رواية قسمتي حبك هند ومصطفي الفصل السابع 7 بقلم عزه فتحي

رواية قسمتي حبك هند ومصطفي الفصل السابع 7 بقلم عزه فتحي 

عاد مصطفى فى المساء لم يجد كعادتها كل يوم هند تنتظرة وجدها جالسه تتحدث على الهاتف وتمسح دموعها ثم اغلقت الهاتف وبكيت بصوت عالى دخل إليها مسرعا جلس بجوارها على الكنبه يرفع راسها من على المقعد

مصطفى : فى ايه مالك

هند : ولا حاجة 

مصطفى : بابا تعبان

هند : لا

مصطفى : فى ايه طيب حد زعلك فى الكليه كان يتكلم بطيبه ويربت على كتفها

هند : لا النهارده عيد ميلاد بابي أنا أول مرة أكون بعيد عنه تعرف أنا بعيط كل يوم وهو بعيد عني مش عارفه اعيش من غيره

وهنا زادت شهقاتها مما جعل مصطفى يحتضنها ويربت على كتفها وهى بين احضانه حتى كفت عن البكاء 

مصطفى : ممكن تغسلى وشك وتلبسى

هند : نروح فين بليل كده

مصطفى : نتمشى على البحر شويه

هند : ٥ دقائق أبقى جهزة 

وجرت إلى غرفتها

مصطفى : مجنونة أقول فيك ايه يا محمود إنت السبب

هند : أنا جاهزة وسمعتك على فكرة 

مصطفى : يلا بينا

نزلوا سويا وهو يمسك يدها في يده

وجلس مصطفي بجواره هند علي الكورنيش تتفرج على البحر

هند : تعرف كان نفسى أقعد زى الحبيبه على البحر من زمان

ابتسم مصطفى لبرائتها 

هند : هو أنا ممكن انزل اجري علي البحر الصبح 

مصطفى : آه طبعا اتفقى مع رولا وانزلى معها 

هند : رولا مش فاضيه اليومين دول خطوبتها الاسبوع الجاي

مصطفى : من ورايا

هند : لا مش من وراك الاتفاق دة النهارده ريحين آخر الاسبوع عند جد باسم 

مصطفى : باسم مين

هند : جارهم فى القصر المقابل

مصطفى : إبن الخياط واو دى جوازه حلوة

هند : تعرفهم 

مصطفي : جيران لنا فى أسيوط 

هند : عندكم بيت هناك

مصطفى : دوار كبير 

هند : وبابى عنده بيت هناك

مصطفى : عنده قصر كبير وارض نص البلد إنت عمرك مرحتى حتى هناك 

هند : لا أنا مبنزلش مصر كتير ولما بننزل بعد في القاهره تعرف عاليا أختك جميله آوى ليه عايشه مع جدتها

مصطفى : ابوايا وامى ماتوا بدري الله يرحمهم وهى تعيش مع جدتى

هند : ليه هي مش متجوزه

مصطفى : لا مش متجوزه  مطلقه ورافضه الجواز مرة تانيه 

هند : ممكن حد يسيب كل الجمال ده

مصطفى : كانت متجوزه أبن عمنا ومجبتش أطفال اتجوز غيرها رفضت وطلقت

هند : وجاب عيال

مصطفى : لا 

هند : ربنا كريم أحسن 

مصطفي : هى رافضه اى ارتباط تأنى بس جدتى قربت تتجن وكل فتره تحاول تدبسها في جوازه وانا انقذها

هند : ليه جدتك إسمها الجده بطه

مصطفى : إسمها فاطمه أساسا وشله الانس طلعت عليها الجده بطه لأنها الحاكم الآمر في كل شئ

هند : يا ترى لو عرفت إنك ارتبط بيا من غير  اذنها تعمل ايه

مصطفى : ولا حاجه أنا خط أحمر اعمل اللي انا عايزه  ثم هى مبتحبش هدير ومحتصدق

هند : ليها حق

مصطفى : بتقولى ايه 

هند : ولا حاجه

مصطفى : قومى نروح يله

هند : ماشى 

وصلوا إلى محل الايس كريم ودخل مصطفى احضر آيس كريم أكلته وهى سعيدة كالأطفال ثم عادوا إلى البيت 

