رواية سحر الشك كامله وحصريه بقلم محمود الامين
الشك هو مرض في عقل كل انسان الشك ممكن يوصل للموت ويقلب الحياه لجحيم لكن لما يكون الشك مرتبط بسحر تفتكروا هتكون اي النهايه..... كنت ماشي وحاسس اني تايه لسه الصداع ملازمني الجو بره برد جدا وده الي خلاني ارجع البيت بسرعه... دخلت وسمعت صوت مراتي بتضحك في الاوضه وبتتكلم مع حد.... دخلت الاوضه زي المجنون وشوفت الخيانه ايوه خيانه مراتي ليا.... الجبان جري وهرب من الشباك مسكت تمثال كان علي السفره ونزلت بيه ضرب علي دماغها لحد ما ماتت.... اتقبض عليا والمفروض اني قتلتها عشان شرفي لكن تقرير الطب الشرعي كان صادم جدا لانه بيقول ان مراتي مكنتش في علاقه مع حد.... وبقيت التهمه قتل مع سبق الاصرار...... بس مش هيا دي النهايه
..........
انا اسمي فهد عندي 27 سنه من الصعيد بس سمحوني مش هقدر اقول من فين بالظبط منعا للمشاكل وكمان عشان محدش يسوقه الفضول ويروح هناك.... عايش مع اجمل هديه ادهاني ربنا مراتي نهله حب السنين من ايام الجامعه....بشتغل مدرس علم نفس في احد المدارس..... انا خريج كليه اداب قسم علم النفس كنت مهووس بالمجال ده.. نهله كانت معايا في نفس الكليه حبينا بعض واتقدمت ليها بعد ما خلصنا تعليم..... رغم رفض اهلي وبالذات امي الي كانت مش بتحب نهله وكانت عاوزني اتجوز بنت خالتي لكني رفضت واصريت علي اني اتجوز نهله.... الحياه كانت مستقره جدا وسعيده لكن حاجه واحده الي كانت ناقصه ان يكون عندنا طفل ايوه نفسنا نخلف لفينا علي دكاتره كتير والنتيجه ان نهله بتعاني من مشكله في الرحم وهيكون صعب تخلف في الوقت الحالي..... بصراحه مش قادر اوصف الحاله الي كنت فيها من حزن واكتئاب..... رحت لامي البيت والي مرعتش ابدا مشاعري وفضلت تقولي احسن تستاهل عشان قولتلك بلاش تتجوزها وبعدين رجعت تقولي انت راجل ومن حقك تتجوز تانى عشان تخلف قولتلها لا مستحيل اتجوز عليها انا خلاص استكفيت بيها..... عدت ايام صعبه جدا عليا.... لحد ما في يوم جات نهله وقلتلي حبيبي انا لقيت حل لمشكلتنا بس انا خايفه اقولك عليه..... قولتلها لا قولي قلتلي في شيخ بيعالج بكتاب ربنا وكويس صحبتي زينب كانت مش بتخلف ومن تاني جلسه حملت..... رديت عليها وقولتلها اي التخريف ده مش موافق طبعا فضلت تلح عليا ووافقت وقلتلي انا زينب هتروح معاها للشيخ رديت عليها وقولتلها وانا كمان جاي معاكي مش هسيبك تروحي لوحدك.... حددنا ميعاد عند الشيخ والي عرفت ان اسمه الشيخ بركات... اتحركنا قبل الميعاد بساعه ووصلنا لقريه صغيره وبدأنا نسأل عن بيت الشيخ بركات الناس كانت بتقول بيت مولانا بركات وصلنا لبيت كبير في نص البلد.... دخلنا ريحه بخور في كل مكان وراجل دقنه بيضه وطويله ولابس جلباب ابيض وقلنا اتفضلوا ادخلوا دخلنا وقال انا الشيخ بركات وكل حاجه عندي مجابه طلبتكم مجابه..... وقبل ما اتكلم واقول المشكله اتكلم هو وقال مراتك معمول ليها سحر بالربط وده السبب انها مش بتخلف.... رديت عليه وقولتله ومين عامل العمل ده رد وقلي لا الي ستره ربه مفضحهوش انا هخلصك من العمل ده ومراتك هتخلف...... وبدأ يقول بحق سمسائيل وملوك الجن بحق العهد الذي بيني وبينكم اخرجوا من هذا الجسد...... مراتي كانت بتفقد الوعي تدريجي مسك الشيخ كوبايه مياه ورشها