رواية اقتلني اشفيني الفصل الرابع 4 بقلم سومة ناصر
Part 4
رواية ....إقتلني إشفيني (روايات بنوتة ليبية )الكاتبة .....سومة ناصر روحت مرت عمي خيرية ويقين من السوق جابو كل شي تقريبا رغم زعل مرت عمي لاكن منقصه شي عليا كأن خطوبة بنتها عزمنا الأقارب بس عمي ميبيش زحمه كان خاطري نعزم صحباتي لاكن ممنوع قالولي سكتت وتحملت يمكن نستاهل مفروض مخشيتش في علاقة إلا بموافقة ولو مرت عمي لاكن حبيت أمجد وقاعدة انحبه لتوا
يقين ....ترااااا وريني 
ملك ....كنت لابسة قفطان منفوخ من لوطة شوية وطويل ومن فوق من جهة الصدر قصته زي القلب ساتر شوية من صدري وكماما طيحات مكيجت مكياج خفيف بين ملامحي رغم ان عيوني ملونات ووجهي ميحتاجش مكياج ....تحسابيني فرحانه
يقين ....متقوليش هكي مرات يطلع أمجد هوا
يالي بيخطب وين تندري
ملك ....مش قادرة نتحمل فكرة نتزوج واحد تاني غير أمجد ونهارت 
يقين ....متبكيش مكياجك يخرب وبعدين انتي بتشوفيه وله
رهف ....لا 
يقين وملك 
______
سمير ....أيوا وينك قريب الساعة 5
.....أني قدام الباب أفتح
سمير .....فتحت الباب اهلين خش
.....معقولة هكي تستقبل نسيبك يا عمي سمير
سمير .....ركان بيناتنا اتفاق
ركان ....فكرني فيه نسيت
سمير ....نسيت في ورقة بناتنا اتفقنا علاها لما جيتني للشركة وله ولو تحب انفكرك عادي
خلي نرجعو شوي لتالي لما ركان مشي لسمير في الشركة ......
( سمير ....ايه كنت عارفك جاي ع الفلوس ياله قول قداش تبي وبرا معاش نبي نشوفك قدام حاد من عيلتي
ركان .....معناته اسمع نبي نتزوج ملك بنت خوك
سمير .....كيييييف
ركان ....يالي سمعته وفي المقابل ننسا انتقامي منها يمكن وقتها نقدر إنسامحها
سمير .....مستحيل ولو تحلم متخدش ظفرها
ركان .....معناته برا غلفها ولبدها ادفنها لو تبي هنلقاها ونقتلها لو بعد ميت سنه 
سمير ...انت تهدد فيا في نص شركتي اطلع برااا
ركان .....عندك يومين ولو مش واثق فيا انديرو اتفاق بشروطك سلام )
ركان ....والغريب بعد سعتين كلمتني وقوتلي موافق بشرط إني منضرهاش وأني شرطي إني نشري أسهم بوي ووافقت زعما شن هوا يالي غير رايك
سمير .....فكرت وخديت القرار هادا ع خاطر نحماها بعد موتي فاهم وله
ركان ....فاهم أني يالي فاهم
______
يقين .....أنتي كنتي تتسمعي علينا
رهف ....لا كنت فايتة وسمعت بالغلط وبعدين عادي حببتي ملك لو كنتي تحبي حاد علاش مقلتليش راهو سعدتك
ملك ......أنتي أخر وحدة نطلب مساعدتها وبعدين شن قصدك بلا
رهف .....يعني شرط عمي انك متشوفيش لعريس هكي سمعتا إقول لعمتي إلا لمه تلبسو الدبلة
ملك
يقين أنتي هادا فيش فالحة تتسمعي بس
رهف .....بشوية عليك أني مقصدي شي راهو
يقين ....لو سمحتي اطلعي تراا
رهف .....اطلعي فيا من دار ملك شن تحسابي روحك
يقين ....نحساب روحي من نحساب انتي شن دخلك بلكي تحسابي روحك كان تزوجتي خوي وسكنت معانه وليتي منا لااا يحلوة
رهف ....وحدة قليله أدب لاكن تو نعرف كيف انربيك وطلعت
يقين ....كيف بتمشي وراها....
