رواية مجرد كتاب الفصل الرابع 4 بقلم چنا
*لعنه الغلاف*
«لينا»
حاولت علي قد ما اقدر اني ابين اني مش خايفه ولا قلقانه قدام الي اسمه جين دا وفكرت ان هو فعلا ممكن يكون خاطفني.....بس لما لقيت انو اداني التليفون عادي عشان اكلم جنه قلت اكيد لو خاطفني مكنش رضي اني اكلم جنه... ولما قعدت افكر لقيت انو فعلا ممكن يكون بسبب الكتاب بس ازاي الكلام دا مش بيحصل غير في الروايات الخياليه او الافلام و ثواني كده اشمعنا لما كلمت جنه كلمتها بالعربي عادي....قاطع افكاري جين وهو بيقولي بملل:
-بقينا بليل ها هتباتي فين بقا
-مش عارفه شكلي همشيك من بيتك عشان ابات فيه اصل مش هينفع ابات في البيت وانت موجود انت مسلم وعارف بقا
جين بصلي وهو مصدوم:
-امشي من البيت عشان انتي تباتي فيه وانام انا في الشارع
قولتله:
-امال انا الي هبات في الشارع يعني
لقيت جين بيبصلي وهو تقريبا بيفكر في حاجه:
-تمام انا هروح ابات عند صاحبي ولازم بكره تشوفي حل عشان ترجعي اصل مش هروح اقرف الراجل كل يوم
بصتله وانا مش مهتمه ل كلامه وقولتله:
-المهم في هنا اكل ولا لاء
جين:
-اه فيه في التلاجه
ولقيته سابني ومشي من البيت يلا خير وبركه وروحت انا ادور في البيت يمكن الاقي حاجه تعرفني هو خاطفني ولا لاء
*في مصر*
«جنه»
صورت اول صفحه من الكتاب عشان اترجمه بس الغريبه انو مش راضي يترجم ولما بصيت علي الصفحه لقيت الكتابه الي عليها اختفت وبدأت تتكتب حجات تانيه بالكوري برضو اتخضيت ورميت الكتاب من ايدي... بعدين هديت وروحت جبت الكتاب وقفلته وحطيته علي المكتب وروحت اشرب وافكر يمكن لين بتعمل فيا مقلب بس ازاي الرقم الي كلمتني منه فعلا من برا سمعت رنه تليفوني جريت عليه قلت اكيد لين بس لقيتها طنط هاجر والده لين رديت عليها كانت بتطمن علي لين عشان كلمتها ولقت تليفونها غير متاح قولتلها ان هي كويسه بس نامت وان تليفونها فاصل شحن وقفلت معاها...بس انا هعمل اي لو لين مرجعتش بكره....قلت بكره يحلها ربنا ورحت انام بعد ما صليت العشاء
*علي الجانب الآخر في كوريا الجنوبيه*
«جين»
مشيت من البيت وانا بفكر ازاي يعني البنت دي جت من الكتاب بس انا خدت بالي من قلقها الي كانت بتحاول تخفيه يمكن الكتاب ملعون... اي يا جين دا انت عاقل يعني ملعون اي وكلام فارغ اي... قطع افكاري السواق عشان وصلنا خلاص اديته الاجره ونزلت روحت خبطت علي جيمين....اصل هبات عند مين يعني
جيمين:
-جين اي الي جابك دلوقتي
بصتله وقولتله:
-طب اي مش هدخل يعني اخلص يعم وسع كده.... ودخلت البيت وروحت قعدت علي الكنبه
جيمين بصلي ب ابتسامه:
-اي يعم مالك مدايق كده ليه سو هي رفضتك ولا اي
اتخضيت وقولتله:
-تف من بوقك لاء طبعا... كملت بغرور وقولت:
-بعدين انا مترفضش بعدين بقلك مش حصل حوار كده مش راكب علي بعضه
