رواية عشق محلل الفصل الثاني 2 بقلم اسراء ابراهيم
عشق_محلل
الجزء الثاني
عمرو بخبث وهو بيبص لحبيبة / والله مصدجتش نفسي لما سمعت انك هنا ،،جيت جري عشان اشوفك
عمرو باعجاب واضح وهو بيدخل من الباب / بجي في حد ميعرفش الجمر ده برضه ،، وبعدين دي ماما مبطلتش كلام عنك وعن جمالك ،،بس تعرفي طلع عندها حق
حبيبة بقلق / طب اتفضل لو سمحت امشي من اهنه ،،عشان عيب تفضل موجود ومفيش حد معانا
عمرو ببرود وهو بيقعد باريحية عالكرسي / لا ما انا هقعد اسليكي لحد ما ماما ترجع
حبيبة بصت لعمرو وكانت خايفة اوي من نظراته اللي مرتاحتش ليها بس لازم تتمسك بالشغل لان هو ده المناسب ليها ومش هتلاقي زيه عشان كدة بصت لرؤي واتكلمت بثقة كدابة / طب يلا يا رؤي عشان نلحج نخلص الدرس قبل ما ماما ترجع دي خلاص علي وصول
قالت حبيبة كلامها واخدت رؤي وقعدت بعيد عن عمرو ونظراته ليها ومن جواها كانت مرعوبة اوي وعمرو كان متابعها فعلا ومبهور بجمالها اللي مش طبيعي
.......................................
عند فتون كانت قاعدة عالسفرة مع عرابي جدها وامها عزيزة وابوها فضل اللي اتكلم بفرحة/ خلاص يا ابوي ،،فتون وافجت تتچوز رعد وان شاء الله هنتمم الفرح اول الاسبوع الجاي
عرابي بص لفتون واتكلم بغموض / بس ياريت تفضل عاجلة اكده علطول وبعدين لازمن تعرفي ان جوازك من رعد عالورج وبعد كام يوم هيطلجك وترجعي لعاصم فاهمة ولا لاه
فتون ابتسمت بسخرية وردت ببرود وهي بتبص لجدها/ فاهمة يا جدي متجلجش ،، هرجع تاني لعاصم عشان يكمل عليا ،،مش اكده ياما ؟ ما تجولي لجدي
عزيزة بصت لفتون بخوف وقلق عليها وبعدين اتشجعت وبصت لفضل وحماها عرابي واتكلمت باندفاع/ بس اني مش لادد عليا ان بتي ترجع للي اسمه عاصم ده يا عمي
عرابي بغضب وهو بيبص لعزيزة بح*دة/ ومن ميتي ليكي رأي يا مرت ولدي ،،ايه يا فضل مش عارف تحكم مرتك ولا ايه
عزيزة كشرت بضيق وردت وهي بتقوم بضيق / من زمان يا عمي ليا رأي وجولته بس انتو مسمعتوش ،،ياما جولت ان عاصم مينفعش بتي وانه ميتأمنش بس انتو حكمتو رأيكم وسكت ومفتحتش بوقي وادي النتيجة بتي جيالي حالها يصعب علي اي حد وج*سمها يا حبة عيني مزرج من ضر*به ليها ودلوك رايدين تدوهالو تاني لاجل ما يكمل عليها لا حرام عليكم ،،هي دي مش بتك يا فضل ؟ لحمك هترميه اكده لولاد السواعدة ينهشو فيه ؟
فضل اتأثر بكلام عزيزة وصعبت عليه فتون اللي كانت بتسمع كلام امها وبتعيط فرد بتأثر/ اكيد لا يا عزيزة ،،دي بتي برضه وبعدين هي غلطانة انها مكانتش بتشتكي ،، اني ليا حديت تاني معاه ويا يتعدل ياما يروح لحاله
قط*ع الكلام عرابي اللي خ*بط بعصايته عالارض عشان يسكتهم وفعلا نجح في كدة فاتكلم هو بغضب / خلاص اتفجتو وقررتو ونسيتو ان ليكم كبير ،،طب اسمع بجي يا فضل اللي هيحصل ومش هيحصل غيره ،، بتك هترجع لجوزها بعد ما تتجوز المحلل ده ودلع ماسخ اني مش رايد ،،بتك لو لفت الدنيا مش هتلاجي راجل كيف عاصم
خلص عرابي كلامي وسابهم وقام وبصت وقتها عزيزة لفضل بعتاب فسكت هو بقلة حيلة لانه عارف ان ابوه كلمته مش بتنزل الارض ابدا
وكانت متابعة اللي بيحصل فتون وكأنها عارفة اللي كان هيحصل وكانت مقررة تنفذ اللي فكرت فيه ومش هترجع عن قرارها ابدا
................................................
