رواية خاطفة قلبي كامله وحصريه بقلم اسراء ابراهيم
اسكربت
كنت ماشية في طريقي زي كل يوم بعد الشغل سماعتي في ودني ومشغلة اغنية لوائل جسار وماسكة روايتي الجديدة اللي اشترتها في ايدي ومروحة كنت حاسة بملل رهيب يعني نفس الاحداث اللي بتحصل كل يوم لحد ما لفت نظري ست كبيرة شوية في السن يعني عندها بتاع حاجة وخمسين سنة كانت واقفة بتعيط علي جنب انا بصراحة كنت ما بين اني امشي ولا اروح اشوف مالها بس لقيت نفسي رايحالها
_ايمان / مالك يا طنط فيكي حاجة
_ايمان / حضرتك مش عارفة انتي ساكنة فين اوديكي انا
_مش عارفة يا بنتي انا فجأة لقيتني هنا معرفش اسمي عمالة افتكر مش عارفة
_ايمان بحزن / طيب تعالي معايا مش هينفع تفضلي واقفة في الشارع كدة وخدتها ومشيت وهيا صعبانة عليا جدا ومش عارفة هعرف ارجعها لولادها ولا لا
_ايمان / اتفضلي يا طنط حضرتك نورتيني والله
_ربنا يباركلك يا بنتي هو انتي عايشة لوحدك ولا ايه
_ايمان/ اه انا عايشة لوحدي ماما وبابا ماتو من تلات سنين
_انا اسفة اني فكرتك الله يرحمهم يارب
_ايمان بابتسامة / ولا يهمك هخش اجيبلك غيار بقي تغيري وناكل وبعدين نقعد ندردش سوا
_ ماشي
وعملت ايمان وكلو سوا
_الحمد لله شبعت ها بقي احكيلي انتي اسمك ايه و عندك كام سنة الاول
_ايمان/ اسمي ايمان عندي ٢٥ سنة وبشتغل مدرسة في حضانة وده لاني بحب الاطفال جدا وزي ما قولتلك ماما وبابا ماتو من تلات سنين في حادثة واعمامي اعتبروني مت معاهم لان كان في خلاف ما بينهم وبين بابا الله يرحمه بس.
_ياااه معقولة في ناس كدة بس انتي اتمرمطتي يا بنتي اووي
_ايمان/ ربنا معايا دايما ومش مخليني محتاجة لحد
_كان نفسي احكيلك عن نفسي بس للاسف مش فاكرة حاجة
_ضحكنا وكأني مضحكتش من سنة بس فعلا عوضتني عن امي
...............
عدي شهرين وكنت حاسة اني فعلا بقي ليا عيلة هيا بقت كل عيلتي حبيتها اووي واتعودت عليها اتعودت ارجع من الشغل الاقيها واشم ريحة الاكل من وانا علي باب الشقة مجربتش الاحساس ده من سنين ياااه احساس فقد الام ده اصعب شيىئ في الدنيا وكانت الايام بتعدي بسرعة اووي لحد ما جه اليوم اللي قلب حياتي وحياتها
_ايمان /ماما يا ماما يا ماما انا جيييييت
_هههههه قلب ماما بحب اسمعها منك
_ايمان / وانا كمان فرحت اووي اول ما قولتيلي قوليلي يا ماما ربنا يخليكي ليا
قطع كلامهم خبط الباب
_ايما / مين ده اللي حماته بتحبه وهيتغدي معانا هروح افتح
_ بصدمة افندم حضرتك
_انتي ايمان السيد احمد
_ايوة
_ مطلوب القبض عليكي بتهمة خطف السيدة هدي عبد الرحمن القاضي ياريت تتفضلي معانا
_ انا انا يا ماما الحقيلني
................
