رواية زوجتي العمياء الفصل الثامن عشر 18 بقلم نورهان لبيب

رواية زوجتي العمياء الفصل الثامن عشر 18 بقلم نورهان لبيب 

الحلقة 18
.

دخل مهاب إلى الغرفه على وجهه ملامح مبهمه غامضه لا أحد يعرف ماهيتها توجه ناحية الستائر
وقام بأغلاقها ثم اقترب من سرير جاسر وجلس على
الكرسى ثم بدأ يتحدث إلى ذلك الراقض

مهاب بتنهيده:كل إللى أنت أمرت تم ورقة الطلاق طلعت والموفقه على إنكار نسب الطفل إللى فى
بطنها طلع وشريف أنت إللى لازم تدور عليه بنفسك
عشان انت الوحيد إللى تقدر تعمل كده

مهاب متذكرا:اه صح مريم راجعت وفى طريقها لهنا بس بتقول أنها بمجرد ما تفوق هتسافر تانى(صمت
قليلاً ثم تحدث بتهكم) جرى إيه يا جاسر أنت مش
بترد عليا ليه مكانش غسيل معده إللى عملته ده
يا أخى ولا أنت صدقت نفسك

جاسر بخبث:بسمعك يا هوبا الله... بس إيه رأيك عجبك ادائى

مهاب:عجبنى ده أنا كنت قربت أصدقك بس لأ كنتش اتوقعها منك أبدا الحركه دى يا جاسر

جاسر بتنهيده:ولا أنا والله كنت متوقع منى كل ده بس مريم إللى اجبرتنى على كده عشان أقدر ارجعها

مهاب بتسأول:طب كاميليا هتعمل إيه معاها بعد إللى عملته دى حاولت تقتلك

جاسر بشر:كاميليا دى أنا لحد دلوقتى كنت رحيم معاها بس هى غبيه طلعت شياطينى وصحت
الوحش إللى كان نايم

مهاب :بس أنا هموت وأعرف أنت عرفت ده كله إزاى
وأن كاميليا حطت ليك السم فى الأكل

جاسر بشرود:هقولك يا سيدى

عوده للماضى

بعد التوبيخ الذى تعرضت له كاميليا على يد سعاد توجهت إلى المطبخ وهى تنوى ان تضع ذلك السم بالطعام ولكنها وجدت إحدى الخادمات تقف بجانب
الموقد وتعد الطعام ظلت كاميليا تترقب انتهائها و
خروجها من المطبخ بتوتر ولهفه وما ان خرجت الخادمه من المطبخ وظلت تتلفت حتى تتأكد من عدم وجود أحد فى المكان ثم أخرجت الزجاجة وسكبتها فى الطعام الموجود فوق الموقد كل ذلك كان يتم تحت نظرات عيون أخرى عينها جاسر لمراقبة كل كبيره وصغيره تقوم بها كاميليا

كاميليا بخبث:تؤتؤتؤ ما كنتش عايزه نهايتك تبقى كده يا جاسر بس أنت إللى بدأت اللعبة وأنا إللى
هنهيا وساعتها هاخد أنا وابنى كل حاجة أنت تملكها
بحكم أنى مراتك واللى فى بطنى يبقى إبنك ربنا يخليك ليا يا حبيبى

تحركت كاميليا لكى تخرج من المطبخ وهى سعيده
شامته فقد اقتربت من تحقيق غايتها ثم توجهت إلى
سلة المهملات لكى تتخلص من زجاجة السم بها خرجت كاميليا من المطبخ ثم توجهت إلى غرفتها فى
مكان الخدم لكى تستريح قليلاً بينما اتصلت تلك الخادمة التى عينها جاسر به لكى تخبره بما حدث

الخادمة:جاسر بيه كاميليا هانم عملت النهارده حاجة غريبة كنت عايزه أبلغك بيها

جاسر عاقد حاجبيه:حاجة إيه دى.. أتكلمى بسرعة

الخادمة:أنا عارفه أنك أمرت ست كاميليا أنها ما تقربش من الأكل يا باشا...بس أنا شوفتها النهارده
دخلت المطبخ واستنت لما الخدم كله طلع وبعدها
حطت حاجة فى الأكل بتاعك

