رواية عذاب الارواح الفصل السادس 6 بقلم هنا عادل
عذاب الارواح
الجزء السادس
رئيسة بزعيق وصوت عالى.دور ايه يا ولية ياخرفانة انتى
ولما انا عايزة بحصل بينهم حاجة
كنت جيتلك ليه من الاول
وعايشة من ساعة ماطلعت من باب بيتك فى تأنيب ضمير
وفى تفكير ابليس نفسه كمان ميفكرش فيه
ده انتى ملعونة
انا كان ايه ضربنى فى نفوخى خلانى اجى لواحدة نجسة زيك
بيت نجاح فى لحظة من بعد اخر كلمة رئيسة قالتها اتحول لجهنم
نور الشمس اللى كانت لسه طالعة مبقالهاش ساعتين تلاتة
اختفى
الضلمة اللى مليت المكان كأن مفيش بعدها نور
وفى اقل من دقيقة كانت رئيسة محاوطاها النار من كل ناحية
وواقفة على شوك صبار فى الارض
ونجاح قدامها اتحولت
عنيها جاحظة لبرة وشها
اسنانها بارزة وكأنها من غير شفايف
حتى طولها بقى واصل لحد السقف
رئيسة من الرعب حسيت ان هى بلعت لسانها
خايفة تبص حواليها برغم الالم اللى حاسة بيه سواء من الاشواك اللى واقفة عليها
ولا حرارة النار اللى حسيت انها ابتديت تسيح جلدها
ولا حتى الرعب من منظر نجاح
اللى حرفيا اتحولت لشيطان
نجاح بصوت شيطانها اللى كان بيقفل عليها دايرة النار اكتر واكتر.انتى بتعلي صوتك فى بيتي
انتى بتقولي انى انا النجسة
بتقولى انى ملعونة
انتى لسه هتشوفى النجاسة واللعنات
انتى لسه هتتمني الموت ومش هتعرفى توصليله حتى لو انتحرتى بدل المرة مليون
انتى اللى جاي فى حياتك وحياة اللى حواليكي جحيم ما بعده جحيم
علشان تعرفى انتى لسانك اللى هتتمني انه كان اتقطع قبل ما تنطقى بحرف من اللى قولتيه ده هو سبب فى دمار كل حاجة جاية فى الايام اللى هتعيشيها
غورى دلوقتى من قدامى
بس استني نتيجة اللى عملتيه
غووووووووووووووووووووووورى
رئيسة بتحاول ترجع لورا بس رجليها بتغرس فى الشوك وبتنزف
غير ان النار قايدة حواليها
مش هتعرف تخرج
لكن نجاح قدرت تعمل ممر تقدر رئيسة تخرج منه على جوانبه النار كانت حرارتها بتحرق فى جسم رئيسة
وعلى طول الممر لحد ما خرجت من البيت
الشوك اللى مالى البيت
طلعت من باب البيت وهى بتعيط وكأن دموعها نار نازلة على وشها
علامات الحروق على جسمها ودى كانت بتأكدلها ان كل اللى حصل حقيقى هى مش بتتخيل
رجليها فعلا بتنزف دم لونه غريب
كانت مش قادرة تتحرك ولا تمشى تروح لحد بيتها
بس كانت بتحاول تقاوم
رجعت على البيت
وكانت فريال مش موجودة
واولادها لسه نايمين
دخلت على اوضتها ولعت النور وقعدت قصاد المرايا
وهى بتبص لنفسها بقهر ودموع
بس خلاص مبقاش ينفع تحس بالندم
هى خدت اول خطوة
وبعيدة كل البعد عن انها تفتكر ربنا برغم انه هو الوحيد اللى قادر ينجيها
كان الدم لسه بينزل من رجليها
غير ان الحروق اللى فى جسمها ابتديت تعمل مياه
وبقيت كلها تحاوطها كأنها بتلف جسمها
جسمها كان معبى مياه مكان الحروق
من اوله لأخره وكأنه حزام نارى وانتشر فى كل مكان فيها
وهى باصة فى المرايا
وبتعيط
وهى بتحاول تقلع هدومها علشان تشوف الحروق اللى حاسه بيها والمها بياكل فيها
وعياطها بيزيد
قلعت هدومها بصعوبة
لدرجة انها كانت بتلزق فى الجروح
وبتبص على المنظر قدام المرايا
ومنهارة
رئيسة بقهر وندم.انا كان فين عقلى
انا استاهل اللى حصل فيا
انا اللى انانيتى عميت عنيا
وفى الاخر ايه اللى حصل
جسمى اتشوه
وجوزى نام مع بنت عمي
