رواية اقتلني اشفيني الفصل الخامس 5 بقلم سومة ناصر
Part 5رواية إقتلني إشفيني روايات بنوتة ليبية "كل من حولك وهم"
-حين تمر بفترة مُعينة و تُهلككَ الحياة سوف تلتفت لترى من معك يساندك لتقوى على مصائب الحياة بهِ ولن تجد احد؛ حينها فقط سوف تدرك هذه الحقيقة......♡
________________
يوم العرس ......
نضت شبحت الساعة لقيتها 7 محستش بروحي إلا لمه شبحت التاريخ هني نوضت من نومتي يالي ليا شهر راقدها اليوم عرسي ايه اليوم عرسك ملك 
ومن مني من شخص مش شايفتيه إلا مرة وحدة بس مش نفس الشخص يالي حبيته يالي وعدك ووعتيه مش نفسة هذه الحقيقة والباقي كله حلم
________________
مؤيد ....هيا ياعريس نوض اليوم عرسك
ركان.. ساعة 7 نسمع في مؤيد انوض فيا وأني من ابارح مش راقد فتح الباب وقتلة منرقد تعبان مليت وأني نشرح إن هادا بالنسبة ليا مش عرس هادا كابوس بيبدأ معاي ومنعرفش نهايته يانربح ينخسر
وليت رقدت لعند 12 ليل نوضت ع صوت التلفون .....
_______________
يقين .....مرت خءء......
رهف ...فاهمة وله اليوم تنفدي يالي قتلك عليه اليوم وإلا تعرفي مصيرك شني ..وسكرت
يقين ....زعمه معا مني تتكلم وتهدد أكيدة وراها حاجه العقرب ....مرت خوي تعالي تبيك ماما
رهف ....تو نجي نلبس قبل
يقين ....تواااا تعالي
رهف ....لو سمحتي اطلعي من داري وتو نجي يعني خلاص بتنحرق الدنيا
يقين....تعرفي غار اليوم عرس ملك كنهادا شوفت حسابي معاك لاكن تو نفضالك بعد العرس ويالي ف راسك نعرفه كله وطلعت
رهف ...
زعمه سمعتني لمه نتكلم ع تلفون لازم نتخلص منها الفرخه هادي لأن بتجيبلي مصايب
زعمه سمعتني لمه نتكلم ع تلفون لازم نتخلص منها الفرخه هادي لأن بتجيبلي مصايب(وخدت التلفون وبدت ادور ع رقم 
)
)_____________
ركان... ايوااا مؤيد
مؤيد ...هيا نستنو فيك ف الاستراحة
ركان ....مني يستانه فيا
مؤيد ...تو معقوله عرس ركان ومنديروش ولو زردة أني واصحابنا
ركان ...تو ضروري من العارر قتلك مؤيد منبيش حاد
مؤيد ....تعالا راهو يريح عليك الشواء بعدين نتحاسبو وسكر
ركان ....اوففف نضت خديت بدله عرسي يالي منعرفش شكله معلقة خديتها جاب هولي مؤيد عطيته مقاسي وقوتله جيب أيا بلوة نلبسها وخلاص خديت مفاتيحي ومشيت ....
_______________
رهف ....أيوا
مجهول ....اوووو هوفهههه توينك يعسل استحشت أيامنا 
&$..
&$..رهف ...سكر فمك أني متزوجه توااا
مجهول ....وخيرا راجلك مش مشبعك وله شني هههههههه
رهف .....ياسر قرف ايامات طيش المهم نبيك ف موضوع
مجهول ...رغم إن أيامات طيش وجعتني لاكن تعادي شن تبي يعسل 
رهف ....مش مرة كلمتني وقتلي اندبرك في بنت مقطوعة معندهاش حاد
مجهول ....ايه
رهف ....عندي وحدة اخطفها وتاجر باها
مجهول ....كم عمرها
رهف ...تو نبعتلك عمرها وصورتها ف رسالة 
مجهول ....تم يقلبي كتري من اتصالاتك بلكي ترضي علينا
رهف ...تافه وسكرت
______________
في الصالة ....
