رواية احببتها في ابتلائي الفصل الثامن والعشرون 28 بقلم هنا مصطفي
رواية : [ أحببتُها في ابتلائي ] 
.
.{ Chapter 28 } .
بعد يومين
عمر اتصل ب فيروز
عمر : ما شاء الله العشر دقايق بتوعك قلبوا ب ساعة 
فيروز : يا عمر بلبس الكوتشي و نازله اهوو
عمر: شكلي هستنى ساعه كمان ، انجزي يا فيروز الله يرضى عنك المحلات هتقفل
فيروز: خلاص نازله اهو
نزلت و ركبت جنبه العربيه
عمر : حرام عليكي ليه ساعتين بتلبسي
فيروز: الله مانت اللي فاجأتني بعد ما رجعت من الشغل علطول
عمر : هنفخك والله
وصلوا ل محل يشتروا منه عفش البيت
عمر : الركنه هتبقى رمادي غامق
فيروز : لا رمادي فاتح احلي
عمر : يا بنتي الحيطان ...
فيروز قاطعته : الحيطان لونها بريز يا عمر و بعدين الفاتح هيوسع المكان
عمر : خلاص دا حلو محايد مابين الاتنين لا غامق ولا فاتح
فيروز : اه دا حلو
عمر : اه صح انتي عملتي اي ف فستان الفرح؟؟
فيروز : خلص يا عمر يومين و نروح ناخدة ان شاء الله
عمر : ماشي يا حبيبتي
فيروز : البدلة انت لسه ماجبتهاش علفكرا
عمر : هنروح نجيبها بعد ما نخلص
خلصوا و اتحركوا على محل البدل
عمر : دي حلوه؟؟
فيروز : السودة دي احلى
عمر : استني هقيسها
عمر قاسها و خرج
فيروز : ايوا دي احلى بص كدا
و لفته عشان يبص ف المراية
عمر : لا دي احلى فعلا
خلصوا بعد ٤ ساعات بعد ما اشتروا معظم الحاجه اللي محتاجينها و اكسسوارات الفرح بتاعت فيروز و كانوا ف الطريق مروحين
فيروز : اه يا رجلي مش قادره
عمر : أنا حاسس اننا هنتكسح على الفرح
فيروز بصتله : و انا برضو باللي بنعمله دا
فيروز وصلت و طلعت البيت و هي شايله اكياس و دخلت و هي بتعرج
لقت هند و نشوى قاعدين مع علا
فيروز : لا ماهي مش هتبقى تكسيحه و حرقة د.م كمان
و دخلت الاوضه
علا : ثواني هندهلها و جايه
فيروز اترمت على السرير و حطت الحاجات جمبها و هي بتتالم و بتندب : اه يعيني عليكي يا بت يا روزا ، دانتي لسه صغيرة و قمر يا روزا اه يا رجلي ، كان مستخبيلي كل دا فين
علا دخلت و بصتلها ب غضب: اي اللي انتي عملتيه قدامهم دا ؟؟!!
فيروز اتعدلت : عملت ايه ياعني !! اوعي يا ماما تكوني نسيتي اللي حصلنا ما هو لو نسيتي افكرك انا !
علا ب دموع : مانسيتش !! و ولا عمري هنسى يا فيروز !!! بس الناس ف بيتنا
فيروز : أعملهم ايه يعني !
علا : تخرجي دلوقتي يا فيروز تشوفيهم عاوزين أي و تعزميهم على فرحك
فيروز قامت ب عصبيه : نعم اعزم مين يا ماما ، ماما هو انتي كويسه و لا هما عملوا فيكي ايه !! انتي عاوزاني اعزمهم على فرحي !! لا بتهزري اكيد ماما الموضوع دا عمره ما هيحصل هو حضرتك نسيتي عملوا فيا ايه ، بصي الحرق بتاع نشوى لسه معلِم ف جسمي !! انا مستحيل اعزمهم طبعًا !!
علا : يا بنتي منظرنا قدام اهل جوزك ايه و انتي مش عازمه اهل ابوكي !