يعنى اللى كنت خايفة منه حصل
ازاى انا مفكرتش
بعد ما كنت خايفه عليه من بنت عمي
بقيت عارفة انه هيطلقنى بعد ما يشوف جتتي اتشوهت كده
اعمل ايه
اصلح اللى عملته ازاى
وفجأة ظهرت نجاح قدامها فى المرايا
وبتضحك ضحكة مستفزة ومخيفة
وكأنها متعمدة تزود قهر رئيسة
نجاح بصوت مخيف.عايزة تصلحى اللى عملتيه يا رئيسة
رئيسة بتعيط وساكتة
نجاح.انا قادرة اشيل الخوف من قلبك
وقادرة انسيكي كل اللى حصل
وقادرة احققلك كل اللى انتى عايزاه
غير كل ده
هخلى اخوكي يتجوز بنت عمك
ومش بس كده
دى هتحمل منه
وهيبقى برضاه وبكيفه وكيفها
وجوزك مش هيلمحها بعنيه
حتى لو واقفة عريانة قصاده
ايه رأيك
رئيسة وهى بتعيط من الالم.جتتى قايدة نار
جسمي كله بيتحرق
هموت من الوجع
نجاح.مقولتيش ايه رأيك
رئيسة بتتألم.خففيلى وجعي
بوس ايديكى ورجليكي
وانا خدامة ليكي
اعتبرينى عبدتك من دلوقتى
بس النار اللى جوايا دى طفيها
واللى انت عايزاه انا هعمله
نجاح.هتوافقى على الاوامر
وهتنفذيها
مهما كانت صعبة
وليكي ان جوزك يبعد عن بنت عمك وعينه متشوفش حرمة غيرك
بس يا رئيسة الكلمة اللى هتطلع منك مفيش فيها راجعة
يعنى لا ندم
ولا تكررى اللى عملتيه
رئيسة بتموت من الوجع.خدامتك
طفيلي النار اللى والعة فيا
وانا خدامتك
انا غلطانة
معرفش قولت كده ازاى
مستحملتش لما عرفت انه نام معاها
فى بيتى وعلى سريري وبنت عمى اللى زى اختى
اتقهرت
حسيت ان اللى عملته ده كان علشان اقربهم من بعض مش ابعدهم
بس انا استاهل
انا راضية يا ستنا باللى تؤمرى بيه
بس جسمي بيموتني
نجاح وهى بتضحك.اللى هيتقال عهد يا رئيسة
وعلشان تشوفى انى اقدر اخفف اللى انتى حاسة بيه ده
بصى على رجليكي
هتلاقى الدم وقف
فعلا رئيسة بتبص على رجليها بالعافيه
هى مش قادرة توطى اصلا علشان تبص على رجليها
ولان الدنيا ضلمة
هى كانت بتحسس على رجليها علشان تحس اذا كانت لسه بتنزف فعلا ولا لاء
بس لقيت ان رجليها سليمة
حتى لما فضلت تدوس جامد على رجليها اللى الشوك كان ماليها
مكانتش حاسة بأى الم ولا اى جرح ولا نزيف
رفعت رئيسة رأسها بسرعة للمرايا
وشافت نجاح لسه بتضحك
وباصالها بعين كلها شر
نجاح.عايزاها تتجوز يا رئيسة
رئيسة.عايز النار تنطفى الاول من جتتى
وكل حاجة بعد كده تتحل
نجاح ابتديت تقول كلام غريب مش مفهوم بصوت تخين
وكل ما تقول حاجة رئيسة تحس ان الالم خف شوية
وتبداء تاخد نفسها براحة اكتر
بس نجاح بطلت كلام وبتضحك لسه
رئيسة لان لسه فيه الم فى اجزاى فى جسمها
بصيت لنجاح بتوسل.انتى وقفتى ليه
كملى
كملى
خلى الوجع يخلص
نجاح.لاء يا رئيسة كفايا عليكي كده دلوقتى
دلوقتى انا همشى
بس هستناكى
تيجي تقوليلى موافقة على التضحية اللى هتضحي بيها
علشان نارك تنطفى
وجوزك يتعمي عن اى واحدة غيرك
وبنت عمك تتجوز اخوكي
اختفيت نجاح من المرايا
ورئيسة اللى المها ابتدا يهدا شوية لكن لسه موجود مراحش خالص
بتحاول توصل لقرار
بس هى تقريبا معندهاش فرص للتفكير
جسمها بيبوظ ويمكن يرجع اسواء مما كان من شوية
لو قررت انها ترفض كلام نجاح
ويمكن يتعرف اللى هى عملته واللى كانت سبب فيه بين جوزها وبين بنت عمها
واخواتها اكيد هيقاطعوها
ومش بعيد جوزها يطلقها خصوصا بعد كمان جسمها ما باظ
وعيالها اكيد مش هيختاروها بعد ما يعرفوا هى عملت ايه