_في القسم
ايمان /يا فندم انا مخطفتش حد والله العظيم الست دي انا لقيتها وكانت فاقدة الذاكرة وانا صعب عليا اسيبها لوحدها فخدتها وعاشت معايا حتي اسألها اهي
_ايوة يابني ده حصل انا حتي معرفش انا ابقي مين الا من الظابط اللي جه انهاردة
_اللي مقدم البلاغ يا حجة هو ابنك وهو اللي قال انه شاف صورتك مع المتهمة علي موقع تواصل فيس بوك
_اه يبقي شاف الصورة اللي نزلتها لينا انا وانتي علي الفيس ياريتني ما نزلتها
_ ابني ! طيب هو فين
_احنا كلمناه وهو في الطريق
قطع كلامهم خبط الباب
_الظابط /ادخل
_العسكري / تمام يا فندم دكتور عمر المنشاوي برة وعاوز يقابل جنابك
_الظابط / قوله يدخل
_ اول ما دخل عمر جري علي امه امي انتي كويسة فيكي حاجة عملو فيكي حاجة الناس دول
_ايمان بغضب / انت معندكش دم البعيد جبلة عشان ترمو بلاكم عالناس كدة وتتهموهم بالباطل ايه مبقاش في ضمير خلاص عشان تتهم الناس بالباطل كدة
_عمر بغضب/ انتي بتكلميني انا كدة
_ايمان /هو انت شايف في حد غيرك انا بصاله وبوجهله كلامي ولا كمان عديم الفهم ثم انت سبت امك واهملتها مع انك عارف ان ممكن يحصل حاجة زي دي وكمان جاي ترمي غلطك عليا وتتهمني اني خطفتها
_ انا يابني مكنتش فاكرة حاجة فعلا وما زلت بس هيا اللي وقفت جنبي واعتبرتني امها وميكونش ده جزائها انك تتهمها وتحبسها
_عمر بضيق / انا هتنازل عن المحضر يا فندم واسف لو ازعجت حضرتك
_الظابط /لا مفيش ازعاج ولا حاجة الف حمداله علي سلامة الوالدة نخلص الاجراءات وتتفضلو
..................
_قدام القسم
_ايمان بحزن / انا مش عارفة هرجع البيت ازاي من غيرك بجد كنت اتعودت عليكي يا ماما
_عمر بسخرية / ما بلاش دراما وتمثيل
_اايمان بحدة /، الدراما سبناها لصحابها ثم انت مالك واحدة وبنتها انت ماااالك
_ ومين قالك اني هسيبك يا ايمان
_ايمان تنحت/ قصدك ايه يا ماما
_قصدي انك هتيجي معايا
_عمر بصدمة /انتي بتقؤلي ايه يا امي وتيجي معانا بصفاتها ايه دي
_اسمع يا عمر انا فاكراها هيا ومش فاكراك واللي فاكراه ان البنت دي هيا بنتي وهيا اللي عاملتني علي اني امها
_ايمان / هو عنده حق يا ماما انا مينفعش اروح معاكي انا يصعب عليا فراقك بس مينفعش انا هرجع شقتي تاني
_وانا قولت هتيجي معايا انا مش هسيبك يا ايمان مهما حصل
_خلاص بقي يلا تعالي معانا يا انسة عشان امي عايزة كدة
_ايمان بحيرة / طيب وحاجتي
_عمر بحدة / تعالي وانا هبعت حد يجيبلك حاجتك
_ايمان ببرود / لا اديني العنوان وانا هروح الم شنطتي واجي
_خلاص يا عمر يابني تعالي نروح مع ايمان تلم شنطتها وبعدين نروح
_عمر بتزمر / حااضر اوووف اللهم طولك يا روووح هو يوم مش فايت
...........................
_في شقة فخمة
_نورتي بيتك يا ايمان
_ايمان بحب/تسلمي يا ماما ربنا يخليكي ،، بس ما شاء الله الشقة تحفة احلي من الشقة بتاعتي بكتيير
_عمر بسخرية /اه طبعا هو انتي هتقارني دي بشقتك المقيحة
_ايمان بضيق/ والله الفقر عمره ما كان عيب الدور والباقي علي اللي لما ربنا اداله نسي اصله
_عمر بغيظ / انتي قصدك ايه
_روحي يا ايمان اوضتك ورتبي هدومك وارتاحي شوية يا بنتي
_ايمان بهدوء / حاضر يا ماما بعد اذنك
_انت هتفضل تعامل ايمان كدة يا عمر ؟
_عمر بضيق/ اومال اعاملها ازاي دي واحدة منعرفش اصلها ولا فصلها
_ وهيا لما لقتني مكنتش تعرف اصلي ولا فصلي ومع ذلك عاملتني كاني امها عارف ده معناه ايه ؟ معناه انها انسانة مفيش زيها ومتنساش ده كويس كل ما تتعامل معاها
_ عمر بملل / عندك حق وحاضر هعاملها كويس تحت امرك يا ست الكل وانا اخدت معاد مع الدكتور وجاي كمان شوية يلا ادخلي ريحي وهصحيكي قبل ما يجي بشوية
_ماشي يابني ربنا يخليك ليا
.........................
