رواية نعمه الفصل العاشر 10 بقلم حماده زهران
الشيخ محمود اتصل عليا وقال:
نعمه،فيه حاله جديده،وصعبه جداً جداً،عندها حاله هياج ومحدش قادر عليها.
روحت وشوفت الحاله،كانت في سن الأربعينات، قاعده بتشرب سجاير بطريقه غريبه،وبتتكلم ان هيا زوجة حد من ملوك الجن،وان عندها خدم بيلبولها طلباتها،وأنها كل يوم بتروح وتيجي،
وبدأت تتكلم عن الجن والعشائر اللي هي تعرفهم.
كان عندها هوس كأنها فعلاً مش بتكدب.
قعدت مع أمها وطلبت من أمها تحكيلي وبدأت
تحكي..قالت:
-بنتي هاله لما اتجوزت كانت هاديه وكويسه جدا،كانت مديره مدرسه ومفيهاش اي حاجه.
بعد جوازها بفتره خلفت ولد وبنت،وبعدها حصلت مشاكل كتير بينها وبين جوزها،وبقيت تاخد مهدئات،وبدأت تحصل مشاكل بينها وبين جوزها،ممكن متفتكرنيش انا أمها ولا أختها، متفتكرش عيالها وتقول:
-دول مش عيالي انا،عيالي موجودين في مكان تاني.
كانت ترفض جوزها كتير،ووصلت للضرب والبهدله..فيه ناس تدخلت في الموضوع،وحاولت تحل لكن وصلوا للطلاق.
وفي يوم هي وبتكسر في حاجات البيت،مسكت ابنها وفضلت تصرخ في وشه.
ام هالة سكتت وفضلت تبكي،هديتها وطلبت منها تكمل،قالت:
-رمت ابنها من شباك المنور،وزي ما انتي شايفه هاله ساكنه في الدور التاسع..بنتها واتفذعت وفضلت تصرخ،هالة مسكت البنت ورمتها ورا اخوها.
الناس طلعوا جري وكسروا عليها الباب،فضلت تصرخ،الولد والبنت كانوا ماتوا.
الجيران قالوا مشفناش حاجه،لكن اتهموا هاله بالاهمال.
كانت بتتكلم قدام وكيل النيابه كلام ملهوش اي معنى،كلام تخاريف.
وكيل النيابة حس بأن فيه حاجه مش طبيعي، فضل يحقق معاها لكنه موصلش لأي حاجه،وحولها مستشفى امراض نفسيه، ومعرفوش يسبتوا ان هي اللي رمت عيالها.
انا كنت عارفه ومتأكده ان هي اللي رمت عيالها، بس مش معقولة هشهد على بنتي،هالة فعلا مش طبيعي.
خلصت ام هالة كلامها،واتكلمت مع هاله كتير، وبدأت اجاريها في الكلام،اني ليها زوج واولاد تانيين.
قولت:
-حاولي تخليني اشوفهم.
استهزءت بيا وفضلت تضحك بطريقه هستريه، ومسكت طفايه السجاير ورمتها عليا،الحمدلله مجاتش فيا،قولت لأمها:
-بنتك دي مريضه نفسياً،ما عندهاش اي مس او سحر او اي حاجه،كل الموضوع ان عندها مرض نفسي ولازم تقعد في المستشفى،علشان متضرش نفسها او تضر غيرها،متتعبيش نفسك معاها، واهم حاجه تتعرض على دكتور نفسي.
وقومت علشان امشي..طول الطريق ما عرفتش انطق بكلمه ولا انا،ولا الشيخ محمود.
انا قعدت افكر كتير في الدنيا،وناس كتيره سيئة، ازاي بياكلوا في حق بعض،ازاي بيعملوا اعمال سحر لبعض.
اللي كان عايش كويس وسيرته حلوة،بعد موته كل حاجه بتتغير.
والبنت اللي كانت عايزه تخون جوزها......
كل ما افتكر الحاجات اللي بتحصل حواليا، نفسيتي تتعب اكتر.
الشيخ محمود كلم جوزي وقال:
-عايز اقابل نعمه.
وصل الشيخ محمود،وفضل يتكلم كتير معايا،أن ربنا انعم عليه فلازم احافظ على النعمه دى.
قال:
-بصي يا بنتى انتي مكلفة بالنعمه اللي معاكى دي،یعنی انتی ربنا جعلك سبب،وهما كمان سبب، انتي لازم يكون عندك يقين بكل حاجه بتحصل حواليكي،مفيش حد في الدنيا مش مبتلى..المهم يا بنتى فى حد عايزك بالاسم.
قولت:
-عايزني بالأسم،حد مین.
قال:
-رئيس المباحث.
قولت:
-يعني عايز مني ایه،وهو يعرفني منين.
