رواية عشقتك قبل رؤياك الفصل الحادي والعشرون 21 بقلم فاطمة الألفي

رواية عشقتك قبل رؤياك الفصل الحادي والعشرون 21 بقلم فاطمة الألفي 

 اوقف مجد سيارته أمام فيلا الانصاري ، ترجل أولا من سيارته وتوجهه إلى صديقه يساعده من الترجل .

اتكز ياسين على عصاه وامسك بيد صديقه ليدلف لداخل الفيلا ، لكي يلتقي بعائلته ..

دق مجد الجرس وانتظر ان يفتح له أحد .

بعد لحظات توجهت الخادمه لفتح الباب وتفاجئت بوجود ياسين وصديقه ، رحبت بهم الخادمه واسرعت لتخبر والديه .

استاذن صديقه ليذهب إلى الشركه ، وفضل ان يترك صديقه فهذه لحظه خاصه بينه هو وعائلته ، وترك حقيبه صديقه ..

٠•••••••••••••

كان الجميع يتناولو الافطار وفجأة استمع الى هتاف الخادمه ، بعوده ياسين .

نهضت غاده على الفور لتتاكد من وجود ابنها ، وأيضا اسرع محمد فى خطواته ليمتع انظاره برؤيه فلذه كبده ، أما عن سيف ووالدته ، تبادلو نظرات الغضب والضيق .

همست له :قوم خليني نرحب بالبيه

نظر لها سيف باستنكار :مش مرحب بحد ، قومي رحبي انتى وابدئي فى التمثيل ، انا خلاص اعتزلت التمثيل .

ماجده بضيق :ماشي ياسيف لينا كلامنا بعدين

سيف بلامبالا :لا دلوقتي ولا بعدين

٠••••••••

لم تصدق عيناها انها ترا يقف امامها ، اسرعت لتضمه داخل احضانها بفرحه وبكاء بسبب غيابه الذى طال انتظاره ، والآن تحضنه بقوه :واحشتني يا حبيبي ، واحشتني يا قلبي ،يا عمري كله

عانقها بقوه ليشعر بحنانها الذى افتقده وهو يبتسم لها :واحستيني جدا يا أمي

همس محمد بفرحه :سبهولي يا غاده شويا أخد ابني فى حضني

ارتمى باحضان والده الحبيب :واحشني يا بابا

محمد بفرحه :ليك واحشه اكتر يا بني ، وجودك رد روحي من تاني ، ربنا يخليك ليه

ياسين بابتسامه :ربنا ما يحرمني من وجودك فى حياتي يارب

اقتربت ماجده زوجه عمه تتصنع التمثيل وتبتسم رغما عنها :نورت بيتك يا حبيبي ، حمد لله على سلامتك

قبلته من وجنته وهى مرغمه على ذلك ، ابتسم لها بحب :الله يسلمك يا طنط

هتفت بصوت عالى عندما وجدت ابنها ينسحب ويترك المكان .

سيف تعالي يا حبيبي سلم على اخوك الكبير

تسمر سيف مكانه :بس اخويا الكبير لغى وجودي من الشركه ومن حياته كمان وفضل صاحبه عليه

اقترب ياسين حيث مكان سيف :أنت عارف انت عملت ايه ، كنت هضيع كل تعبي وشقايه فى الشركه فى غمضه عين وانت مش حاسس بتعمل ايه ، انت عارف طول عمرى معتبرك اخويا الصغير وبعاملك على هذا الاساس ، بس لم تغلط لازم احاسبك

تدخلت ماجده لفض الخلاف بينهم :معلش يا ياسين انت الكبير يا حبيبي ولازم تخلى بالك من سيف هو غلط وسامحه يا حبيبي

ونظرت إلى ابنها : وانت اعتذر لاخوك

ياسين بصدق :مكانك فى الشركه موجود ياسيف زى الاول ، وتقدر من دلوقتي ترجع مكانك تاني ، وأنا هتواجد فى الشركه من بكره ، ولازم تعرف انك اخويا الصغير وهعدي غلطتك دي هعتبرها غير مقصوده ، وكمان انا مافضلتش حد على حد ، مجد هناك بيشوف شغله

سيف بانفعال :لا يا كبير شاكرين افضالك ، مش هتبقشش عليه

ترك المنزل بغضب ورحل ، حاولت ماجده ايقافه ولكن لم يصغه إلى أحد ..