بليل الدكتور كشف علي ام عمر
عمر بقلق / ها يا دكتور امي عاملة ايه المرادي الموضوع طول اووي غير كل مرة
_والله يا عمر انا قولتلك ان الزهايمر بيقي تدريجي وسعات هتلاقيها ذاكرتها ترجع بسرعة وسعات الموضوع يطول الخوف بس من حاجة تاني
_عمر بقلق /ايه هيا يا دكتور قلقتني ؟
_ان للاسف ميرجعش ودي في حالات نادرة عشان كدة دايما عايزك تفكرها بكل حاجة كانها مش ناسية حاجة
_ سمعو شهقة طلعت من ايمان
_ايمان بحزن / لا ان شاء الله ترجع وتبقي كويسة انا متاكدة وواثقة في ربنا
_ان شاء الله انا بس بقؤل الاحتمالات
_عمر بجدية / تمام يا دكتور متشكرين اووي ،، ايمان انا عايزك تبقي مع ماما متسيبهاش لحظة واحدة
_ايمان بتأكيد / طبعا اكيد بس وشغلي
_عمر ببرود/ اعتبريه شغلك وانا هديكي مرتبك وزيادة كمان
_ايمان بغضب / لا لحد هنا ومسمحلكش انك تهيني انا لو بساعد ماما فده لاني بحبها وبعتبرها امي ومش مستنية منك فلوس الله الغني عنها وشغلي انا مش هسيبه انت فاهم لاني بصرف علي نفسي منه ومش هستني صدقة من حد ولا ان حد يصرف عليا بعد اذنك يا محترم
_ عمر بغضب/ هيا مفكره نفسها مين دي انسانة غبية
...............
تاني يوم
ايمان بحب / ماما انا نازلة عايزة حاجة
_لا يا قلبي تروحي وترجعي بالف سلامة بس استني عشان عمر هيوصلك في طريقه
_ايمان برفض / لا يا ماما ملوش لزوم انا هروح شغلي زي ماكنت بروح كل يوم
_ لا طالما موجود يوديكي بعربيته استني هو بيلبس وطالع
_عمر بابتسامة /صباح الخير يا امي
_صباح النور يا حبيبي يلا خد ايمان في سكتك
_عمر بضيق / وهيا مش بتعرف تروح لوحدها
_ايمان باحراج /احم انا قولت لحضرتك ملوش لزوم انا هنزل لوحدي
_عمر ببرود /خلاص استني هوصلك في طريقي يلا بينا ومن غير نقاش
نزلو سوا في الاسانسير وايمان كانت باصة في الارض ومش طايقاه اصلا بسبب موقفه منها واول ما خرجو لقو جيرانهم منتظرين الاسانسير
_ازيك يا دكتور عمر
_ازيك يافندم صباح الخير
_مين دي خطيبتك ؟
عمر وايمان بصو لبعض وايمان اتحرجت وبصت في الارض
عمر / دي تبقي بنت عمي
_ما شاء الله زي القمر ، ربنا يسعدكو
_ايمان بخجل / تسلمي يا طنط ربنا يخليكي
عمر استأذن وخد ايمان ومشي وكان باين عليه انه مضايق
..............
