رواية العملية الفصل الخامس 5 بقلم نانسي اشرف
عم متلعب عدل!!!
+
يفرتش الأرض مترب الملابس، عيناه حزينتان وقلبه الصغير يكاد ينفطر
يسمع تهامسات الاطفال حوله عن كونه ضعيف في كرة القدم ولا يستطيع أن يلعبها
وقبل أن ينكس برأسه ويقف بانهزام يسمع صوته يتردد بصخب جريئ
+
_ ولا انت وهو .. لو عمر ملعبش أنا مش هلعب !
+
ممسكاً بكفه بقوة ويسحبه خلفه قبل ان يتجمع حولهما باقي الاطفال
+
_ يا عزيز انت بتعرف تلعب هو لأ
_ انا قولت لو عمر ملعبش مش هلعب
+
لينظروا جميعاً لبعضهم ويتنهد كبيرهم
+
_ خلاص يلعب
_ اديله الكورة
_ بس يا عزيز ..
_ انا قولت اديله الكورة
+
مد الطفل يده بالكرة اتجاه عمر الذي ابتسم بانتصار ليغمز له عزيز
جرى عمر بها والقاها بالاعلى لتستقر خلف سور الملعب
هتف الاطفال بغضب واضح وكادوا يضربوه قبل ان يأخذه عزيز من يده ويجريان والضحكة تعلو وجههما
+
*******************
_ ابن الكلب
+
ضرب عزيز كفه بالحائط بقوة وهو يحاول أن يحجم بركان غضبه
بينما هي تقف في المطبخ مبتسمة بانتصار غريب
+
_ كما تدين تدان
+
رفع عيناه اتجاهها _ تقصدي ايه!
+
اقتربت منه وابتسمت وهي تضع في يده فنجان قهوته
+
_ قصدي انك عملت المستحيل عشان توصله ليك
_ ليلى!
_ والفيديو استفزه
_ انا واخد موافقتك !
_ وهو مقابلش دا
+
جلس جواها على الاريكة
+
_ انا كنت بحاول أخليه يسلم نفسه بقالي اربع سنين!
_ فتقوم تدخل بيته وتخطف اخته وتبعتله فيديو انك بتضربها وبتهنيها
_ ليلى! .. متحسسنيش انك مكنتيش تعرفي!
+
نظرت له نظرة طويلة
+
_ انا فعلاً مكنتش اعرف انك بالحقارة دي! .. انا وافقتك وانا مش مصدقة اني بعمل كدا
_ ليلى! انا كنت مستحيل أذيكي .. لكن الفيديو الي اتبعتله وانا معتقلك ..
_ قصدك خاطفك
تأفف مكملاً _ هو الي جابه على ملا وشه
_ واهو جه وجابلك هدية معاه
1
نظرة القاها في الفراغ قبل ان يسمع نبرتها
+
_ تفتكر ممكن يبعتلك فيديو وهو بيعذبها والمرادي وهي مراته
_ ليلى!!!!!!!
_ متتعصبش كدا .. اهدى ..
+
وارتشفت بهدوء من فنجان قهوتها
+
_ كل حاجة هتوضح
_ قصدك ايه !
+
سمعته ولم ترد عليه بينما هو يغرق في حيرته
+
**********************
_ يعني مش هتاكلي معايا خاليص!
+
قالها عمر وهو يلقي نفسه على الفراش مبتسماً
بينما هي برمت شفتاها في غيظ واضح
+
_ ايه المكان الي انت جايبنا فيه دا
_ دا!!! ... دا المكان السري بتاعي
وغمز
+
_ اوضة نوم واحدة فيها كل حاجة ... الا الكنبة عشان لو خيالك سرح اني هنام على الكنبة او حاجة
_ انت ليك عين تهزر وانت مجوزني غصب عني
_ طب عيني في عينك كدا .. قولي .. قولي ...
_ اقول ايه !
_ مش المكان دا جامد والڤيو روعة!
_ لا انت عبيط .. عبيط عبيط يعني مش كلام
+
اقترب منها
+
_ انا شايف ان سوستة الفستان مضايقاكي
_ و ؟
_ وانا ايدي دي فيها خمس صوابع
_ يا شيخ!
_ اه والله وايدي التانية فيها نفس الخمسة
_ سبحان الله دا انت جامد بقا
+
حرك اصابعه في الهواء وهو يبتسم بطفولة
ضحكت فاقترب
ابعد خصلة من شعرها
+
_ أخوكي بعتلي فيديو وهو بيخطف اختي وبيتعدى عليها عنده
_ مستحيل!
_ عارف
_ عارف ايه
_ عارف انه مستحيل يعملها
+
قضبت حاجبيها بعدم فهم
+
_ عزيز عمل كل الفيلم العربي دا عشان اجيله
_ انت كنت عارف !
+
نظر في عيناها مطولاً
+
_ فاكرة البوست الي انتي نزلتيه على الانستا، كانت صورة لباسبور وكنتي كاتبه تحتيها home
+
ظلت عيناها متعلقة فيه لفترة بينما هو أكمل
+
_ العربية الي نقلتك من المطار لبيتك دي تبعي، ولأني مكنتش عارف امهدلك رجوعي استغليت الفيديو الي هو بعتهولي
+
ابتسم لتفلت من ابتسامته ضحكة
+
_ عزيز عمره ميأذي ليلي لكنه يقدر يلوي دراعي بيها منها يغصبها على جوازه منها ومنها يجيبني بعد اربع سنين بيحاول معايا
_ وانت رميت الاربع سنين دي عشاني!
_ انا ارمي نفسي عشانك
+
ابتلعت ريقها وتوترت، فابتسم هو واقترب
+
_ فاكرة زمان اما كنتي بتخرجي البلكونة وتشوفيني وانا بلعب كورة مع عزيز
_ مكنتش بتعرف تلعب يا عمر!
_ انا كنت باجي مخصوص عشان اضرب واتشتم عشان أشوفك في البلكونة
+
ضحكت وعيناها تدمعان، رفعت عيناها في عيناه لدقيقة
+
_ طب ايه!
_ ايه!
_ ايه انتي! .. دي لحظات مبتتعادش
_ عايز ايه يعني!
_ هقولك
+
*********************
_ مش هيلمس منها شعره اختي وانا عارفها
+
تعالت ضحكات ليلى بصخب واضح بينما نظر هو لها بغضب
+
_ بتضحكي علي ايه!
_ الفيلم .. اصله كوميدي جدا
+
اغلق التلفاز واقترب منها، وضع كفاه على كتفها وجعلها امامه مباشرة
+
_ ليلى! .. انتي مبقتيش تحبيني!
+
صمتت وعيناها تتنقلان في عيناه، نظرت بعيدا وهي تبعد كفه
+
_ للأسف بحبك
+
ابتسم وذهب أمامها مرة أخرى، نزل على ركبتيه
