رواية عذاب الارواح الفصل الثالث عشر13 بقلم هنا عادل
عذاب الارواح
الجزء الثالث عشر
طبعا الشباب سمعوا موضوع موت طرابلسى اتصدموا
ياسر بحزن.ازاى ياعبدالله
حصل ازاى ده
عبدالله.احنا كنا خلاص وصلنا
وقبل السواق ما يدخل على المكان اللى بيركن فيه
طارت عجلة من العربية مش عارفين ازاى
واتقلبت العربية على جنبها فى مصرف
اتبهدلنا لحد ما عرفنا نطلع منها
كل الركاب طلعوا عايشين
لكن الطرابلسى هو الوحيد اللى مات
انهار عبدالله من الحزن عليه وعلى فراقه
معتز ومفتاح دموعهم نازلة وبيبصوا لخالهم وللشيخ
ياسر.طيب نعمل ايه دلوقتى يا عبدالله
عبدالله.هما اخدوه وطلعوا بيه على المستشفى
جيت ابلغكم واغير هدومي واروح على هناك
هى اختك فين
الشيخ.بلاش تقولها حاجة دلوقتى
خلصوا انتم بس اللى هتعملوه
اكرام الميت دفنه
روحوا على المستشفى وخلصوا الاجراءات
وبليل لما نتجمع نبلغها
عبدالله بص للشيخ وبص لياسر مش عارف في ايه
ياسر.بعدين هفهمك
ياسر ومعتز ومفتاح دخلوا غيروا هدومهم وعبدالله كمان
كل ده وفريال وعائشة قاعدين فى الاوضة عند رئيسة والاطفال
ومعاهم اولاد رئيسة الصغيرين
خرجوا الشباب من البيت ومعاهم عبدالله على المستشفى
والشيخ راح على بيته
خلصوا الشباب اجراءات المستشفى
وكان حصلهم على هناك قرايب طرابلسى اللى سمعوا بالحادثة واصحابه
والناس كانت زعلانة عليه
هو اه كان بتاع ستات
لكن الناس بتحبه
كل حاجة خلصت بسرعه
اجراءات المستشفى وصلاة الجنازة والدفن
كل ده حصل بسرعة
واولاده مصدومين ومش مصدقين اللى حصل ده
معقول ابوهم كان قدامه دقايق ويرجع لبيته
فى اقل من لحظات يروح وميرجعش تانى
بس دى حكمة ربنا
اللى اراد انه يعلم رئيسة بيها درس متنساهوش
رجعوا على البيت
كانت فريال فى المطبخ بتعمل اكل لرئيسة وبتجهز اكل للبنات
وكانت حنان على السرير فى اوضتها نايمة بس فاتحة عنيها
فريال اول ما سمعت الباب بيتفتح خرجت تجرى من المطبخ.انتم فين كل ده
وروحتوا فين من غير ما تقولوا انكم خارجين
طبعا كان الحزن على وشوشهم كلهم
وفريال متعرفش اى حاجة
ولا عن طرابلسى ولا حتى عن كلام الشيخ اللى اتقال
فريال بقلق.مالكم في ايه
عاملين كده ليه
عبدالله.رئيسة اختى عاملة ايه
فريايل.زى الفل يا خويا
بس طمنونى مالكم
مكشرين كده ليه
فى ايه
عبدالله.لاحول ولا قوة الا بالله
الطرابلسى اتوفى
فريال شهقت بصرخة.ايه بتقولوا ايه
ازاى ده حصل
وامتى
لا اله الا الله
لاء لاء اكيد ده مش صح
ياسر بحزن.وهما راجعين اتقلبت العربية واتوفى
روحنا دفناه
فريال بعياط.دفنتوه
ازاى تروحوا تدفنوه من غير ما مراته تعرف
ازاى منحضرش دفنته ولا نصلي عليه
طرابلسى ازاى
يارب رحمتك
مش مصدقة والله ماقادرة اصدق
ربنا يصبركم ياعيالى
ربنا يصبرك يا رئيسة ياختى
معتز.تعالوا نقعد فى المربوعة شوية
فيه كلام لازم يتقال ويتعرف
فريال.طيب هعملكم حاجة تاكلوها
انتم من صباحية ربنا على لحم بطنكم
ياسر.محدش له نفس ياكل حاجة
تعالى بس انتى اقعدى علشان اللى هيتقال لازم انتى كمان تسمعيه
فريال حزينة على طرابلسى برغم اللى حصل بينهم او اللى هى فاكرة انه حصل
لكن برضه هى مش بتنسى الخير اللى عمله معاها