جاسر بفحيح أفعى:حطت حاجة فى الأكل... طيب بصى حاولى تجيب الكيس أو الزجاجة إللى كانت
الحاجه موجوده فيها وتجيلى بس أهم حاجة ما
تحطيش بصماتك عليها وتكونى عندى دلوقتى
مفهوم

الخادمة :مفهوم يا باشا

بمجرد ان أغلق جاسر مع الخادمة قام بفتح حسوبه المحمول الموصل به كاميرات مراقبه قام جاسر بزراعتها فى القصر فرأى كاميليا وهى تنزل اللوحة التى بها الزجاجة وتأخذها ثم إعادتها مكانها مره أخرى ثم شاهد ورأى أيضاً كاميليا وهى تضع السم
فى الطعام ثم تتوجه إلى سلة المهملات وترمى بها
الزجاجة التى كان بها السم كان جاسر يتابع كل ذلك
وهو يتأجج غضبا وشر فى عيونه سوف ينزل على كاميليا واحدها

عودة للحاضر

عاد جاسر لأرض الواقع مره أخرى ثم أكمل حديثة
وهو يشرح لمهاب بقية ما حدث معه

جاسر بتنهيده:بعد بقى ما وصلتلى زجاجة السم أنا روحت طوالى على الدكتور العام فى المستشفى بتاعتنا عشان اسأله عنه عرفت بقى أنه سم قوى جداً ومحرم دولياً بس بياخد وقت عشان يعمل مفعول بس هو سأل وأنا فهمته الحوار كله وأتفقت معاه أن المستشفى لازم تكون مستعده على أكمل وجه لأستقبالى فى أى وقت

مهاب بتضيق حاجبيه:طيب ماشى أنا فهمت إنك
إنك اتفقت مع الدكتور وخليته يجهز ليك المشفى
بس ليه السبب وخلص يا جاسر عشان أنا شامم
ريحه مش لطيفه... وبعدين الواد رأفت قلى إنك كنت بتنذف من بوقك ده غير لما جيت قلبك كان
واقف وبيعملوا ليك إنعاش فهمنى بقى بالراحه
عشان أنا حاسس أن أنت عاكيت الدنيا بزياده

جاسر وهو يحرك عينه لجميع الجهات حتى لا ينظر لوجه مهاب ويواجهه

مهاب بحده:جاسر أتكلم احسنلك شكلك ده مش مريحنى وأنا حاسس إنك عامل مصيبه

جاسر بتوتر:ا اا أصل أنا كلت من الأكل إللى كان فيه السم.......و ووالدم إللى كان بينزل من بوقى ده كان بسبب السم إللى سبب ليا جروح فى الفم والحلق وعمل ليا نذيف

مهاب بأنفعال:أكلت من السم يا جاسر طب افرض كان حصل ليك حاجة أمك وأبوك كان هيبقى موقفهم إيه طب أختك وأنا ما فكرتش فينا نهائى
أنت إيه يا أخى ما بتحسش الدكتور قالك أنه سم
قوى تقوم تروح تاكل منه أنت بتفكر إزاى فهمنى

صرخ مهاب بكلمته الأخيره مما أشعر جاسر بالذنب
فهو لم يفكر بأحد سوى مريم وكيف هو السبيل لعودتها إليه مره أخرى فلم يجد سوى هذا الحل الذى كان من الممكن أن يؤدى بحياته

جاسر بحزن ودموع:عشان أنا غبى غبى وضيعت انضف حد فى حياتى من أيدى تعبت يا أخى من بعدها عنى وقلبى بيتقطع من البعد ما حدش
فيكوا حس بيا أنا إللى كنت بعانى لوحدى ما حدش
فيكوا هيحس بضعفى اصلاً مش أنتوا إللى كنتوا بتناموا كل ليله ودموعكوا على بتنزل بقهر على
قرارات غبيه اخدتها وناس زباله دخلتها حياتى و
هما ما يستحقوش ده بينما الإنسان الوحيدة إللى
تستحق حبى وأحترامى كنت بعاملها معاملة العبيد
وما رعتش عماها واحتياجها وكنت بزلها ودلوقتى أنا بدفع تمن كل غلط عملته فى حقها ببعدها عنى بقيت مزلول عشان أعرف بس مكانها واشوفها أنا عارف انى كنت غلط فى إللى عملته وان عرضت حياتى للخطر بس كل ده يهون عشان خاطر مريم أنا
أساساً ميت من غيرها فا مش هيفرق معايا