جيمين بصلي ب اهتمام:
-اي الي حصل
قولتله وانا بفتكر الي حصل من كام ساعه:
-بص الأول الهديه الي هي الكتاب الي انا كتبته ل سو هي اختفه ولقيت مكانه صوره بنت كده
جيمين:
-بنت.... شكلها اي
بصتله بقرف وقولتله:
-هو دا وقته اسمعني وانت ساكت... امهم ان تاني يوم لما صحيت لقيتها في المطبخ تقولش ظهرت من العدم
جيمين:
-هي مين دي الي ظهرت في المطبخ
قولتله وانا مش طايق نفسي:
-يعم ركز معايا البنت الي في الصوره ظهرت في المطبخ واسألها انتي مين طب جيتي هنا ازاي تقولي معرفش ولقيتها بتقولي ان هي كانت ماسكه كتاب جالها امبارح هديه وظهرت عندي في المطبخ....الكتاب الي هي بتكلم عنه بقا طلع الي اختفه امبارح ف مش عارف هي بتكلم بجد ومتعرفش جت ازاي ولا كانت جايه تسرق حاجه تاني لما لقت ان الكتاب ملوش لزمه
جيمين بصلي وهو بيفكر:
-يعني انت بتقول ان البنت ظهرتلك من الكتاب
قولتله:
-مش عارف
جيمين بصلي وهو بيفتكر حاجه:
-اه صح هو انت غلفت الهديه بالورق بتاع الهدايا الي جبتهولك
قولتله:
-اه بتسأل ليه
جيمين بصلي وحسيته هيلطم:
-اصل انا كنت هقلك النهارده ان الغلاف الي جبتهولك طلع فيه سحر او حاجه زي كده مش فاهم بالظبط....بس مكنتش اعرف انك هتغلف الكتاب بيه بسرعه كده
قولتله وانا مصدوم وهطق:
-جايبلي غلاف ملعون وكسلت تقولي الطم...قاطعني وهو بيقولي
جيمين:
-معلش في فرق هو مسحور مش ملعون
بصتله وشكلي هقتله وقولتله:
-وهي هتفرق...هعمل انا اي في البنت الي موجوده في بيتي دي
جيمين:
-اي دا هي في بيتك اااه متقولش انت جاي هنا عشان طردتك
قولتله:
-لاء يا ظريف انا سبتلها البيت عشان تنام فيه اصل مش هينفع تنام فيه وانا موجود
جيمين:
-اهاااا... طب بقولك متوديها بيتها وخلاص
قولتله وانا خلاص هنفجر:
-ولااا انت شايف الدنيا ايزي كده ليه البنت من مصر هوديها بيتها ازاي
جيمين:
-اييي... من مصر ومتقوليش انا لازم اشوفها حالا دا انا بسمع ان البنات العربيه دي بيبقو احلا من البنات الي عندنا
بصتله ورحت حدفته بالمخده الي جنبي وقولتله:
-بقلك مش عارف ارجعها ازاي تقولي انك عايز تشوفها اما انك بارد بصحيح
جيمين حدفلي المخده:
-يعم اهدي انت بس وان شاء الله هتتحل
قولتله:
-هتتحل ازاي بس يارب ترجع زي ما جت....انا مش عارف اعمل فيك اي بس جايبلي غلاف ملعون دا انا الي هلعنك لو البنت دي مرجعتش زي ما جت
جيمين:
-روح نام انت بس في اوضه الضيوف وبكره ربنا يحلها
بصتله وانا طالع لاوضه الضيوف:
-يارب
طلعت اوضه الضيوف وريحت ضهري علي السرير حطيت ايدي في جيبي عشان اطلع التليفون اتسلي عليه لحد ما يجيلي نوم بس اي ده ملقتوش شكلي نسيته في البيت غمضت عيني وانا بفكر لو الغلاف ملعون يا ترا اي اللعنه الي عليه؟؟!!