_ ايمان / ايوة هنا علي جنب الحضانة اهي ،اممم هو انا ممكن اسالك سؤال ؟
_عمر بملل/اه ممكن اتفضلي
_ايمان بتردد /هو انت ليه من ساعت ما شوفتني وانت مش طايقني مع اني معملتش حاجة تضايقك
عمر بيفكر ولقي انه فعلا هيا بالعكس عملت فيه جميل بأنها راعت امه وعاملتها كأمها وبعدين سرح في جمالها لقي عقله بيلغي كل حاجة وبيدقق في ملامحها اد ايه جميلة بحجابها وفاق علي صوتها
_ايمان بحزن /للدرجادي اللي عملته كتير ؟
_عمر بهدوء/ لا مش كدة بس انتي اللي دخلتي فيا شمال الاول
_ايمان بتلقائية /حط نفسك مكاني لقيت البوليس جه ياخدك من بيتك عشان واحدة اتهمتك بخطف امك هتتعامل معاها ازاي بقي ،، بص انا فعلا حبيت مامتك زي امي بس لو وجودي مضايقك انا اوعدك اني هخرج من حياتكو للابد
_عمر بهدوء/ انا مقصدش كدة انا بس مش بحب حد يفرض عليا حاجة
_ايمان بجدية / تمام انا كدة فهمت بعد اذنك ، ونزلت وعمر حس انه عك الدنيا وساق بعربيته علي المستشفي
.........................
ايمان دخلت الحضانة وفي البريك قعدت مع صحبتها وانتيمتها دنيا
_دنيا / والله الحكاية دي غريبة يا ايمي ، يعني انتي دلوقتي عايشة معاهم
_اه يا دنيا شفتي بعد ما كنت عايشة لوحدي ومفيش حد بيعبرني غيرك هههههه
_دنيا بخباثة/ بس قوليلي يا ايمان هو عمر ده حلو يعني مز كدة
_ايمان / ياختي احنا في ايه ولا في ايه وبعدين سرحت ،، بصراحة هو مز ومز جدا يعني عيون زرقا وشعر اسود وبياض بحلاوة وايييه بس يا خسارة الحلو مبيكملش
_دنيا بفضول / ايه ماله يعني
_ايمان بضيق / بيرمي دبش زيه،، عليه كلام يسم البدن بجد فعلا انسان ثقيل
_دنيا بغمزة / اه واضح انك معجبة بيه وجدا كمان
_ايمان بنفي / ايه انا ده انا مبطقهوش ده انا اطيق العما ولا اطيقه ،، عارفة يا دنيا انتي الوحيدة اللي بحسها زي اختي واكتر كمان ، ولا يمكن عشان معرفتش غيرك من ساعت ما اتقابلنا في الحضانة هنا
_دنيا بصدمة /لا واضح انكو انتو الاتنين بترمو دبش مش هو بس
..............
دخل عمر البيت بلهفة
_خير يا امي كلمتيني وخلتيني سبت المستشفي وجيت فيكي حاجة قلقتيني عليكي
_ انت لازم تتجوز ايمان
_عمر بضيق / انتي بتقؤلي ايه يا امي ايمان مين اللي اتجوزها
_البنت مالهاش حد غيرنا يا عمر وانا عارفة ان ميصحش تفضل عايشة معانا الناس مش هتسكت وهتتكلم
_عمر بصدمة / تقؤمي تقوليلي اتجوزها يا ماما هيا اه كويسة وراعتك واخدت بالها منك ودي حاجة عظيمة وتستاهل اننا نكافئها بس مش لدرجة جواز يعني
_انا عارفة انك هتحبها صدقني يابني ادي نفسك فرصة حتي تعرفها وهتحبها انا متأكدة
_عمر بضيق / ده لايمكن يحصل لاني مرتبط بدكتورة زميلتي ومينفعش اسيبها
_وانا قولت اللي عندي يا عمر يا تتجوزها ياما قلبي هيبقي غضبان عليك العمر كله
_عمر بغضب/ يا امي متضغطيش عليا عشان خاطري كله الا انك تكوني غضبانة عليا بالله عليكي شوفي حل تاني وانا هعملك اللي انتي عايزاه والله
_وانا معنديش حاجة تاني اقؤلهالك ردك يوصلني انهاردة بليل يلا روح شوف شغلك
عمر نزل وهو متعصب ومش شايف قدامه راح اتصل برائد صاحبه ودكتور معاه في المستشفي ويعتبر صحاب من زمان
_عمر بضيق / رائد انا محتاج اتكلم معاك لالالا تعالالي انت انا مش هينفع ارجع المستشفي وانا متعصب كدة هستناك في الكافية اللي بنتقابل فيه
.......
