رواية روح الفصل الثالث 3 بقلم هيام ختعن
الحلقه(3)
وعطيت روح رقمها لشاهي وكان الجدال مستمر بين سيف ونادين وقام سيف وسابهم وطلع لاقي روح سانده ع عربيته وماسكه سيجااره
روح. اكيد مش واقفه مستنياك ووجهت نظرها لعربيتها ورجعت بصت لسيف انت قاقل ع عربيتي
سيف. بعدم اهتمام طيب ابعدي كده عشان امشي
روح. وهي لسه سانده ع العربيه انت لي رافض ان نادين تشتغل اي وجهه نظرك في ان البنت ماتشتغلش
سيف. انا مش حابب انها تشتغل انا حر وانتي مالك بحياتي انا وهي ماتخليكي في حالك
روح. قامت من ع العربيه ماشي هخليني في حالي
ومشي سيف وخلصت روح السجاره وركبت عربيتها ومشيت راحت شقتهم القديمه ودخلت قعدت في اوضه باباها ومامتها ومسكت صورتهم وكانت بتمسح التراب من ع الصوره
روح. بتكلم الصوره بوعدكم ان هجيب حقكم من اللي فرقنا عن بعض واذاكم واذاني انا عيشت ايام صعبه اوي بس رغم كل دا انا قويه وسكتت لثواني وانهارت في العياط لا انا مش قويه انا ضعيفه اوي من غيركم انا تعبانه اوي انا شبابي كله راح في ضرب واهانه وذل وبدات تصرخ بصوت عالي وهي حاضنه الصوره ونامت ع السرير وهي حضنه الصوره
وفي الوقت دا كان سيف واقف ع البحر بعربيته وكان سرحان وقطع سرحانه رنت موبايله وكان ياسين
ياسين. انت فين
سيف. ع البحر
ياسين. زين ماعملت والله حتخرج الطاقه السلبيه وطاقه النكديه اللي خدتها
سيف. مش وقت هزارك عايز اي
ياسين. عايز اعمل زيك واخرج الطاقات وياسلام بقي لو جيبنا واحده تروق علينا قمه الانبساط والرواقان
سيف. ياسين انا مش فايق للك انجز
ياسين. والله انت بقيت نكد زيهم ابعت اللوكيشن وانا اجي اروق عليك
وقفل سيف مع ياسين وبعت له اللوكيشن
روح. عزيز ماتصدقهاش انا والله ماعملت حاجه
رشا. بنظرات كلها شر لا عملتي وبتمثل انها بتعيط وغلطي فيا ومديتي ايدك عليا وبصت لعزيز زقتني ي عزيز كانت هتكسرني امك اتغلط فيها واتشتمت من بنت اصغر من عيالها لا ومش كده كمان دي عايزه تكروشني من البيت
روح. بنظرات كلها ترجي وخوف. والله ماعملت دا ي عزيز صدقني
رشا. كمان بتكذبني شوفت
قرب عزيز من روح وكانت نظرته كلها شر وغضب وهي كانت هتموت من الخوف وجسمها كله كان بيترعش و كل ما بيقرب منها بترجع لورا لحد ما وصلت للحيطه وحطت ايديها الاتنين ع وشها وغمضت عنيها وبدات تعيط
روح. بصوت باكي انا ماعملتش حاجه ي عزيز والله
مسكها بكل قوه من شعرها وسحبها ودخل بيها الاوضه ورمها ع السرير وقلع الحزام وضربها بكل ما في من قوه من غير اي رحمه ولا انسانيه وكانت روح بتصرخ من كتر الالم وكانت رشا سامعها صوت صريخ روح وكانت مبسوطه وفضل عزيز يضربها
روح. بصوت متعب والله ما عملت حاجه حرام عليك كفايه وفقدت روح وعيها
وقامت روح مفزوعه وكانت بتصرخ
روح. بصوت عالي كفايه وكانت ضربات قلبها سريعه ودموعها نازله وجسمها كله بيرتجف من الخوف وبصت حواليها لاقت نفسها في بيت اهلها بدات تهدا وقامت شربت ميه وولعت سجاره وقامت قفلت الشقه ونزلت اخدت عربيتها وروحت شقتها ودخلت اخدت شور ونامت ومر ليل صعب عليها واتي نهار مشرق وقامت ع صوت رنت هاتفها وكان امجد
امجد. انتي لسه نايمه
روح. ايوه نمت متاخر امبارح
امجد. طيب انا رايح الشركه قولت اكلمك وانا في الطريق
روح. تمام لما تخلص كلمني قولي عملت اي
امجد. تمام
وفي الوقت دا كانت شاهي بترن ع روح
روح. طيب اقفل انت ي امجد لما اشوف شاهي عايزه اي من بدري كده
وقفلت مع امجد وردت ع شاهي
شاهي. صباح الخير
روح. صباح النور عامله اي
شاهي. الحمد لله بقولك احنا رايحين النادي قولت اكلمك تيجي معانا
روح. بس انا مش عضوه هناك
شاهي. بسيطه هدخلك وممكن تعملي عضويه
روح. طيب. ماشي
شاهي. يلا قومي البسي
وانهت المكالمه مع شاهي وقامت عشان تلبس وفي الوقت دا كان سيف بيتكلم مع ندي
سيف. ينفع اللي نادين بتعمله دا