ملك .....خلاها ليها ربي تو احاسبها وبعدين عمي مش ناقصة مشاكل
يقين .....أني نموت في حنيتك وخيتي
ملك ....ربي يحفظك ليا
___
خشيت للصالة وكنت نستانه في اللحظة يالي منشوفها فاها في اللحظة إلي من نشبع نظري فاها قبل مننتقم منها حتى ولو بيني وبين عمها اتفاق حنحاسبها بطريقتي 
سمير .....هيا خيرية وينها البنت منلبسو الدبله راهو وقوللها تستر روحها
خيرية....تو اناديها
_____
خيرية .....وينك ملك
ملك......أني هني
خيرية .....دمعو عيونها
يقين ....خيرك ماما تأترتي وله شني 
ملك .....خيرك مرت عمي تبكي
خيرية ......اول ماجابتك أمك قتلي نبي نعيش ونشوفها عروسة نبي نشوف خطبتها وفاتحتها نبي نكون اول من يبكي علاها وقت عرسها
ملك .....أنتي أمي التانيا
يقين ....باهي خلاص بكيتوني 
سارة ....هيا ملك قالك عمي من لبسو الدبل
خيرية ....قفطانك حلو ألبسي شال من فوق بس
ملك .....لمه قتلي سارة يستنو فيك خفت يطلع مش أمجد ونتحطم
خيرية ....هيا بناي في شن تستاني
طلعت وقلبي قريب يوقف اول مخشيت الصاله مقدرتش انشوفه مقدرتش انقيم راسي مره وحدة من الخوف دقات قلبي وقتها كانو زي العداد في اي وقت يوقف من الخوف
ركان......اول مخشت شبحت بنت قولت مستحيل هيا نفسها وجها يابي منقدرش نوصف جماله عيونها يالي منزلتهم كنت نبي نشوف لونهم لاكن خديت نشوف في قفطانها يالي محلاها اول مرفعت عيونها لونهم الأخضر يالي شبحتهم لمه أمي مطلعينها مغمه علاها تفكرت صورتها نسيت جمالها وركزت ع الكذبة يالي غيرت حياتي كلها وخلتني نخسر أمي سمير ....خوشي بنتي
سمير ....خوشي بنتي ملك ....قمت عيوني شبحت شخص كأني نعرفه من قبل حسيت روحي شيفاته لاكن مركزتش اول معرفت إن مش أمجد غمضت عيوني وقلت اندفنتي وأنتي حية ملك 
خيرية ......خدت الدبل كيف بتعطيهم ...ء
سمير ....لا خلي سارة هيا يالي تعطيهم الدبل
خيرية .....شني 
سمير ....سارة تعالي خودي من عمتك شكلها مسمعتنيش
سارة ....لاكن عمي ء....
