رواية خاطفة قلبي الفصل الثاني 2 الاخير بقلم اسراء ابراهيم
_انتي كويسة بجد انا مقصدش كنت مستعجل وانتي طلعتي قدامي فجأة
_فتحت رؤي عنيها براحة لما لقت انها لسة كويسة وهو تاه في عنيها ، دنيا عنيها بني فاتح في الشمس بتبقي شكلها حلو اووي وملامحها صغيرة وبريئة مع بشرتها القمحي والحجاب اللي خلاها احلي واحلي وانتبه علي صوتها وهيا بتزعق
_انت انسان عديم المسئولية كنت هتخب*طني وتموتني وتقولي مكنتش اقصد ايه البرود ده
_منا قولتلك مكنتش اقصد هو انتي بتزعقي وخلاص ما انتي كويسة اهو ومفيش حاجة يبقي خلصنا
_العيب مش عليك العيب عاللي ادالك رخصة سواقة وانت حم*ار مش بتعرف تسوق
_رائد بنرفزة عارفة يا بت انتي لو شتمتي تاني والله لامد ايدي عليكي ساااامعة
_تصدق خفت طب اعمل كدة وانا اوديك في داهية كاتك القر*ف انسان سمج صحيح
_اللهم طولك يا روح انا همشي احسن ما امد اي علي واحدة زيك،، عيلة رخمة
دخل العمارة رائد ودنيا بنرفزة دخلت وراه وواقفين عند الاسانسير وهيا بتبصله بغيظ وقر*ف وهو يبصلها ببرود واعجاب في نفس الوقت اللي الاسانسير نزل فيه
_احم اتفضلي انتي الاول
_بسخرية لا تصدق عندك زوق بس انا بقي مش هطلع معاك يلا اتفضل انت
_تصدقي انا غلطان فعلا اني عبرت شبر ونص زيك خليكي واقفة كدة احسن وسابها وطلع هو ورن جرس شقة عمر وام عمر فتحتله
هدي / اتفضل يابني عقبالك
_رائد / تسلمي يا طنط اومال فين عمر
_عمر بضيق / انا هنا اهو يابني تعالي يلا خليني البس ونخلص ودخلو سوا
قوضة عمر ،، وجرس الباب رن تاني وطبعا كانت دنيا ودخلت لايمان هي كمان
....................
عمر لبس بدلته وكانت سودا ولبس ساعته مع البرفيوم بتاعه وشعره المرتب وعينه الزرقا دي كان قمر وكان مستنيها برة في الصالة وخرجت ايمان واول ما شافها انبهر وكانه بقي في دنيا تانية وحس انه قلبه بيدق جامد اووي وقال في نفسه معقولة مكنتش شايف الجمال ده حاسس اني اول مرة اشوفها وادقق في ملامحها ،، بياضها مع لون عنيها اللي تسحر خدته في دنيا تانية وهيا اول ما شافته تنح كدة اتكسفت وبصت في الارض عمر تلقائي لقي نفسه بيروحلها وب*اس دماغها وقالها مبرروك
دنيا خرجت وراها وعمالة تزغرط واول ما شافت رائد شرقت وهو ضحك عليها وفضل متابعها بعينه وهيا اتجننت اما شافته وبقت تبصله بقر*ف بس هو حس ان وقع خلاص اول ما شافها تاني ولقي نفسه بيبتسم تلقائي علي عفويتها وجمالها اللي خط*ف قلبه وعقله
نزلو سوا لما صاحبهم جه بالعربية وركبو عمر وايمان في عربية مع امه ورائد استغلها فرصة
رائد / تعالي معايا يا دنيا في عربيتي عشان المكان
دنيا كانت مترددة بس وافقت عشان مش هتعرف تمشي بالفستان كدة في الشارع او تركب مواصلات
....................
_رائد بابتسامة/ انا اسف بجد عاللي حصل ياريت نفتح صفحة جديدة وانا اهو اللي بعتذرلك
_دنيا باحراج / احم خلاص حصل خير وكانت مكسوفة اووي وكل شوية تبص من الشباك وتودي وشها بعيد وتفرك في ايدها من التوتر
_رائد / طيب نبدا من الاول انا رائد ٣٠ سنة ودكتور وانتي
_دنيا بخجل / انا دنيا عندي ٢٦ سنة وبشتغل مدرسة في حضانة
_رائد /خلاص كدة يعني صافي يا لبن
_ دنيا / تمام حليب يا قشطة وضحكو وهو بيبصلها بنظرات اعجاب باينة في عنيه
....................
_وصلو القاعة وكانت جميلة جدا بس ايمان كانت متوترة لانها متعرفش حد وخدها عمر وقعدو في الكوشة وناس كتير سلمت عليها وهيا مش عارفة مين دول لحد ما جت ميرا اللي اتصدم عمر لما شافها متوقعش انها تيجي وسلمت عليه
_ميرا بزعل مصطنع / مبروك يا عريس
_عمر بتوتر / الله يبارك فيكي
_ميرا بخبث /مبروك يا عروسة لا بصراحة انتي حلوة مش زي ما وصفتلي يا عمر خالص
ميرا قربت من ودنها وقالتلها / مممم انا لو منك مفرحش اووي كدة الا لما اتأكد انه بيحبني ومش جواز مصلحة
وسابتهم ومشيت وايمان اتصدمت ومكنتش فاهمة هيا قصدها ايه بس اللي فهمته ان عمر بيخدعها وبصت لعمر اللي كان مترقب رد فعلها وعاوز يعرف ميرا قالتلها ايه
_عمربتوتر/ هيا كانت بتقولك ايه يا ايمان
_ ايمان بحزن وصدمة/ مفيش كانت بس بتباركلي ودورت وشها الناحية التانية وعمر حس انها خبت عليه حاجة وخاف لتكون ميرا قالتلها عالاتفاق
..............