ندي. لا انا اتكلمت معاه وهتكلم معاها تاني وانت اصبر عليها شويه
سيف. اصبر اكتر من كده اي ي ندي انا زهقت انا مش عارف مين اللي لاعب قي دماغها موضوع الشغل
ندي. بصتلو شاهي وروح مقوينها وموافقين ع حوار الشغل دا
سيف. انا مش نرتاح للبنت اللي اسمها روح دي
ندي. ولا انا مش حباها خالص بس شاهي حبيتها
سيف. انا لازم اعرف حكايه البنت دي اي
ومر الوقت واتجمعو قي النادي وسيف اخد اجازه عشان يقضي اليوم مع نادين
سيف. هتفضل قالبه وشك كده
نادين. ي سيف انت لي رافض
سيف. بصي هطلب منك طلب
نادين قول
سيف. نقضي اليوم من غير اي خناق وننبسط وبس وناجل اي نقاش وقت تاني ممكن
نادين. ماشي ي سيف حاضر
وفي الوقت دا جات روح
سيف. اول ما شافها بيقول لنفسه بصوت مسموع اي اللي جابها دي
نادين. مالك بيها البنت لذيذه خالص
سيف. انا مش مرتاح للبنت دي
نادين. لي
سيف. مش عارف
روح عاملين اي
ياسين. احنا بخير طول ماانتي بخير ي ست البنات
روح. بابتسامه شكر ي ياسين
ياسين. اي قولي تاني كده
روح. بتضحك اقول اي
ياسين. يا الهوي عليا قولي اسمي تاني كده
نور. بصوت غاضب وبتجز ع سنانها ياسين
ياسين. شايفه هو دا اسمي اللي بسمعه دايما بالنبره دي عشان كده استغربت نعم ي روح ياسين
نور. لم نفسك وبلاش هزار مع حد
ياسين. يا نور احلي حاجه الهزار والفرفشه
نور. هزر معايا انا بس
ياسين. ماانتي بتنكدي عليا
نور لا مش هنكد عليك
ياسين. بجد ي نوارت قلبي
نور. بتنهد. بجد ي روح قلب نوارت قلبك حلو كده
ياسين. عسل اوي كده
شاهي بقولكم اي ماتعالو نروح بحر
نادين. بحماس يلا
نور. بنفس الحماس يلا
شاهي. وانتي ي روح
روح. انا تمام بس انا مش بحب انزل البحر
ياسين. مش بتعرفي تعومي ولا اي
روح. بعرف بس مش بحب انزل
سيف. بتخافي من البحر ولا اي رغم انك جرئه
روح. مش بخاف
سيف. ايوه افتكرت هو انتي من عليه اي
روح. بتوتر لي
سيف. مالك متوتره كده لي
روح. لا مش متوتره انا من عليه سليم
سيف. دا لقب عليه
روح ايوه بس انت بتسال لي
سيف. مااحنا لازم نبقي عارفين تفاصيل عن البنت اللي معانا برضو
ياسين. انتي كام سنه
روح. انا 30
ياسين. بتهزري ولا باين عليكي
شاهي. اه والله ولا باين انتي مرتبطه
ياسين. ايوه هي دي الاسئله
نور. وهتفرق معاك في
ياسين. لا ولا حاجه انا بتكلم عادي
روح. كنت متجوزه ابن خالي ومافيش نصيب
نادين. ربنا يعوض عليكي بالاحسن في بينكم اولاد
روح. لا ومعلش انا مش بحب اتكلم عن الموضوع دا
سيف. بس انتي عايشه حياتك عادي وبتشربي سجاير وبتسهري وانتي مالكيش كل اللي بتعمليه دا انتي مطلقه وبعدين فين الحاج الوالد سايبك كده لي
روح. ماعرفتش تسيطر ع اعصابها وبعصبيه اولا انا انضف منك مش معني اني مطلقه ابقي مش محترمه ثانيا الحاج الوالد الله يرحمه كان انضف واطيب وارجل خلق الله ولو جيبت سيره اهلي تاني هتزعل مني
سيف. تصدقي خوفت
روح. بتهبد ع التربيزه سيف بلاش تستفزني
نادين. بس ي سيف في اي
سيف. الصراحه انا مش مرتحلك
روخح ماحدش طلب منك انك ترتاح لي
سيف. ظهورك في حياتنا دا ورا حاجه وانا هعرفها وانا عمر ما احساسي كدب عليا
روح. بتضحك. طيب والنبي لما تعرف اللي انا مااعرفهوش ابقي عرفهولي
ياسين. وانا كمان ي سيف
سيف. بيبص لها بنظرات كلها غضب ماشي
وقامو وراحو البحر زي ما شاهي اقترحت عليهم وروح كانت بترفض تلبس اي حاجه عريانه بسبب اثر الضرب اللي في جسمها
نادين. ماتزعليش من سيف
روح. لا عادي مش لازم كل الناس تحب وجودي
نادين. هو طيب اوي والله بس عصبي شويه
روح. بابتسامه ربنا معاكي عملتي اي في موضوع الشغل
نادين. بتنهد شكلي هشيل الفكره من بالي
روح. لا طبعا تبقي غبيه صممي ع رايك واوعي تتنازلي عن حلم انا عاوزه حد يمسك الادراه لو كده انزلي معايا
نادين. طيب ماشي
وقامت نادين وراحت تتكلم مع سيف تاني في موضوع الشغل وولعت روح سجاره وكانت بتنفخ الدخان وهي مبتسمه
