رواية عشق محلل كامله وحصريه بقلم اسراء ابراهيم
انت رايدني اتجوز مرتك ؟ انت اتجنيت يا عاصم
رعد بتوتر وهو بيقوم من مكانه بتهرب / انت عارف انت بتطلب مني ايه عاد ؟ اني اتجوز مرتك ؟ رايدني ابجي محلل كيف ده بس يا عاصم
عاصم اتنهد بتعب وقام وهو بيتكلم باصرار/ اسمعني زين بس يا رعد ،، انا طلجت فتون الطالجة التالتة ومينفعش ارجعها الا لما تتجوز حد تاني وانا مش هثق في حد غيرك يا واد عمي ،،عشان خاطر ابن عمك وافج وهما كام ليلة وتطلجها واتجوزها اني
رعد بتردد وهو بيبص لعاصم بفضول / طب وهي فتون خابرة بالحديت ده ؟
عاصم بص لرعد بتوتر وبعدين رد بكدب وهو بيبتسم / اه اه طبعا ،،دي من وجتها وهي زعلانة من اللي حوصل واني طلجتها ولما جولتلها هنشوف محلل كانت فرحانة جوي
سكت رعد وكان باين عليه الضيق بس حاول يخفيه لما اتكلم بجدية/ اني ياما جولتلك يا عاصم انك لازمن تحكم عجلك زين وبذيادة بجي طلاجك اللي عمال علي بطال ده اهو شوف اخرتها وصلت لايه
عاصم نفخ بضيق ورد بتلقائية وهو بيفتكر اللي حصل / اسكت يا رعد،، انا مبجتش عارف فعلا اتحكم في غضبي وبعدين بجي ،،هو طبعي كدة وهي لازم تعرف ده فمتحاولش تقف قصادي
رعد رد بقلة حيلة وهو بيبص لعاصم بضيق / انت فعلا راسك يابس يا عاصم واني مش فاضي لحكاياتك دي
عاصم قرب من رعد بسرعة قبل ما يخرج وقاله بقلق/ طب طمني عاد ،،موافج ولا لا يا رعد ؟
رعد اتوتر من سؤال عاصم بس رد عليه بهدوء خارجي / مش لما اعرف رأي فتون ايه الاول ،،مش يمكن هي ترفض لما تعرف ان اني المحلل
عاصم كشر بغضب ورد بتلقائية وهو بيقبض علي ايديه جامد/ وهي هيبجي ليها رأي ولا ايه في حاجة زي دي يا رعد ،،انا جولت لچدي وهو جالي هيجولها وخلاص
رعد اتنهد بحيرة ومكنش قادر يفسر احساسه ايه وللاسف هو من جواه موافق وجدا كمان وعشان كدة رد بهدوء/ اللي فيه الخير يجدمه ربنا يا عاصم
......................................
بس اني مش موافجة يا ابوي ،، ابوس يدك متخلنيش ارجع لعاصم اني ما صدجت انه رمي عليا اليمين التالت
كانت بتتكلم فتون بانه*يار وهي بتعيط وقاعدة تحت رجلين (فضل) ابوها اللي كان باين عليه الغضب ورد عليها بحد*ة / يعني ايه مش رايدة ترجعيله ؟ انتي خابرة اني هوافج يتجال عليكي مطلجة ولا ايه ؟ اصلا عاصم اتحدت مع جدك وهو خلاص
وافج
فتون عيطت اكتر وقعدت عالارض بتعب لانها متأكدة ان مهما عملت ابوها مش هيرجع في قراره فبقت تتكلم بقهرة/ يعني خلاص يا ابوي ،،هتحكم عليا اعيش باجي عمري مع عاصم ؟ ،، هتهمله كل يوم يضر*بني ؟ هتهمله يتحكم فيا كاني جاريته ؟ كل ده عشان ميتجالش عليا مطلجة ؟
اتنهد فضل بضيق ورد بلا مبالاه علي فتون وهو بيقوم من جمبها / متكبريش الموضوع يا فتون ،، عاصم راجل زين وبعدين كفايا انه رايدك لسة ووافج علي قصة المحلل ده ولولا انه واثق في رعد صاحبه مكناش خابرين هيحصل ايه ؟ كان زمانك جاعدة جارنا والاسم مطلجة
فتون انتبهت لاسم رعد ؟ وبصت لابوها وقامت وهي بتقول بلهفة/ انت جولت رعد ؟ رعد ابن عم عاصم ؟
رد فضل بتأكيد وهو بيبص لفتون باستغراب من طريقة سؤالها فقالها / اه هو ،، عاصم مش واثق في حد غيره واتحدت معاه والراجل موافج وخلاص فاضل علي عدتك اسبوع ووجتها نتمم الجواز
سرحت فتون في كلام ابوها وهي بتمسح دموعها ووقتها ردت بجمود/ ماشي يا ابوي واني موافجة
ابتسم فضل بفرحة ورد وهو بيحض*ن فتون وبيبو*س راسها / ايوة اكده هي دي بتي العاجلة ومش عاوزك تجلجي هو شهر ورعد يطلجك وترچعي لعاصم يا حبيبة ابوكي
فتون ابتسمت بسخرية ومردتش علي ابوها وسابته وطلعت وهو كان متابعها باستغراب وفرحة لانها وافقت اخيرا
............................................