جه وقت كتب الكتاب وايمان كان نفسها ترفض وحست ان فعلا كدة في حاجة بس خافت علي ام عمر الست اللي بتحبها وبتعتبرها امها ازاي تحطها في موقف زي ده مع الناس وكانت مخنوقة ومش عارفة تعمل ايه بس قررت انها تكمل بس عشان خاطر الست اللي مرضيتش تتخلي عنها وتسيبها تاني تعيش لوحدها وفاقت علي كلام المأذون
(بارك الله لكما وبارك عليكما وجمع بينكما في خير )
_هدي بفرحة /
مبروك يا بنتي ربنا يسعدكو يارب
_ ايمان بحزن / ربنا يباركلنا فيكي يا امي
عمر لاحظ تغيرها من ساعت ما ميرا قالتلها حاجة في ودنها و لاحظ عيونها اللي اطفت بعد ما كانت فرحانة وبتضحك واتأكد ان كدة ميرا عرفتها بالاتفاق
.............
_رائد عيونه كانت علي دنيا ومتابعاها وهيا قاعدة مع مامت عمر وكل ما عيونهم تتقابل دنيا تتوتر وتبص بعيد وعمالة تقلل في نفسها
هو انا مالي في ايه ؟ انا اول مرة ابقي كدة يارب ميكونش اللي في بالي ، ولفت نظرها ان ايمان مضايقة او فيها حاجة قامت تروحلها وهيا ماشية في شاب وقف قدامها وبيعاكسها
_ايه رأيك تقوليلي اسمك وانا اعديكي يا قمر
_دنيا بحد*ة/ لو سمحت عديني من غير مشاكل
_ليه بس ، طيب دي عيونك ولا لانسيز ؟
_ رائد شافها وراح وراها وعينه بتطلع شرار وسمع الشاب وهو بيقوها كدة وفجأة جه من وراه
رائد بغضب / انا هقؤلك بقي يا رو*ح ام*ك ومسكه من كتفه لف وشه ليه واداله بونية وفضل يضر*ب فيه ودنيا مصدومة من رد فعل رائد وخايفة احسن الفرح يبوظ بسببها
_دنيا بخوف / خلاص يا رائد لو سمحت سيبه كفايا كدة
_رائد بزعيق / ايه صعبان عليكي ولا عاجبك كلامه
_دنيا بصت علي اللي بيتفرجو عليهم وعنيها كلها دموع
دنيا / لا عشان فرح ايمان ميبوظش وسابته ومشيت وهو نفخ جامد وراح وراها
_رائد / استني يا دنيا يا دنيا انا اسف مكنتش اقصد بس مستحملتش انه يضايقك ويقولك كلام زي ده
_دنيا بدموع /بس استحملت تِسمع الناس اني عاجبني كلامه واني بدافع عنه صح ؟وسابته ومشيت وكانت هتقع من الفستان بس هو لحقها ومسكها من اايديها ولفها ليه وعينه في عينها وهي كانت مكسوفة من وضعهم كدة جدا وكانت هتبعد بس هو فضل ماسكها .
_رائد بهمس / اسف حقك عليا خلاص بقي متزعليش لو عايزاني اعتذرلك قدامهم انا موافق
دنيا بابتسامة/ لالا خلاص انا مش زعلانة بجد بس لو سمحت ابعد بقي
_رائد سرح في ابتسامتها / مش عارف بجد ابعد
_دنيا من كتر الكسوف بعدت ايده وجريت من قدامه
_رائد / بابتسامه جذابة شكلك هتتعبيني معاكي يا دنيا
...............
_عمر بتردد /مالك يا ايمان انتي مضايقة ليه لو في حاجة حصلت قوليلي
_ايمان بضيق / لا مفيش ولو سمحت انا عاوزة اروح بقي كفايا كدة
_جت دنيا عليها / فيكي ايه حسيت كدة من شكلك ان في حاجة ؟
_ايمان بصتلها بدموع حبساها في عنيها وبصت لعمر وسكتت
_دنيا بخوف / هتخبي عليا يا ايمان ، قوليلي مالك قلقتيني عليكي
_ايمان / مفيش يا دنيا انا بس خايفة ومتوترة وحاسة اني لوحدي ومعرفش حد هنا
_دنيا بحب / اخس عليكي وانا روحت فين بقي هتلاقيني معاكي في اي وقت تحتاجيني مش هسيبك ابدا عشان انا كمان مليش غيرك
_ايمان / بابتسامة باهتة ربنا يخليكي ليا يا دنيا انتي اختي وحبيبتي والله مليش غيرك انتي عارفة ، وجه وقت رقصة السلو وندهو عليهم
ايمان بحزن/ عمر انا مش عايزة ارقص
_ عمر باصرار / مينفعش لازم عشان الناس هتقول ايه ،
_راحو وسط الناس وعمر حط ايده علي و*سطها وهيا حطت ايدها حوالين رقبته وبص عمر في عينها جامد وحس انه في عالم تاني وميعرفش سبب احساسه ده ايه ووقتها الاغنية اشتغلت
_ايمان اول ما سمعت الاغنية دموعها نزلت علي خدها المفروض ده كان يبقي احلي يوم في عمرها
_عمر اول ما شاف دموعها حس انه قلبه و*جعه وفهم انها صعبان عليها نفسها انه ضحك عليها وان ده اليوم اللي اي بنت بتتمناه ول*عن نفسه انه اتجوزها وهو قلبه مش ليها بس عشان يرضي امه
_خلصت الاغنية وايمان بعدت بسرعة وهو حس بكدا وخلاص الفرح خلص ومروحين
_هدي بابتسامة / انا هبات عند خالتك يا عمر عشان تبقو براحتكو
اول ما سمعت كدة ايمان مسكت فيها كانها طفلة
ايمان بدموع / لا بالله عليكي متسبنيش انا مش هروح معاه لو مجتيش
_عمر اضايق من رد فعلها / خلاص ياماما تعالي معانا اصلا مش هينفع تروحي في حتة
_هدي برفض/ لا يا حبيبتي صدقيني اول ما النهار يطلع هجيلك يلا بقي مع جوزك ، خد بالك من مراتك يا عمر وحطها في عنيك
_عمر بتردد / حاضر يا امي ، يلا يا ايمان وخدها وروحو البيت
.....................
