رواية روح الزين الفصل الرابع 4 بقلم منار جمال
روح بدموع: بابا انت عرفت ازاي اني هنا
+
الحسيني: وياريتني ما عرفت سايب شغلي بسببك واجي الاقيكي قاعده تهزري مع صحابك ولا كأن فيكي حاجه وانتي زي القرده اهوه
1
ياسمين: اهلا بحضرتك يا عمي بس روح وقعت ف الجامعه و ....
+
روح قاطعت كلام ياسمين وقالت: شكرا لوجود حضرتك يباابا واسفه عشان للاسف شغلك اتعطل بسببي واسفه عشان انا ابقي بنتك اصلا
+
سابتوا وجريت علي برا وخبطت ف زين وحست بدوخة جامدة ومبقتش قادرة تقف علي رجليها وسندها زين واخدها مكتبه.
+
روح بدموع وألم وبتتكلم مع نفسها: هو ليه بيكرهني
وقامت تزعق وتصرخ وزين حاول يهديها ومسك إيدها.
+
زين: اهدي يا روح اهدي شششششش انا جنبك اهوه اهدي كل حاجه هتتحل انا معاكي مفيش حاجه هتضايقك تاني
+
روح وهي بتضرب ف زين وبتصرخ :ليه اشمعني انا بيعاملنيي كدا ليه انا عملتلوا ايه ولا ايه ذنبي ف كل الل بيجرالي منو داا
+
زين قلق ع روح اوي وخاف لا يجرالها حابه بسبب الاذي النفسي الل حاصلها دا اخدها من ايدها وقالها
+
زين: تعالي معايا
+
روح بصراخ وسحبت إيدها من إيديه : ابعد عني
+
زين بحنان: متخفيش واهدي والله كل حاجه هتبقي تمام كل حاجه هتتحل ثقي فيا والله العظيم ما هخذلك يلا تعالي معايا
+
روح بحزن: انا تعبت والله تعبت
+
زين بحزن علي حالتها: كل حاجه هتتصلح دلوقتي يلا بيناا
+
روح باستغراب: علي فين
+
زين: هنروح مكان اوعدك مش هتخرجي منو غير وانتي كويسه ومرتاحه
+
روح بخوف واستغرااب: بس انا مينفعش اخرج معاك
+
زين بتفهم: عارف انو غلط وانك مبتخرجيش مع شاب متعرفهوش وعارف انو حرام وعارف كل الل هتقوليه بس انا الدكتور بتاعك اعتبريني الدكتور الل هيعالجك وبس واوعدك مش هتخطي حدودي
+
روح بحيرة: ااا انا مش هينفع ....
+
زين قاطعها : لا هينفع هتركبي العربيه ولا اخلف بوعدي واشيلك واركبك عافيه وغصب عنك
+
روح بعنااد: نعممم انت عبييط يااض
+
زين: عبييط ويااض حاااضر
+
روح قلقت وشافت ف عيونه انو بيتكلم بجد : خلاااص خلااص هركب اهوه
+
زين بابتسامه: حريم متجيش غير بالعين الحمره
+
روح: حريم !!!!! بزمتك انت دكتور
+
زين: والله ع حسب التوقيت الصبح دكتور وبعد الضهر بطل ملاكمه ووانا معاكي ببقي ....
روح بعدم فهم: وانت معايا اي سكت ليه
+
زين بارتباك :مفيش عادي
+
روح: انت تعرفني منين
+
زين بقلق: ها تسمعي لمين حمو بيكا ولا شاكوش ولا اقولك نسمع بحراوي انا وانتي
+
روح ضيقت عيونها بتركيز وهي جمبه: هو انتو كدكاتره يعني بتسمعوا التلوث السمعي دا لا وبحرااااوي كمان انا مش مطمنالك انت دخلت طب ازااي
+
زين بضحك: من الباب
ضحك بصوت عالي وروح فضلت مركزه ف ضحكتوا وهو بينادي عليها مش سامعاه
+
زين: الووو روووح يغيبوبه انتي
+
روح :هاا بتقول اي
+
زين بضحك: لا مفيش اسرحي ف ضحكتي زي ما انتي
+
روح بخجل :لل لل لا انت مش قولت مش هتتخطي حدودك معايا وهتبقي دكتور وبس والا هسيبك وانزل
+
زين: اهربي اهربي حاضر يستي مش هتكلم وحاليا احنا وصلنا للمكان
+
روح بصت حواليها وخافت من المكان كان جميل اووي بحر وسما بس مكان خالي زي جزيره ومفيش حد موجود نهائي وبصت لزين وقالها
+
زين :انزلي
+
روح بخوف: انزل فين بالظبط وايه المكان دا انت عايز مني ايه
+
زين: بقولك انزلي ولا انزلك انا وبعدين مفيش حد هنا ومحدش هينجدك
+
روح بقلق: يعني اي
+
زين بضحك :ههههههه يمجنونه انتي شايفاني سفااح يعني وبعدين قولتلك ثقي فيا ومش هخذلك والله كل الحكايه ان دا المكان الل ببقي فيه دايما طول ماانا مضايق او مخنوق باجي اخرج كل الطاقه السلبيه الل جوايا هنا وبرجع قوي تاني انزلي واصرخي وعيطي واشتكي لربنا زي ما انتي عايزه يلا ولما تحسي انك بقيتي تمام ارجعي اركبي العربيه تاني عشان هنروح مشوار كمان وهيبقي كدا ترجعي روح اقوي من الاول يلا انا همشي شويه عشان مش هقدر اشوفك بتزعقي واسكت هدخل الشاليه دا شايفاه
+
روح: ايوه شايفاه تمام
+
مشي زين وروح فضلت ف العربيه ونزلت ووقفت قدام البحر وسرحت لايام ثانويه عامه
+
___________________________________*فلاش بااااك*
روح كانت المفضله لابوها لحد اولي ثانوي وكانت دايما الحج الحسيني بيدلعها ومش بيرفضلها طلب لحد ما جي ولد من سن روح وحبها وطلب يكلمها ورفضت وقرر ينتقم منها
جاب صورها وكون شات بينو وبين رقم تاني علي اساس انو بيكلم روح وكلام مش كويس بينهم واخد كل دا اسكرينات وبعت الصور لابوها الشركه ورجع ابوها البيت وطلب روح تجيلوا المكتب
+
روح ف المكتب مع والدها: نعم يبابا حضرتك طلبت تشوفني
+
الحسيني من غير رد ضرب روح بالقلم وقعت ف الارض واتصدمت من رد فعل باباها :في ايه يا بابا انا عملت ايه
