رواية اقتلني اشفيني الفصل الثالث 3 بقلم سومة ناصر
Part 3
رواية إقتلني إشفيني روايات بنوتة ليبية 
..الكاتبة سومة ناصر .. 
______
سمير ......شن تقولي انتييييي وياااااهااا
ملك ....عمءء....وكيف بنتكلم معاش حسيت إلا وعمي شادني من شعري حسيته بيتقطع كان اسببب ويقول في كلام اول مرة نسمعه كنت خايفة لدرجه تمنيت الموت وقتها خلاني وشحنى للدار وجاب العصا وبديي يضرب فياااااا في كل مكان في جسمي معاش حسيت بشي إلا خشمي ينزف شبحت يقين و مرت عمي خيرية إيشحو فيه بعدين اغمى عليا ومعاش حسيت بشيي
يقين ...خلاص بابا خلاها
خيرية .....خيرها شندارت
سمير....شن دارت تو نقولك بعد منربي بنتك
قالها وعيونه حمر خدي يقين وخششها في دارها وبدي فاها وكل ميضرب خيرية تشح فيه لاكننن مقدراتاشششش لين سكر عليهم كل وحدة في دار 
سمير ....خاش للدار وعيونه ناررر خدي حبة مهدي بش يهدأ
خيرية ......خيرك ياراجل شن دارووو البنات معقوله تحولت لوحش هكي بدون سبب تضرب
سمير ...قام راسه وقال .....وحشششش تو طلعت أني الوحش يمدام والبنات مدايرين ميبو في الحوش يعبيتي عليك وبسس
خيرية .....تغاررر فهمني شن دارو يس
سمير .....اكلمو في الفروخ ويتمعشقوووو يهانمم وست الحوش ياعبيتي علييييك وبسسسسس
خيرية ......مصدومه كيفففف عرفت
سمير .....مش مهم كييف عرفت المهم اني سمعت بودني وشوفت بعيوني أقسم بالله العظيم يطلعو من ديارهم بسسسسس وأني طالع نقتلهم و نقول روحيييي برييي جيبلي تلفوناتهم فيسععع 
خيرية ....مشت وهيا تبكي وخايفة متوقعة أيا حاجه منه لمه اعصب
________
البومه........قوتلك أني برا اخدم عند مالك مش سمير
محمد .....تماهو ركان حسيته شاك فيا هادا علاش قولت نمشي نخدم عند سمير لان سمعتاه اقول بيبدأ يخدم معا سمير
البومه......كيفففف
محمد .........ايه ماهو ركان بيشري أسهم بوه من سمير ويخدم معاه
البومه......هههههه والله وطلعت فالح معناته تواااا نبي المشاريع والاوراقي متاع سي سمير رغم اني كنت مواتي خطة تانيا لاكن جيت في وقتها التحويله وسكر 
ركان ......سكر التلفون ......شطوررررر
مؤيد .....باهي تعرف تكدب وتخترع قصص
محمد .....نعجبوك أستاد
مؤيد ....باهي باهي برا وانت مصدقت روحك أحمد ربك قاعد عايش رغم الخيانه
محمد .....طلع
ركان ....راقبة كويس قاعد نحس فيه يلعب علينا
مؤيد .....ولعبه علينا مرات اواصلنا للبومه ونعرفوه مني 
_________
خيرية ...اهما التلفونات
سمير....هاتي لبلي أني طالع توا والليله نبيهم الفرخات ع لعشي فاهمه تو نعرف كيف نتصرف معاها ملك اني فاهمه ولا
خيرية .....لونها تغير متبيش تقوله ع عركت
إيهاب وتامر ويزيد يولع فيهم
سمير ....انكلم في مني
خيرية ....باهي تو نقوللهم وحقة تامر روح
سمير ....امتى
خيرية ....الصبح
سمير ...تمام هوا وخوه نحبهم ع لعشي في موضوع مهم نبيكم فيه
خيرية......شن هوا
سمير ......تو تعرفي اصبري بسسسس خدي بعضة وطلع
_______
ملك .....نضتت حاسة بجسمي مكسر تكسير لونه ازرق كله شفت دم نازل من خشمي نضتت قعدت نغسل فيه ودموعي موقفوش تفكرت أمجد والموعد اليوم تنهدت وقعدت نبكي بعدين قلت خلي نمشي نبعتله رسالة ونقوله تعالى إخطبني من عمي دورت التلفون ملقيتاش اطمنت إني مش مسجلاته أمجد