اقترب محمد من ولده يربت على كتفه :سيف لسه صغير وطايش مش عارف بيقول ايه ولا بيعمل ايه ، خليك دايما الكبير إللى بيحتوى اخوه الصغير ويفهمه ويوعيه كمان ، مش تزعل منه

ياسين :مش زعلان منه يا بابا ، انا زعلان عليه وعلى تصرفاته إللى مش بيفكر فيها

غاده بفرحه :حبيبي تعالي اطلع اوضتك استريح وانا هوصلك بنفسي

ياسين بابتسامه :ارتاحي يا ست الكل ، انا حافظ البيت شبر شبر وعارف اوضتي فين مش هتوه ، هطلع لوحدي

تركته والدته لا تريد الضغط عليه او احساسه بعجزه ، سار ياسين فى طريقه وهو يتحسس بعصاه وصعد الدرج ، ثم اتجه إلى غرفته ، تنهد بحزن واغلق الباب خلفه ..

اشتم رائحه زوجته الراحلة تعبق الغرفه ، جلس على الفراش وانسابت دمعه حارقه على وجنته عندما تذكرها تقف امامه وتبتسم له بحب ، ارتمى على الفراش واغمض عيناه بقوه كأنه يهرب من صورتها العالقه بذاكرته .

*****٠••••*************

جلس عمار بجانب ريم بعد ان صرح لها بمشاعره الذى اخفاها عنها منذ أن علم بعشقه لها .

عمار بحب :ها هقابل والدتك امته عشان نتفق على كل حاجه

ريم بخجل :الأول هتكلم مع ماما وبعدين ابلغك

ابتسم على خجلها وقرر مشاكستها :غريبه اول مره اعرف انك بتتكسفي اوى كده

نظرت له بغضب :نعم تقصد ايه بقى

عمار بضحكه رنانه :اقصد اهزر معاكي ، فاكره اول مره اتقبلنا مش هنسي نظرتك ليه هههه

ريم بابتسامه :أنت إللى كنت شايف نفسك

عمار برفعه حاجب :انا يابت ده انتى بصتيلي وكأنى جاي من كوكب تاني

ريم بخجل :لا بصراحه كان شكلك مغرور كده ولم قولت انك كابتن يوجا فقولت شايف نفسه على ايه

عمار بجديه :بقى كده ماشي ، ممكن اسألك سؤال

ريم :اكيد

عمار :انتى شيفاني ازاى ، يعنى واثقه فى قرارك وموافقه على ارتباطنا عن اقتناع

ريم بصدق :عمار انا يعنى بصراحه اعجبت بيك من وأول مره شوفتك ، حسيت بلمعه غير عاديه فى عنيك وكنت محتاره فى مشاعرك وبقول لنفسي هو بيفكر فيه ولا معجب بيه ولا مش على باله خالص ، شغلت كل تفكيري

عمار بفرحه :وربنا انا غبي ان مابينتش حقيقه مشاعري ، صدقيني خوفت اسرع واقولك ترفضيني وساعتها اخسرك ، بس من هنا ورايح مش هخبي حاجه جوايا تاني ، عشان بحبك

ابتسمت له بحب :وانا كمان

عمار بغمزه :انتي ايه بالظبط

ريم بمشاكسه :لم تقابل ماما الأول

عمار بجديه :وانا مستعد اقابلها دلوقتي

*****************

اما عن حبيبه فبعد أن ودعها ياسين وغادر الاكاديميه ، توجهت على الفور إلى غرفتها ، لتطلق لدموعها المتحجره السقوط وإخراج حزنها وغضبها من ذلك التصرف ..

بعد ان اخرجت كل ما بداخلها اثناء بكاءها ، كفكفت دموعها ودلفت المرحاض لتنعش جسدها بالماء ، وابدلت ملابسها وقررت الذهاب إلى الحضن والدفء الذي تحتاج إليه ..

••••••••••••

بعد مرور ساعه كانت تقف أمام منزل والدتها ، دقت الجرس وخلال ثواني معدوده فتحت لها والدتها الباب ، لترتمي هى باحضانها .