بعد يومين كانت قاعدة حبيبة بتذاكر عشان امتحانات المدرسة بتاعة الشهر بس سرحت وكان عقلها مشغول باخر مرة لما جه عمرو وكانت خايفة منه فكانت بتفكر تتكلم مع فايزة وتعرفها انه بيضايقها بس رجعت تاني في كلامها لما خافت احسن فايزة تضايق وتخليها تسيب الشغل وترجع تاني امها تشتغل وتتعب عشانها ،،قط*ع سرحانها رنت تليفونها فردت بهدوء لكن قلبها اتقبض لما سمعت صوت عمرو اللي قالها بابتسامة/ هتصدجيني لو جولتلك وحشتيني ؟
كشرت حبيبة وردت بغضب وزهق / انت تاني ،، ارحمني بجي من رخامتك دي وخلي عندك د*م وابعد عني يا اخي
عمرو ببرود وهو بيضحك بسخرية/ وليه بس العصبية دي ،، حتي مش لايج عليكي ،،انتي شكلك كيوت خالص
ردت حبيبة بعصبية اكتر وهي بتقوم من مكانها / انت جبت رقمي منين ؟ انطج وبعدين بترن عليا ليه دلوك مش عيب اكده ،،علي فكرة بجي انا هشتكي لابلة فايزة وهي تشوف صرفة معاك
رد عمرو ببرود وهو بيتنهد براحة/ كل دي اسألة طب واحدة واحدة عليا ،، بصي يا ستي چبت رقمك منين فدي سهلة خالص ،،من تلفون امي ،، ثانيا بجي مش عيب خالص اني عملت اكده لاني رايدك في موضوع مهم وكان لازم اتحدت معاكي
نفخت حبيبة بغضب وردت بغيظ وهي بتتنهد بضيق / اتفضل جول رايد ايه دلوك خلينا نخلص من اليوم ده
عمرو اتكلم باندفاع اتصدمت منه حبيبة/ رايدك ،، ايوة بصراحة اكدة انا معچب بيكي ورايد تديني فرصة و
حبيبة باندفاع وغضب / اسمع ياض انت ،،اني مش البنتة اللي انت تعرفهم فابعد عني والا انا هجول لامك واخليها بجي هي تتصرف معاك
عمرو اتكلم بتهد*يد ونبرة صوت خافت منها حبيبة / منصحكيش تتحدتي باندفاع اكده من غير ما تفكري ،، انا محدش يرفضني وصدجيني احسنلك تدينا فرصة سوا والا هتندمي
قفلت حبيبة في وش عمرو وهي قلبها مقبوض وخايفة من الكلام اللي قاله وكانت محتارة اوي تعمل ايه في المصيبة اللي هي فيها وفضلت كدة لحد ما قررت تتكلم مع فايزة عشان تتصرف ويحصل زي ما يحصل
.........................................