مهاب بحزن على حال صديقه:أنا اسف يا صاحبى ما كنتش أعرف أن أنت جواك العذاب ده وكاتمه بس برضو يا جاسر تفكيرك كان غلط ما كنش لازم تعمل كده

جاسر بتنهيده:مهاب أنا عارف كويس كنت بعمل إيه كويس وبعدين يعنى أنا مش هخاطر بحايتى غير وأنا عارف بعمل إيه أنا سألت الدكتور بنفسى وقال لو أخدت جرعه صغيره مش هتسبب خطر بس ممكن تعمل أعراض جانبيه زى بطئ التنفس ونذيف الدم لكن لازم أكون فى المستشفى بسرعة عشان يعملوا ليا غسيل معده وأخد مضاد للسموم وحوار توقف القلب ده تمسليه عملتها عشان اضغط على جدى ومريم مش أكتر ورأفت وسعاد كانوا عارفين بكل إللى هيحصل حاولوا أكتر من مره يوقفونى بس أنا كملت

مهاب بحده:يعنى انت تقول لرأفت وسعاد تخبى عنى أنا.. افرض كانوا اتأخروا عليك يا أستاذ يا محترم كان زمان السم إللى انت بتقول اخدت منه جرعه صغيره ده أتمكن منك

جاسر :ما تخافش أنا كنت عامل حسابى كويس وبعدين أنا كنت مديهم كلمة تمام أول ما أقولها
يلحقونى على طول

مهاب بسخريه:وأيه هى بقى الكلمه دى يا عبقرينو

جاسر بسماجه:مريم.. مريم يا مهاب هى دى كلمة التمام

مهاب بسخريه:طب جهز نفسك بقى عشان مريم
إللى أنت عملت المستحيل عشانها دى حالفه ان
أول ما تفوق هتسافر على طول

جاسر بشرود:سيب الموضوع ده لأوانه بس أول ما تيجى ابعت الدكتور وخليه يكشف على الأعصاب
بس وهى موجودة وقوله يجارينى فى أى حاجه هعملها مفهوم يا مهاب

اومأ مهاب برضا وهو يتابع جاسر الشارد ويعتلى الخبث ملامح وجهه وهو يفكر بالخطه التى سوف تجبر مريم على البقاء معه وهو ينوى على خداع
قلبها البرئ بدهائه
=================================
فى دولة أخرى تحديداً سويسرا

فى فيلا صغيرة الحجم ذات تصميم راقى كان يجلس شريف على الاريكه يتابع ما يتم تداوله من أخبار عن
حالة جاسر بشماته وشر فقد حدث ما تمناه دائماً هو مقتل جاسر ولكن كل ما كان يشغل تفكيره من الذى فعل ذلك هل يعقل ان تكون كاميليا ولكنها اجبن من فعل ذلك ولكن لما لا فقد أخذت منه زجاجة من ذلك السم ربما تكون هى هل قسى جاسر عليها لتلك الدرجه التى تجعلها تقتله فبعد
ان اكتشف خيانتهم أصبح كالشيطان الذى لايفكر
فى شئ سوى الانتقام

شريف بتشفى:شوف أخرتك بقت إيه يا جاسر... نايم على سرير المستشفى مستنى السم يعمل مفعوله ويقضى عليك وأخلص منك

ظل شريف شارد حتى اتاه اتصال فنظر إلى الشاشه وكان المتصل توفيق السيوفى فرد عليه سريعاً

شريف:الو... مساء الخير يا ريس عامل إيه

توفيق بصرامه:أنا تمام يا شريف...المهم شفت إللى حصل لصاحبك ده خلاص بقى على حافة الموت

شريف بشر:اه شفت بس أنا مش هرتاح ولا يهدى ليا بال غير لما ابن الصياد يتكتب اسمه فى صفحة
الوفيات واتشفى بموته

توفيق بضحك:إيه ده هو حرقك من جوه أوى كده يا شريف... بس هدى نفسك عشان أنا عرفت ان ابن
الصياد مش هيطلع عليه صبح السم إللى خده قوى
وهو شكله كده اخد منه جرعه كبيره جابت أجله