تسرب القلق إلى والدتها بهذه الزياره المفاجئة ، فلم تتوقع قدومها الآن .

-ادخلي يا قلبي ، احكيلي مالك

سارت بجانبها ، اصطحبتها والدتها إلى غرفتها وجلسو سويا على الفراش

عادت ناديه الحديث بقلق :مالك يا حبيبه مش زى عادتك يا بنتي ، حصل حاجه ، تعبانه مالك بس طمنيني

حبيبه بهدوء :مش عاوزة غير تاخديني فى حضنك وبس

ضمتها بحنان وظلت تمسد على ظهرها ، إلى ان استكانت باحضان والدتها وشعرت بالامان وتحدثت بصوت مهزوز :اعرف ازاى ان بحب

استغربت والدتها فى بدء الأمر ، صمتت للحلظات ، ثم استوعبت بما تشعر به طفلتها الصغيره .

ابعدها برفق ونظرت داخل عيناها :انتى بتحبي يا روح ماما

نظرت له بتوهان :مش عارفه ، انا لم يوسف اتجوز وحضرت فرحه مازعلتش ولا اتوجعت زى انهارده

ناديه بجديه :عشان يوسف كان قدامك طول الوقت وتعلقك بيه ماكنش حب حقيقه ولا صادق ، كان تعود ان هو شخص موجود فى حياتك وبس ، طبعا انجذبتي ليه فى مرحله المراهقه بس مش اسمه حب ، المشاعر كل فتره بتتغير ، كمان انتى دلوقتي كبرتي ونضجتي واكيد يوسف عندك زى حازم ، مهمين فى حياتك عشان ولاد عمك ودم واحد ، كان لازم تقفي جنبه فى تعبه ومحنته ، كمان عشان جواكي عاوزة تردي الجميل لعمك عشان رباكي وكبرك وعلمك وكان ليكي الأب ، طبيعي لم قالك يوسف عاوز يتجوزك وافقتي بدون تردد عشان عمك وعشان وقتها كان يوسف محتجالك وانتى بنتي الحنينه إللى مستحيل تتخلي عن ابن عمها فى ظروفه إللى مر بيها ، عشان كده فرحت لم قولتي ان يوسف بقى ابن عمك وبس وماخوفتش عليكي وانتي بتحضري فرحه عشان عارفه قلبك كان شايفه ازاى

حبيبه باهتمام :حضرتك عارفه كل إللى بحس بيه وجوايا

ناديه بتنهيده :عشان أنا ام واقدر افهمك واحس بيكي حتى لو عشتي بعيد عني ، فقلبي كان دايما معاكي وحاسس بيكي ، انتى حته مني وعارفه بتفكري ازاى وواخده قوتك وعنادك واصرارك من والدك الله يرحمه

حبيبه بابتسامه :وواخده منك ايه بقي

ناديه بجديه :رقيتك وطيبه قلبك وشكلك إللى زى القمر هههه

ضمتها حبيبه بقوه وهى تبتسم لحديث والدتها

ناديه :ماقولتيش مين إللى مبكي عينيك ، عشان ليه حساب معايا

ابتعدت قليلا عن والدتها وتحدثت بحزن :مش عارفه جوايا احساس غريب بالخنقه وحاسه بضيق وعاوزه بس اعيط

ناديه بقلق :يا ساتر يارب ليه كل ده

حبيبه :ماما انا مش عارفه ده حب بجد ولا تعود ، الحكايه باختصار ، شاب اسمه ياسين كان حاله وأنا المسئولة عنه ، قربت منه اساعده فى علاجه وبقينا اصدقاء لازم يكون فى ثقه بينا عشان يبدأ يحكيلي وانا اقدر اساعده ، فجاه قرر يرجع بيته ويكمل علاجه وسط عيلته ومن وقتها وأنا مضايقه وزعلانه ان بعد ومش هشوفه دايما زى الاول ، ده اسمه ايه، خصوصا عشان حياته متلخبطه ، هو كان بيحب مراته جدا ولم اتوفت هو دخل فى حاله نفسيه صعبه جدا ، لدرجه ان رفض يشوف الحياه من غيرها ، فقد بصره عشان خسرها، رافض العمليه اللي هتخليه يشوف الدنيا من تاني ، صعب افكر فيه وهو مش من حقي ولا هيكون ليا فى يوم