ومقيلتله ميتصلش بيا إلا لما نتصل أني يااررررب أرحمني رانييي حبيته بسسسس 
يقين يقين شن صار فاها هيا ما ذنبها شيييي
___قدام البحر ____
تامر ......سارح في أفكاره فجأة شبح بنت قدامه وتبكي وخايفة
تامر ......خيرك يأخت تبي مساعدة
البنت .....حول كلكم زي بعض كلكم كلااااب حسبيا الله ونعم الوكيل
تامر ...مصدوم من كلامها ومن ردت فعلها شن اخلي بنت تنهار هكي
باهي فهميني فيه حاد مضايقك اسمعيني أختي أني مش جاي نستغلك او حاجه شفتك تبكي جيت وسألتك بلكي نقدر نساعدك وصدقيني نيتي صافية راهو
البنت .....اي ياماااا سمعته لكلام هادا نفس الكدب والخداع والنفاق نفس الجمل والكلام ومشت وهيا تبكي
تامر ....أني الفاضي ناقصني ناس مريضة وركب السيارة ومشي
______
(في مكان تاني ♡)
أمجد .....وينها زعما خيرها مجتش اوووفففف بلكي شدها واحد من خوتها لازم نوصل فاها خبط الدومان ومشي
________
(في لعشي♡)
سمير .....ياكل وساكت وتامر نفس الشيوطبعا رهف متشمته في ملك ويقين سمعتهم لمه يعيطو اكتفت تتفرج من بعيد بس وخشت دارها
سمير ......خيرك روحت وما قلتش راهو استقبلناك
تامر ....منديرها مفجأءة بوي
سمير ....أني من المفجأءات في العيله ليل بتجنني جلطه وشبح لملك
رهف ....بعيد الشر عليك يعمي
إيهاب....سلمها يالي خايفه ع بوي
سمير ....تحشم يفرخ
خيرية .....فنصت فيه
ملك .....يقين أسفة انضربتي بسببي
يقين ....أني صوتي يالي عالي كله من لساني
إيهاب ...شن توشوشي انتي وياها
يقين .....ع لقراية
إيهاب ...تكلمي بصوت عالي مش نسمعوك كويس
سمير ..خلاص شن دخلك في بلاهم وبعدين خيره خشمك مدايرله فاشة
إيهاب ...شبح لتامر....زلقت في الحمام
تامر .....سلامتك شكلها قوية الطيحة
إيهاب .....قلب عيونه وكمل ياكل وشاد روحه قدام بيوه
خيرية .....ايه يحاج شن هوا الموضوع يالي تبينا فيه قلت
يقين شبحت لملك وقعدتو يرعشو
تامر ....شن فيه بوي
سمير .....قبل منتكلم يالي بتسمعوه منبيش اعتراض عليه فاهمين وله
سارة ....الحمدلله عن اذنكم
سمير ....اقعدي سارة حتنتي لازم تسمعي لكلام يالي بينقال
سارة ....قعمزت وماتبيش تكسر كلامه رغم أنها بسيف تقعمز معاهم كل ماتشوف كرسي عمر تتذكره
_______
ركان ..... ايه كويس متخافيش عليا خالتي تركية
تركيه.....رد بالك ع روحك وكول كويس باهي
ركان ....منعرفش علاش وقتها تفكرت أمي ...حاضر من عيوني هيا سلام
تركية ....بسلامه ولدي
مؤيد .....تعرف ركان نحس فيه بش هيوافق ع الطلب
ركان.......وعلاش لا
مؤيد ...قصدي مستحيل افرط في حاجه زي اهيا
ركان........تو نشوفو
______
أمجد ....زعمه نتصل باها لاكن فكيني بلكي تلفون بش عندها اوووفففف وينها لتوا متصلتش
_______
سمير ..... يقين وملك معاش بيمشو للمدرسة بالباص إيهاب يرفعكم
إيهاب ...نعممممم
سمير ...قعمز في مكانك قتلك ترفعهم انت معاش فيه كلام تاني ينقال وبالنسبة للكورسات وحوش صاحبتي لااااااا مافيش
وانتي ملك وتي روحك غدوة جايين ناس بيخطبوك
ملك ....شنييي
سمير....يالي سمعتيه انخبر فيك بش تكوني في الصورة فقط
تامر......خيرهم بوي شن مدايرين
سمير .....شي عندك مانع ولا شني
تامر ...لاشي غار نحسابهم ابصر شن عاجنين من مصيبه
سمير ... مافي شي وانتي يمراا غدوة من الصبح تطلعي تاخدي الحاجات الناقصات واضح ولا
خيرية ....باهي من همة الخطابة نعرفهم؟!