سمير .....خودي اعطيهم الخواتم
سارة .....تمام ...قدمت وخدت منها وعيونها كانو نار
تامر ......جي قرب من أمه وهمس ....نتمنه فهمتي يالي داره بوي
خيرية .....أهني وله أكتر
تامر .....لا مأهانكش وضحلك إن سارة جزء من عيلتنا بش حيط وووخر
خيرية .....شبحت وفي خاطرها قريب تقتلها
سمير ....قدمي ملك لبسيه الخاتم
ملك .....قدمت وأول ممست يده جيتني رعشة حست باها في قلبي معمري حسيتها حتة لما كنت نمس في يد أمجد محسيتش هكي يمكن خوف او توتر
ركان ...كنت فايق حاس بكل شي حواسي كلهم يشتغلو لاكن اول ممست يدي تكهربت حسيت بحاجه أول مرة نحسها مكنتش نحس فاها في حياتي كهربتني يمكن احساس الكره يالي اتجاها او إشارة بش كويسة
سارة ....تو دور ركان البس
لبسو الدبل وعلي طول طلعت ملك وتفقو ع موعد العرس بعد أسبوعين الأقارب وحتى إيهاب وتامر كانو مستغربين من سرعت القرار يالي غداه بوهم لأن في الحاجات اهيا حريص كيف بسرعة خطبة بعدين الفاتحة في أسبوع العرس وطبعا ع طول خيرية بدت تحجز وتوتي في الفيلو والصاله والحار والحلو حتى الزمزمات كانت تبي اديره كبير متبيش اتحسس ملك لا هيا ولا سمير انها فاقدة امها وبوها وأما بالنسبة لملك فكانت طول فترة الخطوبة مسكرة ع روحها الدار حتى لغدي وله لعشي تنزل بالسيف ومرات متنزلش كانت خايفة وفي نفس الوقت تبي تكلم أمجد بلكي ينقدها من هالكارثة يالي نزلت علاها .....
___
ملك ...كنت راقدة نتفكر في ذكرياتي مع أمجد الوعود يالي وعدني فيهم شوية وسمعت صوت الباب ...تفضل
سارة ....عادي نخش وله مش فاضية 
ملك ....تعالي انتي كل شي عادي 
سارة.....اممم مدامه كل شي عادي معناته احكيلي خيرك اول منخطبتي انحس فيك مضايقة قوليلي انتي مش راضية بالعريس
ملك ....معاش تحملت وقعدت نبكي يمكن كنت محتاجة حاد تاني غير يقين نفتحها قلبي
سارة .....خيرك شن فيه علاش لبكي
ملك .....منبيشي
سارة ....شنتقولي
ملك ......ايه منبيشي حتى اسمه لتوا منعرفاش
سارة ....كيف وافقتي من الاول معناته
ملك .....ع خاطر مرة لمه كنت اني ويقين نتكلمو مشي سمعنا عمي
سارة ....شن سمع
ملك ....حكيتلها كل شي صار هاداكا اليوم
سارة .....مستحيل متقعديش ساكتة غدوة النجمة وبعد غدوة الفاتحة وبعدين العرس مازال عندك وقت بري وتأسفي من عمي سمير صدقيني قلبة طيب مرات إلين ويسامحك
ملك .....زعمه
سارة ....انتي حاولي ولو رفض أقبلي بنصيبك صدقيني يالي كاتبة ربي هتشوفيه لو خير أو شر شوفي أني مثلا تزوجت وحبيت بعدين خسرت عمر بغلطه مني هادا كله ربي كاتبه ليا وأكيدة أني راضية بحكم ربي
ملك ...زي مقلتي غلطة منك متحطيش ألوم عليك
سارة ...هيا فيسع غيري وأنزلي بنات العيلة وعمتك وخالاتك يسألو عليك عاد عرس ملوكة كلهم بايتين
ملك ....حاضر 
______
رهف .....أيوااا
مجهول .....نعم مدام رهف
رهف .....درتي يالي قتلت عليه وله
مجهول .....ايه لاكن نبي المبلغ قبل مندير الخطوة التانيا
رهف .....تمام تو نبعتاه معا ماما
مجهول .....كامل
رهف .....بش انتي يالي تقرري فاهمة وله تفكري انك محتاجتيني زي محتاجاتك سمعت صوت....سكري بعدين تو نكلمك
إيهاب.....مرتي الحلوة معا من تهدرز
رهف ...ءءءمعا ماما حبي
إيهاب .....باهي اعطيني بوسة وله ناخدها بالغصب راهوو
رهف ....حبي حول تو تخرب مكياجي
إيهاب ....اي اهربي توا لاكن بعدين من بحزك 
....