ناديه بجديه :انتى حبيتيه يا حبيبه ، زعلانه عشان بعد ، ومضايقه عشان هو مخلص فى حبه لمراته ، خايفه تقولي انك بتحبيه عشان حاسه ان مش من حقك تحبيه ولا تفكري فيه بس ليه مش حقك ، هى مراته موجوده عشان تقولي مش من حقك تحبيه ومش هيكون ليكي ، محدش يعرف الزمن مخبي لينا ايه ، ماحدش يعرف مشاعره انهارده ممكن تكون ازاي ، بس لو هيفضل عايش على ذكره مراته ومش عاوز يفتح عشان يشوف غيرها ، ممكن تكوني بديل فى حياته ، وده إللى هيكون صعب عليكي وكمان مش بعيد تكرهى حبك ليه وتكرهيه هو نفسه عشان مش هيكون شايغك فى حياته من الاساس ، عارفه ليه بقولك كده ، عشان قولتي تعبه نفسي وحاسس بالذنب ممكن يفضل طول عمره حاسس بحبها هى وبس ومجرد عاوز حد يكمل الحياه معاه ، عشان لو فتح وشافك انتى حبيبه مش شاف فيكي مراته وقرب منك وقبل بيكي كده هيكون خف من كل حاجه وبيحب حبيبه نفسها مش حد تاني

حبيبه بتوهان :تقصدي طول ما ياسين كفيف فهو حبه ومشاعره لمراته ومش شايف غيرها ، لكن لو فتح هيكون خف من عقده الذنب هو سبب موتها وكمان هيكون سهل يحب غيرها ، هيكون شايف الحياه جديده قدامه ويكمل فيها مع اى حد وقتها فعلا هيكون ياسين تجاوز كل التعب النفسي يا ماما

ناديه بتنهيده :وده إللى اقصده ، ونسيب الايام هى إللى تقرر ماحدش عارف بكره فيه ايه

شعرت بالتخبط والتشتت واضطراب بمشاعرها ، عليها أن تهدأ وتفكر بهدوء ..

٠•••••••••••••••••••••

اشرقت شمس يوم جديد تحمل فى طياتها الكثير

توجهه ياسين مع صديقه إلى مقر شركته ، واستقبله جميع العاملين بالشركه بترحاب شديد ، وأمر بعوده سيف إلى عمله ، وجلس بمكتبه الذى اشتاق اليه ، اخبره مجد بجميع التعاقدات بينه وبين شركات اخرى .

وظل يحدثه عن أمور العمل ، انصت اليه ياسين ولكن كان شاردا بمكانا آخر ، حدث نفسه ماذا تفعل الآن ، هل تشتاق اليه كما هو يشتاق إليها والحديث معها ولكن نفض تلك الفكره ، وعاد يصب تركيزه على عمله ..

فجأه صدع رنين هاتف مجد ، فانسحب ليجيب على زوجته .

مجد بشوق :واحشتيني يا توته ، عامله ايه يا حبيبتي

تمارا :بخير يا حبيبي ، انت واحشتني اكتر

مجد : كان نفسي تكوني معايا ، قلقان عليكم

تمارا :اطمن يا حبيبي احنا بخير ، طمني على ياسين كويس

مجد بتمهيده :الحمد لله كويس ، بس محتاج لوجدي جنبه فى الشغل

تمارا :طيب يا قلبي خليك جنبه مافيش مشكله

مجد بابتسامه :ماينفعش حبيبي يحن عليه ويجى

تمارا بجديه :حبيبي انت عارف نفسي اكون معاك فى مكان واحد ، بس انا عاوزة اولد هنا فى المانيا عاوزه ابننا ياخد الجنسيه ولا انت ناسي

مجد بضيق :ودى حاجه تتنسي عارف طبعا وعارف انك مش هتتنازلي عن الجنسيه

تمارا :حبيبي كده احسن ليه ، وأن شاء الله لو ماجتش على الولاده انا لم أقوم بالسلامه هتلاقيني عندك

مجد بقلق :لا بقولك ايه اوعى تعمليها من غيري لازم أكون جنبك واشيل ابني في حضني قبل اى حد