سمير.... تو تعرفيهم
ملك ....الحمدلله ناضت ومشت وراها يقين
رهف ....خسارة يعمي قبل مناخد ملك لخوي جهاد
سمير ....هادا مناقص تخوك كل يوم في المشاكل مليشي فترة طالع من الحبس تبيني نعطيه يسلام نقصني مشاكل أني ناض وركب فوق
رهف ....اضايقت وناضت ولحقها إيهاب
خيرية ....أني راسي خلاااص وناضت
قعدو تامر وسارة
سارة ....تامر أسفة ع المشكله يالي صارت الصبح كله مني
تامر....مش لازم تتأسفي وبعدين انتي
مغلطيش معاش تسكتيلهم لمه يقولك مجرمه انتي مدخلكش في موت خوي وناض
سارة ....انتَ الوحيد يالي قلبك زي عمر طيب وتقول في الحق وناضت
________
ملك ....ياربي شندير مستحيل نتزوج واحد غير أمجد مستحيل
يقين ....ومن قالك واحد تاني بلكي هوا
ملك ....زعمه يارب يطلع كلامك صح لاكن لو بش هوا تخيلي هااء
يقين ....بالله مني بيخطرله توا هكي بيخطب غيره
ملك ....لازم نتأكد
يقين ....كيف!؟ متقوليش بتاخدي تلفون ماما
ملك ....مافيش حل تاني
يقين ...بلكي عرفت
ملك ...بش هتعرف لاكن توا كيف بنجيبه
يقين ...انزلي وشوفاها وين وانشاءالله تتلاقي معا بابا بش اكمل باقيك
ملك ...اوففف مفيش حل إلا غدوة لما يطلع
يقين ....ربي يستر
________
سمير .....شاد التلفون ويتكلم تمام غدو الساعة
5 العصر ومدابية يكون الموضوع بيناتنا .....تمام وسكر
خيرية ....هادا هوا يالي بيخطب
سمير .....ايه
خيرية ...باهي من حقي نعرف مني وولد مني
سمير ...تو غدوة تعرفي طفي لبلي خليني نرقد
__ركان واقف في البلاكونه____
شبحت بلاكونتها فاضية منعرفش علاش اندور علاها ليش نبي نشوفها رغم إني لو شبحتها منعرفش ردت فعلي لاكن غدوة هنشوفها تبي ولا متبيش
________
رهف ....مقعمزة ع السرير ومدايرة روحها زعلانه
أيهاب ....خلاص حبي عارفتيه بوي يلِ يخطرله ايقوله وبدي يقرب منها
رهف ....حبيبي أني نبي بوك اديرلي قدر حتى قدام بناتكم بس وقربت منه وبدت تبوس فيه
إيهاب .....بدي حتى هوا يبوس ووووو....$
(خلاص برو 
)
)(تاني يوم ♡)
___يوم الخطوبة __سمير ....قولي ل إيهاب يرفعكم خودي الحاجات قبل الظهر
خيرية ....نعرف انها غلطت لاكن لو تأجل الخطبة اليوم
سمير ....لاااا عطيتها ثقتي وخانتها مافيش تأجيل فاهمة ولاا
خيرية ....باهي معناته اعطيهم وقت بش يتكلمو ويتعرفو ع بعض
سمير ....شنهيا تِ حتى الشبح متشبحاش فاهمة وااالا
خيرية ...تكيف بتعطاها قطوس في شكارة باهي هيا متشوفاش وهوا بلكي يبي يشوفها من حقة الشيييء
سمير ....كلمته واتفقنا وهو موافق وبعدين يعرف اسمها وعمرها سااااد وبلا كترت دوه معاي ع الصبح (خدي مفاتيحه وطلع )
خيرية ....تنهدت وطلعت من الدار
_________
يقين .....تعااااالي هيااااا بابا طلع وماما ما في حد في الدار
ملك ....مندور التلفون يارب نلقاه
يقين .....فيسع مرات يجي حد وأني تو نوقفلك في الدروج وفيسع
ملك ....فعلاا انتي اختي يلِ مجبتهاش أمي حضنتها ومشيت وأني خايفة منلقاش التلفون أخر فرصة ليا مش نتأكد من لعريس أمجد او واحد تاني
_______
ركان ....نضت ع صوت المنبه رغم اني كنت نايض ونفكر لاكن قطع حبل أفكاري صوته ...