سمع مصطفي صوت هاتفه فرد

محمود : مصطفى هند عامله ايه دلوقتى

مصطفى : كويسه جدا مشتها على البحر وكلت آيس كريم 

محمود : بكرة احجز لها تيجى اجازة نصف السنه عندي

مصطفى : حاضر 

أغلق الهاتف ثم نادي على هند لتخرج من غرفتها

مصطفى : افرحى يا ستي حتروحى الامارات فى أجازه نصف العام

جرت هند واحتضانته بفرح : حشوف بابى دة أحلى خبر 

لم تكن تعرف ماذا فعلت لمصطفى حاولت تبعد وهى تقول : اسفه

لكن مصطفي لم يستطيع تركها بل على العكس احتضنها أكثر نظرت إليه فقرأت فى عينيه مشاعر لم تكن تتخيل إن يشعر بها ثم نزل بشفتيه على شفتيها وقبلها لم تكن قبله سريعه مثل يوم الحفل بل قبله كلها مشاعر مكبوته بداخله شعرت بقلبها يدق بسرعه ومشاعر جديده تملأ حياتها ظل يقبلها وهي مستسلمه له حتى شعر انها تريد التنفس فتركها

وجرت إلى غرفتها وهى خجوله جدا من استسلامها بين زراعيه

+

                    

يوم الجمعة فى الصباح قامت رولا من النوم وقفت امام دولابها تختار ملابسها اختارت فستان طويل باكمام ولمت شعرها فى ضغيرة ووضعت القليل من المكياج نزلت مع ابيها وامها وركبت سيارته جلس ابيها بجواره وهى ووالدتها ركبا فى الخلف بينما سيارتين حراسه ورائه

احمد : ليه يا باسم معاك سيارات حراسه

رولا : منظرة 

نظر باسم إلى رولا نظرة غاضبه فى المراه

باسم : بعد حادث السياره ووفاه بابا وماما اثبتت ال تحقيقات إنها بفعل فاعل كان لازم احط حراسه على في اى مكان أكون فيه

رولا : وليه حاولوا قتلكم

باسم : المافيا مشاكل مع ابى رفض التعاون معهم ودفع حياته ثمن كده

احمد : الله يرحمهم يا أبنى 

ناديه : وإحنا أسرتك يا أبنى 

باسم : من زمان يا تنط وأنا بحب حضرتك وبحب اكلك جدا يا ريت رولا تكون بتطبخ ذيك

رولا : يعنى فاكر تنط واكلها 

باسم : فى حاجات صعب أنساها منها تنط

+

                    

ابتسمت رولا وصمتت وصل باسم إلى أسيوط ونزل من السيارة باسم وباقى للمجموعه وجد اعمامه بانتظارهم دخلوا إلى الجد دخلت رولا ووالدتها مع سيدات البيت الجده وزوجات عم وحفيدات خمس

العم : أهلا أهلا بولد الغالى نورتنا يا ويلد

باسم : الله يخليك يا عمى

الجد : أهلا يا باشمهندس جاى حدانا تنور بيتنا عاد

احمد : دة نورك يا حاج

باسم : أنا عايز اخطب باشمهندسه رولا بنت باشمهندس احمد

الجد : جايب أللى صعب أقول عليها لج ماشى يا ولد أبنى حجوزهالك بس إنت مرحتش بعيد احمد ابننا وصعيدى من حدانا وبنته تربيتنا حتعدل حالك المقلوب

باسم : ليه بس كده يا جدى أنكل احمد يقول عليا ايه 

الجد : ليه حنضحكوا على الناس ونديهم بضاعه تلفانه على إنها زينه الزين لا يا إبن الغالى دول ولادنا وجيرانا ولازم يكونوا على نور

احمد :  يا حاج هو باسم مزعلك آوى كده ليه

الجد : باع جزء من ارض أبوة من غير ميشورنى الأجى رجال غريب داخل علينا يجول ده ارضى يرضيك يا باشمهندس

احمد : ليه يا باسم عملت كده

باسم : محتاج سيوله للشركه 

الجد : تجولى وأنا اديك الفلوس إللي إنت عايزها

احمد : خلاص يا حاج حقك عليا أنا واوعدك ميعملش حاجه تأنى 

الحد : ولا لولا مجيتك دى مكنت وافجت أبدا على جوازه وآحده من مصر كنت جوزته وآحده من بنات عمه تعلمه الادب تربيه الاجانب ده

احمد شعر إن باسم بدأ فى الاختناق وسيحدث مشكله كبيرة مع جده

احمد : طيب خلينا فى الخطوبه نخليها أول الشهر 

الجد : لا مش حتمشوا من هنا إلا وهما مخطوبين و الزينه بنتك ربنا يكون فى عونها نحدد الخميس الجاي خطوبه وكتب كتاب 

احمد : بالسرعه دى

باسم : خير البر عاجله 

تستعد رولا لخطوه كبيرة فى حياتها وهل هند تستطيع حضور خطوبتها

الثامن من هنا

تعديل المقال