بتستعري من امك يا حبيبة ؟
قالت كدة وردة لبنتها بحزن وهي قاعدة في الشارع بتبيع الخضار وكانت واقفة قدامها حبيبة بتبصلها بعتاب واول ما امها قالت كدة قربت منها بسرعة وحض*نتها وهي بتتكلم / لا ياما متجوليش اكده ،،انتي خابرة زين اني اتشرف بيكي وسط الخلج كلياتها بس اني مش رايداكي تتبهدلي عشاني ،، انا جولتلك اني بدور علي شغل وخلاص معدش ليه لزوم انك تخرجي وتجعدي اكده في الشارع
ابتسمت وردة بفرحة من كلام بنتها وردت بحنية وهي بطبطب عليها / يسلملي خوفك عليا يا حبيبة يا بتي ،،بس انا لازم اشتغل عشان مدرستك انتي ناسية انك في اخر سنة ولازمن مصاريف عشان الجامعة
ابتسمت حبيبة وردت بحماس وهي بتبص لامها بفرحة / ماهو ده الخبر الزين ،،انا لجيت شغل حلو جوي ومناسب لوجت المدرسة وكمان جريب من البيت يعني الحمد لله مش هتشيلي همي
كشرت وردة باستغراب وردت بقلق وهي بتبص لحبيبة بشك/ وده شغل ايه ده عاد اللي فيه كل المواصفات دي ؟ اوعي تجولي هتشتغلي في البيوت ؟ انتي خابرة ان لو ايه اللي حصل لا يمكن هخليكي تعملي كدة
ابتسمت حبيبة بحب وباست امها وبعدين قالتلها بهدوء/ لا خالص ولا اي حاجة من دي ،، بصي يا ستي ،، المُدرِسة بتاعتي عرضت عليا اني اقعد مع بنتها الصغيرة الفترة اللي هي فيها في المدرسة وجالت هتديني مبلغ حلو جوي وده لانها مش لاقية حضانة توديها فيها طول الفترة دي وجالتلي كمان لو علمت البت الصغيرة هتزود الفلوس
ابتسمت وردة بفرحة وردت وهي بتتنهد براحة/ طب الحمد لله يا بتي ،، بس طيب مش غيابك ده هيأثر عالمدرسة احسن يفصلوكي يبجي ايه العمل بجي ؟
ضحكت حبيية ورد بثقة وهي بتغمز بعنيها لامها / يا امي ،،بجولك دي تبجي المُدرسة بتاعتي يعني هتظبطني في الغياب متجلجيش
ابتسمت وردة وردت بفرحة وهي بطبطب علي حبيبة بحنان/ ماشي با بتي ،،ربنا يسترها عليكي ويسعدك ويرزجك بعريس الهنا يارب
حبيبة اتنهدت بقلق وهي بتبص لامها وبتبتسم بالكدب ليها ومن جواها كانت قلقانة اوي وخايفة لانها مقالتش لامها ان المُدرِسة دي عندها ابن كبير بس عينه زايغة والمدرسة كلها عارفة ده وبيتكلمو عليه دايما بس المُدرسة بتاعتها قالتلها انه مش هيكون موجود الوقت اللي هي فيه عندها لانه هيكون في مدرسته وده لما سالتها عنه بتردد وخافت حبيبة تقول لامها عليه لانها كانت هترفض طبعا وحبيبة محتاجة الشغل ده جدا عشان امها متضطرش تشتغل هي
............................................