هو الحج عرابي اهنه ؟
كانت بتتكلم نعمة ام رعد بجمود وهي واقفة قدام بيت فتون ورد عليها الغفير بثقة/ ايوة اهنه ،، ثواني نديله خبر بس نجوله مين ؟
ردت نعمة بتلقائية وهي واقفة تبص للبيت بغموض / جوله نعمة وهو هيعرفني
دخل الغفير وشوية وخرج تاني وهو بيتكلم بلهفة/ اتفضلي يا ست نعمة الحج مستنيكي جوة ،، اتفضلي
دخلت نعمة البيت وهي بتبص حواليها بغموض لحد ما عنيها وقعت علي عرابي اللي كان قاعد بيبصلها بحيرة فقربت منه وهي بتتكلم بجدية/ اهلا يا حج عرابي ،،ايه مش هتجولي اتفضلي ولا خلاص نسيت اني كنت مرت ولدك في يوم من الايام
عرابي نفخ بضيق ورد بحسم وهو بيخ*بط بعصايته علي الارض / جولي اللي عِندك يا نعمة من غير حديت ملوش عاذة انا مش فاضيلك
نعمة ردت بغضب وهي بتقعد قدام عرابي /رايداكم تبعدو عن ولدي ،،انا هملت كل حاجة واتنازلت عن حجات كتير لاجل ما اعرف اربي ولدي واطلعه راجل ملو هدومه ،، لكن جاي دلوك تتمسح فيه وتجوزه بنت ولدك التاني مش هيحصل وزي ما جتلي زمان وهد*دتني اني لو فتحت خشمي هتأ*ذيني دلوك بجولك اني مش هسمحلك تاخد مني ولدي ومتفتكرش ان لعبتكم دي هتخيل عليا
عرابي بحد*ة وهو بيقوم من مكانه/ احفظي ادبك يا نعمة وشوفي بتكلمي مين ،،اني عرابي وانتي خابرة زين اجدر اعمل ايه ،، ويكون في معلومك ،، انا لو بيدي كنت رفضت الجوازة دي بس لولا عاصم اللي صمم علي ولدك ،، واوعاكي تهلفطي في الحديت مرة تانية ولا كلمة ذيادة تخرج من خشمك صدجيني هتندمي
نعمة باندفاع وهي بتقوم وبتقف قصاد عرابي بثقة/ زمان كنت عيلة صغيرة وخايفة لكن دلوك اني مش خايفة منك واعرف ان لو حسيت ان ولدي في خط*ر انا هاكلكم بسناني ومش هيهمني وجتها مين ،،فكر في حديتي زين يا عرابي سلام عليكم
مشيت نعمة بعد ما خلصت كلامها وسابت عرابي باصص قدامه بغضب وشرود وهو بيفكر في اللي حصل زمان وكانت متابعة اللي حصل كله فتون بصدمة ومكنتش قادرة تجمع الكلام بس اللي هي فهمته ان رعد يبقي ابن عمها !!
.........................
رايدة حاجة يا حبيبة ؟ انا همشي عشان عندي الحصة الاولي في المدرسة
كانت بتتكلم فايزة باستعجال وهي بتاخد شنطتها وكملت كلامها وهي بتروح ناحية الباب / صحيح لما رؤي تصحي ابجي وكليها عشان نامت بدري امبارح ومتعشتش زين ،، يلا سلام
اتكلمت حبيبة بسرعة عشان تلحق فايزة قبل ما تخرج / ابلة فايزة استني ،،كنت رايدة اتحدت معاكي في حاچة اكده
كشرت فايزة باستغرب وردت باستعجال وهي بتبص في ساعتها / *خير يا حبيبة رايدة ايه يا حبيبتي
ردت حبيبة بتردد وهي بتبص لفايزة باحراج / اصل يعني ،،كنت رايدة اتحدت معاكي في موضوع اكده ،، اصل اخر مرة عمرو ابن حضرتك جه واني يعني كنت
ردت فايزة بسرعة وهي بتقا*طع حبيبة /ايوة صح ،، عمرو جالي انه رجع بدري ،، صحيح هو بيشكر فيكي جوي وبيقولي ان رؤي كانت مبسوطة معاكي وانه مشي علطول لما عرف اني لسة مرجعتش ،، شوفتي بجي اصلي مربياه زين الحمد لله ،، يلا سلام بجي عشان اتأخرت جوي
قالت فايزة كلامها بسرعة ومشيت وسابت حبيبة مصدومة من كمية الكدب اللي قالها عمرو واقنع فايزة بيه ،، نفخت بغضب وقفلت الباب كويس ورجعت قعدت بحيرة وخوف لحد ما رؤي تصحي وقررت ان لو عمرو جه مش هتفتح ليه الباب
.......................................
