رواية احببتها في ابتلائي الفصل التاسع والعشرون 29 بقلم هنا مصطفي
رواية : [ أحببتُها في ابتلائي ] 
.
.{ Chapter 29 } قبل الأخير
بعد ٣ ايام
فيروز : الو يا فارس
فارس : صباح الخير يا فيروز
فيروز ب نعاس : صباح النور
فارس : بقولك انا عرفت حاجات كتير اوي مهمة نتقابل امتى انهاردة
فيروز : على ٧ بليل كدا عشان انا و عمر هننزل نجيب بقيت الحاجه الناقصة
فارس : تمام ان شاء الله
فيروز قامت لبست هدومها الخروج و خرجت قعدت مع مامتها و بعدها نزلت مع عمر و بعدها راحوا ل فارس
في كافيه
دخل عمر و فيروز و قعدوا
فيروز : خير
فارس : النسور بتطير حوالينا
عمر : ازاي !!
فارس : ف اي حتى بتعتبوها ، و ناويين يهجموا على فريستهم ف أقرب وقت ، بعد ما لقوا عشهم و بقو متطمنين
فيروز : و الأمانة فين ؟؟
فارس : ف عشهم اصلهم بيعزوها اوي ، العصفورة ما عرفتش تطير تجيبهم ، العش متروس دايمآ نسور ، بس لازم العصفورة تجيبه بسرعه لأنهم هيغايروا مكان عشهم و هيسافروا .
عمر : و ازاي العصفورة هتجبهم و العش متروس نسور !
فارس : لا ماهو ف وقت كدا بيبقوا بيجهزوا فيه ل لسفارهم برا العش
فيروز : تمام ، سلملي على العصفورة بقى
فارس : يوصل يا ريسه
و مشيت مع عمر
ف الطريق
عمر: مين العصفورة
فيروز : خالد
عمر: اييه !! و هو مش ممكن يخونك ! و يروح يقولهم
فيروز : لااا ، دا هوا اللي ساعدني اهرب انت نسيت
عمر : اه صح لما حطلهم منوم عشان تهربي و كان بيبوظ دايمًا كتب الكتاب بتاعكوا 
فيروز : الواد دا جدع اوي بصراحه ، مش زي باباه و مامته خالص .
عمر : هتعملى ايه
فيروز : بص بقى احناا ........
بعد يومين
الساعة ١٢ بليل خرجت من الاوضه و هي لابسه اسود ف اسود و مداريه وشها ب اسكارف و خرجت و هي بتتسحب و اتاكدت ان مامتها نايمه و نزلت بسرعه
و نزلت ركبت جمب عمر
فيروز : مسا الفل باشا
عمر : عربجيه اقسم بالله ، دا منظر واحدة فرحها كمان شهر و نص ايه السواد دا
ايه السواد دا فيروز : طب هعديهالك بمزاجي أنجز عشان ماما ماتصحاش و انا مش موجودة
وصلوا عند فارس و ركب ورا
فارس : اي كل دا تأخير !
عمر : معلش كنا بنتناقش هنعمل سيراميك الحمام اسود ولا رمادي
فيروز : اسود طبعا يا عمر
عمر: ليه يا ماما السواد دا
فيروز :لا يا عمر الاسود هيبقى احلي
فارس : لا انا شايف بمبي مسخسخ هيبقى واو بجد
فيروز و عمر لفوا و بصوله ب توعد
فارس : يعني احنا دلوقتي ممكن نروح ف كلابوش صح ، و انتو بتناقشوا هتعملو السيراميك اسود ولا رمادي
فيروز : لو سمحت سيراميك الحمام حدد كلامك
فارس : اومال انا و البت ريم الغلبانه دي مابنكلمش ف حاجه خالص ليه
فيروز : ريم اصلا رغايه شوية و هتاخد عليك
وصلو المكان و نزلوا
فيروز بصت للفيلا : يا تخيلوا لما الجعان يشبع هيعمل ايه
عمر : اهدي يا وحش
وصلوا عند سور الفيلا اللي كان مكسور منه حتى و خالد طبعا هو اللي بعت حد عمل كدا
فيروز : هانطلع ازاي دا كدا و عالي برضو !