كان ديكور الصاله حلو من أجمل الصالات في تركيا كانت مفتوحة ع البحر طبعا كلهم الضيوف كانو ع الكوشة يستنو في العروس امتى تشرف فجأة الأضواء تسكرت وبانت لعروس مع تامر هوا يالي درجها
ملك ....لمه نقول أخ مجابتاش أمي صح لاكن ميخطريش إلا تامر رغم ان إيهاب انحبة لاكن تامر كان ديمه سند ليا 
كنت متوترة هلبا رجليا يرعشو بطني توجع فيا قريب انموت خلاص من التوتر
تامر ....متخافيش كلهم يشبحولي أني راهو 
ملك ...منا شني خوي طرف اليوم
(وصلت وقعمزت وكنت متوترة فجأءة جيت مرت عمي سلمت عليا واعطيتني تلفوني لاكن بعد شنيبعد مخلاص تزوجت الشخص يالي معمري هدرزت حتى معاه كل ع خاطر غلطة والغلطة هنتعاقب علاها لاكن مكنتش نحساب بالطريقة هادي)
بعد مخلاص تزوجت الشخص يالي معمري هدرزت حتى معاه كل ع خاطر غلطة والغلطة هنتعاقب علاها لاكن مكنتش نحساب بالطريقة هادي) (طلع تامر وقعدت نواجه ف عيون الناس كلها تشبح منا شني عروسة بفصلوني طبعا فيه يالي بدي اروح بحكم جايين من ليبيا وعندنا أقارب مقدروش يجو عذرناهم بحكم سكنتنا في تركيا )
يقين .... المتحجبه تتغطى لعريس بيخش
ملك.....هني خلاص النفس معاش حسيت به انخنقت شعور احرف من شوفت الموت توتر رهيب شعور ملخبط فجأءة خاش ركان خلاص رغم أني مقمتش عيوني لاكن حسيت بيه وب صنته لقوية شوية وحسيت يده ع يدي سلم عليا كب ع راسي وقالي مبروك رغم إن حسيتها كأنها مش من قلبة لاكن مدورتش ف هاذيكة اللحظة شعور الخوف كان أقوى مني
____________
ركان .....مكنتش نبي انخش لاكن أصر عليا مؤيد قالي ضروري بش إطلعها بحكم معندكش حاد من عيلتك اطلع عروستك لمه قالها مؤيد حسيت بنار ف قلبي يمكن لو مكدبتش الكدبة راهو أمي هيا سلمتلي مرتي خشيت ومش شايف حاد نهائي كان همي امتى اتم المهزله أهيا بس شوفتها تفكرت لمه لبستها الخاتم ف الخطوبة شكلها ملامحها منزلة راسها زعمتها متحشمه منعرفش لو عرفتني او لا كنت نبي نطلع لاكن مع الزحمة معرفتش كيف لين دبرتها وطلعنا ....
_____________
ملك .....طبعا ودعت مرت عمي وسارة ويقين وخالاتي وعماتي العيلة كلها
يقين ....منستاحشك يقلبي
ملك ....حتني وقعدت نبكي سعديني بش نركب السيارة وركبت وركان ركب خبط الباب ليل انخلعت بعدين مشينا وعمي والباقي قالو تو نلحقو اصلا حني الباب ع الباب
________________
يقين .....هي خيرك تشبحلي
مؤيد ....انتي شن مطلعك برا هكي ووشاحك طايح يعليك حاله وتقولي خيرك تشبحلي
يقين .....قليل ادب وتافه
مؤيد .....تبري روحي من تربيتك شعرك طالع كله ومكياج وجو منا خلاص كان سكنتي ف تركيا
يقين ...ءا...وكيف بتتكلم
خيرية ....تعالييييي يقين مش نلحقو ع
العرسان هيا
يقين.....هيا ماما جاية وتلفتت ملقاتاش 
تامر ....أمي روحو انتم أني عندي مشوار هني للصيدلية مناخد بنادول راسي من دوشت العرس
رهف ....تو ف هالليل وين بتلقه
تامر ....شبحلها من فوق للوطة ركب ومشي
رهف ....جايك الهم
إيهاب.....هيا حبي
رهف ....هيا جيت وركبو ومشو
____________
ملك .....مكعمزة في السيارة ولا كلمه لا أني لاهوا صوت النفس بس
ركان ....كنت قاصد إكون فيه هدوء بناتنا لان منبيش نسمع لاصوتها لانشوف وجها بكل ليل نصلو
ملك ....تجرأت وتكلمت ....افتح الروشن انخنقت
ركان .....اول ماسمعت صوتها الهادي ولي خلاني نرعش لدرجه مسمعتش شن قالت بكل كملت ومعدلتش
ملك .....خيرا هادا مردش يمكن مسمعنيش
ركان .....وصلنا انزلي تو نلحقك
ملك .....باهي افتحلي الحوش
ركان ....نزلت خبطت الباب مش قادر نسمع لصوتها تفكر فيل ف يالي داراته مش قادر ننسى بكل خديت المفتاح وفتحته وقولتلها ....خشي
_____________
تامر .....كيف منخش شارعنا فجأء محسيتش إلا بحاجة تلوحت ع السيارة مقدرتش نركز علاها ....نزل وشاف
_____________
ملك ....خشيت لدار النوم طبعا بعد ملفيت الحوش وأني اندور كعمزت ع السرير ليل اجي استنيت قريب ساعتين وأني نستانه ليل سمعت صوت الباب انفتح
ركان ....خيرك قاعدة نايضة وتشبحيلي
ملك ...
