رواية لم تنتهي الحياه الفصل الرابع 4 بقلم شروق فتحي
لم تنتهى الحياهالفصل الرابعوصلها الى منزلها وكانت منذ فتره لما تخرج ولحدا ما بدأت حالتها تتحسن او تظهر ذلك حتى وجدت هاتفها رساله كالاتى
ابعدى عن جوزى
وهنا قمر كأنها اصبحت فى متاهه قمر: معقول معقول هيفضل حظى كده يعنى طلع متجوز لا انا لازم اكلمها
قمر: انتى مين وجوز مين الى ابعد عنه
ندى: ايه شكلك مدورها وماشيه مع ده وده من كتر ما انتى مش عارفه اى واحد
قمر: والله لو مش اتعدلتى هقل منك اسمعى هتقولى مين ولا اقفل فى وشك
ندى: اهدى يا حبيبتي ليحصلك حاجه يوسف افتكرتى كده
قمر: يوسف يوسف مين
ندى: يوسف محمد كده تمام
قمر كأنها لسانها عجز عن الكلام:انا انا مش فاهمه انتى بتتكلمي عن ايه
ندى: هو ايه مش عارفه بتتكلم عن ايه انا بشوفه دايما بيكون ماسك تليفون ومركز فى حاجه شدا ولما مسكت تليفونه لقيت صورك فى تليفونه وانتى علطول فى بحثه اسمى ايه ده بقى
قمر اصبحت لا تعرف أتفرح أم تحزن كيف هل هو مازال يتذكرها ولكن لماذا تزوج واحده اخرى
ندى: انتى روحتى فين
قمر: معاكى معاكى بس صدقينى انا مش بكلمه هو انا كنت اعرفه من ايام الدراسه لما كنا فى ثانوى لكن مش بتكلم مع ولا حاجه من الى فى بالك دى
ندى: ايوه وانتى صورك موجوده فى تليفونه ليه
قمر: هو انتى بتسألينى انا ما تسألى هو
ندى: يعنى انتى بجد مش ليكى علاقه بي
قمر: صدقينى مش ليا علاقه بي
ندى: اممم طب انا اسفه على طريقة كلامى معاكى
قمر: تمام ولا يهمك، واغلقت معها الهاتف وكأنها اصبحت فى متاهه كانت تقترب من نهاية الخروج لكن وجدت نفسها فى منتصف المتاهه لا تعرف اين بدايه من النهايه واتصلت على شهد
شهد: فى ايه يا بنتى مالك
قمر: انا توهت مش عارفه ايه ده
شهد: ليه ايه الى حصل
قمر قصت لها ما حدث
شهد: هو ايه ده طب هو صورك تبقى موجوده على تليفونه ليه وليه يبحث عنك
قمر: علشان كده حسيت انى توهت بعد ما كان مزاجى بدا يتحسن رجعت لى نقطة الصفر
شهد:(أرادت ان تغير فى الموضوع) قوليلى صحيح انا سمعت من طنط انك جاية بكره هتقعدى اسبوع
قمر: ايوه إن شاءلله
شهد: مش تفكرى كتير
قمر: طب اتصل بى اعرف منه
شهد: انتى حد ضربك على دماغك صح
قمر: ما انا حيرتى زادت اكتر
شهد: عارفه انها حاجه تحير فعلاً اقولك روحى نامى
فى اليوم التالى رجعت قمر الى منزلها وسلمت على عائلتها
شهد: يااا البيت كان مضلم من غيرك يا قمرى
والد قمر(هشام): ايه يا بت مضلم دى
شهد: مش اقصد يا عمو طبعاً منور بيكوا بس هى نورتوا اكتر بقولك ايه تعالى عايزاكى مش معاكى صور لى المدير بتاعك ده
قمر: تامر استنى ابحثلك على الاكونت بتاعه بصى
شهد: يلهوى ايه ده هو ده بجد ولا ذكاء اصطناعى
قمر: ههه انا اول مره شوفت قولت كده برضك بصى العيون يلهوى مش بقدر بصراحه وفوق كل ده بسم الله ماشاء الله تحسى بيتنافس مع النخل فى طول بس عارفه قلبى وقع فى رجلى لما قالت ابعدى عن جوزى خوفت ليكون تامر مش عارفه ليه
شهد: خوفتى انتى مش تنكرى انك اعجبتى بي ودى خطوه حلوه فرصه لنسيان القرد
قمر: يا بنتى سيبيه فى حاله ايه ده بت يا شهد الحقى
شهد: فى ايه ده هو تموره بيرن
قمر: امشى انتى انسانه بارده
لتفتح الهاتف وتأخذ نفس عميق
تامر: عامله ايه انهارده
قمر: احم الحمدلله وحضرتك
تامر: انتى عايزه تخلصى عليا صح انا يا بنتى مش قولت مليون مره شيلى الرسميات
قمر: مش بعرف بصراحه اتكلم غير كده
تامر: هى حاجه حلوه بس اعمليها مع ناس تانيه لكن انا لا
قمر: بتنادى يا ماما
تامر: لا يا شيخه دخلت عليا انا بقى كده
قمر: هى ايه
تامر: لا يا شيخه يا بنتى انا مش تلميذ
قمر: طب ثوانى انا جايه يا ماما طب معلشى هقفل اشوف ماما بتنادى ليه
تامر: يا بنتى انا لحقت اطمن عليكى
قمر: الو الو ايه ده باين شبكه وحشه طب علشان شبكه وحشه هقفل لو سامعنى بقى سلام
تامر ظل يضحك عليها
والدته مريم: واد انت كويس بتضحك مع نفسك
تامر: كويس جداً بس قوليلى ايه الحلاوه دى
مريم: اه دانتا رايق بقى احكيلى فى ايه
تامر: مفيش حاجه يا ست الكل
مريم: ما انا مش هسيبك انهارده غير لما تحكى
تامر: عارف بصى يا ستى (وقص لها ما حدث)
عند قمر
قمر: خلاص يا بت هتموتى من ضحك
شهد: هههه مش قادره بجد
قمر: ما اعمل ايه هو كلامه بيحرجه يا ستى يطمن عليا ليه بقى ها
شهد: موظفه عنده وبيسأله فيها ايه بقى
قمر: دمك خفيف اوي بقولك ايه انا وحشتنى البلد ومحتاجه الفها
شهد: وماله يلا تعالى نلبس بس استأذن الحجه والحج وانا هعرف العائله هما عارفين انى هبات معاكى بس لازم يعرفوا برضك
قمر: اشطا يلا... انا جاهزه يااا تحسى الواحد بقى مش عايزه يمشى فى البلد دى تانى
شهد: ونعم الانتماء تعالى انا عازمكى انهارده
قمر توقفت فى مشى: ايييه شهد: فى ايه يخربيتك فرجتى علينا الناس
قمر: بت انتى سخنه ورينى كده لا لا اكيد فى حاجه طب حد هيموت
شهد: ليه شايفنى بخيله علشان تعملى كده
قمر: انا قولت كده انتى بتحافظى بس على فلوس
شهد: طب امشى للأحسن احلف وارجع فى كلامى
قمر: خلاص خلاص يا ستى يلا... الاكل تح
شهد: فى ايه بت مالك اتصدمتى كده شحن بتاعك خلص ولا ايه ولتلفت لترى على ماذا تنظر قمر
وووووو