الشيخ محمود قال:
-والله انا كمان ما اعرفو،بس هو بعت ناس تبعه خدوني المكتب بتاعه،وسألني عنك وطلب انك تروحيلوا،بس انا قولتله:
-ما احبش اجيبها هنا قالي:
-انا عارف يا حج محمود انها بتعزك،فياريت تقنعها..ايه رأيك يا بنتي.
جوزي قال:
-حكومة لا لا.
قولت لجوزي:
-طيب بالراحه انت خايف ليه.
قال:
-انا خايف عليكي.
قولت:
-لا ما تخافش،أن شاء الله خير.
الشيخ محمود قال:
-هو مستني مني تليفون.
قولت:
-رن عليه.
الشيخ محمود رن عليه وقالي:
-خدي يا بنتي،معاكي على التليفون.
قال:
-السلام عليكم يا ستنا.
قولت:
-وعليكم السلام ورحمه الله وبركاته،اتفضل.
قال:
-ممكن تشرفيني في بيتي،هبعتلك عربيه مخصوص.
قولت:
-تمام، بكره ان شاء الله.
وتاني يوم بعت عربيه وركبت،والشيخ محمود كان هيركب جنب السواق،بس السواق رفض يركبه وقال:
-الباشا عايزك انتي لوحدك.
نزلت من العربيه وقولت:
-قول للباشا بتاعك لو عايزني هو يجيلي،انا مش هروح لحد.
قال:
-يا ست هانم،ممكن انتي تكلميه طيب،انا لو قولت كده مش هيطلع عليا نهار.
قولت:
-اتصل وادهوني.
كلمته وقولتله:
-انا مش شغاله عندك،لو انت محتاج حاجه اتفضل،انا مش رايحه اي مكان.
وطلعت بيتي وكنت متضايقه جداً.
السواق مشي والشيخ محمود واقف مش عارف يعمل ايه لكنه في الآخر مشي.
ساعه بالظبط ولقيت جوزي جاي قبل ميعاده وفي حد معاه قال:
-نعمه تعالي.
قولت:
-مين ده اللي معاك.
قال:
-ده محمد بيه رئيس المباحث.
طلعت واول ما شوفته قولتله:
-انا مش بحب الانسان المتعالي.
ضحك وقال:
-طيب يا ست الكل انا جيت لحد عندك.
قولت:
-وانا مش برد حد طلب مني مساعده،وانا محدش يقدر يجبرني على حاجه.
قال:
-مين قال كده،انتي على راسي..انا بس عندي شويه مشاكل،مراتي تعبانه.
قولت:
-خير ان شاء الله.
قال:
-بعد اذنك نتكلم في بيتي،وممكن اسمح لجوزك بس ياجي معاكي،أنا مش حابب حد يعرف حاجه عني.
قولت تمام ورحت معاه انا وجوزي،بيته جميل جدا ما شاء الله.
مراته قالت:
-اهلا وسهلا اتفضلوا.
كان باين على وشها الحزن وكنت عرفت ان محمد بيه مصاب بسحر،مراته ما كانش فيها حاجه،مع انها اكتر واحده بتشتكي من التعب.
مقلتش حاجه لحد ما اشوف مراته،كانت فعلاً تعبانه،بس مش سحر ولا مس كان عندها حتى وسواس.
وهي مش معترفه بده،هي حاسه بسبب الضغط النفسي بتاع جوزها وبنتها.
لما شوفت بنتها عرفت ان هي كمان مأذيه زي ابوها.
هما الاتنين كانوا حالتهم صعبة فعلاً.
بدأت اعالج محمد بيه بالقرآن،وبدأ يتشنج ووقع على الارض وفضل يصرخ ويقول:
-انا مش عايز حد حواليا،خليهم يمشوا.
طلعت مراته وبنته بره،وبدأ يتشنج زياده لدرجة انه جاب دم من مناخيره وبقه.
بدأت ان اعالجه بميا بملح،بس موضوع الدم ده كان مخوفني،خوفت اني ءاذيه بالميا بملح.
بس هدى وجابر طمنونى ان السحر اللي كان معمول،كان سحر اسود وعلى نجاسه.
جبت جردل وخليته يرجع فيه..رجع أكل طبيعى عادي خالص.
قولت:
-كمل كمل انت لازم تجيب كل اللي في بطنك. وبعد ما خلص خالص،ابتدى يرجع شعر وحتت دم صغيره..دم اسود متجلط،زي دم الكبده بتاع الفراخ.
وفضل يصرخ على اخره ويزعق علي مراته ويقول:
-اقفلي الشبابيك،مش عايز حد يسمعنا،اقفلي اي حاجه مفتوحه،انا مش عايز حد يسمعني. ويحاول يتمالك في نفسه لكنه مش قادر يوقف،
ومسك ايدي وهو بيتألم وفضل يقول:
-ابوس ايدك..خلصيني من اللي انا فيه.