كان داخل رعد من باب بيته وقابلته نعمة امه اللي كانت مستنياه وباين عليها الغضب واول ما شافته قربت منه وهي بتتكلم بغضب / انت فعلا هتعمل اكده يا رعد ؟ انطج وجولي فعلا هتتجوز مرت بت عمك ؟
قبض رعد علي ايديه بغضب اول ما امه قالت كدة وحاول يتحكم في اعصابه وهو بيرد بهدوء/ اسمها طليجته ياما هو خلاص طلجها وهي بجت حرة دلوك
بصتله نعمة بقصد وهي مربعة ايديها وردت بسخرية/ والله ،، عليا يا واد بطني ؟ منا خابرة انه طلجها وانه رايدك تتجوزها محلل ،،انت ازاي توافج علي حاجة زي دي ،، خلاص يا رعد للدرجادي مبجتش تفكر ولا تحكم عجلك ولا انت ما صدجت
اتكلم رعد بسرعة وهو بيقاطع امه قبل ما تكمل كلامها ورد بضيق / ياما ملوش عاذة الحديت ده وبلاش نفتح دفاتر جديمة وخلاص انا اديت عاصم كلمة وجولتله اني هتجوز فتون
ردت نعمة بعصبية وهي بتبص لرعد بغضب وكأنها بتحاول تفوقه / لا ليه عاذة الحديت يا رعد والدفاتر متجفلتش بالنسبالك عشان نفتحها اصلا ،،جول انك لساتك عاشج البت دي بس ازاي توافج تتجوزها بعد ما اتجوزت واد عمك
يووووه
قالها رعد بعصبية خفيفة وهو بيسيب امه وبيمشي وبعدين كمل كلامه بجدية / هتجوزها زي الناس ما بتتجوز ياما لاهو عيب ولا هو حرام ،، وبعدين حكاية اني عاشجها دي كان زمان ودلوك خلاص مفيش اي حاجة من دي
ردت نعمة بثقة خلت رعد يقف مكانه وهو مديها ضهره ومقدرش يتكلم / وده بأمارة ايه ،، انه عدي خمس سنين وانت رافض الجواز وكل ما اچيبلك عروسة ترفضها ؟،، فاكرني عيلة صغيرة عشان تضحك عليا يا رعد ؟ بس اسمعها مني البت دي خلاص مبجتش تنفعك من وجت ما اختارت عاصم ورفضتك يا ولدي
رعد قبض علي ايديه بغضب وسابها وكمل طلوع لفوق وهو في قمة غضبه وخصوصا من اخر كلمتين قالتهم امه وكأنها داست علي جر*حه وصحت حجات قديمة اندفنت من سنين
.........................................
كانت قاعدة فتون في اوضتها سرحانة في حياتها واللي هي منتظراه بعد كل اللي مرت بيه لدرجة انها محستش بعزيزة امها اللي دخلت عليها وبتكلمها وهي مش هنا لحد ما انتبهت لكلامها/ وه اني بتحدت مع حالي عاد ؟ اللي واخد عجلك يا بت بطني
اتنهدت فتون بحزن وردت وهى بتتعدل في قاعدتها/ هيكون ايه ياما عاد ،، اكيد في حياتي اللي مالهاش طعم ولا لون
عزيزة قربت من فتون وطبطبت عليها بحنية وهي بترد / متزعليش يا بتي ،،ده جدر ومكتوب
ردت فتون باندفاع وهي بتبص لامها بلوم/ جدر ومكتوب ياما؟ جصدك قوانين ابوي وچدي ،، منا اتكتب عليا لاجل اني بنتة اني اعيش طوع طول عمري ،، مليش اني اجول موافجة ولا رافضة ،، ده اسمه ذل ياما ،، اتكتب عليا زمان ودلوك
حضنت عزيزة فتون بحزن ومكنتش عارفة ترد عليها تقول ايه وده لانها عارفة انها عندها حق في كل كلمة وكل اللي قدرت تعمله انها قالتلها بحزن/ معلش يا بتي اهو عادات وسلو بلادنا اكده هنجول ايه بجي ،، وبعدين عاصم مش وحش جوي اكده ،،هو عصبي حبتين بس بيحبك يا عبيطة
ضحكت فتون بصوت عالي بطريقة غريبة خلت امها تبصلها باستغراب واتفاجأت باللي قالته فتون وهي بتتكلم بانهي*ار / عاصم مش و*حش ؟ انتي متعرفيش حاجة ياما ،،مش عشان اني مكنتش بتكلم واشتكي يبجي اني زينة في حجات بتتحس ياما وانتو كلكم كنتو شايفين وخابرين بيا بس محدش كان بيتكلم ،،بصي ياما بصي جسمي عامل كيف استني لسة كمان جسمي من جوة
قالت فتون كلامها الاخير وهي بترفع اكمام جلبيتها وبتوري امها ايديها اللي كلها ازرق وكانت وقتها عزيزة مصدومة وقلبها وا*جعها وهي شايفة جسم فتون واللي عانت منه الخمس سنين اللي فاتو
.........................................
