رواية نعمه الفصل الثامن 8 بقلم حماده زهران
رحت انا والشيخ محمود عند الحاله الجديده.
وصلنا عماره فخمه جدا طلعنا،استقبلنا راجل كفيف وست في سن التلاتينات.
الحالة كانت مرات الراجل وأخت الست.
طلبت منها تحكيلي قصتها،قالت:
-انا على الحاله دي من 10 سنين،بياجيلي شلل سنه في رجلي،وسنه في ايدي.
قولت:
-مش فاهمه.
قالت:
-اه والله،والشيخ محمود عارف ده وبيحاول يعالجني من 3 سنين،وعدا عليا شيوخ كتير، وعملت استئصال رحم من غير سبب.
دخلت اختها وكان باين عليها الرعب.
هدى قالت:
-الست دي راحت عند دجال مع عمتها من 10 سنين..فجأة قولت:
-هو انتي كنتي هتتجوزي ابن عمتك.
قالت:
-ايوه فعلاً بس هو قبل الفرح مات.
قولت:
-طيب ايه اللي طلعك الجبل عند اللي بتقولوا عليه سيدنا الشيخ.
قالت:
-هو انتي عرفتي ازاي.
قولت:
-هو خد دم منك.
قالت:
-لا.
قولت:
-انا متأكده انه اخد منك دم، احكي اللي حصل يومها بالتفصيل.
قالت:
-قبل جوازنا بشهرين ابن عمتي مات،بعدها عمتي تعبت كانت كرهاني،كأني انا اللي موت ابنها.
طلبت مني اروح معاها عند سيدنا الشي،قولتلها:
-انا بخاف منه.
قالت:
-معلش يا بنتي،انا تعبانه وعايزه اعالج رجلي.
قولت:
-ماشي..ورحت معاها ولما وصلنا عنده قعدنا انا وعمتي على الارض.
قال:
-لا انتي اقعدي على الكرسي ده.
كان كرسي مصنوع من جريد النخل،لما جيت اقعد عليه،كان فيه مسمار مكنتش شيفاه،لما قعدت دخل كله في رجلي.
قطعتها في الكلام وقولت:
-خلاص مش عايز اعرف حاجه تاني.
وطلبت من اختها تجيب أدوات حجمه وميه وملح،وقولت:
-اللي في معدتك مش هيطلع غير بدم.
قالت:
-مش مهم،بس ابوس ايدك عايزه اكون كويسه.
قولت:
-قولي يا رب..وقريت قرآن على الميا،ومع اول كوبايه شربتها رجعت دم،بس كان دم اسود.
بدأت أقرأ قرآن وبمسح بأيدي على جسمها، وهدى وجابر جنبي،وانا بمشي ايدي على رجلها حسيت بحاجه غريبه بتتحرك.
طلبت من الشيخ محمود يطلع بره،وطلبت من جابر كمان ينصرف،علشان هكشف جسمها.
بعد ما خرجوا كشفت رجلها،شوفت حاجه بتجري في رجلها،حاجه في حجم الفار ماشيه في رجليها،تتحرك جامد،وانا فضلت اقرأ قرآن، وحصلت حاجه غريبه،مكان المسمار طلع دم
وقدرت اطلع الحاجه دي.
قولت لهدى:
-فيه ايه.
قالت:
-ده سحر بالمرض وبلبس الجن وخدمة السحر.
عملتلها حجامه وقولت:
-لسه يومين كمان حجامه،وطبعاً مع قراءه القرآن الكريم.
مشيت وتاني يوم عملتلها حجامه وكانت زي الفل.
واليوم التالت روحت لقيتها قالبه البيت خدمة،وبتعمل كل حاجه بأيدها.
اول ما شافتني جرت عليا وقالت:
-انا مش عارفه اقولك ايه،ربنا يسترك يا ست الكل.
قولت:
-الحمد لله.
الست بقيت زي الفل،جوزها قال:
-اؤمري يا ست الكل،كل اللي تقولي عليه تحت امرك،انتي والشيخ محمود فوق دماغي.
الشيخ محمود قال:
-هناخد مواصلاتنا بس.
قال:
-لا طبعا.
واده الشيخ محمود مبلغ كويس ومشينا.
وبعد كام يوم الست اتصلت عليا وقالت:
-انا بستاذنك اجيلك انا وجوزي.
قولت:
-اه طبعا تشرفوا في اي وقت.
وتاني يوم جوني هي وجوزها،وكانوا جايبين زياره كبيره،الراجل قال:
-دي حاجه بسيطه.
قولت:
-طيب ايه لازمه التعب ده.
قال:
-انتي لو تعرفي احنا دفعنا دم قلبنا طول العشر سنين اللي فاتوا،لحد ما انقذتيها،ربنا يبارك في عمرك.
الراجل قال:
-بصراحه كنت عايز أسألك على حاجه.
قولت:
-اتفضل.
قال:
-هو في أمل ارجع اشوف تاني.
قولت:
-انت حصل عندك دمور في شبكه العين،يعني مفيش نسبه 1%.
قال:
-الحمد لله على كل حال طيب يا ست الكل، عايزك في موضوع تاني.
قولت:
-اتفضل.
مراته قالت:
-ابن اخوه متجوز من سنتين،وبصراحه ما لمسش مراته لحد دلوقتي،بيبقي كويس بره البيت،ولما بيكون في البيت مش عارفين ايه اللي بيحص.
قولت:
-طيب انا لازم اشوفه.
الراجل قال:
-طيب مش مشكله نجيبه،هو في الصعيد بس مش مشكلة ياجي.
ومشيوا من عندي..رنيت على الشيخ محمود وقولت:
-الحج محمد كان هنا هو ومراته،وجابوا حاجات كتير،وكنت عايزه اديك نصها.