فيروز غضبت اكتر من كلامها : ليه و هو حضرتك اول مرة تتعرفي على عمر ، عمر مش فارق معاه الموضوع دا زيي بالظبط كفايه اهلك يحضروا
و خرجت بصتلهم ب قرف و نزلت من البيت و هي متعصبه
ركبت العربيه و اتحركت على فيلا عمر و هي بتبكي جامد ، مامتها للأسف مش حاسه بوجعها او هي بتظن دا ، مامتها عايزة تعزمهم بعد كلل اللي عملوه داا ! قد ايه مامتها طيبه بجد ، بس هي ماعشرتهمش زي ما فيروز عاشرتهم ، هي مش فاهماهم ، يا ترا باباها كان جايلها ف الحلم عشان يحظرها من الموقف دا ، ما اكيد اه اومال ايه تاني اللي ممكن يحصل !
وصلت و هي عنيها وارمه من العياط بس اترددت تحكيله بس حسمت أمرها هي لازم تبوح باللي جواها و عمر هو اكتر حد بتثق فيه بعد مامتها
فيروز كلمت عمر
عمر : عامله ايه بعد الاربع ساعات لف
فيروز صوتها كان معيط : عمر انا قدام الفيلا ممكن تطلعلي
عمر قام بسرعه : صوتك ماله انتي كويسه حصلك حاجه !! ، انا طالعلك
عمر قام لبس الكوتسي و خرج لقاها ف العربيه مستنياه و عنيها محمره و وارمه جدا عكس اما كانت معاه
عمر ركب جنبها
عمر : مالك في ايه !
فيروز: ماما مش حاسه بوجعي خالص !!
عمر : اهدي طيب و احكيلي
فيروز حاكتله اللي حصل
بعد ما خلصت قالت : بقالها كذا يوم بتتكلم ف الموضوع دا ، و أنا أقول إنها بتهزر اكييد !! بس طلعت مابتهزرش ! طلعت بتتكلم بجد !! لا و بتزعقلى عشان رفضت !!
عمر : أنا مش فاهم ليه طنط علا تعمل كدا غريبه بصراحه ، بس حاولي تفهمي منها يا فيروز ، حاولي لانها اكيد خايفه عليكي
فيروز : توء انا حاسه ان الموضوع دا وراه حاجه كبيرة اوي لازم اعرفها ، الموضوع مش حكاية انهم ندموا و الكلام الفارغ دا ، في حاجه تانيه
عمر كان حاسس انهم بيخططوا عشان يئذوا فيروز ف حظرها بطريقه غير مباشره : طب خلي بالك بقى و اول اما تعرفي حاجه ماتتصرفيش من دماغك قوليلي
فيروز كانت لسه هترد عليه بس لقت تليفونها بيرن و كانت علا
فيروز فتحت ال speaker و ردت : آلو
علا ببكاء : الحقيني يا فيروز انا فجأة لقيت اتنين دخلوا عليا البيت و انا قاعدة مع نشوى و هند و ربطوني و دخلوا اوضتك خدوا حاجه و نزلوا كلهم بعدها
فيروز دورت العربيه و اتحركت بسرعه : يا نهار اسود طب حضرتك كويسه؟؟
علا : انا كويسه مافييش حاجه
فيروز : طب هما خدوا ايه
علا : خدوا cd ، و ظرفين وفلاشة و نزلوا كلهم
فيروز غمضت عنيها ب غضب هي تقريبًا فهمت هما خدوا ايه : طب انا جايه يا ماما
وقفلت معاها
عمر : خدوا ايه
فيروز : لما اروح هتأكد من اللي ف دماغي
وصلوا و طلعت فيروز مع عمر
و دخلوا الشقة لقو علا بتعيط
فيروز : اهدي يا ماما مافيش حاجه
علا : طب هما خدوا ايه؟؟
فيروز : هخش اشوف
و دخل عمر مع فيروز لقو الدولاب مفتوح و الدرفه السرية مفتوحه و الخزنه مكسورة
فيروز بصت جوا الخزنه لقت عقود ملكيتها ل ممتلكات والدها مش موجودة و فلاشه و cd كان عليهم ....... مش موجودين
فيروز رزعت ب ايدها على الدولاب ب غضب جحيمي
عمر : خدوا كل حاجه !
