا تمل العين وانك ملكش في صنف الحريم
غانم بعصبية وهو بيبص لسليمة:لا يا امة انا راجل واملة العين اي ست بس بنت عمي اتحرمت علية من بعد ما عابت فية قدام كبرات وانتي ابوي صدقتها
ليلة بهدوء :لفت عليك مصروية صح عشت معها ولا عشقتها
غانم :عشقتها واتجوزتها بنت اصول
عاشت معاية من غير ما تعرف اصلي من فصلي ولا تعرف انا مين ولا
حلتي اية عاشت معا علي العيش والملح وراضة وكانت حمد ربنا لو يوم نامت من غير عشا تقول احنا احسن في غيرنا في ناس مش لقية في الوقت اللي احنا فيه مش لقين ناكل كنت عارف انك هنا بترمو الاكل الزيادة الكلاب وانا هناك انا ومرتي مش لقين غير اللي يسد جوعنا ست أصيلة مش زي غيرها يا امة متحكميش علي حد من غير ما تعرفيها سميحة بنت جدعة وغير كدة يا أمة حبلة في ابني
ليلة بسرحان :راجع لية يا غانم عشان اية عشان تعرف تاكل مراتك ولا عشان زهقت منها
غانم :عمري ما هزهق من سميحة يا أمة انا راجع عشان اعرفكم اني مراتي حبلة وانا اصلا مكنتش هقعد كنت معاودة
سليمة بخضة :حبلة كيف وانت ملكش في الحريم ولا انت نسيت راجع وجايب وحدة مش مضيفة تقول انها حبلة وانت
غانم قام و ضربها قلم :اخرسي انا الرجال وانتي عرفة كدة كويس يا فجرة سمع يامة بنت اختك انا معاود لمرأتي وابني يا أمة وايوة مراتي جبلة مني وسميحة اشرف منك
وقام عشان يمشي
ليلة بزعيق :استني عندك يا ولد اية ملكش كبير ياغانم
غانم وقف مكانة باحترام :استغفر الله ياامة بس انا شفت في عينك اللي شفتة في عين ابو قبلها انكم لسة مصدقين اللي اقلتة بنت اختك وبنت عمي علية
ليلة قامت وطبطبة علي كتف ابنها :طب صلي علي البني وقعد يا ولدي لحد ما ابوك يرجع وعرفني مرتك حبلة ازاي
غانم بعصبية :كيف دة يامة حبلة زي حبلة زي اي ست ما بتحبل الله وقام وقف برة وهو متعصب
سليمة :شفتي ابنك يا مرات عمي قل اتجوز ومراتة حبلة طب ازي وانتي عرفة ولا نسيتي
ليلة بصة لسليمة وسرحة وتكلم بحكمة : لا منستش بس حكمي عقلك يا سليمة لحد ما نشوف اخرتها اية
سليمة بدهاء :حاضر اللي تشفية يا مرات عمي
وبعد شوية خليفة والحاج عسران رجعة الدار
ليلة قرب من عسران قعدة جنبة وميلة علية وهمسة :عسران يا سيد الرجال عجزة ولا اية يا راجل
عسران قرب ليها بنفس الهمس :انا لسة سبع الرجال يا ولية الدور والباقي علي قعدة مش عوزة تتهز
ليلة قربت اكتر علي عسران وهمسة :مشبعتش هز انت يا راجل انت يا عجوز يا عسراني
عسران بابتسامة حب : عمري اهشبع منك ودلوقتي نطلع فوق واعرف مين فينا العجوز يا لوليتا
ليلة بحب : انت لسة فاكر لوليتا يا عسران قلبي
عسران بنفس الهمس :ومين ينسي ويشيع منك يا حتي من قلبي يا مصراوية انت يا مجنناني
ليلة :لسة فاكر يا ابو غانم لوليتا
عسران كان افتكر حاحة و بتكشرة ورفع صوتة :انا كويس يا ليلة متخافيش
ليلة بزعل :مش هتتغير يا عسران زمان
عسران :اطلع وانا جي وراكي عوزة ارتاح همي
ليلة بياس : حاضر يا ابو غانم
طلع عسران بص على ولدى بحب وخوف وقام وسابة الكل تحت خليفة كان مدايق اني غانم رجع تاني لأن كدة غانم هيفتش ورها ويعرف المستخبي ويعرف أنة بياخد فلوس من وراي أبوة
حكيمة كانت فرحانة برجوع غانم وفرحة اكتر لم عرفت اني غانم هيخلف ومتجوز من مصر
سليمة الغل ملها وكانت بتاكل في نفسها وبتخطط ازي تقنع عمها اني غانم بيكدب واني مراتة مش كويسة وتخلية يقعد معها ويسيب مراتة اللي في مصر وميعترفش باللي جي
مرات خليفة كانت وفقة عشان تطمن علي عمها هي ست طيبة تعرف كل حاجة و تفهم كل حاجة وتسكت ووقت الجد تتكلم وتقول الحق عندها ولدين وبنت احمد وسامي وفريدة وهي اسمها زمزم كانت وقفة بصلة سليمة اختها وفهمة انا مش هتسكت دخلة شقتها اما خليفة دخل
زمزم : حمدالله بسلامة عمي يا واد عمي
خليفة : الله يسلمك
زمزم :مالك انت مش فرحان اني غانم رجع
خليفة :لا طبعا انا فرحان بس خايف
زمزم :خايف من اية انت بتعمل حاجة غلط من وراي عمي
خليفة :أيوة انتي عرفة اني بزرع جزء من الأرض الشرقية ياسمين وابوية محرج اني نزرع ياسمين
زمزم :لية دي حتي رزق اللي بيجي منة كتير اكتر من الموالح والخضار
خليفة :اصل الياسمين محتاج مرعية وطريقة معينة في الزراعة ولو غلط في حاجة ولا حبة حر شداد طلعة علي المحصول اتخرب بتنا وعشان كدة أبوية رافض
زمزم :طب ودة يخوفك في أية
خليفة :غانم لو قعد هيعرف ويقول أبوية وابوية ممكن يزعل مني وانا مش بحب أبوية يزعل مني
زمزم :غانم استحالة يعمل كدة دي بيحبك اوي يا خليفة
خليفة :عارف بس هو غانم كدة طول عمرة مش بيفكر غير في نفسة وبس
زمزم :خليفة اخد اخوك في حضنك وبلاش تخلية يخرج تاني من تحت طوعك انت وعمي
خليفة :يعني انتي مش عرفة غانم انا. زمان غلبت معها عشان يفضل
زمزم : مش عشان غانم تعمل كدة لا عشان خاطر مرات عمي ولا انت نسية
خليفة:عمري ما هنس أنها علمتني احسن من ولادها ولا كاني ابنها مش ابن ضرتها انا لم بقول بأمة بقلها من قلبي يا زمزم دي امي بجد
زمزم :خلص تروح لعمي وتقلة علي اللي تعرفة في موضوع غانم وسليمة وتقلة كمان علي موضوع الياسمين
خليفة :هو أنتي فكرة اني محتكش أبوية حاجة عن اللي عرفة لا أبوية يعرف بس معرفش سكت لية
زمزم :الغريب طب سكت لية
خليفة :معرفش يلا نقوم نام احسن بكرة هيكون طويل اوي
الكل دخل ينام