كانت واقفة حبيبة مبهورة ببيت المُدرِسة بتاعتها لانه بالنسبالها اكبر من بيتها بكتير فضلت كدة لحد ما انتبهت لصوتها وهي جاية ببنتها رؤي فابتسمت ليهم في نفس الوقت اللي فايزة بتتكلم فيه / ادي يا ستي رؤي بنتي ،، سلمي علي حبيبة يا رؤي ،،هي دي اللي هتجعد معاكي لحد ما انا اجي من الشغل وانا متأكدة انكم هتكونو اصحاب
ابتسمت رؤي لحبيبة اللي قربت منها وباستها وسلمت عليها وقالتلها بحب / لا احنا خلاص اصلا بجينا اصحاب،، مش اكده يا رؤي ،، اسمك حلو خالص وكمان شعرك جميل جوي جوي
رؤي ابتسمت بتلقائية وبصت لحبيبة بفرحة وهي بترد وبتمسك شعرها / انتي اول واحدة تجولي ان شعري حلو وعشان كدة انا حبيتك جوي
ضحكت حبيبة علي كلام رؤي وحضنتها وهي بتقولها بحب / يا روحي انتي ،،والله انا اللي حبيتك جوي وعلي فكرة بجي احنا هنتسلو جوي مع بعض
ابتسمت رؤي بحماس وردت بتلقائية وهي بتبص لامها وبتقولها ببراءة /طب خلاص يا ماما روحي انتي بقي عالشغل بتاعك عشان متتأخريش
ضحكت فايزة وهي بتبص لرؤي بصدمة وبعدين رجعت بصت لحبيبة وردت بضحك/ شوفتي رؤي حبتك ازاي لدرجة انها عاوزة تمشيني ،،ماشي يا رؤي لما ارچعلك
حبيبة كانت فرحانة اوي ان رؤي تقبلتها لانها كانت خايفة انها تبقي منعزلة بنفسها بس طلعت العكس خالص فطبطبت عليها بحب وهي بتوجه كلامها لفايزة/ لا يا ميس فايزة دي رؤي بس خايفة عليكي لتتأخري ،، وغمزت حبيبة لرؤي وهي بتكمل كلامها بابتسامة/ مش اكده يا رؤي ؟
رؤي ردت بسرعة وهي بتمسك ايد حبيبة بحماس/ ايوة صح يا حبيبة
ردت فايزة بابتسامة وهي بتبص في ساعتها باستعجال / طب يا حبيبة همشي انا بجي ،،وكيف ما جولتلك متقلقيش من عمرو ابني هو مش بيجي دلوك خالص وانا هاجي جبله بكتير فمتجلجيش وانا مش هتأخر يدوب علي معاد الخروج من المدرسة
حبيية اتوترت وردت بصوت حاولت تبينه طبيعي / تمام يا ميس فايزة ،، متنسيش موضوع الغياب بتاعي الله يخليكي احسن يفصلوني
اتكلمت فايزة بابتسامة ثقة وهي بتاخد شنطتها وبتتحرك ناحية الباب / اكيد طبعا متجلجيش يا حبيبة اهم حاجة بس خدي بالك علي رؤي ووكليها ها ؟
ردت حبيبة براحة وهي بتبتسم بفرحة/ متجلجيش في عيوني بالسلامة انتي عشان متتأخريش
قفلت حبيبة الباب وبصت لرؤي وابتسمت ورؤي كمان حبيتها من اول مقابلة وبدأو يقعدو يزاكرو سوا وقضو اليوم مع بعض وكانت رؤي فرحانة اوي انها مع حبيبة كل ده كان ماشي تمام لحد ما الباب فجأة خ*بط فكشرت حبيبة باستغراب وبصت للساعة لان لسة شوية علي معاد رجوع فايزة فبصت لرؤي واتكلمت وهي بتقوم/ بقولك يا رؤي خليكي اهنه علي ما اشوف مين يا حبيبتي
حركت رؤي راسها بطاعة وردت وهي بتاكل الساندوتش اللي في ايديها/ حاضر يا بيبة
راحت حبيبة تفتح الباب بقلق واتفاجأت بعمرو ابن المُدرسة بتاعتها واقف عالباب وهو ساند بايديه وبيبصلها بنظرات غريبه وبيبتسم وكأنه كان عارف انها موجودة هنا ؟.......يتبع