_ايمان / يا دنيا انا لازم امشي مش هينفع اقعد معاهم اولا عشان الناس وكلامهم وثانيا هو اصلا مش طايقني
_دنيا / وانتي يا بنتي مالك وماله والله انا لو منك اخد الست هدي معايا وهو خليه عايش لوحده بلا هم
_ايمان بحيرة /ياريت ينفع انا اتعلقت بيها اووي بجد حاسة ربنا بعتهالي عشان تعوضني عن امي اللي راحت بس خلاص انا قررت امشي ، يلا بقي خلينا نمشي احنا رغينا كتير .
........
في الكافيه عمر قاعد مش طايق نفسه رائد دخل قعد قصاد عمر
رائد بقلق / ايه يابني خضتني في ايه مالك وايه اللي خلاك تمشي بدري اصلا انا غطيت عليك علي فكرة عشان تعرف بس انك غاالي
_عمر بضيق / مش وقته يا رائد وحيات ابوك انا مخنوق ومش طايق نفسي وحكاله كل اللي حصل
_رائد بابتسامة /تصدق مامتك دي والله بتفهم ومع اني مشفتش البنت دي بس بالموقف اللي عملته مع مامتك انا متأكد انها احسن من البومة اللي انت بتحبها ومعرفش علي ايه
_عمر بغضب/ حتي انت يا رائد انا جايبك تشوف معايا حل مش عارف ازاي اقنع امي ان تصرف نظر عن الجوازة دي
رائد بخبث/ ، بس انت عارف ان مامتك عندية وكمان تعبانة يعني مينفعش متنفذش طلبها
_عمر بعصبية / يعني اعمل ايه اتجوز البت دي واسيب ميرا ؟
_رائد بسخرية / والله انا وانت عارفين ميرا اصلا لازقة فيك ليه عشان بس انت دكتور وليك اسمك وسمعتك في المستشفي وهيا كل همها الفلوس والصيت وبس وبعدين انا من رأي تتجوزها وكام شهر كدة تقؤلها انكم متفقتوش وخلاص وتطلقها واهو تبقي رضيت امك
_عمر بجدية / اولا ميرا مش كدة دي بتحبني وانا بحبها ومسمحلكش تتكلم عنها كدة انت فاهم
_رائد بضيق / برضه مصمم عموما انا قولتلك يا صاحبي نصيحتي يا تاخد بيها يا لا وبراحتك
_عمر بتنهيدة / متزعلش يا رائد انا بس مش صغير انا عارف دنيتي ماشية ازاي وبعدين انا ممكن اعمل زي ما قولت بخصوص ايمان وكمان عشان امي متغضبش عليا
_رائد بفرحة / الله ينور عليك يا صاحبي هو ده عين العقل يلا بقي نروح نشوف شغلنا قوم
_عمر بضيق / لا انا هروح انا اشوف هعمل ايه
...............
_ايمان / ماما انا جييت وحشتيني يا ست الكل
_حمدالله علي سلامتك يا بنتي
_ايمان / الله يسلمك انا انا كنت عايزة اتكلم معاكي في حاجة بس مش عايزاكي تزعلي
_عارفة اللي عايزة تقؤليه ومش موافقة عليه
_ايمان بمحايلة / ليه بس بصي بجد انا مينفعش اقعد هنا عشان برضه الجيران والناس لازم تفهميني واوعدك هجيلك كل يووم
_ بس في حل احسن ويخليكي تقعدي معايا علطول
_ايمان بشك / اممم حل ايه طيب قولي
_تتجوزي عمر
_ايمان بصدمة / ايه انا ازاي لا مينفعش اصلا لا ياماما الحل ده مش حلو ومش عاجبني
_حتي لو عرفتي ان هو اللي طلب ايدك مني ؟
_ايمان اتصدمت وحست انها فرحت متعرفش ليه / بس معقؤلة ازاي ده مش بيطقني اصلا لالا انا اسفة يا ماما بس مينفعش
ودخل عمر وسمع اخر كلامها / ايه بقي اللي خلاه مينفعش ايوة كان في سوء تفاهم وخلاص وانا اللي كلمت ماما وطلبت ايدك منها وكمان هنقعد معاها ايه رأيك
_ايمان بتوتر / بس ده مكنش رأيك الصبح وانا محبش اتفرض علي حد