شريف بشر:اه فعلاً اصل هى لو جرعه صغير مش هتعمل تأثير بالقوة دى لكن بقى لو كانت جرعه كبيره ف دى بقى هتجيب أجله على الآخر

توفيق:وأنت بقى عرفت منين يا بورم... تكنش أنت إللى وزيت البيت مراته عشان تسمه وليه لأ ما دى
البت بتاعتك

شريف ببرود:تقدر تقول حاجة زى كده بس أنا عايزك
تساعدنى أنى أرجع مصر فى أقرب وقت أنا مش هقدر
استحمل أقعد هنا تلات سنين يا باشا

توفيق:خلاص هشوفلك صرفه بس ده طبعاً هيبقى بمقابل ياشريف

شريف بحده:مقابل إيه أنا اديتك نص ثروتى عشان تطلعنى بره البلد ومش مستعد أنى أديك حاجة تانى

توفيق بصرامه:وأنا مش مستعد اساعدك من غير مقابل يا شريف... بص أنا هسيبك تفكر عايز ترجع
هتدفع مش عايز يبقى خليك هناك طول عمرك يعنى مش هتدخل مصر لا دلوقتي ولا بعد تالت
سنين فكر وكلمنى وخليك فاكر خدمتى ليها تمن مش ببلاش أبدا يلا سلام

كاد شريف ان يتحدث لكن توفيق قد أغلق الهاتف فى وجهه.. كان شريف يسير فى الصاله بلا هواده يفكر
فى عرض توفيق حتى رضخ أخيراً إليه فقرر الاتصال عليه لمعرفة ما المقابل اللذى يريده توفيق منه

شريف بشر:اظاهر كده مش قدامى غير الحل ده يا توفيق بس صدقنى أول حد هقدى عليه هيكون أنت
عشان انا مش هقبل ان رقبتى تكون تحت رجلك كتير أستنى عليا أنت بس
================================
فى الصحراء
تحديداً فى مخزن قديم متهالك ذو حراسه مشدده... نجد داخله جسد ضعيف هزيل من كسرة التعذيب
... مقيد فى سلاسل متدليه من السقف يتوالى عليها
الرجال ضربا وتعذيبا بها...كان هناك أحدهم يجلدها
بشدة حتى اوقفه رئيس الحرس رأفت... الذى يجلس
على أحد المقاعد ويتابع ما يحدث بتشفى بينما كاميليا تترجاه بأن يوقفهم عن ما يفعلونه ولكنه كان
ينظر لها بسخريه واستهزاء

كاميليا ببكاء ورجاء :والنبى يا رأفت كفاية كده أنا مش قادره استحمل خلاص جسمى بقى نار

رأفت ببرود:مش قادره تستحملى من يوم آمال لو كل يوم لمدة شهرين زى ما عملتى فى مريم هانم
هتعملى إيه ده أنتى ممكن تموتى فيها على كده
... كمل يا بنى خلينا ناخد حق الهانم منك يلا ابدأ

رمقها رأفت كاميليا بأستهزاء ثم أعطاها ظهره مره أخرى.. وتوجه ناحية الكرسى مره جلس عليه يراقب
تعذيبها بتشفى وشماته وهى تصرخ بألم ودموع
تترجاه بأن يتوقف وهى تتلوى أمامه من آلام الشديد
الذى تشعر به... ظل يتابع حتى إشار للحارس بالتوقف فنهض وأقترب منها مره أخرى وأخرج حقنه من يده بها سائل ذهبى شفاف رفعاها أمام أنظار كاميليا الهزيله التى ما أن رأتها حتى ارتعشت
من الخوف حدثته كاميليا برعب هستيرى

كاميليا برعب:إيه.. إيه ده يا رأفت الحقنه دى بتعمل معاك إيه... أنت ناوى على إيه بظبط

فهم رأفت ما سبب ذلك الخوف الهستيرى فقد ظنت أنه سيقتلها بتلك الحقنه فالسائل الموجود
بها يشبه تمامآ ذلك السم الذى وضعته فى طعام
جاسر منذ يومين

رد عليها رأفت بفحيح أفعى :ما تخفيش يا حلوه أنا مش هقتلك دلوقتى عشان جاسر بيه لسه محتاجك
... وكمان ده مش سم ده حاجة تانية خالص غير إللى فى راسك... حاجه كده هتعلى الدماغك على الآخر وتخليها هوى

