رواية عذاب الارواح الفصل الحادي والعشرون 21 بقلم هنا عادل
عذاب الارواح
الجزء الحادى والعشرون
مفتاح اللى لسه داخل من برة وواقف بين المربوعة والاوضة قرب منهم.فى ايه مالكم
وواقفين متنحين
رئيسة قاعدة على سجادة الصلاة
ودموعها مغرقة وشها
وباين عليها الضعف جدا
مفتاح لف وراه وشاور للباقى ييجوا يشوفوا المنظر
قربوا كلهم ومعاهم صادق وشنودة
اللى وقفوا مذهولين من المنظر
صادق.ولكن الله يهدى من يشاء
سبحانه وتعالى قادر على كل شئ
عبدالله.يابركة اسم الله
اللهم لك الحمد
هى كده رجعت لطبيعتها
شنودة.لسة
هما بس بعدوا عنها
لكن هى فى اضعف فترة قولنا لازم التحصين علشان نقفل بابهم
صادق.الحمد لله احنا كنا فين
لو ممكن تخلص بس وبعد كده تستأذنوها تدخل اوضة تانية غير دى
ونبداء الرقية الشرعية والتحصين
عبدالله بفرحة.ماشى ياشيخنا
تاكل لقمة بس
الواحد مش عارف يودى جميلكم ده فين
طلعوا كلهم ودخلت فريال وياسر لرئيسة
اول ما لقوها قامت من على سجادة الصلاة
فريال بأبتسامة.يا الف بركة ياختى
الحمد لله هم وانزاح
ربنا لايعيد الايام دى مرة تانية
رئيسة بأسف.حقك على راسى يا فريال
معرفش انا عملت معاكى كده ازاى
معرفش كان فين عقلى
محقوقالك يختى
فريال.لاء يارئيسة احنا مفيش بينا حقوق
انتى اختى
والمهم انك رجعتى لعقلك ولربنا
وشيطان دخل البيت واخد مننا كتير علشان يمشى
المهم انك رجعتيلنا سليمة
رئيسة.سليمة
ياريت سليمة يا فريال
ده انا شوفت عذاب الوان
وشوفت حاجات تشيب العيل الصغير
لو حكيت عنها سنين محدش هيصدق غير لو شاف بعنيه
فريال.درس صعب يا رئيسة
وكان لازم علشان تتعلمى
تتوجعي وجع كبير
انتى متوجعتيش لواحدك
ومتأذتيش لواحدك
كلنا اتأذينا واتوجعنا
لكن اللى انتى عيشتيه شوفتيه كان اكبر بكتير من اللى حصل لينا احنا
لأن انتى كنتى السبب فى اللى حصل ده
ياسر.خلاص بقى احنا عايزين ننسى اللى حصل كله
دلوقتى تاكلى لقمة يمة
وبعدين تروحى اوضة تانية
علشان الشيخ صادق
وابونا
عايزين يحصنوكى
رئيسة بأستسلام.خلاص حاضر
ياسر.طيب اسيبكم انا واطلع اشوف ايه موضوع البيت اللى مفتاح لقاه ده
خلينا نجهز نفسنا علشان اول ما يفوتوا اليومين ننقل علطول
فريال.انا هحتاج اسافر للعيال
غيبت عليهم اوى
رئيسة بتعب.بيعتي الشغل بتاعك
فريال.لاء والله يا رئيسة ولا حتى دورت على فلوسى اللى عند الناس
احنا من ساعة اللى حصل
وعقلنا مش فينا
ياسر.طيب هطلع انا
وسلميها لله يافريال هتتعدل
خرج ياسر وقعدت فريال قصاد رئيسة على السرير
وابتديت تأكلها بأيديها
رئيسة بعد ما بتبلع.طيب هتسافرى ازاى من غير فلوس يافريال
فريال.هبيع الحلق بتاعى مش هينفع انا واخدة بضاعة من ناس لسه عايزين فلوس
والعيال سيباهم كل ده اكيد برضه محتاجين مصاريف
وميعرفوش عني حاجة ولا اعرف عنهم حاجة
اروح اطمن عليهم بقى