....______
ركان .....واقف ونشوف في التجهيزات يالي اجهزو فاها ضحكت بش عليهم علاها علي الايام يالي جيتها عروستي المجرمة
مؤيد ..... شني من اول مخطبت معاش تحركت من البلاكونه
ركان ....تحسابني ميت علاها اني نشم في هواء بس
مؤيد ....ربي يعطينا زي للهواء يالي تشم فيه
ركان ....وانت برا اخطب وتزوج
مؤيد .....ء..لالا منبيش
ركان .....وعلاش
مؤيد .....هكي ...ومشي
ركان ....خيره اهوا
_______
ملك ...مرت عمي كلمي عمي نبي نقوله حاجه في الكوجينه
خيرية ...خير شن صار
ملك ...حاجه خاصة
خيرية ...ربي يستر بري ف الكوجينه تو نقوله يجيك
ملك ...خشت الكوجينه وخايفة بلكي يرفض يسمعني
خيرية ....تعالى مافي حاد
سمير.....شن فيهملك ...عمي انييي .ءء
سمير ...انتي شني
ملك ...أني منبيش نتزوج
سمير ....شنييي بلكي تحسابي بعد عملتك السودة هاديكا مناخد رايك مازال
ملك ....أني صححح غلطت لاكن مش هكي تعاقبني صء،،،
سمير ....لو تبيني نسامحك ع غلطك وفقي ع نصيبك وارضي بيه صدقيني مستحيل اضرك في إختياري وهادا كله ع خاطر مصلحتك
....طلع
ملك ...علاش باهي انيييي علاشششش
خيرية ...خلاص بنتي معقولة اديري ف روحك هكي أهو حتني تزوجت عمك ومعرفش حتى شكلة صح ديرنا مقابلة لاكن وقتها حتى راسي مقمتاش
ملك ...ضحكتيني ف نص بكاي
خيرية ...هي تعالي اغسلي وجهك وارضي بناصيبك ..
ملك ....باهي
____
تاني يوم ....
في الليل
طبعا تعرفو اجواء الاعراس 
كانو كلهم يرقصو بصوت الزمزامات والأغاني غير المشروبات والحار والحلو يالي يتقدم فعلا عرس كبير وطبعا دبحو زوز جملة ليوم لعزومه رغم انهم ساكنين في تركيا لاكن قاعدين محافظين ع أعراسنا الليبية
يقين .....ملك اضحكي شوية عاد
ملك ....معنديش خلوق بكل خاصة بعد مبارح لمه كلمت عمي خلاص معاش عندي امل
يقين ....ع الاقل لو تزوجتى اسامحك اهو اني لتوا مردليش تلفونيييي
تعرفي استاحشت ستورياتنا
ملك ....حتني الله منستاحشك
سارة .....شن تودعو في روحكم من توا
ملك ....حتنتي منستاحشك سارة
سارة ...وأني لاكن امتى متبي تقدري تجينا
يقين ....بلكي العريس ميخليهاش
سارة....حتى لو حني نمشولها
يقين ....خوي إيهاب مستحيل يرفعنا إلا بعد منطيح كرامتي ليه وقبلها مرته بش تعطيه الضي
سارة ...ومن قالك نبو سيارة
ملك ....مفهمتش بتجنني برجليكم منا
سارة ...تماهو حوشك هادا يالي قدامنا
ملك & يقين
يقين ...قصدك الفيلا هادي لملك كلها 
ملك ....يعني يالي ديمه نشبح فيه يراقب فيا من البلاكونه لعريس
يقين ....طلع مكبد
سارة ...