ء
ءركان ....مش قادرة تتكلمي لاكن تعرفي تكدبي صح
ملك ....من صدمتي ف كلامه معاش عرفت انرد خيره هادا .....اي كدب!؟؟
ركان .....شكله عمك دارك سوفتوير وله جاك زهيمار
ملك .....انت كيف تتكلم معاي هكييي وبعدين أني شن درت
ركان ..قربت منها وهيا قعدت تباعد ليل لصقت في الحيط لصقت فاها ليل شبه حسيت بأنفاسها عليا .....صوتتتتتك منبيشششش نسمعاااااا فاهمههههه
ملك ....خفت وقتها يديرلي حاجه خفت ايكون بش ف وعيه مقدرتش انرد عليه سكتت ف مكاني وهزيت راسي ب باهي
ركان ....تمام معناته لمه تفكري الكدبة شن هيا تعالي وتكلمي غير هكي صوتك منبيش نسمع
وووخرت .
ملك ...من الخوف معاش حسيت بشي هادا انسان ولا شني من اول ليلة هكي
ركان ....ومتقعديش وقفه زي المسبوهة بري أرقدي ع الكنبة اهيا ولا أرقدي حتى ع ازليز...(.خدي حوايج وخش الحمام )
ملك ....معاش عرفت كيف نتصرف خيره هكي وأيا كدبة راسي وجعني خلاص مشيت فتحت شنطي ع أساس متع الدخول فاها أرواب والباين أكتر من المستور قلبت لقيت قفطان قصير متاع نوم استر واحد فوق الركبة بشوية ومش مفتوح هلبا من فوق خديته ومشيت دار تانيا وبدلت
ركان .......طلعت ملقيتهاش قولت بلكي مشيت هربت لاكن تفكرت قبل منخش سكرت الحوش كله مشيت دورت علاها فجأءة انفتح بابا الدار و........
________________
تامر .....نزلت من السيارة وخفت من إني خبطت حاد بلكي مات وله حاجة اول مشبحت لقيتها بنت طايحة معاش عرفت شن اندير شعرها مغطي وجها اول محولته انصدمت هيا ايه هيا نفسها
معاش عرفت شن ندير طبيتها وطرت باها للمستشفى .......
_______________
ملك .....اول مفتحت الباب لقيته قدامي تحشمت معاش عرفت شندير
ركان .....لمن لبستيه هادا بلكي تحسابيني من نمسك لا وفنفس الوقت بش ابدا يعني توقعي في اي وقت ع مزاجي يعني 
ملك ....شن تحسابني لعبة
ركان .....انتي لعبة مش نحسابك ومشي
ملك .....مغرور
ركان ....صوتك عندك حاجه بتقولاها بصووووت عالي
ملك ......اوففف مقلت شي
ركان ....ياربي اصبرني ع المصيبه هادي
ملك ....خشيت الدار معرفتش وين نرقد لقيت الكنبة زي السرير ساويتها ونضمت اموري
ركان .... خشي للدار لقيتها متكية كأنها مش مدايرة شي وفنفس الوقت شكيت هل هيا تمثل او متفكره يالي داراته
ملك ....خيرا يشبحلي هكي بلكي ناوي لالا قال ميبيش وو خلي نتلفت للجهة التانيا خير
ركان ....قطعت تفكري حركتها تحسابني ميت فاها ونشبحلها ههه فاضي للحب تحسابني خديت روحي وتكيت ع السرير
_______________
الممرضة ......لو سمحت أستاد البنت من تكون
تامر ...ءءمرتي خير شن فيه
الممرضة ....سوء تغدية هادا علاش صايرلها هبوط حاد لازم تاكل وتهتم بصحتها هيا والبيبي
تامر .....بيبي شني
الممرضة .....مبروك مرتك حامل لها شهرين 
تامر ....ءء الله ايبارك فيك
الممرضة.....وتوا تقدر تشوفها
تامر ....خشيت وأني مش عارف لمصيبة يالي نزلت عليا
البنت .....مني أنت وأني كيف جيت هني
تامر .....أنتي مني كنت خاش لشارعنا فجأءة لوحت روحك علي سيارتي كان تبي تموتي موتي بعيد عليا مطورطنيش ايواااا
البنت ....انت انت نفسه متاع هداكا اليوم ع البحر وله
تامر .....عندك ذاكرة قوية يا....