علي وشها صرخت وقامت واتعدلت وقعدت بسرعه.... واتكلم الشيخ تاني وقال بريق كامن برهوش بحق هذه الاسماء بحق اللحم والدم والعضم اسقطوا اللعنات الساعة الساعة العجل العجل الاجل الاجل...... النار الي قدام الشيخ عليت جدا وهو قال تاخد مراتك وباذن الله هتحمل.. اخدتها شبه مغمي عليها وقبل ما نتحرك قال استني خد السلسله دي تلبسها ومتفرقهاش وهتحمل بس لو قلعتها كأننا معملناش حاجه..... روحنا البيت وفات اسبوع والدنيا ماشيه عادي لكن في يوم رجعت من بره كنت تعبان ودخلت انام وحلمت حلم غريب شوفت نفسي واقف في فرح كل الي فيه مش بشر اشكالهم صعبه وتخوف وفي الكوشه كاانت قاعده مراتي لكن شكلها كان يخوف عينيه سوده مبستسمه عندها اشبه بانياب وشها مليان عروق سوده وجنبها كائن شيطاني.... بدأت افوق علي حركه جنبي فتحت عينيا ملقتش مراتي جمبي.... قومت وبدأت ادور عليها كانت في الحمام واستنيت لما خرجت لكن الي خرجت مش مراتي نفس الشكل الي شوفته في الكابوس... وقلتلي بصوت غليظ اتجوزتني ليه اتجوزتني ليه...... بدأت اقول اعوذ بالله من الشيطان الرجيم اعوذ بالله من الشيطان الرجيم.... صرخت غمضت عينيا ولقيت نفسي علي السرير ومراتي بتفوقني.... قلتلي مالك في اي قولتلها كابوس كابوس..... بصيت في الساعه كانت 10 الصبح نزلت روحت الشغل وبعد شويه لقيت مراتي بتكلمني وبتقولي انا حامل يا حبيبي الف مبروك.... الفرحة مكنتش سيعاني ولا كنت مصدق... اتصلت بأمي بلغتها وكانت فرحانه جدا وبعد ساعه كنا كلنا في البيت عندي اهلي واهلها والكل فرحان.... ولاول مره اشوف امي بتعامل نهله كويس...... وعدي اليوم والكل مشي وعلي بليل دخلت اخد دش ووقفت قدام المرايا لكن انعكاسي اتغير وبقا نفس الست تاني وقالت انا مش مراتك اتجوزتني ليييييه.... وقعت علي الارض وحاولت اخرج لكن باب الحمام اتفتح ببطئ ولما بصيت كانت الصدمه لاني شوفت...
الباب اتفتح ببطئ والي شوفته كان صادم ليا مراتي بس نسختين طبق الاصل واحده علي باب الحمام وواحده في الطرقه... قمت بسرعه وانا بتسند علي الحيطة مش عارف مين فيهم مراتي.... لكن الي في الطرقه ابتسمت بخبث ابتسامه مرعبه مخيفه..... جريت علي مراتي الي واقفه قدامي والي كانت بتتكلم بس صوتها مش واصلني كأني بقيت اطرش..... اتسندت علي مراتي وخرجت من الحمام تعبان دايخ مش عارف اي بيحصل.... سألتني اي الي حصل قولتلها مش عارف انا بس دوخت.. مرضتش احكيلها حاجه رجعت الاوضه وانا مش فاهم حاجه بس قررت اني لازم ارجع للشيخ بركات اكيد عمل حاجه عشان الي بيحصل ده مش طبيعي.... نمت شويه من التعب ولما قومت جهزت نفسي عشان اروحله..... ركبت العربيه واتحركت علي بيته وصلت ودخلتله بسرعه وبدأت احكيله كل حاجه بتحصل وقولتله انت اكيد عملت حاجه بسبب الكلام الغريب الي انت قولته رد عليا وهو بيتنهد وقال لا يبني انا مش بأذي حد انا بعالج بس ولو حد وصلك الفكره دي فهو غلطان..... رديت عليه وقولتله اومال اي سبب الي بيحصل.. قلي اهدي وهاتلي مراتك عشان نشوف اي المشكله ونعالجها قولتله حاضر..... خرجت من عنده واتصلت بنهله وبلغتها انها تجهز نفسها عديت عليها واتحركنا ورجعنا للشيخ بركات من تانى.... دخلنا وقعدنا معاه وسأل مراتي بتعاني من اي... قلتله بعاني من اي ازاي احنا جايين عشان