فضلت اقوله:
-اصبر..علاجك هيكون 3 ايام وكمان لازم تعمل حجامه،لأن الحجامه بتنقي الدم طبعا،والسحر كان في معدته ومبهدل جسمك كله.
كنت عارفه مين اللي عامل السحر..هو كان خاطب بنت خالته من زمن،ولما محصلش نصيب وسابها..خالته وبنتها راحوا عملوله سحر،وبقي عايش حياته كلها متدمره..بقي عصبي بدون اي سبب،ويتكلم كتير مع نفسه،ويشوف خيالات وعلى طول اعصابه متوتره،وما بينامش كويس، وعلاقه بمراته متوتره..وحاجات كتير،وده غير حالات الصرع اللي بتجيله.
بعدها بدأت اعالج بنته،وكانت للاسف نفس الحكايه،ونفس التعب اللي عند ابوها،والترجيع هو هو،حصل للبنت نفس اللي حصل لابوها،بس البنت كانت اقل شويه.
الحمد لله..ربنا سترها.
حاولت اقنع الست انها تروح لدكتور نفسي،بس الست مش مقتنعه خالص.
بعد كام يوم زياره لجوزها وبنتها عرفت اقنعها وفعلاً وراحت لدكتور والحمد لله بقيت كويسه.
بعد ما خلصت علاجهم بكام يوم،اتصل عليا الحاج محمد الكفيف،قال:
-عايزك ياست نعمه ضروري.
قولت:
-خير ان شاء الله.
قال:
ناخويا اتسرقت منه فلوس كثير اوي،هبعتلك عربيه تجيبك لحد هنا وترجعك تاني.
قولت:
-طيب ابلغ جوزي.
قولت لجوزي قالي انا جاي معاكي،وجات العربية ركبت أنا وجوزي وروحنا.
مكان جميل جدا جدا بيت في وسط الزرع والمنظر يخطف القلب،ربنا يبارك يارب.
دخلت البيت وكان في ترحيب جامد الحاج محمد قال:
-دي ست الكل اللي هترجع الفلوس يا عامر.
وبصلي وقال:
-ده الحاج عامر اخويا.
الحاج عامر قال:
-اهلا وسهلا بيكي،اتفضلي.
قعدنا وبدأ يتكلم..قال:
-انا كنت جايب فلوس من البنك علشان هجيب أرض،بس امبارح روحت اخدهم من الدولاب ملقتهمش،قلبت البيت مش لاقي اي حاجه..وده مبلغ مش شويه يا ست الكل،دول 2 مليون جنيه. قولت:
-طيب ممكن اشوف المكان.
سمعت في ودني جابر بيقول:
-ملهوش لازمه،انا اللي اخد الفلوس مرات ابنه.
قولت في بالي لا حول ولا قوه الا بالله طيب والعمل.
هدى قالت:
-فيه حاجه الارض.
وفجأة الارض فتحت قدامي،ولقيت حاجه فوق الخيال..تماثيل دهب كتير وبوابه كبيره جدا وتبوت..قولت:
- هو ايه ده.
هدى قالت:
-ده حق بس مش ليهم.
قولت:
-ازاى مش فاهمة.
قالت:
-بصى كويس..بصيت وشوفت البوابه وعبارة عن بيت فيه 3 بنات وامهم.
قولت:
-انا مش فاهمه حاجه.
وفجأة الحج عامر قال:
-ها يا ست الكل،عرفتى مين اللي أخد الفلوس.
بصيت وقولت:
-أن شاء الله عرفت.
قال:
-اقسم بالله العظيم يكون ليكى اللي تأمري بيه.
وبدأت اتحرك وهما مشيين ورايا،جابر بيدلنى على المكان بالظبط،وهدى كانت بتورينى مرات ابنه وهى ماشيه بتترعش ومش عارفه توقف على رجليها.
ولما وصلت لمكان الفلوس وقفت،الحج عامر قال: -ايه يا ست الكل عرفتي مكان الفلوس.
قولت:
-الفلوس هنا.
مرات ابنه اول مسمعت اغمى عليها..قولت:
نسبوها محدش ياجى جنبها،أنا هقرالها قرآن.
وقربت منها وقولتلها:
-انتى خاينه قومي احسنلك..انا عارفه انك انتى اللى اخدتي الفلوس ومش هقول لحد،بس اقسم بالله العظيم لو فكرتى تلعبى اى لعبه من دول تاني انتى اللى هتزعلى على نفسك.
فتحت عينها وقامت..كلهم كانو مفكرين انى بقرالها قرآن.
لقيوا الفلوس،والكل فرحان ودخلنا البيت عشان نتكلم،الحج عامر قال:
-قولي يا ست الكل مين السارق اللي فى بيتي.