تمارا بابتسامه :ان شاء الله يا حبيبي

مجد :خلى بالك من نفسك يا قمري ، سلام بقى عشان عندي شغل

اغلق الهاتف مع زوجته وعاد يجلس أمام صديقه

-مافيش فايده فيها قال ايه لازم الواد يتولد هناك وياخد الجنسيه

ياسين بابتسامه :عندها حق يا اخي ، نفسها ابنها يتعامل معامله خاصه

مجد :والنبي تسكت أنت كمان ، على فكره مالك فى العمليات دلوقتي

ياسين بقلق :بجد وماقولتش ليه

مجد :جالي ايميل من مساعد الدكتور صاحبي إللى كلمتك عنه ، بس حاولت اتصل بيه كان مغلق ، اكيد فى العمليات لم يخرج هيطمنا

ياسين بقلق :اكيد حبيبه قلقانه لازم اطمن عليها

مجد بابتسامه :واجب بردو ، حنين اوي

ياسين بضيق :تقصد ايه

نهض من مجلسه :هو انا قولت حاجه ، انا رايح اشوف شغلي

٠••••••••••

اخرج هاتفه ونقش حروف اسمها ، وجاري الاتصال ..

كانت حبيسه غرفتها تنظر للهاتف من حين لآخر بقلق تنتظر مكالمه نيره لتطمءن على سلامه مالك وخروجه من غرفه العمليات

استمعت لرنين هاتفها ، اجابت بلهفه دون أن تنظر لرقم المتصل

-الو

استمع لرجفه صوتها وعلم بمدا قلقها وخوفها على الصغير :إزيك يا حبيبه

حقا سمعت صوته ينطق باسمها ام أنها تتخيل ذلك ، ظلت صامته

ياسين بقلق : حبيبه انتي كويسه طمنيني عليكي

حبيبه بحزن :لا انا قلقانه على مالك هو فى العمليات دلوقتي بقالو اكتر من ساعتين

ياسين يحاول أن يطمئنها :اطمني العمليه بتاخد وقت وان شاء الله هيبق بخير

حبيبه :يارب ، انت عامل ايه كويس

صمت قليلا يريد. ان يخبرها أنه ليس بخير وهو بعيدا عنها

-تمام ونزلت كمان الشغل

حبيبه:كويس اوى

ياسين بتردد :مش عاوزه تتكلمي وتقولي حاجه

حبيبه بتوتر :لا ابدا

ياسين بجديه :ولا حابه تسألي حاجه فى الرساله ، انا تحت امرك

حبيبه بحزن :هناقشها كمان شهرين ، دكتور سليم حددي ميعاد المناقشه

ياسين :ربنا معاكي وانا موجود فى اى وقت

حبيبه بجديه :وقت لم تحب تتكلم عارف انا موجوده فين وتشرف فى اى وقت

ياسين بتنهيده :تمام ، ابقى طمنيني على مالك

حبيبه :حاضر

اغلق الهاتف وهو حائر بتصرفاته ..

وظلت هى شارده بحديثه إلى ان افاقت من شروها على صوت رنين هاتفها ، حدثت والدة مالك بقلق واخبرتها الاخيره انه غادر غرفه العمليات الآن وان العمليه تمت بنجاح وسوف ينزعو الرباط الطبي خلال اسبوع من الآن لتاكد من نجاح العمليه 100%

فرحت كثيرا من أجل الصغير وتمنت له الشفاء العاجل والعوده من جديد إلى وطنه ..

********٠••••••********

اقتحم مكتب صديقه فجأه

مجد بجديه :ياسين وأنا بتابع كام ورقه فى مكتب والدك ، وقع فى ايدي صوره من محضر النيابه

ياسين بقلق :بتاع ايه المحضر ده

مجد بحزن :حادثه عربيتك إللى حصلت من 3شهور ، والحادث اتقيد ضد مجهول

ياسين باستغراب : مش فاهم ، هى مش حادثه عاديه وقضاء وقدر وانا السبب ولا ايه

مجد بجديه :أنت مالكش دخل فى اى حاجه والحادثه مدبره وبفعل فاعل

ياسين بصدمه :بتقول ايه

الثاني والعشرون من هنا

تعديل المقال