وانه كان علطول فاتح بيته ليها ولأى حد من اهل رئيسة
وعمره م اتقل من حد ولا زعل حد
راحوا كلهم على المربوعة وقعدوا سوا والحزن على وشوشهم
ياسر بتوتر.عبدالله
انا عارف اللى هيتقال ده مش وقته خالص
بس الكلام لازم يتقال
علشان احنا واقعين فى مصيبة كبيرة
ومش هتتحل غير لما كلنا نساعد بعض
عبدالله.مصيبة
هو في ايه بعد اللى حصل ده
ياسر.انا وفرياال اتجوزنا
عبدالله فتح عنيه على اخرها
وبيبصلهم كلهم وهو مش مصدق
معتز.ده اللى حصل يا خالى
متستغربش ولا تزعل نفسك
لأن اللى جاى زعله هيكون اكبر
عبدالله بأنفعال.ازاى يعنى اتجوزوا
وامتى
ومن غير ما يشوروا حد
منهم لنفسهم كده
انتم عارفين الجوازة دى اخرتها ايه
انتم ازاى تعملوا حاجة زى دى
ياسر.بص يا عبدالله
لا انا ضحكت عليها ولا هى ضحكت عليا
اللى حصل يمكن انت مش هتصدقه
واحنا كمان مش مصدقينه
لكن اسمعه بنفسك واحكم بعد كده
عبدالله.اسمع ايه بس
الله يسامحكم
دى عملة تعملوها
لله الامر من قبل ومن بعد
مفتاح.خالى اسمع اللى حصل الاول
وبعدين قول اللى انت عايزه
احنا فيه مصايب بتحصل فى البيت واحنا مش دريانين
عبدالله.احكوا سمعونى
ابتدا ياسر ومعتز ومفتاح يحكوا اللى حصل واللى الشيخ قاله اللى كانت فريال بتسمعه وهى مش مصدقة اللى بتسمعه
كل حاجة وكل حرف نطق بيه الشيخ
كان عبدالله وفريايل بيسمعوه وهما بيعيطوا حرفيا بالدموع
عبدالله بيعيط على موت طرابلسى
وبيعيط على صدمته فى اخته اللى بالنسبالهم كلهم هى امهم مش اختهم وبس
بيعيط على تفكيرها اللى سمحلها انها تستحل حرمة بنتها وبنت عمها فى العمايل اللى عملتها
بيعيط على تفريطها فى ارواح اطفال مالهمش اى ذنب للشيطان
بيعيط ان اخته تتخلى عن ربنا وتلجأ للشياطين
والاذى ده
فريال بدموع وانهيار.يعنى انا مغلطتش
يعنى انا مش زانية
يعنى اللى حصل ده مكانش حقيقي
ليه كده يارئيسة
ليه الله لايسامحك دنيا ولا اخرة
خلتنى استرخصت نفسى
ده انا فكرت انتحر بسبب اللى حصل
ياسر.خلاص احنا مش فى اللى فات وحصل
احنا عندنا مصايب اكبر من كده
عبدالله.اومال احنا فى ايه لو مش فى اللى فات واللى حصل يا ياسر
جوازك انت وفريال كان بسبب اللى فات واللى حصل
ياسر.حنان يا عبدالله
اتسلط عليها جن
بسبب اللى عملته رئيسة
البت اتمست مس شيطانى
ومن صباحية ربنا حالها مش طبيعي
عبدالله.اتسلط عليها
معتز.اه ياخالى
الشيخ قال ده جن عاشق
ومسها بسبب ان امى استخدمتها علشان توهم ياسر انه حصل بينه وبين خالتى فريال حاجة
بس الجن اللى كان موجود فى الوقت ده
عجبته حنان
وعشقها
والشيخ عايز ييجى بليل
ويشوف حل
وطلب مننا التحصين
ولسه كمان مش عارف العيال الصغيرين حصلهم حاجة ولا لاء
بس الدكتورة قالت ان وضعهم غير وضع اى اطفال لسه مولودين
فريال بصدمة.اااه العيال كانهم كبار
عنيهم وبصاتهم
وسكوتهم
كأنهم فاهمين كل حاجة حواليها
حتى رئيسة نفسها
تحسوها تايهة كده
عبدالله.انا مش عارف اصدق ازاى اللى بيتقال ده
يعنى عملت كل ده
علشان خاطر الطرابلسى وفى لحظة روحه رجعت للى خالقها
اختى خسرت دينها ودنيتها واخرتها
بسبب ايه بس
الواحد هيقول ايه
معتز.مش هنقول حاجة دلوقتى يا خالى
احنا هنستنى الشيخ لما ييجى هو اللى يقول