فتح عمر الباب وقالها/ ادخلي يا ايمان هتفضلي واقفة كدة وهيا بقت مترددة ومش عايزة تدخل بس دخلت وهيا مخنوقة
_عمر بابتسامة / نورتي بيتك ، ادخلي غيري هدومك وانا هغير في الحمام اللي برة القوضة
_هزت ايمان راسها من غير كلام ودخلت وقفلت علي نفسها من جوة واول ما بقت لوحدها انهارت من العياط خلاص حست انها جابت اخرها مش قادرة تبان اقوي من كدة عيطت لدرجة ان صوت شهقاتها وصل لعمر برة وقلق عليها وخب*ط
_عمر بقلق/ ايمان افتحي الباب لو سمحتي خلينا نتكلم ، ايمان ارجوكي اسمعي مني الأول متحكميش عليا من غير ما تسمعي
ايمان بقت تحط ايدها علي ودنها عشان متسمعش صوته وكل تفكيرها ازاي كدة ليه يعمل فيها كدة
ايمان / ابعد عني لو سمحت سبني لوحدي انا عايزة انام
_عمر / طيب اسمعيني الاول لازم نتكلم وبعدين هسيبك زي ما تحبي ارجوكي غيري هدومك وتعالي نتكلم ماشي
_ايمان في عقلها / لازم اعرف ايه قصدها بالظبط وجوازه مني مصلحة ازاي ،
قامت أخدت دش في حمام القوضة ولبست بيجامة وسرحت شعرها اللي واصل لاخر ضهرها ولقيته بيخب*ط.
_ عمر بقلق/ ايمان لو خلصتي افتحي الباب لو سمحتي .
_قامت فتحتله وهو انبهر بجمالها شعرها اللي باللون البني مع بياضها وعنيها الرمادي خلاه متنح
_عمر بجدية / اولا انا عايز اعرف ميرا قالتلك ايه عشان اعرف احكيلك من الاول
_ايمان بحزن / لا حضرتك اتفضل قول اللي عندك وبعدين نتكلم في اللي قالته ميرا دي
_ عمر / احم انا مش هكدب عليكي وهكون صريح معاكي انا انا اتغصبت علي جوازنا ،، امي اتعلقت بيكي لدرجة انها طلبت مني اتجوزك عشان تفضلي عايشة معاها ومكنش في حل قدامي غير اني اتجوزك فعلا لأنها كانت هتغضب عليا وهتتعب اكتر وانا مقدرش علي زعلها
_ايمان من الصدمة عينيها دمعت ومقدرتش تتكلم وفضلت ساكتة
_عمر / ايمان انا بجد مكنش قدامي حل تاني انا اتكلمت معاها كتير بس هيا صممت
_ايمان بحزن/ ميرا دي تبقي حبيبتك مش كدة ؟
_عمر بتردد / احم ايوة انا مرتبط بيها هيا تبقي زميلتي في المستشفي وبنحب بعض بس انا اتكلمت معاها إن إن وسكت
_ايمان بدموع/ هه اني جوازة مصلحة عشان خاطر امك وانك مش بتحبني واكيد طبعا فترة مؤقتة وتخلص مني وتتجوزها مش كدة
_عمر حس ان قلبه و*جعه وقالها /
ميرا قالتلك كدة في الفرح صح
_ايمان بدموع / هيا قالت نص الكلام والتاني انا فهمته لوحدي
_عمر كور ايده بغضب من ميرا / ايمان انا مش عايزك تزعلي مني لو سمحتي قدري موقفي
_ايمان بانهيار / ، اقدر موقفك! وانا مين يحس بيا انت اناني اووي كان في الف حل غير انك تكسر*ني كدة للدرجادي انا قليلة في نظرك ومش مهم انا هحس بايه طب كنت قولي وخيرني وانا ارفض او اقبل لكن تحطني قدام امر واقع وكل ده ليه عشان ايه ؟ انا مش مسامحاك ومش هقؤلك طلقني يكفيني اني اعيش مع الست اللي اعتبرتني بنتها لدرجة انها غصبت علي ابنها ان يتجوزني عشان بس متسبنيش واعيش معاها ،، لو سمحت انا تعبانة وعايزة انام ممكن تطلع برة ومن هنا ورايح كل واحد فينا في اوضة
_عمر بلهفة/ لا ارجوكي امي لو عرفت كدة ممكن تزعل وتتعب وانا خايف عليها وانتي كمان اكيد خايفة عليها وميرضكيش انها تتعب بسببي
_ايمان / تمام اعتقد احنا انهاردة لوحدنا ممكن تخرج ؟
_عمر / تمام يا ايمان تصبحي علي خير ، وخرج وهو مضايق وحاسس انه بيهرب منها من نظرات اللوم في عينيها حتي مقدرش يواجهها ويقولها ان الكلام اللي قالته ميرا غلط
لانه صح .
................