رئيسة.طيب وهترجعى تانى
فريال.لازم يا رئيسة ارجع تانى
هعمل ايه
انا عايزة كمان اعرفهم انى هطول هنا شوية
لحد موضوع الحمل ده ما يتم
رئيسة فتحت عنيها على اخرها.حمل
حمل ايه
انتى حامل
فريال.اه يارئيسة
من ليلة م اتجوزنا والله ياختى ما لمسنى غير المرة دى
وعرفت انى حامل
مش عارفة هعمل ايه
انا فكرت انزل الحمل ده
بس مستحرمة
اقول روح برضه ربنا كتبلها تتخلق جوايا
ازاى اقتلها
رئيسة ندمانة.الحق عليا
انا اذيت كل اللى حواليا
وكمان روح جواكى مش معروف مصيرها ايه
بس بلاش يا فريال ياختى تشيلينى ذنب تانى فى رقبتى
انا مش عارفة اصلا اصلح كل اللى عملته ازاى
بلاش تحملينى اكتر من اللى انا شايلاه
لو نزلتى اللى فى بطنك هبقى عارفة انى انا السبب
فريال.لسه هتكلم مع ياسر برضه يا رئيسة
ده لسه صغير
مش عارفة هيقدر يتحمل مسؤلية عيل ولا لاء
وحتى لو يقدر
هروح بيه فين
ولا هرجع بيه عند عيالى ازاى
عايزانى خلف عيل اظلمه
رئيسة حطيت عنيها فى الارض ومش عارفة ترد
فريال بتحاول تهون عليها.متشغليش انتى بالك دلوقتى
كل عقدة ولها حلال
وفريال كملت اكل رئيسة اللى كانت بتاكل وهى حاسة كانها مأكلتش من سنة
مفتاح.طلعت لقيت عم رمضان قاعد على القهوة
وقف معايا عزانى
واتكلم معايا شوية على ابويا الله يرحمه
وسألنى لو محتاجين حاجة
معتز.طيب وبعدين قولتله ايه
مفتاح.قولتله امى مش مستحملة البيت من بعد خبر ابويا
وحالتها عدم
ومش بتقوم من السرير
وكل اللى عليها مخنوقة وخايفة من البيت وقلبها مقبوض
حتى اوضتها مش متحملة تدخلها
قولنا ندور على اى بيت نأجره
لحد اعصابها ما تروق
وترجع لصحتها وترضى باللى حصل وبعدين نرجع بيتنا تانى
رمضان.طيب يابنى حرام هتدفعوا فلوس وانتم قافلين بيتكم على الفاضى
خلاص اجروا بيتكم واللى يطلعلكم منه اجروا بيه بيت تانى
علشان تبقوا بتاخدوا من هنا وبتحطوا هنا
مفتاح.لاء ياعمي
دى امى تروح فيها
انسى تقبل ان حد يعيش في بيتنا غيرنا وبالذات بعد ابويا
يعنى لو كنا نقلنا ولا عملنا ده قبل ما يتوفى
كان هيبقى عادى
لكن دلوقتى هى حالتها ودماغها مش فيها
نش هتقبل بيت ابويا حد يعيش فيه
رمضان.طيب وانتم يعنى هتقدروا على مصاريف ايجار بيت تانى
مفتاح.ربنا يقدرنا
احنا مش عايزين بيت كبير
هتبقى حاجة على ادنا كده
حتى لو اصغر من بيتنا
وانا ومعتز وياسر هندفع الايجار
رمضان.طيب يابنى متشيلش هم الايجار
انا عليا البيت
الكام شهر اللى هتقعدوا فيه
الايجار عليا
مفتاح.ياعمى كتر خيرك
ربنا يخليك
متقلقش لو احتاجنا حاجة هنقولك
رمضان.عيب ما تقولش كده يا مفتاح
ابوك ده كان اخويا مش صاحبى
ومسؤليته هى مسؤليتى
ويابنى لحد ما تقفوا على رجليكم وترتبوا اموركم
انا رقبتى سدادة
وموضوع البيت ده انا هخلصهولك
فيه بيت هنا فاضى وبرح وهيساعكم
هخلصلكم فيه
