رواية روح الفصل الرابع 4 بقلم هيام ختعن
الحلقه (4)
وقامت نادين وراحت تتكلم مع سيف تاني في موضوع الشغل وولعت روح سجاره وكانت بتنفخ الدخان وهي مبتسمه
روح. عادي ليا فتره بشربها
ياسين. اي الاستغاده منها طيب
روح. بطلع فيها كل حاجه خنقاني
ياسين. واحد قمر زيك في حد يقدر يخنقها
روح. بابتسامه تسلم ي ياسين
ياسين. يالهوي ع ياسين منك قولي تاني كده
روح. بتضحك بصوت ياسين
ياسين. اموت انا في الدلع دا والنبي علمي البت نور الفرفشه والرقه دي بدال ما هي معكننه عليا وبتنكد طول الوقت
روح. حاضر
وفي الوقت دا جات شاهي وكانت طالعه من البحر.
شاهي. الميه تحفه تعالي انزلي
روح. لا مش حابه انزل
شاهي. لي بطلي رخامه يلا بقي
روح. لا مش هنزل
شاهي. بصت لياسين لو نور شافتك هنا هتعلقك
ياسين. بيوطي صوته افتكري حاجه غيرها دي بتيجي ع السيره
وفي الوقت دا نادت نور ع ياسين
ياسين. بيقول لشاهي مش قولت للك وبصوت عالي ايوع ي روحي جاي
بصت شاهي لروح وفضلو يضحكو
شاهي. مش حابه تنزلي البحر لي
روح. بتنهد وبتبص للبحر غدار زي البشر
شاهي. بعدم فهم ازاي
روح. بصت لها مش مهم المهم انك مبسوطه وانا مش حابه انزل البحر
نادين. بصوت عالي يلا عشان ناكل
وقامت روح وشاهي عند نادين وقعدو عشان ياكلو وكان سيف بيراقب روح وشاف انسيال في ايديها وكان بيفتكر كان شايفه فين
سيف. ممكن اشوف الانسيال دا
روح. بتوتر لي
سيف. عادي حابب اشوفه
روح. لا معلش انا مش بقلعه نهائي
سيف. ماشي
نادين. باستغراب في اي ي سيف
سيف. ولا حاجه
روح. حابه تضايق سيف اي ي نادين هتنزلي معايا الشغل
سيف. بعصبيه انتي مالكيش دعوه بيها انا قولت لا
نادين. لا ي سيف انا هشتغل
سيف. يبقي تختار ي الشغل ي انا
نادين. كانت مصدومه من رد فعل سيف وسكتت
سيف. بعصبيه اختارتي اي
روح. مافيش تفاهم كده واللي بيحب حد بيحب يشوفه ناجح
سيف. بعصبيه ماحدش اخد رايك في حاجه وبص لنادين اي اختري اي
نادين. بصوت واطي حزين الشغل
سيف. يبقي كل حاجه بينا خلصت ونهائي
وقام سيف وجري ياسين وراه وكانت نور بتغلط نادين
نور. اي الهبل دا بتخسري سيف عشان خاطر الشغل
نادين. بتعيط لا مش كده ديما سيف لما بيرفض حاجه بيحطني في اختيار بينه وبين الحاجه وانا زهقت سيف بيحبيني حب امتلاك
نور. دا جزاته انه بيحبك وبيخاف عليكي ومش عايزك تتبهدلي
نادين. افهميني ي نور انا اتنازلت عن حاجات كتير عشان خاطر سيف وانتي عارفه دا
نور. اللي بيحب حد بيعمل عشانه كل حاجه مش بيشوف نفسه اتنازل ولا بيبع ي نادين
روح. البنت لما بتتنازل بيداس عليها
نور. انتي السبب في اللي بيحصل انتي اللي طلعتي في دماغها فكره الشغل
شاهي. لا ي نور هي كانت حابه تشتغل من قبل ما روح تدخل حياتنا
نور. بس كانت هتوافق ع قرار سيف وماكنتش هتعاند بس هي اللي قوت قلبها
شاهي. انتي بتلوميها ع اي دي حياتها وهي حره فيها
نور. براحتها انا همشي
وسابتهم ومشت وكانت نادين متلغبطه وبتعاتب نفسها هل القرار دا صح ولا غلط ومر اليوم بكل احداثه وكل واحد رجع بيته وروحت روح بيتها ودخلت اوضتها ونامت ع السرير وكانت مبتسمه
روح. بتنهد اول حاجه نجحنا فيها انهم سابو بعض لازم اعرف اوصل لسيف مش اوصله بس لا انا لازم اسيطر ع قلبه وعقله
ومسكت موبايلها ورنت ع امجد
روح. اي الاخبار
امجد. لحد دلوقت تمام انتي اي الدنيا
روح. بتتقلب في السرير زي الفل سابو بعض
امجد. ي بت الجنيه في 3 ايام بوظتي علاقه
روح. لا لا يا امجد انا مابوظتش حاجه هما اصلا كانو مختلفين وانا وعيتها بس انها تفضل ع قرارها
امجد. اي كان انتي اللي اقنعتيها
روح. بس الخطوه اللي جايه صعبه سيف ونور مش طايقني بس لازم اوصل له
امجد. طيب هتعملي
روح. بتضحك كل خير انتظرني بكره في الشركه
امجد. هتعملي اي
روح. لازم يابني اصلح العلاقه واعمل اللي عليا
امجد. بيضحك. قصدك اخربها اكتر
روح. بالظبط يلا روح نام وقتك خلص