فيروز بصتله ب عيون سودة من كتر الغضب : ايوا كل حاجه
علا : هيا اي الحاجه دي يا فيروز
فيروز كانت هترد بس لاحظت ورقه مرميه جمبها و راحت فتحتها
و كان محتواها : مساء الخير يا دكتورة ، معلش بقى جيينا منغير ميعاد ، المهم انتى طلعتى ذكية قلشتينا اول ما دخلتى ، بس امك طيبه اوي ب امانه ، الحاجه معانا ريحى دماغك مش هتوصلي ل حاجه منهم عشان مائذيكيش انتي او اي حد من حبايبك ، سلام يا قطة
فيروز كرمشت الورقه بعصبيه
و بصت ل علا : قولتلك جايين عشان حاجه تانيه مش علشان بقوا كويسين !!
عمر : هتعملي ايه
فيروز خرجت تليفونها و اتصلت بالمجهول
فيروز : فارس عاوزة اقابلك ضروري ف مكانا
فارس : عُلم و ينفذ يا ريسه
و قفلت
عمر: فارس ايه علاقته !
فيروز : فارس دراعي اليمين عندهم يا عمر
عمر : لا فاهميني بالراحه كدا .
فيروز : فالطريق يلا يا ماما انزلي معايا عند مريم
علا : مش هسيبك انا السبب
فيروز حضنتها : لا مافيش حاجه يا ماما المهم انك كويسه ، اي حاجه تانية ليها حل .
علا نزلت عند ثريا و مريم
وعمر و فيروز اتحركوا
عمر : صبرت اهو يلا فاهميني و ليه ماقولتوليش
فيروز كانت سايقه : حياتك كانت هتبقى ف خطر انا عرفت فارس من ٥ سنين كان هو اللي بينقلي الاخبار من الشركه لحد عندي لانه كان شغال معاهم بقاله كتير من امريكا كان بينزل منغير ما يعرف حد و يقعد ف مكان معين كدا هنروحه اهو
عمر سكت
فيروز حست انه زعلان و مسكت ايده و ابتسمت : كل دا عشان ماتتئذيش كنت كل مره بكون هاقولك فيها بوقف نفسي ، ماتزعلش مني
عمر : ماشي
فيروز : خلاص بقى يا أبو حياة
عمر ضحك : خلاص مش زعلان
وصلوا شقه ف مكان مهجور
و نزلوا
عمر : انتي خطفاني يا بت انتي
فيروز اه خطفاك تعالي بقى
شدت ايده و دخلت
لقت فارس قاعد مستنيهم
فارس : مسا مسا يا ريسه ، اي دا عمر !!
عمر ابتسمله ابتسامه صفرا : ايوا عمر
فارس : ماتزعلش يا ابو الصحاب والله كل دا عشان ماتدخلش معانا الدوامه السودا دي
عمر : لا اتحايل عليا شويه
فارس ضحك : عشان خاطري يا عمر بيه الشافعي سامحني ماتجلدنيش وحياة فيروز
فيروز : اقعدوا أنتوا هزروا كدا لحد ما نروح ف داهية كلنا ان شاء الله
فارس: يلاهوي على طاقتك الايجابيه يا ريسه
فيروز : دلوقتي كل المستندات و الأوراق بتاعت ملكيتي ل أملاك بابا اتسرقت بس المشكله مش ف كدا المشكلة انهم سرقوا دليل ادانتهم عرفوا ازاى انه معايا ماعرفش !
فارس : يومين و المعلومات كلها تكون عندك يا فيروز ، بس هما عرفوا ازاي المكان اللي شايله فيه الحاجه !!
فيروز : يا اما متراقبين يا اما ... يا اما في خاين يا فارس و انت عارف تمن الخيانه عندي ايه ! عمومآ سيبلي أنا موضوع هما عرفوا منين دا هعرفوا لوحدي المهم بس تعرف الورق و الفلاشه و cd خدوه فين و تجبهوملي طبعا كل دا و انت واخد حظرك
فارس : زي الفل هيحصل ان شاء الله
فيروز : يلا اختفي انت بقى و خلي بالك على نفسك .
فارس : ان شاء الله
فارس ف ثانيه كان لبس ماسك اسود مداري وشه و ركب موتوسيكل و اختفى
عمر و فيروز ركبوا العربيه
عمر: الواد فارس دا طلع خبيث مايه من تحت تبن
فيروز بصتله : انت لسه شوفت حاجه
و كملت ب توعد : ساعة الصفر دقت خلاص أنتو ضايقتوني يبقى تستحملوا بقى .
