رواية عذاب الارواح الفصل العشرون 20 بقلم هنا عادل
عذاب الارواح
الجزء العشروووون
ياسر مسك فى ايد معتز
رئيسة بتميل راسها بتعب واضح وبصيت على معتز وياسر بعيون دبلانة
رئيسة.حقكم عليا
انا غلطانة
واستاهل كل اللى يجرالى
بس خليكم جنبي
بلاش تخلوهم ياخدونى مرة تانية
ياسر ومعتز بيبصوا لبعض بخوف واستغراب
ياسر بتوتر.ايه يمة
هما مين دول اللى ياخدوكى
وبعدين احنا جنبك اهو
مش اول ما فتحتى عنيكي لقتينا جنبك
رئيسة بحزن وندم.اللى قدروا ياخدونى لطريقهم وخلونى خسرت كل اللى حواليا بسببهم
حقكم عليا
خليكم جنبى حتى لو بقلبكم بس
انا محتاجة احس بخوفكم عليا
قلبى وجعنى من الندم
وموجوعة انى سبب كل الاذى ده لولادى واهلى
وجوزى
بس انا خدت جزائى
اللى شوفته مفيش بشر يقدر يتحمله
معتز بيسمعها ومصدوم وساكت
ياسر بود وحب.معلش يمة هى كانت تجربة صعبة علينا كلنا
بس ببركة ربنا نجينا منها
خسرنا كتير بس الحمد لله انك رجعتيلنا
وكل حاجة بكرة هترجع زى الاول واحسن
رئيسة بدموع.وجوزى يا ياسر هيرجع
ولادى اللى ملحقتش اشوفهم ولا افرح بيهم هيرجعوا
ياسر.انسي اللى فات بقى
الحمد لله انها جت على كده
وزى ما ربنا قدرنا ووصلنا للى يساعدوكى
برضه ربنا هيقدرهم ويساعدوا حنان والعيال الصغيرة
رئيسة بحزن بتبص لمعتز.سامحنى يابنى
انا غلطت
غصب عني
توهت وغرقت
ومعرفش انى هقع فى بير مالهوش ارار
عارفة انى مهما عملت مش هقدر اصلح غلطى فى حقكم كلكم
لكن جهلى وقلة عقلى هما اللى وصلونى لكل ده
معتز بتوتر.نتكلم لما تشدى حيلك يمة
ارتاحى دلوقتى
ولما تفوقى وترجعي لصحتك نقعد ونتعاتب
رئيسة.وهو انا ممكن ارجع تانى لصحتي يا معتز
انا خلاص حاسة اني ميتة حاسة ان روحى مش جوايا
مش من اللى شوفته بس
لاء
من اللى شوفته ومن اللى عملته
وبتمنى من قلبى انى اعرف اصلح كل اللى عملته
ولو فى ايدي ارجع بالوقت تانى لورا
هرجع وهقتل نفسى الف مرة قبل ما اخطى خطوة من اللى خطيتهم
بس كان غصب عني
معتز.الحمد لله انها جت على كده
هطلع اخليهم يحضرولك لقمة تاكليها
رئيسة.انا خايفة من الاوضة دى يامعتز
طلعونى منها يابنى
مخنوقة
معتز.حاضر يمة الناس اللى هنا تمشى بس
وبعد كده ننقلك اوضتنا ولا اوضة البنات
رئيسة.اخواتك فين عايزة استسمحهم
خايفة اموت من غير م اطمن انهم يسامحونى
معتز.بعد الشر عنك يمة
مفيش غير حنان ومفتاح
لكن باقى اخواتى عند الجيران علشان مكانش ينفع يكونوا فى البيت فى اللى كان بيحصل
رئيسة.والعيال الصغيرين معاهم
معتز.لاء برة
رئيسة.هما فيهم حاجة يا معتز
معتز بص فى الارض وسكت
ياسر.متقلقيش يمة
هيبقوا زى الفل هما كمان
حتى لو فيهم حاجة
ربنا موجود وزى ما نجانا كلنا
ونجاكى من اللى كنتى فيه
اكيد هيحميهم دى ارواح بريئة مالهاش اى ذنب فى اى حاجة
رئيسة دموعها نزلت وهى بتبصلهم بأسف وندم
معتز.طيب هنطلع احنا نخليهم يحضرولك لقمة
وانتى ارتاحى شوية
رئيسة بتحاول تهز رأسها بالموافقة لكن حتى دى مش قادرة عليها
ياسر.ارتاحى يمة
تاكلى بس علشان تصلبى طولك كده
ونقعد ندردش ونحكى فى كل اللى حصل براحتنا بقى
علشان تفضفضى وتطلعى كل اللى واجعك
رئيسة بتعيط وديرت وشها الاتجاه التانى
خرج ياسر ومعتز من الاوضة
وراحوا عليهم فى المربوعة
كان شنودة وصادق وعبدالله ومفتاح قاعدين بياكلوا سوا
وحنان وفريال فى اوضة البنات بياكلوا
بعد ما حنان خرجت وصلت اكل لأخواتها عند جارتهم
ولقيتهم تعبوا من اللعب وناموا
