رواية عذاب الارواح الفصل الثاني عشر12 بقلم هنا عادل
عذاب الارواح
الجزء الثانى عشر
حنان وهى بتعيط.معرفتش اقول اى حاجة بعد ما سمعت ان ابويا مات
وحاسة بخنقة
هو واقف قصادى
ومبرقلى
ومكشر
وبيحرك شفايفه
وكل ما بيعمل كده بحس ان عنيا مش عايزة تتفتح
ومخنوقة الكلام مش طالع من على لسانى
سامعة كل حاجة حواليا
لكن ولا قادرة اتكلم ولا قادرة افتح عنيا
واول م انت دخلت
لقيته رجع لشكله المخيف وقاللى بصوته.عقدة لسانك هفكها
بس انا جنبك
مكان ماتروحى
واختفى من قدامى
ومن اللحظة اللى اختفى فيها
وانا حسيت ان التقل اللى على عينى وعلى لسانى
بيقل لحد ما اختفى خالص
الشيخ.لاحول ولاقوة الا بالله
اعوذ بالله من الشيطان الرجيم
اقول ايه بس فى امك دى
الله يسامحها
عملت ذنب كبير وانتم اللى هتتحملوا نتيجته
حنان بعياط.يعنى ايه طيب
انا مش فاهمة حاجة
هو اللى انا شوفته ده حصل بجد
انا ابويا مات بجد
امي ممكن تعمل حاجة تأذينا بجد
الشيخ.لاحول ولا قوة الا بالله
الاعمار بيد الله
بس امك باللى عملته
عرضتك للجن العاشق يابنتى
يمكن مش انتى اللى كنتى مقصودة من تسليط الجن
لكن هو عشقك
وده خلاه اتملك منك
وعلشان انا لسة مش عارف الجن العاشق اللى عليكي من اى نوع
مش هعمل معاكى غير انى انصحك بالتحصين
طول عمرك
وان شاء الله بالقرب من ربنا
هيبعد عن طريقك
حنان.انا مش فاهمة حاجة
يعنى ايه جن عاشق
يعنى عفريت
الشيخ.يابنتى
الجن العاشق ده من اشر انواع الجان
اللى بيتملك من الانسان سواء جن عاشق للست
او جنية عاشقة لراجل
في منهم اللى بيعشق الجسم بس
وده مش بيهمه ابدا البنى ادم كل علاقته بالأنسان بتكون علاقة زوجية كاملة
وده بيسبب مشاكل كتير جدا
لو بنت جوازها بيتأخر
ونفسيتها بتتعب
ولو متجوزة مشاكلها بتزيد مع جوزها
ده غير بقى اللى بيقرر يعيش فى جسم ضحيته علطول وتأثيره عليها بيكون دائم
بصى العاشق من الجن
مش كلهم لهم نفس الميول يا حنان يابنتى
لكن ده نوع شرير
امك قررت انها تسلطه على واحدة عن طريقك
علشان تقدر تغويها وتغيب عقلها
لكن هو لما حضر وشافك وانتى مكشوفة عليه
طمع فيكي
الله يهديها
يارب يكون في امل انها تتراجع عن الذنب اللى عملته
حنان عمالة تعيط وبس
خلاص الرعب دخل قلبها
غير انها مسمعتش من الشيخ حاجة تطمن بالنسبة لموضوع ابوها
وخايفة وبتستنى انه يوصل فى اى لحظة علشان ترتاح وتطمن
الشيخ حط المصحف على مخدة حنان
وحط ايديه على راسها وابتدا يقراء ايات من سورة البقرة ويكررها كتير
هديت حنان وغمضت عنيها
وراحت فى النوم
ساب الشيخ المصحف مكانه
وخرج من الاوضة
طبعا قابلوه الشباب برة ومستنيين يسمعوا فى ايه
حنان مالها
الشيخ.ياسر يابنى
انت العريس صح
ياسر بقلق.اه يا شيخ صمد
الشيخ.ليه استعجلت على كتب الكتاب