تاني يوم جرس الباب رن وعمر فتح
عمر / اهلا نورتي يا امي ، ازيك يا خالتو زينب
هدي بفرحة /الف مبروك يابني ربنا يسعدكو يارب
_عمر بابتسامة / الله يبارك فيكي يا امي ربنا يخليكي لينا
_زينب بضيق / اومال فين العروسة شايفة نفسها علينا ولا ايه من اولها
_عمر بسرعة / لا يا خالتو دي بتلبس ثواني وهتيجي هروح اشوفها
خب*ط عمر علي الباب
عمر / ايمان امي وخالتو برة انتي صحيتي ولا ايه
شوية وايمان فتحت الباب
ايمان / انا طالعالهم وكانت عنيها منفوخة من العياط وكان باين انها منمتش بس دارت كل ده بالميكب و هو خد باله
_ ايمان / ازيك يا امي ، نورتي يا طنط
_هدي / عروسة ابني الف مبروك يا روح قلبي ربنا يسعدك ويريح قلبك يارب
_ زينب /ايه ياختي كل ده عشان تطلعي مش قد المقام احنا ولا ايه
_ايمان بتوتر/ لا العفو يا طنط انا مقصدش والله انك تفهمي غلط
- زينب / ولا تقصدي ما انتي معذورة مكنش في حد يعلمك الاصول
ايمان حست انها مخنوقة وهتعيط بس لقت عمر بيرد
_عمر بضيق/ ايمان احسن واحدة تفهم في الاصول يا خالتو واعتقد انتي عارفة ليه وخلاص بقينا اهلها وهيا كمان بقت مننا يعني مش غريبة علينا
_ ايمان بحزن /هقوم اعملكو حاجة تشربوها وقامت وهيا في المطبخ دموعها خانتها ومسحتها بسرعة وبقت تعمل العصير وعمر دخل عليها وشافها وهيا بتعيط
_عمر بهدوء / مش عايزك تزعلي من خالتو هيا كلامها كدة بس هيا قلبها ابيض
_ايمان / عادي هيا جت عليها منا واخدة علي كدة مش اول مرة اتجر*ح وشالت الصنية وسابته وخرجت عمر اضايق وقال في نفسه
عمر بعصبية/ ليييه مصممة تحسسني بالذنب وخرج وراها
_هدي / طيب يا ايمان احنا هنمشي خدي بالك من جوزك وحافظي عليه هه
_ايمان بلهفة / لا يا ماما انتي مش قولتي هترجعي البيت بكرة لو سمحتي متمشيش
_هدي /لا يا حبيبتي عيب مينفعش انتو عرسان كام يوم كدة وهرجع متقلقيش وهتزهقي مني يلا مع السلامة يا ولاد ومشيو وهيا دخلت القوضة بسرعة بس عمر لحقها
_عمر / انتي هتفضلي زعلانة كدة يا ايمان عشان خاطر ماما حتي مش عشاني اتمني نكون صحاب ايه رأيك لحد ما ننفصل بهدوء واوعدك مش هضايقك ولحد امي ما تقتنع اننا مش متفاهمين ونطلق هنتعامل مع بعض علي اننا صحاب ماشي
_ايمان بغضب / انت ليه مش فاهم اننا مينفعش نكون اصحاب انت مش خبط*تني وانت ماشي واعتذرت وخلاص انت حكمت عليا اكون علي اسمك وانت بتحب واحدة تانية وان حياتي تنتهي لمجرد انك ترضي والدتك عالعموم كدة كدة مامتك هترجع ولازم نتعامل علي اننا زوج وزوجة قدامها لكن دلوقتي اعتقد مفيش بينا اي تعامل وانا برضه عارفة ايه واجباتي تجاهك حتي لو جواز بالاسم انا هروح اعمل الفطار بعد اذنك
ايمان حضرت الفطار وهما بياكلو ايمان متكلمتش معاه وكانت متجاهلاه وجرس الباب رن وفتح عمر وكانت دنيا
_دنيا بابتسامة / ازيك يا دكتور عمر و الف مبرووك
_ازيك يا انسة دنيا اتفضلي
ايمان اول ما سمعت صوتها جريت عليها واترمت في حضنها وفضلت تعيط ودنيا حضنتها
دنيا / كنت حاسة من امبارح ان فيكي حاجة والله عشان كدة مقدرتش مجيش كان لازم اجيلك اما عمر فكان مضايق وحس انه مخنوق من عياطها وصعبانة عليه وبقي يلع*ن نفسه في سره انه كس*ر خاطرها وجر*حها كدة
_دنيا/ لو سمحت يا دكتور عمر ممكن اخدها القوضة واقعد معاها شوية
_عمر بسرعة / اه اه طبعا ادخلو جوة انا هعمل مكالمة اصلا وخدتها دنيا ودخلو واول ما دخلو ايمان بقت تعيط في حض*نها بشحتفة وقالتلها طلع مبيحبنيش يا دنيا اتجوزني عشان مامته غصبت عليه طلع بيحب واحدة تانية انا مقهوورة اووي
_دنيا وهي بتملس علي شعرها / متزعليش يا حبيبتي عشان خاطري انا كنت عارفة انك بتحبيه وعشان كدة انتي اتو*جعتي كدة خلاص يا ايمان ارمي كله ورا ضهرك وبصي للحاجة الكويسة انك هتعيشي مع مامتك اللي ربنا عوضك بيها عن امك وابوكي اعتبري نفسك متجوزتيش ولا حبيتي عمر صدقيني هو اللي خسران انتي تستاهلي حد احسن منه ميت مرة كمان
_ايمان هديت /عندك حق يا دنيا ومسحت دموعها انا هثبتله انه مش فارق معايا وهرجع لحياتي تاني وشغلي وانساه ومش هبين اني ضعيفة تاني وكفايا عليا ماما وانتي كمان عندي بالدنيا ربنا يخليكي ليا يا دنيا انتي مش عارفة انا كنت محتجالك ازاي
_ دنيا / ويخليكي ليا يا احلي ايمي في الدنيا يلا قومي خدي شاور والبسي حاجة حلوة كدة عايزاكي تجننيه ههههه يلا همشي انا بقي احسن اتاخرت وابويا هيعمل مني بوفتيك ده انا استأذنت منه بالعافية
_ايمان / ماشي يا حبي روحي انتي وخرجت دنيا وايمان وودعتها عالباب ومشيت وهو كان قاعد مستنيها بفارغ الصبر عشان يشوفها عاملة ايه ولسة بتعيط ولا لا وكانت هتدخل بس هو وقفها بصوته
عمر / ،انتي كويسة يا ايمان دلوقتي
ايمان بابتسامة/ ، وهو انا كان فيا حاجة اصلا عشان ابقي كويسة لا عادي يا دكتور عمر المهم تشرب شاي اعملك معايا
عمر بصلها وتنح اللي هو ازاي ده يعني انتي ملبوسة ولا ايه
_عمر / احم اه ماشي وكان مستغرب تغيرها فجأة معاه كدة بس فرح انها بقت كويسة
وهما بيشربو الشاي
ايمان / احم عمر كنت عاوزة اقولك حاجة
_طبعا اؤمري
_انا هرجع الشغل بتاعي
_عمر بضيق / ايه لا طبعا انتي مراتي دلوقتي يعني ملزمة مني حتي لو مش جواز بجد بس برضه علي ذمتي
_وانا مش هقبل انك تصرف عليا حتي لو انا علي زمتك لو سمحت انا مش هقعد في البيت احنا مرتبطين فترة مؤقتة وهننفصل يبقي خلينا كدة كل واحد له حياته وانا هنزل شغلي وببلغك مش باخد اذنك انا داخلة انام عشان تعبانة ومنمتش وسابته ودخلت
............