ونامت روح ومر الليل واتي نهار جديد وقامت روح بكل حماس ولبست وراحت الشركه لسيف وماكنش لسه وصل وكانت قاعده مستنياه في لمكتب وهو اول ما شافها اتفجا وكان متعصب
سيف. بعصبيه. انتي اي اللي جابك هنا
روح. التفتت لي عيب دا انا في مكتبك المفروض تستقبلني بطريقه احسن من كده ولا انت ماتعرفش كرم الضيف
سيف. بنفس العصبيه لا ما اعرفهوش واتفضلي اطلعي بره
روح. لا مش همشي غير لما نتكلم وقامت قربت من سيف ومسكت ايديه وسحبته اتجاه الكرسي اتفضل اقعد واهدي كده
قعد سيف وكان مصدوم من تصرفتها وجرئتها عليه
روح. انت ونادين بتحبو بعض وعادي انها تشتغل
سيف. انا بالنسبه لي مش عادي والموضوع انتهي
روح. لي طيب كده حرام حبكم يروح كده
سيف. الحب مش كل حاجه
روح. سندت ضهرها الكرسي الحب احلي حاجه لما تلاقي حد ضهر وسند وامان ليك بس عارف البنت نادين طلعت غبيه انها اتنزلت عنك بسهوله وسوري يعني انت كمان غبي بس يلا اكيد ربنا هيعوض عليك
سيف. انتي اطلقتي لي
روح. بتنهد لاسباب خاصه
يبف. اللي هي اي
روح. مش بحب احكيها ممكن نكون صحاب
سيف. لا
روح. لي طيب انا مش وحشه زي ماانت فاكر كل الموضوع ان الظروف اللي جبرتني اوصل لكده
سيف. اللي هي اي
روح. لما نكون صحاب هتعر ف لوحدك يلا انا همشي عشان عندي شغل
وقامت روح عشان تمشي ووقفت مره واحده والتفتت لسيف
روح. اه صحيح نسيت اديك رقمي وقربت من المكتب واخدت ورقه كتبت فيها رقمها دا رقمي لو حبيت نكون صحاب كلمني
وطلعت روح من المكتب وقابلت ياسين
ياسين. اي دا يا هلا ي هلا روح عندنا هنا وانا اقول الشركه منوره لي
روح. بابتسامه دا نورك ي ياسين
ياسين. يالهوي ع ياسين وهي طالعه من شفايفك القمر دي
روح. بكسوف شكرا
ياسين. يالهوي ع الخدود اللي بقت لون الفراوله عايزه تتاكل اكل دي تؤبر قلبي انا
روح. بتضحك بصوت عالي
ياسين. اموت انا في الضحكه دي
روح. انت ي بني مش خاطب ازاي انت كده بتتغزل في البنات
ياسين. انا بالنسبالي البنات كائنات رقيقه لازم كل ما اشوفها اتغزل فيها وادعلها كده يخراشي ه الحلويات
روح. بتضحك انت فظيع الله يكون في عون نور
ياسين. لا الله يكون في عوني انا انا فرفوش ونعنوش وهي نكديه اوي
وفي الوقت دا كانت نور واقفه ورا ياسين وشافتها روح وطلبت نور انها ماتبينش وحاولت روح تنبه ي اسين
روح. بس نور بنت لذيذه خالص
ياسين. بيضحك قال لذيذه قال دي قمه قي النكد والعكننه والعصبيه اقول انا بخاف منها ساعات اه والله ممكن وقت عصبيه تبلعني ما الستات دول مجانين برضو دا ابو الليف غني لهم
روح. طيب انت لي مكمل
ياسين. ياريته بايده وبيشاور ع قلبه هي هنا ومحدش يقدر ياخد مكانها
روح. بتغمز له وبتبص ع نور ع اساس انه يفهم
ياسين. بيني وبينك انا عامل لها اغنيه اغنيهالك
روح. بتغمز له بلاش
ياسين. بيهز راسه لا والله لاغنيها. نور يا نكد ياام تكشيره تعبانه فكيها واضحكي دي الدنيا قرفانه فكيها وفرفشي وخليكي معانا
روح. بتحط ايديها ع وشها
ياسين. انا عارف ان اللحن مش ظبط
روح. بتبص له لا دا انتى اللي هتنظبط دلوقت بص وراك كده
ياسين. بيبص لروح. اوعي تقولي ان النكديه هنا اقصد نور
روح. بتهز راسها ايوه
ياسين. بيبص وراه اهلا بحبيبت قلبي وعمر اللي فات واللي جاي
نور. بتبص له نظرات كلها غضب ياسين انا قررت اننا نسيب بعض
ياسين. لا ي روحي دا انتي نورت قلبي وحياتي انتي اكسجيني
نور. وانا مش عايزاك
ياسين. تعالي بس نشرب اتنين لمون يروق الدم
نور. لا يا ياسين انا قررت وخلصت
ياسين. طيب انتي هتكوني مرتاحه لما انهار وقلبي يتعب وادخل العنايه ونبضاتي تقف ويعملولي صدمات كهربا ويطلعو يقولولك الب....
نور. لا بس ما تقولش كده ما اقدرش خالص هسامحك
ياسين. احلفي
نور. والله سامحتك
ياسين. يؤبرني القلب الطيب الحنين عليا
روح. واقفه بتضحك ع ياسين وكلامه وانه في ثانيه خلاها تسامحه وقد اي نور طيبه وشخصيتها ضعيفه قوي وسابتهم واقفين مع بعض وركبت عربيتها وجات تمشي موبايلها رن
الخامس من هنا