على فكرة يابنى انت ومراتك محصلش بينكم اى حاجة قبل ما تيجوا عندى
للأسف اللى حصل كان مع بنت اختك حنان
ياسر بصدمة.مش فاهم ياشيخ
معتز ومفتاح واقفين متنحين وفاتحين عنيهم على اخرها
الشيخ.انت جيت ليا امبارح وانت فاكر انك على جنابة
وانك خطأت مع الست زوجتك
لكن مفيش حاجة
ده كان شيطان متسلط عليكم
انت وهى
وعيكم غايب
كل اللى حصل او اللى انت اتهيألك انه حصل
ده كان خيال
السحر الاسود اللى مراتك شربته
والجن اللى اختك طلبت انه يتسخر علشان يحققلها مبتغاها
هو اللى غمى عيونكم عن الحقيقة
ووقعكم فى سوء الظن
ياسر.اختى ايه يا شيخ صمد وتسليط جن ايه
معتز.هو انت بتقول ايه يا شيخ
ما تفهمنا معلش
الشيخ صمد.اللى حصل ان انتم امبارح لما كنتم عندى
الست رئيسة كانت روحها مقيدة بروح تانية خبيثة
يمكن ده مش اى حد يلاحظه
بس ممكن من كتر ما بتكون قريب من ربنا
بتحس بوجود الارواح دى
حتى لو ساكنة ومش بتحاول تظهر نفسها
لكن لما بصيت فى عين الست رئيسة
كانت مش عين بنى ادم
انا متأكد من ده
وبعد ما مشيتوا من عندى
فضلت قاعد لحد الفجر
بقراء قرأن
وبدعى ان ربنا يهدينى للى المفروض اعمله
معرفش ليه صحيت الصبح لقيت نفسى بخبط على بابكم
مع انى معرفش ان فيه عندكم اى حاجة
ولما جيت ودخلت على اختك فى الاوضة
وشوفت امك
حسيت بوجود الروح الخبيثة دى حوالينا
وعلشان كده قبل م اقول اى حاجة لجأت لكلام ربنا
وده اللى خلى امكم تنهار لأن الروح اللى معاها بتعاقبها على وجودى وذكر الله قصادها
لكن اللى مع اختكم ده عاشق
ممكن يكون مسلم علشان كده مأذاهاش بوجودى
مفتاح.يعنى ايه اللى مع اختى عاشق
الشيخ.يعنى امكم لما حاولت تغوي فريال وياسر
طلبت تسخير جن يوهمهم انهم غلطوا مع بعض ووقعوا فى الحرام
الجن ده اتكشفت عليه حنان
ولأنها بنت حلوة
وصغيرة
وكان جسمها ظاهر بكل تفاصيله قصاد الجن المطلوب
طمع فيها
وعجبته
واصبحت تحت رغباته وبس
كلهم واقفين مش مقتنعين ابدا
الشيخ.انا عارف اللى بقوله يمكن ميتصدقش
بس عالم ربنا ان ده اللى حصل
انتم لازم البيت يتحصن بحاجات معينة هطلبها منكم
واتمنى امكم تقدر تقاوم الشيطان بتاعها وتطاوعني
وترجع لربنا
لكن لو انتم ملتزمتوش بالتحصين
وبالقرب من ربنا
صدقونى هتكونوا معرضين لشر كبير
لأن امكم من الواضح انها تعاهدت مع شيطان
علشان توصل لغايتها
معتز.بس امى هتعمل كده ليه ياشيخ صمد
دى بتحب خالى ياسر وهو بالنسبالها ابنها مش اخوها
وحتى خالتى فريال
دى عايشة معانا فى البيت
واحدة مننا
احنا شايفينها خالتنا
وابويا شايفها اخته
وامى روحها فيها
ازاى هتفكر فى كده
الشيخ صمد.هقولك ليه
امك كانت شايلة ارواح بريئة
سهل الاستحواذ عليهم
وكانوا هدف للجن اللى بيكون موجود حوالينا فى كل مكان بس مش ظاهر