عدي اسبوع ومامت عمر رجعت واول يوم هينامو فيه في اوضة واحدة وايمان كانت واقفة في نص الاوضة ومش عارفة هتنام فين واخدت قرارها واخدت مخدة ولحاف
_عمر باستغراب / انتي رايحة فين يا ايمان
_هنام هنا عالكنبة دي وانت نام عالسرير
_وليه ما ننام جنب بعض متخفيش مش بعض والله
_ هه دمك خفيف حضرتك لا انا هنام عالكنبة
_ طيب ننام جنب بعض ونحط في الوسط مخدة ايه رايك
_امممم تمام موافقة ودخلت اخدت شاور وخرجت وهيا لبسة بيجامة مرسوم عليها ارنوب علي برمودا وشعرها مبلول ونازل علي ضهرها وكانت جميلة اووي وهو اول ما شافها انبهر بجمالها وفضل باصصلها وهيا بتسرح لحد ما خلصت وعملت شعرها كحكة لفوق مع خصلتين نزلو عشوائي وراحت جنبه وقالتله تصبح علي خير يا عمر
_عمر متنح / انتي جميلة اوووي قصدي احم وانتي من اهل الخير
_ايمان ضحكت ، ونامت
...........
تاني يوم
_ عمر / يلا يا ايمان عشان اوصلك في طريقي
_تمام انا جاهزة ، عمر بصلها وكانت لابسة دريس اوف وايت طويل علي بنطلون جينز وحزام في الوسط جلد وكانت جميلة وهو حس انه غيران بس تجاهل احساسه احم يلا بينا
ونزلو سوا وركبو العربية سوا واول ما وصلو نزلت ايمان وعمر قالها هعدي عليكي بعد الشغل اخدك
_ايمان بهدوء / ملزش لزوم هروح لوحدي عادي
_عمر بحسم /قولتلك هعدي عليكي خلاص يلا بقي ادخلي وهو بيكلمها جه حد من وراها وقالها ايمان فينك يا بنتي وحشتيني
_ايمان لفت وضحكت / احمد اخيرا رجعت كل دي غيبة
عمر حس انه مضايق مين ده اللي بتقوله ازيك وهو يقؤلها وحشتيني كدة عادي ؟
_ايمان / رجعت امتي يا احمد وكل دي غيبة
_احمد / انا لسة واصل من اسبوع ولما جيت سألت عليكي اول واحدة علي فكرة
ايمان بضحك / ، فيك الخير والله انا مش مصدقة انك رجعت
عمر كان بيبصلها بغضب / ايه مش تعرفيني
_ايمان / اه ده استاذ احمد يبقي المدير بتاعي بس كان مسافر ورجع وده يا احمد يبقي دكتور عمر احم جوزي
_احمد بابتسامة / اتشرفنا يا دكتور عمر ، بس امتي ده وازاي ، كدة يا ايمان انا زعلان منك ازاي متقوليش
عمر بغيظ/ اصل الموضوع جه بسرعة ولا ايه يا ايمان
ايمان حست ان عمر مضايق بس عملت نفسها مش واخدة بالها
ايمان / اه طبعا معلش يا احمد تتعوض ونعزمك عندنا ايه رأيك
_احمد / اه إذا كان كدة ماشي وضحك ، يلا هستناكي جوة نكمل كلامنا
_عمر بغضب / وده مين زفت ده بقي وازاي يقولك وحشتيني كدة
_ايمان باستغراب /براحة في اي وده زي ما قولتلك مديري وكمان صديق من زمان ثم انت مالك اصلا انت ملكش دعوة بحياتي واعرف ان جوازنا ده فترة مؤقتة وخلاص انت فاهم
_عمر بحد*ة / لا مش فاهم ياريت تفتكري انك لسة علي زمتي يعني احترمي نفسك واعرفي ان في حدود ومتتكلميش مع البني ادم ده تاني
_ايمان بحزن /انا مسمحلكش تتكلم معايا كدة انت سامع وانا محترمة غصب عنك وحدودي انا عارفاها كويس ياريت انت اللي تعرف حدودك وتحترمني حتي لو كنا هنطلق ومش هنكمل مع بعض وسابته ومشيت وهو اتنرفز وركب العربية وساق بسرعة ومشي
...............
في المستشفي
_رائد / جيت امتي يابني انا مشوفتكش خالص اما جيت
_عمر بضيق / بقؤلك ايه يا رائد انا مش طايق نفسي اصلا سبني في حالي
_رائد بغمزة / اوباا ده الموضوع كبير لا مش هسيبك الا لما تحكيلي وانت اصلا مش هترتاح لما تحكيلي انا عارف
_عمر بسخرية /ثقتك دي اللي بتخليني مش عايز احكيلك حاجة بس فعلا انا مخنوق ومحتاج اتكلم معاك وحكاله اللي حصل مع ايمان
_رائد / اممم طيب وفيها ايه
_عمر بغضب / انت هتجنني يا زفت يعني ايه وفيها ايه يعني اومال انا ايه يعني خيال مأتة
_رائد / ايوة انت مالك يعني انت جر*حتها وكمان اتجوزتها وانت عارف انك بتظلمها وانك بتحب واحدة تانية وكمان مش عايزها تعيش حياتها الطبيعية
._عمر بضيق / بس في حدود المفروض تحترم اني موجود وتتعامل بحدود مع اي راجل
_رائد بجدية / اعترف انك غيران عليها انت بتكابر يا عمر وصدقني عِندك ده هيوديك في داهية
_عمر بتوتر / انت ايه اللي بتقوله ده انا مش بغير ولا بتنيل قولتلك انا بحب ميرا انا بس اتضايقت لما قالها وحشتيني كرامتي و*جعتني
_رائد بنفاد صبر /انا تعبت منك هروح اشوف شغلي وفكر في كلامي تاني جايز تلاقي الاجابة لحيرتك دي وسابه وخرج ودخلت ميرا
ميرا / حبيبي حمدالله علي سلامتك وحشتني اووي كدة متكلمنيش حتي تطمن عليا ولا العروسة خلاص نستك ميرا
_عمر بغضب /، متوهيش الموضوع يا ميرا انتي ليه قولتي لايمان علي اتفاقنا وايه اللي جابك الفرح اصلا انا مش منبه عليكي متجيش
_ميرا اتوترت ووفكرت تلعب عليه بطريقتها / اصل كنت غيرانة عليك انت متخيل اللي بحبه يكون مع واحدة تانية صعب اووي يا عمر انا كنت هتجنن ومثلت انها بتعيط
عمر لاول مرة يحس انه مش مصدقها كأنه كان في غيبوبة ووهم حب ميرا وحاول عمر يبعد الافكار عن دماغه
_عمر بتنهيدة / تمام يا ميرا متزعليش
-ميرا بابتسامة /خلاص مش زعلانة بس عايزاك تعوضني بقي ايه رأيك نتعشي سوا انهاردة في مطعم تحفة صاحبتي قالتلي عليه
_عمر / ايوة بس مش هينفع عشان عشان لازم اجيب ايمان من الشغل
_ميرا بحزن مصطنع / لا بقي مليش دعوة انت من اولها هتهملني عشان ست ايمان دي انا زعلانة منك
_عمر / لالا خلاص انا هكلمها تروح هيا ونخرج سوا ايه رأيك
_ميرا ضحكت ضحكة خبيثة /
بجد متحرمش منك يا روحي يارب يلا هروح انا بقي ونتقابل بعد الشغل بااي
.............