بس المهم لحد م الشيخ ييجى
نخلى اخواتى يطلعوا من عند امي
احنا مش عارفين ايه اللى ممكن يحصل
الواحد دماغه بقيت مشلولة ومش عارف يفكر
سبحانك يارب ييجى وقت الواحد يخاف على نفسه من امه
ياسر.خلونا بس نرتاح شوية
النهاردة اليوم كان صعب اوى علينا كلنا
فريال.طيب انا هدخل اطمن على حنان
معلش بقى سامحونى انا مش هقدر ادخل لرئيسة ولا اخدمها
دى اذتنى
ومش اى اذى
عبدالله.ماشى يا فريال
ادخلى انتى للبت حنان خليكي جنبها
وانا هدخل اجيب العيال من جوة
وادخلها حاجة تاكلها
قامت فريال دخلت المطبخ واخدت طبق اكل وراحت بيه على اوضة حنان
عبدالله للشباب.هو انتم مصدقين اللى بتقولوه ده
يعنى رئيسة ممكن تعمل كده
ولا الشيخ ده عايز ياكل عيش على افانا
مفتاح.وايه اللى هيخليه يقول كده ياخالى
هيكدب ليه
ايه مصلحته
الراجل لا طلب ابيض ولا اسود
وبعدين حنان وحالتها الصبح كانت غريبة
اول مرة اشوف اختى او اشوف حد بالحالة دى ياخالى
دى البت كانت بتصرخ
وكلنا بنحاول لنصحيها مش بتصحى
يعنى مش مغم عليها
لاء كانت بتصرخ وبس
والشيخ لما قعد معاها شوية لواحدهم طلع قالنا الكلام ده
هى امى تصرفاتها غريبة اليومين دول
ياسر.يا عبدالله بقولك انا وفريال صدقنا اننا غلطنا مع بعض
وده اللى خلانا نتجوز
وكان غريب ان رئيسة هى اللى صممت نتجوز امبارح
احنا روحنا للشيخ عبد الصمد جارنا بعد نص الليل
وهى قالت للراجل انى مسافر علشان تخليه يوافق يكتب الكتاب
عبدالله.لاحول ولا قوة الا بالله
طيب اعمل ايه دلوقتى
ادخل اقولها ايه
واتصرف معاها ازاى
مش قادر ابص فى وشها
ياسر.طيب اقعد بس اهدا شوية
وامسك نفسك كده
علشان لما تدخل تشوفها متحاولش تقولها اى حاجة ولا تفهمها اننا عرفنا حاجة لحد الشيخ ما ييجى
ويبقى موجود فى البيت
فريال دخلت لحنان
كانت باصة للسقف وساكتة
ودموعها نازلة من غير صوت ولا اى حركة
فريال قعدت جنبها على حرف السرير وماسكة فى ايديها طبق الاكل.حنان ياحبيبتى
قومى يابتى كلى لقمة
حنان ساكتة
فريال موجوعة وحزينة على اللى حصل كله.قومي ياحنون علشان خاطر خالتك حبيبتك
انا جعانة وعايزة اكل معاكي لقمة
حنان بصيت لفريال.ابويا مات ياخالتى
قوليلى لاء
ابوس ايديكى قوليلى اللى انا فيه ده مش بيحصل
قوليلى انى نايمة وبحلم
فريال.لاحول ولا قوة الا بالله
استهدى بالله يابنتى بس
كل اللى انتى فيه ده هينتهى متقلقيش
المهم افتكرى ربنا بس واذكريه علطول
علشان نقدر نخلص من اللى وقعنا فيه كلنا
حنان.طيب قوليلى هو فعلا ابويا مات
انا شوفته ياخالتى
شوفته مرمي على الارض سايح فى دمه
وهو قاللى انه مات
فريال.مين اللى قالك يا حنان
الشيخ
حنان.لاء ياخالتى مش الشيخ
اللى قالى وخلانى شوفت
الجني
فريال.بسم الله الرحمن الرحيم
ربنا يجعل كلامنا خفيف عليهم
جني ايه يابنتى
حنان.الجني اللى اتجوزنى ياخالتى
فريال حطيت ايديها على صدرها وهى بتشهق.يالهوى
جني ايه اللى اتجوزك
متقوليش كده يابنتى
حنان والدموع نازلة من عنيها لكن بتتكلم بهدؤ.ياخالتى هو قاللى انى بقيت مراته
وقاللى كمان ان انتى حامل
فريال فتحت عنيها على اخرها وبصيت لحنان من غير ما ترد بحرف
وحنان بتبص لفريال بثبات وثقة