عمر : هنشبك ل بعض تقريبا
فارس : استعنا على الشقا بالله
وكلهم طلعوا بعد معاناه و اترموا على الارض
فيروز : منكوا لله على الفرهدة اللي احنا فيها دي إلهي يارب تفرهضوا يا بُعدا
عمر : تقريبا انا ضهري اتكسر
فارس : انا ذنبي ايه يا عمر تقع على رجلي
عمر : ادي الله و ادي حكمته اعترض بقى
فيروز : هششش
فيروز سكتتهم لما سمعوا صوت خطوات حد قاموا و رفعوا الاسكارف على وشهم و اتحركوا بسرعه
لقوا حد ماشي و كان من الحراس
فيروز همست ب ضيق : انت مش قولت مافيش حد هِنا و الحراس مشيو يا فارس !
فارس : مشيوا والله بس رجعوا تاني ليه !
عمر : في حاجه مش مظبوطة
فيروز : هنكمل الخطة زي ماهيه ، و اللي يحصل يحصل
و دخلوا من باب المطبخ اللي ورا لقو البيت مضلم خالص
كانوا ماشيين ورا بعض لحد ما طلعو اوضه هند
دخلوا و فتحوا الدولاب و عمر فتح الخزنه اللي فيها الحاجه و خدوها حطوها ف شنطه و لسه هينزلوا لقو الباب بيتفتح و دخلوا نشوى و هند
هند : عارفاكي مش هتسكتي يا فيييروز !!
فيروز : كويس انك عارفه يا حلوة .. انا اللي بياخد مني حاجه ماتخصوش ، بزعله
نشوى شاورت للحراس : امسكوهم !!
فيروز ف لحظه شدت هند و حطت المسد.س على رأسها: بصو بقى انا لسه عايشه انا و عمر فيلم اكشن من كام يوم إنما اي عسل ! ف انجزوا كدا عشان هنمشي بالذوق بالعافية هنمشي ف خدوها من قصرها و مشونا
عمر : انجزي يا مدام هند مش فاضيينلك !!
فارس : مشي الحراس !
نشوى : لا !!
عمر : تسمحيلي يا فيروز
فيروز : لا خد راحتك عادي
عمر مسكها من شعرها : بقولك ايه يا وليه انتي انا مستحملك من اول يوم خطوبه و انتي حيزبونه كدا ، انجزي و مشيهم و الا هتصرف تصرف هيزعلك !!!
نشوى وجهت كلامها للحراس : امشوا امشوا !!! و بعدين بصت ل فيروز : وانتوا كمان امشوا بقااا
فارس اتريق : نمشي كدا عادي ، بس مش من الأصول كنا ندخل ادينا فاضيه كدا يا جماعه !!
عمر : المرا الجايه دا لو فيه ، هنبقى نجيبلهم بوكيه ورد و كيلو ليمون يعملوه عصير يهدوا بيه اعصابهم
فيروز : مين قال اننا جايين ايدينا فاضيه !! فاضل حبه كدا و المفاجاه هتوصل .
هند : هو انتي نسيتيني تحت مسد.سك !!
فيروز : اه صح اترمي هناك جمبها
و زقتها وقعت جمب نشوى
فيروز شمرت الكم بتاع بلوزتها : بقولكوا ايه أنتوا عارفين طبعا اني دكتورة و كمان كنت بتدرب رياضه قتاليه ، هوريكوا بقا حاجه حلوة جدا ، ضرب بيوجع بس مابيعلمش جديدة دي صح !
و ضربتهم بكل قسوة حست انها بتخلص عقدة الماضي هي كانت تعبانه و دلوقتي هيا ارتاحت
عمر شدها : خلاص بقى كفاية !!
فيروز هديت و ساعتها سمعت صوت عربيه البوليس
فيروز : التهمه صفقات مشبو.هه ملفاتها هِنا و كمان فلاشه ادانتكم سبتها اصل كل دا كان تمويه يا حبايبي يلا تشاو اقابلكم ف السجن
فارس : ماتخافوش هنجيبلكم عيش و حلاوة
و نزلوا وخرجوا و البوليس قبض عليهم
ركبوا العربيه و هما مفرهدين
فيروز : انا مش عارفه اقولكوا ايه شكرا بجد
فارس : العفو على ايه بس ياريت ونبي تروحوني للست الوالدة عشان هي مستنياني ماتنسوش السيراميك بمبي مسخسخ هاا
ماتنسوش السيراميك بمبي مسخسخ هاا عمر : لا مش هننسى طبعا
فيروز : آه صح ماما زمانها ممكن تكون صحيت الساعه ٢ يارب تكون لسه نايمه
عمر وصل فارس و بعدها وصل فيروز اللي شكرته تاني
تاني يوم الصبح
علا صحت و كانت بتقلب ف التليفزيون لقت خبر القبض على هند و نشوى العامري
علا بعلو صوتها : فيرووووز !!!!