الشيطان حاول يوسوس لأمك ان ابوك عنيه راحت على الست فريال
علشان يقدر يخلى الغيرة تدخل قلبها
وده حصل فعلا
وصل لهدفه
امك كانت هدف سهل للشيطان
وقدر يقنع امك ان ممكن تحصل حاجة بين ابوك وبين الست فريال
علشان كده قررت انها تخليها تتجوز خالك علشان ابوك يبعد عنها
وده طبعا خلاها تلجأ لحد من اتباع ابليس
اللى بيشتغل فى الحاجات الخبيثة دى
وحاولت ترضى ضميرها بأنها بتعمل كده علشان بس تحافظ على بيتها وجوزها وتحافظ عليكم
لكن الشيطان اغراها
ولما قدر يقنعها انه هينفذلها كل اللى عايزاه
قررت هى تتنازل عن الارواح اللى من البداية كانوا هما الهدف
ياسر.ارواح مين اللى اتنازلت عنها
الشيخ.ارواح الاطفال اللى لسه مولودين
مفتاح.يعنى ايه
مالهم اخواتى
يعنى ايه تتنازل عن ارواحهم
ماهما عايشين وزى الفل
الشيخ.لما اجى الليلة ونتجمع كلنا ساعتها هنعرف هما زى الفل ولا اللى انا شوفته وحسيت بيه حصل
ياسر.انا مش قادر اصدق اللى بيتقال ده
مستحيل امي تعمل كده
اه ياشيخ دى امى مش اختى
معقول تفكر فى الحاجات الخبيثة دى
هو احنا اه بعيد عن ربنا اوى
بس برضه يعنى مش من الناس اللى بتفكر فى الاعمال والاسحار والكلام ده
واختى طول عمرها فى حالها يعنى مش بتفكر فى الاذى لحد
الشيخ صمد.الست رئيسة اللى كان فى دماغها مش الاذى
هى كانت عايزة تخلى فريال وياسر يقتنعوا برغم فرق السن الكبير اوى اللى بينهم انهم ينفعوا زوج وزوجة
وده اللى الشيطان زينهولها
لكن هى كانت بتعمل كل الخطوات دى بأمره هو
بوسوسته
ولأن ايمانها ضعيف
هو عرف ازاى يسيطر على عقلها
معتز.يعنى انت ياشيخ
بتقول ان امى رضيت تضحى بأخواتى اللى كانوا لسه فى بطنها
وتضحى بشرف بنتها وعرضها
وعرضنا
وتغوى خالتى فريال وياسر
بس علشان تحافظ على ابويا
اللى طول عمره بيخونها ومفكرتش ابدا انها تعمل اللى عملته ده
مع انها عارفة ان مستحيل ابويا يخرب البيت علشان خالتى
ولا خالتى ممكن فى يوم من الايام تفكر تقبل حاجة زى دى لا مع ابويا ولا مع اى حد تانى
ياشيخ انت متعرفش خالتى دى محترمة ازاى
احنا اتصدمنا لما عرفنا انها قبلت تتجوز ياسر
الشيخ بص على باب البيت فجأة وسكت لحظات
الشباب لاحظوا شروده
معتز.انت روحت فيني يا شيخ صمد
الشيخ.لله الامر من قبل ومن بعد
لاحول ولا قوة الا بالله
خبط الباب وبقى يهبد اللى بيخبط
جرى ياسر يفتح والشباب يبصوا على الباب ويبصوا على الشيخ اللى واقف عمال يكرر
لله الامر من قبل ومن بعد
فتح ياسر الباب
واترمى فى حضنه عبدالله
وهو بيعيط بالدموع وبصوت عالى
ودمه سايح
وهدومه مقطعة
الشباب جروا عليه
والشيخ واقف فى مكانه بيردد.ان لله وان اليه راجعون
معتز.خالى مالك فى ايه
فين ابويا
عبدالله بعياط.ماااااات
طرابلسى مات يا معتز