يعنى قراراها كان محسوم
لأنها برضه لسه ناسية ربنا
رئيسة.انا لازم اوصل لباقى اللى ابتديته
مبقاش ينفع ارجع من الطريق اللى انا رضيت انى امشي فيه
خبط باب الاوضة عند رئيسة
اللى كانت قاعدة ومش لابسة غير هدومها الداخلية
رئيسة.مين بيخبط
ياسر.انا ياسر يمة عايزك فى كلمتين
رئيسة وهى بتقوم تقف تروح ناحية دولابها تدور على حاجة واسعة تلبسها.استنى يا ياسر جيالك
ياسر.لا يمة انا عايز ادخل اتكلم معاكى
رئيسة بعد ما لبست جلابية عليها.افتح يا ياسر تعالى
كانت هى قاعدة على سريرها وباصة ناحية الباب
دخل ياسر وهو بيولع النور بتاع الاوضة
وشاف رئيسة اللى كان شكلها باين انه مش طبيعي
من العياط
ياسر.فى حاجة يمة ولا ايه
رئيسة.لا يا حبيبى مفيش
ياسر.لاء عنيكى منفخة ووشك عيان
رئيسة.تعبانة اليومين دول يا ياسر اختك كبرت لا بقيت حمل ولا ولادة
مش قادرة
وخايفة يجرالى حاجة
واسيب اخواتك لمين يربيهم
ياسر.الاعمار بيد الله يمة ربنا يخليكي لينا وتفرحي بيهم كلهم وبعيالهم كمان
وتفرحى بيا انا كمان ولا مش عايزة
رئيسة استغربت تلميحه.ياسلام ده يوم المنى
لما ابنى البكرى يتجوز
ياسر.مش عارف يمة صاحى النهاردة ليه بفكر فى الحكاية دى
مع ان انا شايف انى لسه بدرى عليا
لكن مش عارف جرالى ايه
رئيسة وهى مقتنعة ان نجاح اللى ورا القصة دى.ياحبيبى انت خلاص بقيت راجل وتقدر تفتح بيت وتتجوز
وبعدين انا فى ضهرك
وانت كسيب وبتاع شغل
يعنى حقك بقى تلاقى اللى تراعيك وتدلعك
ياسر.بس وانا مين ترضى بيا بس يمة
وبعدين هو انتى شايفة انى هعرف اخد حوش بروحي
واعرف اصرف على ست وبيت
ولو حملت هعرف اكون اب
رئيسة.ومتعرفش ليه ياخويا
وهما اللى اصغر منك وبيتجوزوا بيعرفوا ازاى
ياولا انت كبرت ولازم بقى ست تبقى فى حياتك
تخلى بالها منك ومن كل اللى تعوزه
فاهمني ولا ايه
مش بدل ما تروح تعمل حاجة غلط مع اى واحدة تجيبلك مرض وحش ولا حاجة
لا اهو تتجوز وتبقى حلالك
وتبقى راجل بحق وحقيقى
ياسر بيضحك.خلاص هسيبلك انتى بقى الحدوتة دى
شوفيلى اللى تنفعنى
وايدي على كتفك
علشان انا عايز اتجوز
رئيسة.بس كده عيونى يا حبيب امك
عروستك عندى
وست هتعلمك اللى مفيش بنت بنوت هتعلمهولك فى حياتك كلها
ياسر باستغراب.ست
ست ايه يمة
انتى هتجيبلى واحدة عازبة
لاء انا عايز بنت بنوت وصغيرة اربيها على ايدي
واعلمها انا مش هى اللى تعلمني
رئيسة.انت ايه فهمك انت
بت ايه يا موكوس
اللى هتاخدها وتبقى كل شوية طلبات
وتبص لفلانة وعلانة
وميعجيبهاش حالك ولا عيشتك
وشروط ومهر وبعدين انت عارف هنا العروسة تغسل رجليها وتدخل
يعنى انت اللى هتتكفل بكل حاجة من الابرة للصاروخ
لكن لما تاخد واحدة عازبة
هتبقى انت لقطة ليها
شاب ولسه اول مرة تدخل دنيا
وتعوضلها الحرمان اللى هى عايشاه
ده لو تطول هى اللى تتكفل بكل حاجة مش هتقولك لاء
شغل نفوخك ياولا
خد واحدة تجرب معاها كل حاجة
ووقت ما تزهق منها بعد ما تكون بقيت خبرة واتودكت
وحوشتلك قرشين حلوين
ساعتها ابقى دور على بنت البنوت
محدش هيلومك
حتى اللى هتتجوزها ساعتها مش هيبقى ليها عين تقولك لاء
قولت ايه
ياسر بيفكر.مش عارف يمة
انتى لعبتى فى دماغى
بصى انا هروح على شغلى دلوقتى
ولما اجى نبقى نقعد انا وانتى وعبدالله نشوف القصة دى
رئيسة.لا عبدالله ايه
