رواية سحر الشك الفصل الثاني 2 بقلم محمود الامين
موضوع الحمل.... الشيخ بصلي وهمسلي وقال اي ده هيا مش عارفه حاجه ازاي..... رديت عليه وقولتله هي مش فاكره حاجه..... طلب من نهله تحط ايديها في طبق ميه كان قدامه وقال بحق هذه الاسماء شمشون وعانق وبطرايوس اخبروني ماذا بها........ وفضل باصص في طبق الميه شويه وبعدها قال يا حفيظ يا ستار خد مراتك وامشي علاجها مش عندي خد مراتك وامشي..... خرجت مراتي بره ورجعتله تانى وقولتله هو فيه اي فهمني اي مخوفك كده.... رد وقال مراتك عليها مارد من مرده الجن ومش هقدر اعالجها..... رديت عليه وقولتله بس انت عندك كرامات ده مراتي حملت بسبب كراماتك.... رد عليا بضحكه مصطنعه هو انت فاكر اني السبب.... علي فكره مراتك حملت قبل تدخل الاسياد... رديت عليه وقولتله يعني اي.... قلي يعني انا مليش علاقة بحمل مراتك ومش هقدر احل المشكله كل الي اقدر اقوله ان الجن ده مسلط على مراتك عشان يأذيها..... قولتله ارجوك اعمل حاجه وانا مستعد ادفعلك الي انت عاوزه عشان خاطر ربنا انا معرفش حد غيرك يعرف يساعدني.......... الراجل بص في الارض وبعدها قال انا هساعدك بس لازم تعرف انك هتفتح علينا كل ابواب جهنم... رديت عليه وقولتله عشان خاطر ربنا اتصرف..... قلي هات مراتك وتعالي ، ونديت عليها ودخلناله مره تاني قالها غمضي عينيكي وقوليلي شايفه اي وحط ايده علي راس مراتي وضغط وضغط..... اتكلمت بصعوبه وقالت شايفه نفسي قدام مقابر كتير بس فيه قبر قدامه جثه متكفنه..... قربي من الجثه ردت وقالت قربت حاولي تكشفي وش الجثه..... مراتي فتحت عينيها وعيطت.... الشيخ قالها شوفتي اي... جثتي قدام القبر جثتي انا.......... طلب الشيخ انها تهدي وجاب قماشه بيضه كبيره وطلب منها تهدي وتغمض وحط القماشه على راسها وغطا وشها وقال بحق ملوك الجن الاربعه والقرابين الاربعه بحق العهد الذي اخذه عليكم سيدنا سليمان بن داوود عليه السلام اتركوا هذا الجسد في التو وفي اللحظه..... مراتي بدأ يطلع منها صوت حشرجة مش طبيعية وبعدها اتكلمت بصوت راجل وقالت مش هخرج مش هسيبها ولو خرجت خروجي يعني موتها فاهم خروجي يعني موتها...... رد عليه الشيخ وهو مهزوز وقاله اخرج يا ملعون اقسم عليك ان تخرج الان اقسم عليك باسم الله الاعظم انت تخرج منها الان.... صرخت والقماشه وقعت نفس الشكل تاني الشكل البشع الي شوفته قبل كده لقتني بقول بتلقائيه
اعوذ بالله من الشيطان الرجيم
بسم الله الرحمن الرحيم
اللَّهُ لَا إِلَٰهَ إِلَّا هُوَ الْحَيُّ الْقَيُّومُ ۚ لَا تَأْخُذُهُ سِنَةٌ وَلَا نَوْمٌ ۚ لَّهُ مَا فِي السَّمَاوَاتِ وَمَا فِي الْأَرْضِ ۗ مَن ذَا الَّذِي يَشْفَعُ عِندَهُ إِلَّا بِإِذْنِهِ ۚ يَعْلَمُ مَا بَيْنَ أَيْدِيهِمْ وَمَا خَلْفَهُمْ ۖ وَلَا يُحِيطُونَ بِشَيْءٍ مِّنْ عِلْمِهِ إِلَّا بِمَا شَاءَ ۚ وَسِعَ كُرْسِيُّهُ السَّمَاوَاتِ وَالْأَرْضَ ۖ وَلَا يَئُودُهُ حِفْظُهُمَا ۚ وَهُوَ الْعَلِيُّ الْعَظِيمُ
صدق الله العظيم
صرخت ولقيت نفسي بتزق بقوه عشر رجاله في بعض ووقعت علي الارض.... وهي فقدت الوعي لما فاقت مكنتش فاكره اي حاجه.... الشيخ طلب مننا ناجي تانى عشان هتحتاج جلسات كتير..... رجعنا البيت واقدر اقول ان الامور هديت خالص وجلسه في التانيه وبدأت مراتي نهله تتحسن....... وعدي 9شهور ونهله خلفت سيف هديه ربنا ليا الي نساني كل حاجه حصلت وكل شئ عانينه منه...... في الوقت ده الاخبار السعيده كانت بتتواله لما مدرسه خاصه كلمتني وقالت انهم عاوزني معاهم وبراتب كويس جدا كنت فرحان لكن المدرسة طلبت مني بعض التحاليل وقالت دي حاجه روتينيه عشان صحه المدرس...... رحت المستشفى وعملت التحاليل وهنا كانت الصدمه....... يتبع