_ايمان / انا ماشية يا دنيا عايزة حاجة
دنيا باستغراب / مش هتستني عمر مش قولتي هيجي يخدك
_ايمان /لا كلمني قالي عنده شغل مش هيقدر يجي وهيتأخر
_دنيا / طيب ايه رايك تيجي نخرج سوا انهاردة
_ ايمان /مش عارفة بصراحة خلاص بصي هروح اعمل اكل عشان ماما وهكلمك بعد الغدا كدة ونظبطها وكمان اكون قولت لعمر
_ احمد من وراهم /انا سامع مشروع خروجة كدة من غيري اخس
_دنيا بضحك /احمد انت قبل ما تسافر كنت بتيجي عالدفع وتعمل عبيط المرادي هتحاسب قبل ما تاكل
_احمد / كدة اخس عالصحاب ، ماشي يا دنيا طيب حتي احترميني ده انا مديرك حتي وشكلي وحش كدة قدام الاجانب
_دنيا / المشروطة محطوطة ها هتدفع بالتي هيا احسن ولا نروح من غيرك
ايمان متوترة عشان عمر لو عرف مش هيرضي وهيعملها مشكلة بس قالت مش هتقوله هو ملوش دعوة بحياتها طالما مش بتعمل حاجة غلط
_دنيا / ايه يا بنتي روحتي فين
_ايمان بانتباه / هه لا مفيش يلا همشي انا سلام بقي
............
ودنيا مروحة لقت اللي بينده عليها ، انسة دنيا يا انسة دنيا بتلف لقيته رائد حست انها طايرة من الفرحة عشان شافته لانه مغبش عن بالها من يوم فرح ايمان
_دنيا / احم رائد ازيك عامل ايه
_رائد / الحمد لله انتي عاملة ايه
_دنيا بخجل / الحمد لله كويسة انت ايه اللي جابك هنا
_رائد / اصل بصراحة كدة كنت عايز اتكلم معاكي في موضوع مهم
_دنيا باستغراب /طبعا اتفضل خير
_رائد بابتسامة / مش هينفع هنا ممكن نروح مكان نتكلم
_دنيا بتردد / اصل بصراحة مش هينفع عشان متأخرش عالبيت وبابا يزعقلي
_رائد برجاء / مش هأخرك اوعدك بس فعلا انا لام اتكلم معاكي
_دنيا بموافقة /تمام وراحو كافيه وطلبو اتنين عصير
_دنيا /خير يا رائد قلقتني ايه الموضوع المهم
_رائد / انا عارف كل حاجة بين ايمان وعمر هو حكالي وانا بصراحة صعبان عليا ايمان جدا ونفسي يبقي في حل
_دنيا بضيق / بس صاحبك بصراحة و*اطي اووي وندل يعني حط البت قدام الامر الواقع عشان يرضي امه وعشان خايف عليها اتجوز ايمان ومفكرش حتي في حياتها اللي بقت تعيسة بسببه
_رائد بتنهيدة /انا عارف وبصراحة يعني دي كانت فكرتي انا
_دنيا بصدمة /ايه انت بتقول ايه يعني انت قولتله يتجوزها وبعدين يطلقها بعد فترة ويروح للسنيورة اللي بيحبها تصدق انت كمان طلعت اندل منه بعد اذنك وجت تقوم مسك ايدها
_رائد بسرعة / ارجوكي اسمعيني يا دنيا الاول وبعدين احكمي لو سمحتي اقعدي وانا هفهمك
دنيا اتحرجت اما مسك ايدها وقعدت وهو لسة ماسك ايديها
_دنيا بخجل / احم اتفضل قول ، وسحبت ايديها منه
_رائد ابتسم / انا لو مش حاسس ان عمر في مشاعر من ناحيته لايمان مكنتش قولت كدة انا بس حبيت اقربهم من بعض وقولت انه لما يعرف قد ايه هيا جميلة وكويسة سعتها هيعترف بحبه ليها بس هو عِندي جدا وماشي ورا قلبه وميرا دي اصلا انسانة مش مظبوطة وانا خايف عليه منها وياما نصحته بس للاسف
_دنيا / اسفة اني فهمتك غلط بس دي صاحبة عمري وانا صعبان عليا اللي بيحصلها ده هيا اه بتحب الست هدي جدا وبتعتبرها امها بس حبت عمر برضه واتصدمت فيه ومش عارفة تنساه لانه طول الوقت بيفكرها وبيحاول يجر*حها
_رائد / انا فاهم وعلشان كدة انا جتلك انهاردة عشان نحاول نقربهم من بعض واخليه يعترف لنفسه انه بيحبها وجدا كمان بس مش عارف ازاي
دنيا فكرت وبعدين ابتسمت ورائد قلبه وقع لما شاف ضحكتها
_دنيا / اممممم انا هقؤلك ازاي بص احنا نخلي عمر يغير وسعتها هيعترف لنفسه الاول انه بيحب ايمان انا ملاحظة انه غار من مديرنا لما اتكلم معاها ايه رأيك اكلمه واخليه يزودها شوية ونخليه يبقي هيتجنن لما يلاقي ان في حد مهتم بيها
_رائد / فكرة جامدة طبعا بس ايه حكاية مديركم دي صح ازاي بيهزر كدة معاكو عادي مش المفروض يبقي مكشر بقي وخنيق وكدة
_دنيا / لا احمد بصراحة انسان كويس من ساعت ما جينا الحضانة هنا وهو بيتعامل معانا علي انه اخونا هو صاحب كمان جدع اووي بس جاله سفرية وقعد شهرين ولسة راجع اكيد هتتعرف عليه وهتعرف ان كلامي صح
_ رائد بابتسامة / ان شاء الله اكيد يلا تعالي اوصلك عشان متتأخريش واروح انا المستشفي احسن سبت الشغل وجيت عشان اشوفك اقصد يعني اتكلم معاكي
_دنيا بكسوف/ متتعبش نفسك انا هروح لوحدي عادي زي كل يوم
_رائد برفض / لا طبعا عشان محدش يضايقك يلا بينا بس اديني رقمك عشان اعرف اوصلك
_دنيا / ماشي وقامو مشيو
................