ووقت ما تحب تنقلوا هيكون جاهز
مفتاح.فين ده ياعمي
رمضان.هنا جنبكم
هروح اجيب المفتاح بتاعه من الراجل بتاع القهوة هو كان عارضه للأيجار لأن صحابه سافروا وسايبين الموضوع له هو
وهو صاحبى انت عارف هيكرمني
تعالى نروح نشوفه
مفتاح.راح عم رمضان جاب المفتاح
ودخلنا البيت
واسع وحلو ونضيف
ومفروش كمان
يعنى هنسيب حاجتنا هنا ونروح بهدومنا وخلاص
والايجار بتاعه مش عالى
وعم رمضان كمان مصمم ان هو اللى يدفع الفلوس
معتز.لاء ياعم يدفع ايجار ايه
ميصحش الكلام ده
بس المهم ان البيت كويس
مفتاح.البيت زى الفل
بقولك تغسل رجليك وتدخل علطول
مش ناقص حاجة
كانه بيت عريس
عبدالله.خلاص نتوكل على الله ننقل على الاقل هدومنا
انا كده كده هجهز حاجتى علشان اطمن على رئيسة واسافر علطول
اطمن عليهم فى اسكندرية وارجع
ياسر.رئيسة الحمد لله ربنا يكملها فى الشفا
صادق وشنودة كانوا قاعدين مع بعض فى الاوضة اللى عرفوا ان رئيسة هتتنقل فيها بتاعت الشباب
وكانوا بيقروا فيها وبيذكروا الله
ياسر.اليوم اللى هطمن ان انتم روحتوا البيت الجديد هسافر واسبوع وارجعلكم
معتز.على ببركة الله بقى ياخالى
خرجت فريال من وضة رئيسة وماسكة رئيسة من ايديها وحاطة طرحة على شعرها
قام بسرعة عبدالله وياسر ومعتز راحوا ناحيتها
عبدالله.فى ايه
فريال.مفيش اكلت ومخنوقة من الاوضة وخايفة منها
قالتلى دخلينى اوضة تانية
ياسر.دخليها اوضتنا
بيحصنوها جوة
وكمان لقينا بيت قريب من هنا
يعدوا اليومين ونروح علطول
فريال.انا عايزة اسافر يا ياسر لازم اروح لعيالى
ياسر.طيب دخليها الاوضة ولما تطلعى نتكلم
فعلا دخل عبدالله ومعتز مع فريال ورئيسة
قعدوها على سرير وحاطة راسها فى الارض
قرب منها صادق وشنودة
وخرجت فريال وعبدالله
وطلبوا كمان من معتز يخرج
وابتدوا يقروا نفس اللى قرأوه من قبل
وابتدا شنودة يرش عليها من المياه اللى معاه
كانت رئيسة بتحس بألم فى جسمها كله
كل ما تيجى على جسمها المياه
تتالم وتئن بصوت مكتوم
ياسر.طيب عايزة تمشى امتى
فريال.اول موضوع التحصين ده ما يخلص
لازم اروح ادفع فلوس البضاعة اللى وخداها من الناس
واسيب للبنات مصاريف
ياسر.طيب وانتى خلصتى بضاعتك
فريال.لاء والله
ياسر.طيب خلاص انا هديلك فلوس واحجزلك تسافرى مع عبدالله
وارجعى معاه بقى مترجعيش لواحدك
ولا انتى ناوية مترجعيش تانى
فريال.لاء لازم ارجع
علشان احنا عايزين نشوف حل فى موضوع الحمل ده
انا مش عارفة افكر
عايزة انزله
ومش مرتاحة
ياسر زعل من الكلمة.تنزلى ايه
ليه كده
عايزة تقتلى رزق ربنا باعتهولنا
وتمنعيه
فريال.يا ياسر انا سني كبير
اما اخلف عيل دلوقتى هلحق اربي امتى
وبعدين انت لسه صغير
يمكن تروح تتجوز واحدة من سنك
ساعتها العيل يتمرمط بينى وبينك
وبعدين مش هينفع اروح اقول لأسامة انا حامل
ياسر.طيب احنا كده كده لسه حتى مكملناش اسبوع