البنت .....نجوى
تامر .....ميهمنيش المهم اعطيني رقم حاد من اقاربك وله راجلك
نجوى .....معنديش راجل
تامر .....
______________
ملك ......راقدة فجأءة سمعت صوت حاد اعيط او ينادي
ركان ....( اهلوس من حلم ) ...لااااابالله متسيبنيش علاششش علاشششش
ملك ....تلفتتت لقيته ركان اهلوس ووجهة عرق وخايف نوضت مشيت جنبه ع السرير....ركااااان نوض انت تحلم فجأءة شد يدي وقالي
ركان .....متخلينيش اقعدييي متخلينيش
ملك ....معاش عرفت شن اندير دنيته ورقدت جنبه
_____________
تامر ....كيففف يعني الولد يالي فبطنك ولد حرام ولا شني
نجوى .....ولد غلطتتتت عمرررررري ولد الشخخخخخص يااالي حبييييتههههه وبااااعني
تامر ...تمااام خلاص اهدي متخافيش باهي اعطيني رقم حاد من اماليك
نجوى ....تنهدت وقعدت تبكي 
تامر .....خيرك شن قولت
نجوى .....اهليي تبببرووو مني
تامر ....علاش
علاش نجوى .....هنحكيلك ومش هنقولك أعدني متقولش لحد بينك وبين ضميرك لاكن نبيك تساعدني وعد
تامر .....(ياربي شن اندير باين علاها مسكينه )
تمام نعدك
نجوى......تنهدت وبدت تحكي ( من قبل سنتين تعرفت ع واحد حبيته وحبني لاكن للأسف طلعت أني بس يالي حبيتك قالي نبيك تكوني حلالي نبي نتزوجك طبعا وفقت وقتها قوتله تعالى اخطبني من اماليا قالي باهي لعيد مجي يوم وخطبني لاكن اهلي رفضوه قالو خوه قاتل وهوا مافي حاد يعرفة بش يسألو عليه وقتها قريب هبلت شعور تحب شخص بجنون تحبه وفجأ يخذلك قرار من اهلك من غير ماشوفك عواقبه .....
.....تامر ....كملي هاك اشربي ميه
نجوى ...شكرا ...بعدين أني معاش عرفت شن اندير كلمته وقوتله اهلي رفضو عيط وسب وتحول لوحش ف التلفون قالي لو تحبيني تقبل نهربو ونتزوجو وقتها ف هاذيكا اللحظة الحنان والحب والثقة يالي خدتهم منه مخلتنيش انفكر بالعواقب ع طول قبلت ويارتني مقبلت كلمت موافقة قلبت حياتي كلها طبعاا تزوجنا عرفي وهربت معاه قعدنا سبوع وبعد ه الأسبوع تغيرت حياتي كلها من غلطة وحدة نوضت الصبح نتفكر فاها لقيت ورقة مكتوب فاها ( خديت يالي نبيه برضاك سوى بالحلال ولا الحرام تمت اللعبة يا مرتي ) سطرين خلوني نموت الف موته سطرين خلوني انوض من حاجه اسمها حب سطرين خلوني نعرف أني غلطت تشردت وطبعا وقتها الحوش ايجار مقدرتش عليه قعدت عند وحدة صاحبتي بعدين بشهرين عرفت إني حامل منه والمشكلة مطلقنيش هادا علاش نبي نطلب منك خدمة ارجوك انت أملي الوحيد
تامر ....تمام تفضلي لو نقدر حاضر
نجوى .....