في البيت ايمان كانت بتطلع طقم عشان تروح بيه بس افتكرت انها مقالتش لعمر فمسكت الفون ورنت عليه
_ايمان بتوتر / ايوة يا عمر انا هخرج مع دنيا صاحبتي نتمشي شوية عشان زهقانة
_عمر / تمام بس متتأخريش وخدي بالك من نفسك ولو حصل حاجة كلميني
_ايمان / تمام مع السلامة
.............
دخل رائد مكتب عمر
_عمر بضيق /كنت فين يا زفت بكلمك مش بترد عليا ليه
_رائد بتوتر / مفيش جالي مشوار كدة كدة كنت بخلصه خير كان في حاجة ولا ايه؟
_ عمر بحيرة / انا خارج مع ميرا بليل وكنت عايزك تحجزلي في مطعم كويس انت اللي عارف يعني عني في الحجات دي وهي عاوزة مطعم معين مش عاجبني
_رائد بخبث / طبعا يا حبيبي انت تؤمر هكلم المطعم احجزلك ده مطعم تحفة وهيعجبك
_عمر بجدية / تمام عندي حالة هشوفها وبعدين اجيلك تقولي العنوان فين يلا سلام وخرج
رائد كلم دنيا وظبطو كل حاجة سوا هما واحمد كمان
...........
بليل في المطعم
_ ميرا /واو المطعم ده تحفة يا حبيبي بجد زوقك يجنن
_عمر بجدية / هو بصراحة زوق رائد صحبي هو اللي حجزلنا بس اختياره موفق ها هتاخدي ايه
_ميرا / امممم اختارلي علي زوقك ايه رأيك
_عمر بتنهيدة /اوك ماشي، وفجأة بيبص لقي ايمان دخلت المطعم هيا ودنيا واتصدم واول ما شاف احمد معاهم اتجنن وميرا بتكلمه وهو مش مركز معاها وكان شايط بس هو هيروح عند ايمان ازاي وهو قايلها انه في شغل وهيا متعرفش انه خارج مع حبيبته بس دنيا شافته وخدت بالها انه شافهم راحت شاورت علي كرسي قريب منه وقالتلهم تعالو هنا احسن ولسة ايمان هتمشي راحت دنيا حطت رجلها وكعبلتها ولسة ايمان هتقع راح احمد لحقها ا كانه حاض*نها ، هنا بقي عمر اتجنن قام ومهموش حاجة ودخل عليهم بغضب
_عمر بغضب / حلوة المسخرة دي عاجبك وهو حاض*نك كدة و بعدين هو ده اللي هخرج مع دنيا وشدها من جنب احمد ووقفها جنبه
_ايمان بخوف /عمر انت فاهم غلط والله ده انا كنت هقع وبعدين لو كنت قولتلك ان احمد خارج معانا مكنتش هترضي
_دنيا حاولت تهدي الدنيا /
هو انت جيت ازاي يا دكتور عمر
_عمر اتوتر / احم انا انا هنا مع ميرا وبص لايمان اللي اتصدمت وحست ان قلبها و*جعها و حاولت متبينش بس دموعها كانت هتخونها وتنزل وقالتلهم يلا نمشي
_دنيا بخبث / لا ازاي طالما هنا تعالو نقعد كلنا مع بعض وضغطت علي ايد ايمان اللي حاسة انها في عالم تاني واحمد قالهم فكرة كويسة اهو نتعرف
ميرا متابعاهم من بعيد بغيظ وغل وعمالة تبرطم عشان ضيعو عليها الليلة واتغاظت ان عمر غيران علي ايمان
_عمر معرفش يتكلم عينه علي ايمان اللي متكلمتش من ساعت ما عرفت انه هنا مع ميرا حبيبته
_ عمر بتوتر / ميرا اعرفك دي دنيا صاحبة ايمان وده احمد يبقي مديرهم وصديق ليهم
_ميرا ببرود / اهلا
_احمد بص لايمان وحب يغيظ عمر اكتر راح قالها /
ايه يا ايمي مالك متزعليش بقي عشان خاطري ده انتي غالية عندي اووي ومش بحب اشوفك زعلانة
_عمر كان هيتجنن / مش لوحدك دي مراتي برضه متنساش ولا ايه يا ايمان ، بس هيا بصتله ودورت وشها وتجاهلته تماما وده ضايقه اكتر
_ دنيا / طيب ايه يا جماعة انا جعانه مش هنطلب الاكل
احمد بص لايمان/ انا هاخد زي ايمي عشان واثق في زوقها اللي يجنن ولا ايه يا قمر وايمان بصتله وابتسمت وهي مستغربة كلامه
_عمر لحد هنا ومش قادر يمسك نفسه
عمر بغضب / ايمان يلا بينا
_ايمان بحزن / انا لسة عايزة اقعد مع دنيا واحمد و.. قط*ع كلامها لما شدها من ايدها
_عمر بحد*ة / وانا قولت مش هنقعد اكتر من كدة يلا بينا ،،دنيا معلش خلي احمد يوصلك اصل انا ومراتي هنتمشي سوا وحط ايده في و*سط ايمان بتملك وبص لاحمد اللي فرح من جواه واتاكد انه بيحب ايمان بس بيكابر
ايمان اتصدمت من رد فعله وجت تبعد هو مرضاش يسيبها وقالهم/
يلا سلام ، يلا يا حبببتي ونسي ميرا تماما وكان كل همه انه يااخد ايمان بعيد عن احمد لانه غيران عليها منه
واول ما روحو ودخلو اوضتهم ايمان شدت ايدها منه بعن*ف
_ايمان بغضب / انت ايه اللي عملته ده وازاي تدي نفسك الحق انك تخليني امشي معاك بالطريقة دي