لما نتأكد من حكاية ان فيه حمل دى
نبقى نشوف هنعمل ايه
فريال بتبص حواليها.صحيح البت حنان فين
معتز.حنان قاعدة فى اوضتها جوة
مش قادرة تواجه امى
وخايفة منها
ومش عارفة تسامحها
فريال.لاحول ولا قوة الا بالله
والعيال الصغيرين دول هيفضلوا نايمين كده
مفتاح.احسن
من ساعة م اتحصنوا نايمين
دول البصة بتاعتهم كانت بتلبش الجتة
انا كنت خايف ابصلهم
فريال.ربنا يرحمنا برحمته
طيب هدخل اطمن انا على حنان
قامت فريال سابتهم ودخلت لحنان تطمن عليها
لقيتها رايحة فى سابع نومة
قعدت فريال على سرير جنب سرير حنان
وفردت ضهرها
هى تعبانة جدا
بقالهم يومين مرتاحوش
عبدالله.ياسر كلام فريال صح
انت لسه مش حمل عيال ولا هتعرف تشيل مسؤلية
ومسيرك تبص لغيرها ساعتها اللى هيتظلم بينكم العيل اللى هييجي
ياسر.يعنى انت عايزنى اشجعها انها تفرط فى الروح اللى ربنا بعتهالنا
عبدالله.قبل ما يتخلق اهون بكتير ما تفرط فيه بعد ما يتولد ويبقى محتاج ام واب حواليه
وانت وهى مش هتقدروا تقدموا ده
ياسر.هقولك زى ما قولتلها ياعبدالله
احنا لحد دلوقتى منعرفش ده صح ولالاء
دى حنان اللى قالت
ولا حتى العفاريت
بس لسه احنا متأكدناش
لما نتأكد يحلها الحلال
فات شوية وقت
وكل واحد منهم فرد جسمه على الارض
مرهقين جدا وحاسين بتعب واجهاد
محسوش فات وقت اد ايه
لحد ما صادق وشنودة صحوهم من نومهم
صادق.هى نامت وهديت خالص
سيبوها مرتاحة بلاش حد يقلقها
هى لما تصحى لواحدها
بلاش تتكلموا معاها فى اللى حصل
بس اذكروا الله علطول قدامها
يمكن لسانها لسه تقيل فى انها تذكر الله كتير
بس واحدة واحدة
واحنا بكرة هنرجعلكم تانى
عبدالله فتح عنيه بتعب.كتر الف خيركم
الواحد مش عارف يقولكم ايه
شنودة.المهم بلاش حد يدخل اوضتها
وحذارى حد يشيل الملايا اللى اتحطيت على المرايا اللى عندها
خلينا نبعد خالص عن اى طريق ليهم
حتى مراية الحمام غطوها كمان
معتز.اعتبره حصل يا ابونا
المهم ان الاوضاع هديت
شنودة.هديت اطمنوا
وارتاحوا بقى
انتم تعبانين
يلا الرب يرعاكم
صادق.انسوا اللى حصل بلاش تتكلموا فيه كتير
واستقووا ببعض
السلام عليكم
عبدالله ومعتز.مع سلامة الله
كتر الف خيركم
ياسر نايم مش حاسس
معتز.العيال دة هتفضل نايمة كده
شنودة.متقلقش لو صحوا بس خلي حد يأكلهم بس بلاش من امهم
وهيرجعوا يناموا تانى
متقلقوش
معتز.طيب اخواتى نرجعهم البيت
صادق.بلاش النهاردة
شوفوا موضوع البيت ده
حتى لو عايزين تروحوا تنيموهم فيه بدل ما يباتوا عند الجيران
مفيش مشكلة
بس المهم مش كلكم تسيبوا البيت مرة واحدة
معتز.حاضر
خرج شنودة وصادق
ودخلوا كملوا نوم
لدرجة انهم مش حاسين ناموا اد ايه
فات وقت طويل محسوش بدقيقة واحدة منه
غير لما سمعوا صوت صرااااخ جامد جدا بيهز حيطان البيت حواليهم من قوته
قاموا كلهم اتنفضوا وبيبصوا لبعض