_عمر بتوتر/ اصل انا كنت مضايق بس من موقف جارتنا دي بس انا اعجبت بيكي من اول ما شفتك في القسم عشان كدة طلبت ايدك من ماما عشان مش عايزك تبعدي عني وكنت بعاملك كدة بصراحة عشان كنت حاسس اني بتشدلك ولما اتأكدت من مشاعري كلمت ماما علطول (وفي عقله لازم اقنعها عشان خاطر امي لازم ترضي وبعدين ابقي اقؤلها الحقيقة ) ها ايه رايك
_ايمان بخجل/ تمام اللي ماما تشوفه
عمر / ضحك ضحكة جانبية
_الف مبروك يا روح قلبي انا عارفة ان عمر بيحبك وهيسعدك
_ايمان بخجل / ربنا يخليكي لينا يا مااما
_عمر بجدية / خلاص الفرح الخميس الجاي ايه رايك يا ماما
_كويس يا عمر
_ ايمان بصدمة / بس يا ماما مش بسرعة اووي كدة
_ولا بسرعة ولا حاجة هيتعملك احلي فرح يا روح قلبي واهو تتعرفي علي عيلتنا اللي انا اصلا مش فاكراهم
وضحكو كلهم وايمان كانت حاسة انها فرحانة اووي وبليل قعدت في اوضتها تفكر انها ازاي وافقت بالسرعة دي ثم معقؤلة تكون حبيته رغم انها مكنتش طايقاه ؟طيب هو حبها بسرعة كدة وشوية وكلمت دنيا وقالتلها ودنيا حست ان في حاجة غلط بس مرضتش تقولها عشان حست انها فرحانة ومرضيتش تكسر فرحتها
_دنيا / حبيبتي هتبقي احلي عروسة يا لهوي هو كان يطول سي عمر ده ، انا هروح اعملك طلب اجازة بقي ويارب يرضو وهجيلك عشان نشوف ورانا حجات كتييير قبل الفرح
_ايمان بفرحة / تسلميلي يا دنيا لو كان ليا اخت مكنتش هتعمل معايا اللي انتي بتعمليه ده وعقبالك يارب اما افرح بيكي
_دنيا بضحك /وده مين ده اللي امه داعية عليه وضحكو
.............
_عمر بمحايلة / افهميني يا ميرا ده جواز سوري كدة عشان امي مقدرش ازعلها عشان زي ما قولتلك حالتها ما تسؤش اكتر
_ميرا بدموع مصطنعة / لا انت خاين عايز تتجوز غيري بعد ما وعدتني اننا هنتجوز وبعد ما حبيتك اهئ اهئ
_عمر / صدقيني مش بأيدي هيا فترة بس يا روحي وهطلقها ونتجوز
_ميرا بابتسامة /اذا كان كدة مااشي خلاص مش زعلانة بس اوعي تكون بتكدب عليا
_عمر / لا طبعا انا وهكدب ليه يلا بقي تعالي اروحك عشان ورايا حجات مهمة بكرة الصبح
........................
طول الاسبوع وعمر بيتهرب من انه يتقابل مع ايمان بحجة انه مشغول بترتيبات الفرح وهيا كانت متلغبطة وقلبها حاسس ان في حاجة بس قالت يمكن فعلا مضغوط لحد ما جه يوم الفرح
_عمر بضيق / الو يا رائد جبت البدلة ولا لاء يا زفت
_رائد بضحك / ايوة يا عم لكش يطمر مع اني عارف انه مش هيطمر فيك حاجة طول عمرك معفن ههههههه
_عمر بزهق / والله انا شايف ان ملهاش لازمة وكنت لبست بدلة من عندي وخلاص بس اعمل ايه امي اللي صممت ومرضتش ازعلها
_رائد / يابني من حقها تفرح بيك ما انت ابنها الوحيد مستكتر عليها تفرح بيك متبقاش رخم وعديها
_عمر بضيق / ماشي ياخويا ها قربت ولا ايه .
_رائد / اه خلاص داخل اهو عليك يلا اقفل بقي احسن هعمل حادثة بسببك من كتر استعجالك ده يلا سلام
دنيا شايلة فستانها وفستان ايمان وداخلة علي البيت ورائد
داخل بالعربية بسرعة وفرمل عليها وكانت قريبة من العربية جامد وكان هيخبطها راحت مصوتة وغمضت عنيها ومسكت في الفساتين حضنتهم جامد من خوفها وهو نزل بسرعة
يشوفها و....يتبع