كاميليا بأرتجاف:قصدك إيه... وإيه إللى فى إيدك ده أوعى تقولى أن ده مكس

صمت رأفت وظل ينظر لها نظرات كلها سخريه وشماته ويسفر بطريقه تقشعر لها الأبدان ثم
إشار للحراس بأن يمسكون بها ويثبتونها حتى لا تتحرك بينما اقترب منها وغرز الحقنه فى يدها وافرغها بجسدها كان كل ذلك وكاميليا تقف
بزهول لا تصدق ان تلك الماده أصبحت تسير
بجسده الأن هم رأفت أن يغادر المخزن ولكن
قبل أن يخرج من المخزن أخبرها بشئ جعل
قلبها ينقبض بشده

رأفت ببرود:اه صح أنتى كنتى عايزه تعرفى إللى فى الحقنه إيه...دى يا ستى هديه بعتها ليكى جاسر
بيه مخصوص وزى ما قولت ليكى بتهوى الدماغ
وتعليها على الآخر

كاميليا بتسأول:يعنى إيه.. تقصد إيه بكلامك

رأفت بفحيح أفعى :يعنى... بتسبب الجنون يا حلوه
... اصل شلكك كده لعبتى مع الشخص الغلط

بعد أن أنهى رأفت كلامه شحب وجه كاميليا بشده وأرتجف جسدها من الخوف.. ظلت تصرخ وتدعى
على جاسر ومريم وجميع عائلة الصياد وتتوعد لهم
بالهلاك.. بينما أخبر رأفت أحد الحراس بأنه سوف يأتى إلى هنا حتى يعطيها الحقنه بنفسه ثم رحل حتى يطمأن على رب عمله وصديقه ويخبره أن ما
اراده قد تم على أكمل وجه ولم يتبقى سوى حجز
مكان لكاميليا فى مستشفى الأمراض العقليه
=================================
فى المستشفى

كانت تسير فى الممر بسرعة كبيرة حتى وصت إلى غرفته فوقفت تهدئ من أنفاسها وهمت بالدخول
... فتحت الباب فوجدت جاسر نائم على ذلك السرير
وتحيطه أجهزه كثيره فى مشهد مقبض للقلب... اقتربت منه بهدوء ثم جلست بجواره ثم بدأت تمرر يدها على وجهه بيدها الناعمه بلمسات رقيقه بينما
كان جاسر يحاول أن يتماسك فليتها تعلم ماذا تفعل به لمساتها تلك... حتى بدأت تتحدث بصوت متحجرش بسبب الدموع... وهى تتلمس وجهه وشعره

مريم بدموع:إزيك يا جاسر عامل إيه....أنا عارفه إنك مش هترد عليا بس إللى متأكده منه إنك سامعنى
...(تنهدت مريم بألم) ياه يا جاسر بعد كل السنين دى قدرت أشوفك واقع أقدر المسه بأيدى سبحان الله الملامح زى إللى كنت بشوفها فى أحلامى بالظبط... طبعاً أنت مش فاهم أنا بتكلم عن إيه بس أنا هقولك يا سيدى... أنا أعرفك من خمس سنين.. أنت تعرف أنا كنت بحلم بيك أنت الفارس إللى كان بيجيلى فى أحلامى تخيل أنى حبيتك من مجرد احلام وخلاص(زادت دموع مريم وشهقاتها واستمرت فى الحديث ولكنها لا تعلم أنها بذلك البكاء كانت تنحر فى قلب جاسر وتطعنه بأسهم سامه) ... بس أنت جتلى فى الحقيقة وتأكدت أنه أنت بعد ما وصفت لرهف ملامحك ورسمتك وأكدت ليا أنه أنت بس أنت اتحولت من فارس الأحلام إللى كنت بتمنى أنه يجى لجلاد يعذب فيا وخلاص...جلاد ما رحمش عجزى على أهون غلط يحاكمنى مع أنى كنت فى كل محكماته الضحيه المجنى عليها