نزلت وكنت عارف إن اليوم هنكمل يلِ بديت فيه هننتقم من ملك ونخلاها تعيش في رعب
...ايوا مؤيد
مؤيد ....صبح ركان مازال بكري
ركان ....لازم نكملو وراقي وتعرفني معنديش خلوق برا انت ودير كل شي
مؤيد ....ربي يستر وخلاص من اليوم وسكر ...
_________
إيهاب ....واقف ع المراية ويلبس في ساعته
رهف ...تو حبي ضروري منها مشيت السوق
إيهاب ....تِ ماهو بوي كلفني باها منقدرش نقول لا
رهف ...ناضت من السرير وسترت روحها
بطرف الروب جت وحطت يدها ع خصره ...باهي أني نستاحش فيك قلبي
إيهاب....لف لجهتها وقابلها تِ إماله شن تقولي عليا اني
رهف ....حبي منقولك حاجه لاكن متفهمنيش غلط
إيهاب (زي السكران بين اداها) ....قولي حاجات بش حاجه
رهف ....مفروض حني نسكنو بروحنا ونستقلو يعني شن فاها لو طلبت حقك من بوك
إيهاب ...نفض منها ووخر شنننن تقولي أنتيييي تبيني نورث بوي وهوا حي هدا مناقص ال&$
خدي مفاتيحه وطلع
رهف (خبطت الطاولة بيدها وهيا تقول) ....تو تشوف يا إيهاب لو مخلتكش تاخد الورث كله ونقعدو حني بس يالي عايشين في الفيلا حنيييي بسس
______
ملك ..خشيت وسكرت الباب وبديت اندور ع التلفون فتحت الدولاب ودورت مافي شي دورت في القجارات وصلت في قجر مسكر اوووففف وين المفتاح وهءء...
......تبي هادا 
فجأ سمعت صوت قلبي طاح تلفتت ولقيءء.
_______
ركان ...طلعت مستعجل من الحوش تلاقيت مع سمير دار روحه مشبحنيش لاكن ع مني
ركان .....صباح الخير عمي سمير معقولة تشبحني وتفوتني عيب عاد
سمير ...شن تبي صبح مش فاضي
ركان ....من توا حط ف حسابك إن ديمه هنتلاقو الباب ع الباب عاد وبعدين منولو أقارب عاد
سمير ....ركب السيارة ومردش عليه
ركان ....اهرب لأمتى لاكن 
_______
ملك ......أنيييي كنت
.....انتي كنتي شني تكلمي
ملك ....مرت عمي أني كنت اندور ع تلفوني
خيرية ....تلفونك خداه عمك وعلاش كنتي ادوري عليه بش تكلمي الفرخ يلِ خديتي من وراه طريحة وفي جرتك يقين حتا هيا تكلمي
ملك ....صدقيني مرت عمي حبيته والله ماهو فرخ وعدني إن يجي يخطبني
خيرية ...وعدك!؟ تخيرك انتي هبلتي وله شني صاير بيناتكم لوعود شن تاني تكلمي ( شدت يدها بقوة )
يقين ...ماما سيباها
خيرية ...انتي أقلبي وجهك لدارك فاهمه وأنتي وتي روحك اليوم الخطوبة يخسارت مربينا خدت يقين وطلعت وكلامها يالي حدفاته قعد جرح في قلبي تمنيت بابا وماما عايشين وقتها يمكن ماما فهمتني وعرفت إني حبيت بس
انهرت وبكيت فرغت يلِ في قلبي كله خشيت داري ومفيش مهرب إلا دوش نغرق فيه مرات ننسا همومي لاكن ياريت
______