ياسر بفرحة.فاقت ياجدعان
فاقت وبتتكلم
عبدالله نزل اللقمة اللى كان لسه هياكلها.فاقت
ياسر.اه والله
واتكلمت معانا
وندمانة
وبتعيط
عبدالله بيبص لشنودة وصادق.هو ممكن ده يحصل
شنودة.اه طبعا لو سابوها يحصل
بس هى مش هتبقى بطبيعتها
ياسر.هى تعبانة اوى
وبتتكلم وبتقول اللى شافته محدش يتحمله
صادق.لاحول ولاقوة الا بالله
النفس امارة بالسوء
وهى نفسها كانت ضعيفة اوى
معتز.طلبت مني السماح
وعايزة تستسمحنا كلنا
شنودة.سامحوها يابنى
وساعدونا ترجع لربنا
خليكم جنبها كلكم
علشان متضعفش
لأن ضعفها هيعتبر بوابة ليهم
خلينا نسد الباب ده للأبد
وجودكم جنبها فى الوقت ده بالذات ومساندتكم ليها
هتساعدها تخرج من اللى كانت فيه وتنساه
وتقوى
وكل ما هتقوى كل ما مفيش اى كائن هيستسهل الوصول ليها
المهم ان كلكم تقربوا من ربنا
صادق.طيب انتم حاسين منها بأيه فى كلامها
معتز.هى باين عليها التعب اوى
وعمالة تعيط
وبتفتح عنيها بالعافية
وخايفة من الاوضة وعايزة تخرج منها
صادق.هى المفروض تخرج من البيت كله مش من الاوضة بس
لكن ده مش هيحصل غير بعد التحصين
عبدالله.طيب يعنى هى كده بقيت كويسة
صادق.كل ما يفوت يوم
وكل ما تتحصن اكتر كل ما هتبقى احسن
اه مش هترجع لطبيعتها
بس هتقوى اكتر
وهتبقى سد منيع بالنسبة لأى واحد منهم
ومش هيبقى سهل الوصول ليها
لحد ما تقدر هى بنفسها تلجأ لربنا وتطلب عفوه ورضاه
ده فى البداية مش هيكون سهل عليها
بسبب تأثيرهم اللى سابوه فيها
لكن هيحصل اكيد
مفتاح.خلاص يبقى احنا لحد التحصين ده ما يخلص نلحق ندور على بيت تانى
شنودة.يبقى احسن
المهم تخرجوا من البوابة دى
والاحسن انكم تقفلوها على كل اللى حصل فيها
بلاش حد غيركم يتواجد فيها
محدش عارف يمكن اللى يسكن مكانكم تكون نفسه ضعيفه
ويلاقوا بوابة تانية يرجعوا منها
وساعتها هيوصلولكم
وهيخلوا الانسان هو اللى يأذيكم واذية الانسان اصعب من اذاهم
بالذات لما يبقى متسلط
اهو انتم عيشتوا بنفسكم تسليط الانسان كان قوى ازاى
ووصل الست فريال وياسر وامكم لأيه
وعمل ايه فى ارواح مالهاش اى ذنب
وده لأنهم سلطوا بنى ادم
مش هما اللى اتعاملوا بنفسهم
طول ما فيه وسيط
طول ما قدراتهم بتكون اكبر
وعلشان كده بلاش نسيب اى فرصة لحاجة زى دى
الباقى بصوا لبعض لأن بكده القرار اللى كانوا ناويين يعملوه بقفل البيت
اتطلب منهم علينا
عبدالله.يا ابونا احنا اصلا كنا ناويين نعمل كده
مش هنقبل لحد انه يعيش فى بيت فيه لعنة زى اللى احنا عيشناها
يبقى حرام علينا نأذى غيرنا
شنودة.الرب يبارككم
صادق.طيب احنا حصنا الطفلين
والبيت
وتحصين الست ام معتز
هيبين اذا كانوا فعلا بعدوا عنها ولا لاء
عبدالله.طيب وده يحصل امتى
شنودة.لاء شوية كده
اتلموا كلكم حواليها
واقعدوا معاها شوية
خلوها تقوى بيكم وبجمعتكم حواليها
وبعدها نشوف احنا شغلنا
مفتاح.يعنى نبداء ندور على بيت يا ابونا
شنودة.ده الافضل للكل يابنى
مفتاح.على بركة الله
انا هخرج دلوقتى وساعة وارجعلكم
معتز.خليك معانا انت سمعت بيقولوا لازم نكون جنبها
مفتاح عايز يهرب من مواجهتها مش قادر ينسى انها كانت بتحاول تقتله
مفتاح.هرجعلكم تانى بسرعة
متقلقش هبقى معاكم
يلا سلام عليكم
سابهم مفتاح وخرج من البيت بسرعة وهو مقرر انه ميرجعش غير لما يلاقى بيت فاضى
معتز.طيب انا هدخل لخالتى وحنان يدخلولها لقمة علشان تاكل
دى مش قادرة تفتح عنيها
شنودة.احمد الرب انها لسه فيها نظر
