رواية رحلة جديدة الفصل السادس 6 بقلم رندا شرقاوي
الفصل السادس
رحلة جديدة
بقلم رندا شرقاوي
شعرت بالخجل من صديقتها وهي تقول:
وبعدين قعدوا مع بعض يتكلموا شوية على النتيجة والأحلام والرحلة الجديدة اللي لسة هتبدأ، وعلى الجهد كل بنت شوية، وبعدين بصت في الساعة بصدمة وهي تقول:
_ الساعة 5:00 أحنا لازم نروح دلوقتي، لازم نروح لان النهاردة اهلنا اكيد مش هيرضوا يدخلونا من عتبة الباب، بعد الوقت اللي نحن تاخرناه ده..
نهضت فاطمة بسرعة تتبع ايمان، وبعد وقت وصلت ايمان الى البيت كانت واقفة وامها نجلاء ووالدها علاء في استقبال بنتهم، عشان تدخل البيت، وهم ينظروا اليها بقلق وحزن والم، وخصوصا بعد ما كلمتهم في التليفون وعرفتهم النتيجة بتاعتها كام
مش عارفين يفتحوها ازاي في ظروفهم المادية اللي اصعب من انهم يحققوا حلمها
ايمان بحب وفرحة مالية عينيها جريت على حضن علاء وهي تقول:
_ بابا
عشان يقول لها: الف مبروك على النتيجة والمجهود اللي قدمته، ورفعت راس بابا قدام الناس.
نجلاء بحب وقلق وهي تنظر لابنتها وكل الفرحة اللي هي فيها:
_ الف مبروك الف مبروك يا ايمان، ربنا يقدرك سنوات الباقية على خير.
علاء بحب وابنته في حضنه
_الف مبروك، الف مبروك يا قلبي، ربنا يقدرك في اي مدرسة تدخليها، وعلى اللي هتعمليه، ربنا يقدرك ويجلب لك الحظ ويذيد الذكاء في عقلك اكثر واكثر، ويخليك ترفعي راسنا في المستقبل اكثر وأكثر، في كل اشياء تعمليها مش في الدراسة بس.
ايمان بفرحة: فين المفعوص؟ فين المفعوص اللي قال لي هتجيبي 50% بس؟ فين خليه يجي ويشوف!
نجلاء بخوف وهي تنظر لزوجها بقلق وتسأل:
_فين عمر؟ فين عمر راح فين يا علاء؟
علاء وهو ينظر لها بقلق وحزن:
_ اهدي اهدي اكيد هيجي هو مش صغير لدرجة انه يضيع من المنطقة بتاعتنا..
نجلاء بهدوء: اكيد صح كلامك، ربنا ييسر الامر دلوقتي ياجي..
وهم بيتكلموا عمر في الباب: جبتي كام يا اختي الكبيرة، ولا بلاش يا اختي اكيد جبت 40% وانا زودت لك 10 من عندي..
ايمان وهي تجري لعند اخوها و تنظر له بدهشة وعايزة تاكل ودانه وهو يركض منها بخوف ومرح وهي تقول:
_ شوف.. شوف النتيجة كام من كام وبعدين اتكلم..
عمر وهو ينظر ليها هي بقلق بعدين نظر للنتيجة ثم قال كلمة واضحة:
_ اكيد في حد غششك يا مفعوصة ده من جهدك مستحيل، لان انت طول اليوم تجري في البيت، وعمرك ما قعدت مسكت ليك كتاب، علشان تجيب المجموع ده
ايمان بغضب وعصبية كبيرة بتاكل نفسها وتصرخ من اعلى صوتها، لحد ما مسكها باباها يهديها ويقول:
_ خلاص
اما نجلاء اخذت تتكلم مع عمر
تنهره بهدوء وهي تقول:
_ خلاص بلاش تعصب اختك، بلاش تعصب اختك كل الدرجات دي من مجهودها