عدي اسبوع كانت فيه فتون مش بتخرج من اوضتها وخصوصا بعد ما بلغوها بمعاد كتب كتابها علي رعد بعد يومين فكانت قاعدة محتارة وبتفكر هتعمل ايه مع رعد بعد كدة ،، قط*ع سرحانها خب*ط الباب وصوت ابوها اللي اتكلم بجدية/ فتون انتي صاحية يا بتي
قامت فتون بسرعة فتحت الباب وهي بترد بابتسامة/ ايوة يا بوي اتفضل
دخل فضل وهو باين عليه التردد ولاحظته فتون اللي كملت كلامها بقلق ،/ خير يا ابوي ،،هو في حاجة حصلت ولا ايه ؟
رد فضل بتردد وهو بيبص لفتون بحيرة/ اصل يا بتي بصراحة اكده رعد ابن عم عاصم كلمني وجالي انه رايد يتحدت معاكي جبل كتب الكتاب
ردت فتون بثقة وهي بتبص لابوها بهدوء / طب وفيها ايه عاد ؟ ،، اني موافجة يا ابوي بس اهم حاجة ان عاصم ميعرفش حاجة عن الموضوع ده ،،حاكم لو عرف هيعمل مشاكل وده مجنون
رد فضل بلهفة وهو بيبص لفتون بنته بتردد/ وجدك كمان يا فتون،،اني مش رايد انه يعرف حاجة زي دي ،، حاكم هو اصلا مييطيجش رعد مخبرش ليه ولو عرف انه رايد يتحدت معاكي هيرفض
اتكلمت فتون بقلة حيلة وهي بتبص لابوها بعتاب/ حاضر يا ابوي ،،اللي تشوفه برضك
رد فضل بتبرير وهو بيبص لفتون باحراج/ اني بس مش رايد ازعله مني يا بتي وانتي خابرة جدك عِندي ازاي
فتون ابتسمت وردت بطاعة وهي بتبص لابوها / اني فاهمة يا ابوي متجلجش ،،مش هيعرف ان شاء الله ،، بس رعد جالك هجابله كيف ؟
فضل فكر شوية وبعدين رد بابتسامة/ بصي انتي غيري خلجاتك وهاخدك عشان نروحو للحكيمة اللي كنتي رايدة تروحيلها وزين انها بعيد عن اهنه وهنخليه يجيلنا هناك
ابتسمت فتون وحركت راسها بطاعة وهي بتبص لابوها بهدوء ومن جواها متأكدة انه بيعمل كدة عشان حس بالذنب لما عرف باللي كان عاصم بيعمله معاها وعشان كدة حب يريحها واتأكدت فتون من احساسها لما فضل ابوها با*س راسها وقالها بحزن قبل ما يخرج / حجك عليا يا بتي ،، انا متوكد ان رعد غير عاصم ويارب اللي بتمناه يتحجج
ابتسمت فتون وبا*ست ايد ابوها وبعدين سابها وخرج ووقفت هي تبص للفراغ وهي بتفكر هتقول ايه لرعد لما تشوفه
..............................................
كانت قاعدة حبيبة بتلعب مع رؤي استغماية وكانت مرتاحة اوي لانها من وقت ما بقت تقفل الباب كويس وعمرو يخ*بط وترفض تفتحله الا لما بتيجي فايزة وهي من جواها بقت مطمنة وقررت تعمل كدة علطول رغم انها مضايقة اوي من رخامته عليها وتصرفاته معاها ،، كانت مغمية حبيبة عنيها بشريطة وبتمشي براحة وهي بتتكلم ومش شايفة قدامها / اممم يا تري انتي فين يا رؤي ،، عارفة لو مسكتك
رؤي كانت مستخبية في الدولاب في اوضتها وبتضحك علي كلام حبيبة بس من غير صوت وكل ده وحبيبة ماشية بتدور عليها لحد ما فجأة لقت اللي بيسحبها من ايديها لاوضة وبيقفل الباب فاتخضت هي وشالت الشريطة من علي وشها واتفاجأت بعمرو قدامها وبيبصلها وبيبتسم بسخرية وهو ماسك في ايده مفتاح الاوضة ......يتبع