صادق.كان ممكن ميسيبوهاش غير بعاهات مش هتقدر تتحمل تعيش بيها
ياسر.يعنى ايه
صادق.يعنى تتعمي لاقدر الله
او تتصاب بالخرس
او شلل
او حتى بالجنان
لكن الحمد لله انها جت على اد شوية تعب بدني ونفسي
كل ده مع الوقت وقربها من ربنا هينتهى
بس المهم وجودكم جنبها دايما
عبدالله.ياشيخ انا ليا بيت وعيال فى اسكندرية لازم ارجعلهم
اكيد هرجع لاختى وعيالها تانى بس برضه لازم اكون جنب عيال شوية
صادق.يابنى اتوكل على الله
القرب بيتحس حتى لو كل الموجودين واحد بس
لكن يكون بقربها من قلبه
واولادها طول ما هما حواليها
مش هيزعلها عدم وجود حد تانى
مادمتم سامحتوها
عبدالله.للاسف مش هنقدر منسامحهاش
مع ان اللى عملته فينا
مينفعش فيه سماح
لكن مش هاين علينا نقسى عليها زى ماهى عملت فينا وفى نفسها
صادق.ربنا يهديها يابنى
ويكفيها شر نفسها وشر شيطانها
معتز دخل لحنان وبلغها باللى حصل هى وفريال
فريال بأبتسامة .بركة الف بركة
الف حمد وشكر ليك يارب
حالا ياحبيبى هكون حضرتلها الاكل
حنان بحزن.قلبى واجعنى منها يا معتز
مش عارفة هتعامل معاها ازاى
معتز.معلش يا حنان
الحل الوحيد علشان اللى حصل ده ينتهى من حياتنا
ان كلنا نسامحها ونساعدها تقرب من ربنا وتتوب توبة نصوحة
والا هنبقى سايبين فرصة ليهم يرجعوا مرة تانية
حنان بكسرة.معتز انا مش عارفة اقولك حصل فيا ايه
مش هقدر اتكلم
ولا حتى معاها هقدر اتكلم
ولو لجأت للشخ ولا لأبونا هتأذى ومش بعيد كل اللى حواليا يتأذوا
وانا مش حمل اذى تانى
ولا هرضالكم الاذى
معتز.طيب ماهو الشيخ وابونا خلصوا امك يعنى سهل يخلصوكى
حنان.لاء يا معتز
انا مش سهل اخلص
انا طول ما مش بحاول اصرفه هو هيفضل سايبنى مرتاحة
لكن لو اذيته وانا خلصت منه
اللى حواليا مش هيخلصوا
وقربى من ربنا مش هيبعد اذاه عني ولو انا قربت من ربنا فى غيرى منكم ممكن ميقربش للدرجة اللى تبعدهم عننا
وساعتها هيبقى اذانا عن طريق البنى ادم ده
حتى لو اخواتك التؤام اللى لسه مكملوش يومين تلاتة
معتز بيقرب من اخته ويطبطب عليها.حقك علينا يا حنان
بس اكيد مع الوقت وقربك من ربنا هو هينجيكي
من غير اى محاولات للأذى منك او منه
وفى محاولة من معتز لتخفيف الوضع على حنان.يخربيت سنينك يعنى يوم ما تتحبى وربنا ينفخ فى صورتك يطلع عفريت
حنان بتبتسم بحزن.مش قادرة اقول الله يسامحها
هعمل ايه بقى فى الحظ
يلا الحمد لله
فريال حضرت الاكل وخارجة من المطبخ شافها ياسر قرب عليها.لو مش حابة تتعاملى معاها
بلاش سيبي الصنية وانا ادخلها
فريال ب ابتسامة.ماتقولش كده يا ياسر كفايا اللى حصل فيها
حتى مهما كان اللى هى عملته
احنا متأذيناش اد الاذى اللى هى عاشته وشافته
انا لو اعيش عمرى كله حد يحكيلى اللى كان بيحصل قدام عنيا ده عمرى ماكنت هصدق
الله يكون فى عونها
وبعدين دى اختى وعشرة عمري
مش بس بنت عمي
ياسر ب ابتسامة.كتر الف خيرك
طول عمرك اصيله وبمية راجل
فريال.ان شالله تسلم
فى نفس اللحظة خبط الباب وقبل ما تتحرك فريال
راح عبدالله يفتح الباب
واللى كان بيخبط هو مفتاح اللى داخل وعلى وشه ابتسامه
عبدالله.خير يابنى بتخبط جامد كده ليه
مفتاح.اخيرا لقيت بيت فاضى
ولو عايزين تنقلوا فيه من بكرة جاهز
فريال.طيب هدخل ادخل الاكل لرئيسة وافرحها بالخبر ده
ياسر.يلا بينا ندخلها سوا
راح ياسر وفريال على الاوضة
وفتح الباب ودخلت فريال ودخل وراها
وقفوا مفتحين عنيهم على اخرها وبصوت عالى
ياسر/فريال.لا اله الا الله