فيروز اتسرعت و طلعت لقت مامتها بصلها بغضب : ايه يا علاعيلو مالك
علا : انتي برضو نفذتي اللي ف دماغك !!
فيروز : ايوا يا ماما .
علا : ليه انا خفت يحصلك حاجه
فيروز : و ربنا ستر ، انا كان معايا عمر و فارس بس دا كان لازم يحصل يا ماما !
علا : هوفف عليكي دماغك ناشفه و عنديه !!
فيروز باستها من خدها : خلاص بقا يا لولو ، ماتزعليش مني مش هاعمل حاجه تاني تضايقك
علا بصتلها ب تردد
فيروز باستها تاني : خلاص يا لولو اسفه
علا حضنتها : مش زعلانة خلاص
...............
بعد شهرين
يوم فرح عمر و فيروز
فيروز صحيت من النوم بخضه على صوت زغاريط ماليه البيت اتعدلت و هي بتسوعب هما مين دول اصلا
علا : صباح الفل يا قمر
فيروز : أنتو مين
علا : انجزي يا بت لازم ننزل بسرعه قومي كدا
فيروز : هي الساعه كام
علا : تسعه الصبح يلا قومي
فيروز : حاضر قامت و غسلت وشها و هي بتستوعب هيا هتتجوزة انهاردة !! يعني دا مش حلم لا دي حقيقه هي اتمنتها ، ابتسمت ب حب و طلعت فتحت باب الشقه اللي خبط لقت مريم و ريم
مريم: صباح العسل يا عروسه
ريم: صباح الخير يا روزا
فيروز : صباح الفل يا بنات تعالوا
و فطروا و بعدها اتحركوا و راحوا الفندق اللي فيه القاعه
و جهزوا وسط مرحهم
و جه ال first look
عمر اول اما شافها اتصدم من رقتها و فستانها الهادي و الميكب الرقيق اللي اكنها مش حاطاه
عمر : يلاهوي على القمر ما شاء الله ، علفكرا بحبك اوي
فيروز ضحكتله ب كسوف شديد : انت كمان شكلك حلو ما شاء الله ، و أنا كمان بحبك
عمر : ما تقوليها تاني كدا
فيروز : لا مره كفايه
عمر ضحك و باس راسها
و دخلوا الفرح اللي كان مليان حب و مرح
رقصوا سلو و فيروز همست : شكرا انك دايما معايا شكرا انك عمرك ما سيبتني شكرا انك كنت ليا ضهر و سند بحبك اوي
عمر : و انا بحبك اكتر يا حبيبتي ربنا يخليكي ليا يارب
.
قد ايه هما تعبوا عشان يوصلوا للحظه دي عافروا كتيييير عشان يبقو مع بعض ماستسلموش للظروف اللي كانت بتقت.لهم لا هما تحدوها و دا خلاهم يبقوا متمسكين ببعض اكتر و اكتر لحد ما فعلا بقو مع بعض
.................
" مِن يوم مَا جَت عيونه فِ عينيا ♡ . "
" و شُوفت ضحكته الجَميلة ديَا ♡ . "
" بَحلم ب يوم مَا يبقى ليا و أبقى لِيه ♡ . "
" و أصحى الاقي حَبيبى حَواليا ♡ . "
" وَ ادي ♡ . "
" اللي فِ خَيالي بيحصل قُصادي ♡ ."
" حَبيبى جَمبي فِ حُضني الليلة دي ♡ . "
" والله و بَقيت معااه ♡ . "
" نَادى ♡ . "
" الفَرح جمعنا بالحُب ♡ . "
" نَادى ♡ . "
" أنا و حَبيبى و تالتنا السعادة ♡ . "
" و الحِلم فَسرناه ♡♡ .