كان جزء من قلب جاسر يألمه بشده وكأن أحدهم أمسك خنجر مسمم وغرزه بقلبه... بسبب ما فعله
بحبيبته معشوقته البريئه... بينما الجزء الآخر سعيد
للغاية بما سمعه فقد عرف الأن أن تلك الصغيره تحبه منذ خمس سنوات منصرمه دون أن تراه... ولكنه خذلها وعذبها أيضآ وسلب منها ثقتها وشعورها بالأمان اتجاهه...بعد معناه مع نفسه قرر جاسر أن يفتح عينه ويستفيق من غيبوبته المزعومه ثم قبض على يدها بقوه يبثها الأمان الذى افتقدته حتى أنتبهت له أخيراً فكادت أن تتحدث ولكنه منعه بحديثه

جاسر بصوت حزين:أنا أسف سامحينى...أنا كنت مسروق مش عارف بفكر إزاى بس بعد كده بس بعد
ما ضيعتك من أيدى ندمت صدقينى

نظرت مريم بعينها الحزينه المليئه بالدموع إلى عينه الحاده التى مهما حزنت لا يستطيع الحزن أن يخفى
حدتها ولكنه ما أن أنهى كلامه حتى سعل بقوه جعل
الخوف يتمكن من مريم ويسيطر عليها بشكل واضح

مريم بخوف:جاسر مش وقته الكلام ده انت تعبان ولازم تستريح... أنا هروح أجيب الدكتور يكشف عليك

كاد جاسر أن يمنعها ولكنها لم تمهله الفرصة وتوجهت بسرعة ناحية الباب حتى تخبر مهاب
أن جاسر قد فاق وأنه يجب عليه أن يحضر الطبيب
كانت ملامح مهاب عاديه فى بادئ الأمر ولكنه تدارك
نفسه وتصنع الفرحه وذهب لكى يحضر الطبيب تنفيذا لأمر جاسر وليس أمرها هى

دخلت مريم للغرفة مجدداً وأقتربت من جاسر حتى تطمأن عليه

مريم بطمئنينه:ما تخفش يا حبي اا اأقصد يا جاسر
خمس دقايق والدكتور هيجى يكشف عليك ويشوف لو فيه حاجة تعباك

كاد جاسر أن يتحدث لكن قطع حديثه دخول ذلك الطبيب الذى اتفق معه وبصحبته مهاب تحدث إليه
الطبيب فى هدوء ونظرات يفهمها جاسر جيدآ
الطبيب بأبتسامه:حمدالله على سلامتك يا جاسر بيه... دى معجزه أنك فوقت ده لو حد تانى مكانك
كان زمانه بعد الشر مات من بدرى


مريم بلهفه أسعدت جاسر:بعد الشر عليه يا دكتور... تف من بقوك

الطبيب بهدوء:أنا بقول الحقيقة يا هانم مش أكتر السم قوى جدآ يقتل أى حد بس الحمد لله جاسر بيه جه فى الوقت المناسب... على العموم أنا جاى
أكشف على جاسر بيه وهمشى على طول ممكن. أشوف شغلى يا جاسر بيه

جاسر بتنهيده:اتفضل يا دكتور

بدأ الطبيب بالكشف على جاسر... ثم قام بتعرية قدم جاسر وطرق عليها بخفه ثم سأله هل تشعر
بشئ لكن جاسر حرك رأسه بمعنى لا... ثم مرر الطبيب القلم على باطن قدمه وجاسر يقبض يده
بقوه فسأله الطبيب هل يشعر بشئ ولكن جاسر
قد حرك رآسه أيضآ بمعنى لا

فسألته مريم بخوف :هو فيه أيه يا دكتور...ماله مش حاسس بحاجة ليه رد عليا

بعد أن أنهت مريم حديثها جاء رد الطبيب الذى تحدث بحزن

الطبيب بحزن:للأسف حصل إللى كنت خايف منه... السم من قوته أثر على الأعصاب

بعد أن أنهى الطبيب حديثه ساله جاسر حتى يأكد عليه الطبيب ما قد فهمه هو وجميع من بالغرفه

جاسر بهدوء مخيف:يعنى إيه يا دكتور؟

ولكن هذه المره جاء رد الطبيب مخيفا... قابضا للقلوب مما جعل وجه مريم شاحبا من ردة فعل
جاسر فقد يأذى نفسه او يؤذى الطبيب بسبب
تلك الإجابة المتوقعه

الطبيب بخوف من ملامح جاسر:يعنى حضرتك ما تقدرش تقف على رجليك تانى يا جاسر بيه
===========
=
=
=
=
=
=
=

يتبع

التاسع عشر من هنا 

تعديل المقال