رواية مجرد كتاب الفصل الخامس 5 بقلم چنا
5
*حلم*
«لينا»
جنه:
-مممم... الو مين
قولتلها:
-انا لينا يا جنه ركزي معايا كده وفوقي
جنه ردت عليا بلهفه:
-لين انتي فين..... انتي رجعتي مصر ولا كنتي بتعملي فيا مقلب
"سرحت وافتكرت الي حصل امبارح واتأكدت انو كان حقيقي"
جنه:
-لين روحتي فين
قولتلها:
-معاكي...بقلك انا جيالك دلوقتي باي
يعني كل الي حصل كان حقيقي بس انا رجعت ازاي مش وقته دلوقتي انا هروح ل جنه وخدت taxi
«جنه»
قفلت مع لين بعد معرفت ان هي رجعت الحمدالله....بس كان باين من صوتها انها متوتره...بصيت علي الكتاب...معقول يكون الكتاب بجد هو السبب قطع افكاري جرز الباب اكيد دي لين روحت فتحت الباب
لينا قالتلي وهي بتاخد نفسها عشان كانت طالعه جري علي السلم:
-مش هتصدقي الي حصل
قولتلها:
-ادخلي بس وخدي نفسك بعدين احكيلي
روحت جبتلها ميه وقعدت قصادها علي الكنبه وقولتلها:
-ها احكي
لينا قالتلي وهي متوتره:
-انا اتنقلت ل كوريا في بيت شاب معرفش ازاي وحاسه اني هتجنن من الفكره وازاي ممكن الكتاب يبقا السبب وازاي رجعت مع ان الكتاب مكنش معايا
قولتلها وانا بحاول افهم منها:
-اهدي بس...يعني انتي بتقولي ان انتي سافرتي كوريا
لينا قالتلي بعد ما هديت:
-اتنقلت مش سافرت
قولتلها بملل:
-وهي هتفرق...طيب انتي بتقولي انك اتنقلتي كوريا والمفروض بسبب الكتاب صح كده
لينا:
-اه
قولتلها بتفكير:
-ورجعتي مع ان الكتاب مش معاكي...يمكن مثلا الكتاب في لعنه واتنقلتلك عشان انتي اول وحده تمسكيه ومن قبل ما تقولي ان دا كلام فارغ ومش عارف اي.....الي خلاني اقول ان الكتاب ممكن يكون عليه لعنه عشان امبارح لما حاولت اترجمه علي جوجل مترجمش والكتابه الي كانت في اول صفحه اختفت وبدأ يكتب حاجه تانيه وكانت بالكوري برضو ودا شئ مش طبيعي
لينا قالتلي وهي مذهوله:
-يعني اي اتكتب حجات تانيه طب جربتي تصوري الي اتكتب وترجميه
قولتلها:
-انا خوفت لما لقيته بيمسح الكتابه وبيكتب حجات تانيه
لينا:
-طب هاتي الكتاب وانا هجرب كده اصوره واترجمه
دخلت اوضتي وجبتلها الكتاب واديتهولها وقولتلها:
-اهو... بس خدي بالك
شوفت لينا وهي بتجيب الكتاب وبتفتح اول صفحه بس في حاجه غريبه حصلت الكتاب نَور والنقوشات الي عليه نورت ب الوان جميله بصيت علي لينا لقيتها اتفجأت زي بس برضو جابت موبيلها وصورت اول صفحه بس زي ما توقعت مظهرلهاش ترجمه بس المره دي متكتبش حاجه جديده ولا الكتابه اتمسحت
لقيت لينا بصتلي وقالتلي:
-بصي انا هاخد الكتاب دا عشان هو اصلا جالي بالغلط ومفروض انو كده امانه وهستنا اشوف صاحبها هييجي ياخدها ازاي وان شاء الله الي حصل دا مش هيكرر تاني
قولتلها ب ذهول:
-هو انتي عرفتي مين صاحب الهديه... بعدين يعني ازاي الهديه جتلك بالغلط
لينا بصتلي وهي متعبه:
-دي حكايه طويله هحكهالك علي روقان بس دلوقتي انا هروح البيت عشان حقيقي هموت وانام يلا سلام
محبتش اضغط عليها وقولتلها ب ابتسامه:
-سلام
*علي الجانب الآخر في كوريا الجنوبيه*
«جين»
صحيت وانا مخضوض بعد ما حلمت ان الكتاب كان بيطير وفي صوت طالع منو غريب وفجأه اتحدف من الكتاب شعله نار عليا بس اتفيدتها الحمدالله..... استوعبت انا فين وافتكرت اني عند جيمين والي حصل امبارح....فوقت ونزلت لقيت جيمين في المطبخ بيعمل فطار
جيمين:
-صباح الخير
قولتله:
-صباح النور
جيمين:
-نمت كويس امبارح
قولتله:
-مش اوي بس تمام
جيمين:
-طب يلا تعالي افطر
فطرت وودعت جيمين بعد ما قولتله اني هبقا اقابله النهارده علي الساعه خمسه عشان اشوف حوار الغلاف الملعون دا.....وخدت taxi
عشان اروح البيت...وكنت بفكر هعمل اي في البنت الي في البيت دي وهترجع ازاي... وصلت
طلعت البيت بس ملقتش في صوت دورت عليها في الاوضه وفي البيت كلو ملقتهاش هي ممكن تكون رجعت بعدين افتكرت تليفوني دورت عليه بس ملقتوش.....شكلي كنت صح وفعلا البنت طلعت حراميه ولا اي
وقعدت علي الكنبه وانا بفكر هو الحلم الي حلمته ليه معني... ولو ليه معني هيبقا اي؟؟!!