ابنه الكبير قال:
-لو سمحتي يا ستنا.
مسك ايد مراته وقرب عليا وقال:
-انا اتظلمت كتير انا ومراتي،انا الابن الكبير لكن ابويا مش عايز يشوف كده،ولا بيقدرني ولا بيحترم مراتي.
سمعت جابر في ودني بيقول:
-هي كانت حامل ثلاث مرات والحمل وتسقط.
كانوا 3 سلايف "هبه" مرات الابن الكبير،وصفاء مرات الإبن الوسطاني،ومنال مرات الصغير.
وصفاء مرات الوسطاني تبقى بنت خالتهم.
اتكلمت هبه وقالت:
-اقسم بالله ما اخدت حاجه.
بصيت على صفاء هي وبتترعش من الخوف ونفسي امسكها اموتها..هبه كانت صعبانه عليا هي وبتبكي.
كنت حاسه ان انا لو ما اتكلمتش وقولت الحقيقه هبقى واحده ظالمه.
هدى وجابر كان دايما يحذروني ان اخلف العهد.
صفاء واقفه بتترعش وخايفه،وهدى تقول:
-متقلقيش حقها هياجي ما تتكلميش.
هبه واقفه بتبكي وأنا والكل واقفين ساكتين.
فجأه ظهر قدامي شاي بيتحط فيه برشام،مش عارفه ده معناه ايه،وليه انا بشوفه دلوقتي.
عرفت ان هبه كان عندها ابن سنتين،لكن مات بطريقه غريبه.
اتكلمت مع هبه وسألتها ابنك مات ازاي،قالت:
-كان كويس جدا،ومش بيشتكي من اي حاجه، وفجأة كده مات..انا كنت بحمل للشهر الثالث او الرابع وبعدها الجنين ينزل متقطع،وتاني مره لما ودوني للدكتور كانت حالتي صعبه،لأن تاني إجهاض ليا في فتره قصيره،عملت اشاعات وتحاليل واخدوا مني عينات انا والجنين،وبعد الفحص اكتشفوا اني واخده حاجه علشان تنزل الجنين.
والله انا ما باخد حاجه،معقولة يعني هموت عيالي..البيت كله في حاله حزن على الاطفال اللي بتنزل ميته دي.
وفجأه وبدون سابق انذار صفاء وجهت الكلام ل هبه وقالت:
-انتي بتبكي ليه دلوقتي،ما انتي خدتي كل حاجه،مش كفايه جوزك واخد كل حاجه كفايه، وان هو الكبير بعد عمي اللي هيمسك الأرض والمشاريع.
الكل واقف مصدوم..صفاء فضلت توبخ في هبة وتقول:
-أنا اللي عملت فيكي كده..انا اللي كنت بنزلك كل عيل بتجبيه،انتى متستهليش كل ده،الحاجات دي بتاعتنا انتي ملكيش حق يا بنت الشحاتين.. انا اللي كنت بحط البرشام في الشاي علشان تنزلي اللي في بطنك،وانا كمان اللي وقعت خالتي من على السلم علشان تبطل تأمر علينا..هاتوا ده واعملوا ده قررت اخليها تقعد واحنا نخدمها،احنا نشوف طلبات البيت واحنا اللي نفتح المخزن واحنا اللي نودي ونجيب.
طبعاً الكل كان مصدوم فيها،كانوا كلهم بيحبوها، وهي كانت راسمه عليهم الدور.
قولتلها:
-ايه..مش عايزه تقولي حاجه تانيه.
بصتلي وقالت:
-ايوه..انا كمان اللي اخدت الفلوس.
مسكوا في خناق بعض وبدأ صوتهم يعلى،وقفت وزعقت وقولت:
-يا جماعه انا مش جايه هنا علشان تعملوا دوشه وتمسكوا في بعض ولا صوتكم يعلى،انا جايه ارجعلكم الفلوس والحمد لله الفلوس رجعت،وانا مقولتش مين اللي عمل كده رغم اني كنت عارفه من ساعة ما دخلت بس لولا ستر ربنا،علشان البنت دي يظهر حقها ويبان الظلم اللي كنتوا ظلمينه ليها.
الحج عامر قام وسيطر على الوضع ووقف الزعيق،وجوز صفاء اتكلم وقالها:
-غوري على بيت أهلك،وانا ليا كلام معاهم،انتي خلاص ملكيش رجعة هنا تاني.
الحج عامر قال:
-انا مش عارف اقولك ايه ولا اشكرك ازاي يا ست الكل.
وحط قدامي فلوس كتير مكنتش عارفه كام ممكن عشرين ألف أو تلاتين.
قولت:
-هاخد جزء من الفلوس ومديت ايدي واخدت جزء من الفلوس،حاول يديني الفلوس كلها لكني رفضت واكتفيت باللي اخدته...يتبع