ملك ....ميهمنيش المهم نسكن بجنبكم
يقين ...خلاص تو امتى متبينا وتكسدي كلمينا تو نجوك
ملك ...تعالي من توا معاي
يقين & سارة
_____
يوم الفاتحة ركان .....أسف خالتي تركية مقتلكش إلا توا هادا وين فضيت
تركية ....عادي ولدي رغم اني كنت نتمناه نحضر عرسك لاكن الله غالب تعرف بوي مريض ومافيش حاد يهتم بيه تو لمه ينوض بخير تو نجيك ونخدمك انت وعروستك حقه منهيا نعرفها
ركان ...ءءء لالا وحدة من طرف مؤيد المهم لو احتجتي شي كلميني
تركية ...سلمك ولدي نبي سلامتك ومرتانيا مبروك عليك
ركان ...سلمك هاي سلام
مؤيد ....اووو لعريس واتي بالزبون
ركان ...تعرف نبي امتى التم الفاتحة والعرس المهزلة يالي مدايرينا بسس
مؤيد ....مازال غدوة وخلاص اصبر
ركان ..... غدوة هتبدأ تعد أيامها يالي هتتعذب فيهم قبل لتموت
مؤيد ....متأكد من يالي ادير فيه
ركان ....لو مش متأكد راهو متزوجتهاش هيا خلي نمشو للفاتحة خلي اتم وبعدين ساهل ....
____
خيرية ......تعالي يقين بري قولي لي ملك اسم لعريس يناري بتنقرا الفاتحة ومتعرفش اسمه مجبدت اسمه من بوك ليل ديرت قرون
يقين ....شن اسمه
خيرية ....ركان
يقين ....حي اسمه حلو
خيرية ...تحشمي وبري من قدامي
يقين ....بدل متقولي العقبة ليا لاكن عادي ينبع الحنان ومشت
خيرية ...مهبوله
____
يقين .....مرت ركان وين
ملك ....منهيا
يقين ....وحدة اسمها مرت ركان
ملك ....وين نندري علاها اني وبعدين اكيدة عندها اسم تاني
يقين ...ايه عندها اسمها ملك
ملك ....بجديات وله تبصري منعرفهاش
يقين ...تماهو أنتي كيف متعرفيش روحك
ملك ...قصدك اسمه ركان
يقين ....ايه وخير من أمجد
ملك ....اول مجابت اسم أمجد حسيت روحي خنته وقبلت نتزوج بواحد تاني
يقين ....من توا سرحت في اسمه
ملك ....نفكر في أمجد مش ف هادا
يقين ....هادا ركان يالي بعد خمس دقايق بوالي راجلك وبالنسبة لأمجد أنسيه لان لو قعتي تفكري فيه هتضلمي ركان
ملك ....منقدرش حاجه في قلبي انحس فاها منقدرش منفكرش فيه
يقين .....يعمري خلاص لو نندري عليك بتبكي راهو مجبتش اسمه
حي صوت زغاريط اكيدة قرو الفاتحة
رهف ....مبروك ملوكه قرو الفاتحة
العقبة لباقي لبنات يالي قلوبهم نظيفة
ملك ...سلمك
يقين ...ع مين تقصدي مرت خوي
رهف ...ع ناس تانيا حماتي
يقين ...ايه قولت
ملك ...يقين خلاص
يقين ....شوفاها هيا
سارة ....مبروك ملوكة العقبة ليقين
ملك ...سلمك حببتي
يقين ...سلمك سارة ريتو لسان يالي يدعي بالخير مش زي بعض الناس قلوبها سودة
رهف ...ع من تقصدي
يقين ...ع ناس تانيا مرت خوي
ويالي تحته شوكه تنخصة
رهف ....ناضت متعفلقة
ملك ....يقين مستحيل تعقلي
سارة ....
_____
في الليل ....
ملك .....راقدة ع السرير ......يارب استر من غدوة نعرف أني هنضلمه لاكن الله غالب منقدرش ننساه أمجد
ركان ....شاد صورة امه (.نوعدك أمي هناخد حقق منها غدوة هتبدأ لعبة الكذب الحقانية )
نهاية البارت ......انحبكم متنسوش تعطوني رايكم.....
انحبكم متنسوش تعطوني رايكم..... زعمة غدوة حيكون عرس طبيعي زي الاعراس يالي نشوفو فاها وله ركان ليه كلام تاني 