ضحك وقال:
-انتي واحده محترمه جدا،هو اتصل بيا وجابلي زياره زيك،بس انتي أصيلة.
قولت:
-كتر خيرك..وقفلت منه،وبعد يومين الست اتصلت بيا وقالت:
الشاب ومراته وصلوا.
روحت انا والشيخ محمود وقابلنا الشاب ده هو ومراته،اول ما شفتهم قولت:
-هو انت يوم حنتك اكلت هريسه.
قال:
-هو انا هفتكر من سنتين اكلت هريسه ولا لا.
قولت:
- لازم تفتكر.
مراته وقالت:
-اه فعلا،اکل هریسه استنی..وقالت لجوزها:
-فاکر محمد صحبك لما كنا بنفرش الشقه،صاحبك جاب لفة هریسه.
قال:
-ايوه صح افتكرت.
قالت:
-انا فاكره كويس انك اكلت منها،واديتني حته في بوقي.
حضرت الميا وقولت:
-انتوا هتعملوا حجامه 3 مرات في 3 ايام،وفي ال3 ايام دول كل يوم هترجعوا كل اللي اكلتوه.
ضحك الشاب وقال:
-ازای یعنی.
كان بيتكلم بيأس واستهزاء،قولت:
-اصبر وانت هتشوف.
وفضلت اقرأ قرآن على الميا،وطلبت منهم يشربوا،وكأن فتحت حنفيه.
جابوا كل اللي في ببطنهم،رجعوا الهريسه.
قولت:
-اخر مره اکلتوا هريسه من امتى.
قالو:
-مش فكرين بس من زمان.
قولت:
-يعني اقصد انكم مش واكلين من
يوم او يومين.
قالو:
-لا.
3 ايام وهما على الوضع ده،كانوا عاملين زيي المرضى من سنين،بس خلاص بقيوا كويسين زي الفل.
طلبت من مرات عمه تعملهم اكل كويس،وتسبلهم البيت النهارده هي والحج،ومشيت.
تاني يوم مرات عمه اتصلت عليه وبتزغرت وبتقول:
-الحمدلله يا وش السعد،بقيوا زى الفل وكل حاجه بقيت تمام.
قولت:
-الحمد لله..وقفلت منها.
الشيخ محمود اتصل وقال:
-عايزك ضروری.
قولت:
-خير أن شاء الله.
قال:
-في وحده هديها الرقم بتاعك وهتكلمك وتفهمك.
قولت:
-ماشي ربنا يجعله خير.
وقفلت.
وبعد شويه وحده كلمتني،وكانت بتبكي بحرقه.
قولت:
-مالك فيه إيه اهدي واحكيلي وفهميني،انتي مين كانت.
قالت:
-ابوس ايدك ألحقيني،فلوسي اتسرقت مني.
كملت كلامها وقالت:
-أنا ارمله ومعايا 3 بنات،وبنتي هتتجوز كمان شهر،وانا كنت عامله جمعيه ب15 ألف،وقبضتها من يومين،وشيلتها علشان انزل أنا وبنتي نشتري باقي الجهاز،وروحت أخد الفلوس وملقتهاش، قلبت البيت لكن الفلوس ملهاش أثر.
قولت:
-طيب اقفلي وانا شويه وهكلمك.. وقفلت.
هدى ظهرت قولتلها:
-هي الفلوس فين.
هدى قالت:
-البنت الاصغر من العروسه،غيرانه من اختها، واخدت الفلوس.
اضايقت وقولت:
-لو الست عرفت ان بنتها اللي سرقة الفلوس دي هتبقي مصيبه.
هدى قالت:
-انتي حره ما اقدرش اقولك تعملي ايه،انتي لازم تتصرفي من دماغك،بس اوعي تنسي العهد، مينفعش تقولي مين عمل كده.
اتصلت بالست وقولت:
-عايزاكي تفرحي فلوسك هتظهر وهترجعلك.
قالت:
-ده انا ابوس ايدك ورجلك.
قولت:
-استغفر الله العظيم احنا اخوات،قولي لبناتك وفرحيهم.
قالت:
-طيب مين اللي اخدها اخدها.
قولت:
-لا سيبي الموضوع ده دلوقت،بس انا حاسه ان عندك عين في بناتك،ممكن اتكلم العروسه.
قالت:
-اه طبعا.
وكلمت العروسه،وبعدها قولتلها اديني اختك الصغيره.
كلمتها وضحكنا شويه وبعدين طلبت اكلم البنت الوسطانيه،بعد ما اتأكدت ان محدش سامع غيرها.
قولت:
-اسمعي كويس،انا عارفه انك انتي اللي سرقتي الفلوس وشايلاها،اوعي تنطقي بكلمه،ولو عملتي كده تاني هعرفهم،ربنا حليم ستار..انا اقدر افضحك بس امك ما تستاهلش كده،انتي سامعه كويس.
قالت:
-ايوه سامعه.
قولت:
-تقومي دلوقتي ترجعي الفلوس مكانها،واديني امك.
وقولت للأم:
-بصي يا ست الكل،انا عرفت الفلوس فين والموضوع مش مستاهل اجي،انتي اخر مره طلعتي الفلوس فيه ما رجعتهاش مكانها،هي في مكانها بس جوه شويه.
الست جريت على المكان وهي ماسكه الفون وفعلاً لقيت الفلوس،فضلت تزغرت وتقول:
-ربنا يخليكي ليا يارب،الله يسترك.
الست قالت:
-اؤمري يا ست الكل.
قولت:
-لا،احنا اخوات.
الست قالت:
-انا عايز اشوفك طيب،اشوفك بس.
قولت:
-تنوري..وقفلت..يتبع