خلى الموضوع ده بينى وبينك
لحد ما نخلص فيه كلام
وبعدين نتكلم مع اللى انت عايزه
يلا روح على شغلك
ولما ترجع نتكلم
ياسر وهو بيضحك فى وش رئيسة.ماشى يا ست الكل
انا هتوكل على الله بقى اشوف اكل عيشى
وادور كلامى فى مخي لحد م ارجع
وانتى كمان دورى كلامى وشوفى ايه المظبوط
يلا اسيبك انا بقى
سلام عليكم
رئيسة.مع السلامة يا حبيبى
طريق السلامة
خرج ياسر من الاوضة
ورئيسة كانت لسه بتتألم بس حاولت قدامه متبينش ده
لدرجة انه اول ما خرج من عندها عيطت تانى
وهى بتكلم نفسها
ياترى هتطلب مني ايه نجاح
وياترى اللى حصل بين فريال وبين طرابلسى ده امتى وازاى
وانا كنت فين
وازاى محسيتش
معقول تكون فريال كانت مغفلانى ولا هى كمان عنيها من جوزى
علشان كده حصل ده بسرعة كده
ولا هو كان بيحصل من ورايا وانا كنت عامية
لاء انا لازم اعرف ايه اللى بيحصل حواليا
اهو الواد ياسر جه طلب بلسانه
وفريال بنفسها طلبت الجواز
يبقى انا لازم اعرف ايه الاوامر
ولازم افهم ايه اللى دار بينها وبين جوزى
قامت لفيت عليها الملحفة بتاعتها وخرجت بالراحة عيالها لسه نايمين
والكبار من الصبيان طلع على شغله وهى فى اوضتها بيكونوا فاكرينها نايمة
راحت على بيت نجاح
ودخلت البيت بعد م نجاح بنفسها هى اللى فتحت الباب
وبتضحك فى وشها
قفلت نجاح الباب
ووقفت ساندة ضهرها عليها
لفيت رئيسة وبصيت لنجاح اللى متحركتش خطوة من مكانها
رئيسة.انا موافقة على كل حاجة
واوامرك كلها هنفذها
بس عايزة جسمى يخف
وعايزة اعرف اللى حصل بين جوزى وبنت عمى
اول مرة يحصل ولا لاء
وحصل ازاى
وانا كنت فين
نجاح وهى واقفة فى مكانها.كل الاوامر مهما كانت يا رئيسة
رئيسة.كلها ياستنا
نجاح قربت من رئيسة ببطء ووقفت قصادها بعيون بيضا وابتديت تتكلم بالصوت الغليظ
وكلام مش مفهوم
والنار بتختفى من جسم رئيسة
وبتضحك كل ما بتحس ان الالم بيروح من جسمها وبيخف
نجاح بعد ما خلصت كلام بصيت لرئيسة وعنيها رجعت لطبيعتها
رئيسة بتضحك.حقك عليا يا ستنا
الغيرة اكلت قلبى
معرفتش بقول ايه ولا بتصرف ازاى
اصل بت عمي انا مستحيل اصدق انها تعمل كده مع حد
ولو حتى قولت الشيطان لعب بدماغها
مصدقش ان الراجل اللى يقربلها يكون جوزى
جوز بنت عمها واختها
نجاح بتمشى بالراحة قدام رئيسة وبتدخل على المربوعة اللى بتقعد فيها
ووراها رئيسة اللى جسمها كل الوجع اختفى منه
واتعلمت الدرس
نجاح قعدت مكانها وقعدت قصاد رجليها رئيسة
مديت نجاح رجليها وحطيتها على حجر رئيسة وهى بتشاورلها تدعكلها رجليها
وفعلا رئيسة من غير تفكير ابتديت تدعكلها رجليها
نجاح بتطلع كتاب اسود قديم اوى
وباين ان ورقه كله اصفر وقديم
لكن هى مفتحتهوش
مسكته بأيديها وبصيت لرئيسة اللى عنيها بتراقب كل حركة بتعملها نجاح
نجاح.هاتى ايديكى الشمال يا رئيسة حطيها على فوق الكتاب
فعلا رئيسة مديت ايديها الشمال على الكتب وبسرعة نجاح حطيت ايديها فوق ايد رئيسة
وفضلت تقول طلاسم غريبة ومش مفهومة طبعا
وفى الوقت ده
عنيها بتتحول للأبيض
وابتديت رئيسة تتعود على ده وخوفها ابتدا يقل
خلصت نجاح اللى بتقوله
وبصيت لرئيسة
اللى لسه ماسكة ايديها فوق الكتاب
نجاح ب ابتسامة.اللى فى بطنك ملك ليهم دلوقتى يا رئيسة
وفريال م اتكشفتش على جوزك ولا لمس شعرة منها
اللى نام معاها مش جوزك يا رئيسة