_عمر / زي ما انتي اتحدتيني وخرجتي مع اللي اسمه احمد ده مع اني منبه عليكي متكلمهوش بس مش تخرجي معاه كمان
_ايمان بحزن /انا عارفة حدودي ومخرجتش معاه لوحدي ثم ده صديق ليا وانت اصلا ملكش اي حق انك تتكلم انت اديت لنفسك الحق انك تخرج مع حبيبتك عادي ومتعملش اي حساب لكرامتي وبتحاسبني دلوقتي بأي حق هه انت جوزي عالورق بس انت فاهم وملكش عندي اي حقوق ولو انا بحفظ كرامتك قدام اي حد فده لاني عارفة حدودي كويس لكن الدور عليك انت معملتش اعتبار حتي واستنيت اما نطلق انا بكر*هك يا عمر بكر*هك وفضلت تعيط بحرقة
_عمر بندم وهو بيقرب منها /
انا اسف ، انا مقصدتش اني اجر*حك بس انا محستش بنفسي ولا بتصرفاتي،، اتجننت اما شوفتك داخلة معاه وكمان لم هو لمسك ولحقك قبل ما تقعي بجد كنت هتجنن
_ايمان بحزن /ياااه انت اناني اوي ومفكرتش في احساسي لما اعرف انك هناك مع حبيبتك بعد كدبك عليا بانك عندك شغل ذيادة انت كداب واناني وانا خلاص مش هقدر اكمل في التمسلية السخيفة دي اكتر من كدة ، طلقني يا عمر
_عمر بصدمة / انتي بتقولي ايه انتي اتجننتي لا طبعا مستحييييل
_ايمان بتعب/ وانا خلاص تعبت ومش هعرف اعيش كدة انا عايزة ارجع لحياتي تاني لو سمحت طلقني
_عمر بعصبية / اه قصدك ترجعي لاحمد مش كدة ،،لا يا ايمان مش هطلقك انتي ملكي ومحدش هيقدر ياخدك مني عشان وسكت
_ايمان بدموع / وانا بكر*هك ومش عايزة اعيش معاك هو بالعافية ،، انت بتعمل ليه كدة معايا
_عمر باندفاع / ايوة عشان بحبك
........
في الكافيه كانت داخله دنيا علي رائد اللي كان قاعد مستنيها وابتسم اول ما شافها
_دنيا بابتسامة / ازيك يا رائد
_رائد / الحمد لله انتي عاملة ايه يا دنيا
_دنيا بخجل / الحمد لله ، طلبت اشوفك عشان اقولك عاللي حصل في المطعم
_رائد بخبث / اه بس كدة يعني
_دنيا بتوتر / احم اه اومال ايه
_رائد بمكر / يعني مفيش سبب تاني
_دنيا بتهرب / لا لو في سبب هقولك
_رائد بضحك / ماشي يا ستي احكي ، وحكتلو دنيا اللي حصل
_رائد بصدمة / بجد يعني ساب ميرا كدة وخد ايمان ومشي ، طيب وميرا عملت ايه
_دنيا بضحك / اه والله كان غيران مووت بجد طلع بيحبها اووي ده نسي ميرا اصلا انها كانت جاية معاه لا وهيا فضلت تاكل في نفسها بعد ما مشيو وانا بقي حطيت التاتش بتاعي هههه
_رائد بغمزة / يا بنت الذين عملتي ايه بقي ؟
_ دنيا بعفوية/ ، مفيش اول ما مشيو روحت قولتلها لو عندك د*م وكرامة بقي ياريت تسبيهم في حالهم اصل شكلك وحش اووي يا فيرا قصدي ميرا ههههههه
_ رائد باندفاع / ضحكتك حلوة اوي علي فكرة
_دنيا خدت بالها من ضحكها واللي قالته واتكسفت وسكتت
_رائد بجراءة / دنيا تتجوزيني ؟
_دنيا كانت مصدومة ومتكلمتش
_رائد بابتسامة وهو بيمسك ايديها / سكتي ليه
_دنيا بتهتهة / ممفيش ، معاك ، احم هو انت قولت ايه
_ رائد بحب / بحبك وتتجوزيني وتبقي مراتي وعلي اسمي
_دنيا قلبها كان بيدق جامد وكانت اسعد واحده في الكون كله
رائد بخبث / افهم من كدة انك رافضاني
دنيا باندفاع / لا مش كدة
رائد ضحك بصوت عالي ودنيا اتكسفت وبصت للارض بخجل وهنا رائد قالها بحب :
بحبك اوي والله وهطلب ايدك من باباكي وهنتجوز وتبقي ملكي يا كل دنيتي
دنيا بابتسامة / موافقة يا رائد
...............................
كانت واقفة ايمان مصدومة / انت قولت ايه يا عمر
عمر قرب عليها وحاوطها بايديه وهو بيتنهد براحة لانه اخيرا اعترف لنفسه انه بيحب ايمان ومحبش غيرها
عمر / بقول اني كنت غب*ي ،، وكنت بكابر وبسبب عِندي كنتي هتضيعي مني ،، بحبك يا ايمان وصدقيني ،، لما دخلتي حياتي اكدتيلي اني محبتش ميرا ابدا واني معرفتش يعني ايه حب غير لما شوفتك واوعدك اني ابعدها عننا نهائي
ابتسمت ايمان وبقت تضحك بدموع ودفنت نفسها فجاة في حض*ن عمر وهي بتقوله :
وانا محبتش غيرك يا عمر ،، انت عوضي عن كل حاجة شوفتها في حياتي
عمر اتنهد براحة وعيونه كانت كلها عشق واحساسه وقتها بيأكدله انه فعلا حب ايمان
تمت
