رواية احببتها في ابتلائي الفصل السابع والعشرون 27 بقلم هنا مصطفي
رواية : [ أحببتُها في ابتلائي ] 
.
.{ Chapter 27 } .
بعد شهر
فيروز كانت نايمه و بتحلم ب حامد
حامد كان جايلها ف الحلم لابس ابيض و هو ف مكان ابيض و فيروز معاه لابسة ابيض برضو بس صدره مليان د.م بس مبتسملها و قرب منها
حامد : فيروز
فيروز : بابا ! ليه سبتني بعد ما قولت انك خلاص هتبقى اب ليا !!
حامد : مش ب ايدي يا حبيبتي دا تخليص لكل حاجه وحشه عملتها كان لازم يحصلي كدا ، انا حقى كدا كدا هيتاخد ، بس اوعاكي تأمني لحد منهم ، عيشي حياتك مع عمر و افرحي و خليكي فاكرة اني دايمًا معاكي حتى لو مش قدامك خلى بالك على نفسك .
و بدأ يمشي واحدة واحدة لحد ما اختفي و فيروز عماله تنده عليه .
فيروز صحيت من النوم مفزوعه و بتتنفس بسرعه و قامت اتعدلت و هي بتقول : بسم الله الرحمن الرحيم ، لا اله الا الله .
و قامت لبست هدومها الخروج و هي عقلها مشغول بالحلم اللي حلمته هل دي إشارة ولا اي .
وخرجت من اوضتها
فيروز : صباح الفل يا لولو
علا : صباح النور يا قلبي
فيروز قعدت جنبها على السفره عشان يفطروا
علا : راحه فين على الصبح كدا ؟؟
فيروز : راحه عند سعيد السج'ن زيارة و بعدها طالعه على الشغل
علا اتصدمت : نعم ، لييه !
فيروز قامت من على الاكل : لازم اصفي الحسابات اللي بينا ، لازم اقفل الأبواب المفتوحلي بالضبه و المفتاح يا ماما عشان نخلص و نرتاح بقى .
و دخلت تغسل ايدها
علا علت صوتها: و انا اي يضمنلي مايئذكيش يا فالحه !
فيروز خرجت و مسكت شنطتها: يعني هو ب جلالة قدرة محبوس ف السج'ن و حالته نيله ، هيعملي اي و هو محبو.س يا ماما ، ماتخافيش انا مايتخافش عليا على رأي الواد عمر 
علا : طب خدي عمر معاكي
فيروز : يا ماما لا مش هتعبه معايا أنا مش هكمل عشر دقايق عنده و هامشي علطول
علا اتنهدت: ماشي يا فيروز ابقى طمنيني بس .
فيروز باست راسها و نزلت من الشقة
ركبت العربيه و اتحركت
وصلت و دخلت و لقت خالد قاعد مع سعيد
فيروز بصتلهم و قعدت
خالد : ازيك يا فيروز
فيروز : الحمدالله
سعيد رفع عينه اللي كان محمرة جدا : فيروز
فيروز : عاوز ايه و ياريت بسرعه عشان عندي شغل
سعيد : سامحيني يا فيروز
فيروز بسخرية : انت كويس !! هما كشفولك على قواك العقليه لسه بخير و لا ايه ! اسامح مين بس .. هأ انت غريب اوي علفكرا !!
سعيد : انا اتحكم عليا بالإعد.ام !! حق ابوكي هيتاخد خلاص !
فيروز نفخت و هي بتحاول تتحكم ف غضبها اللي بدأ يفلت منها : لا ماهو مش حكاية بابا بس ! حكاية انك انت السبب ف كل اللي حصل !! انت اللي كنت بتسخنهم عليا !! عشان امي ماحبتكش !! و اتجوزت بابا !! لا ماتتصدمش كدا انا عارفه من زمان اوي بس كنت ساكته عشان بيت ماما و بابا مايتخربش بس لما اتطلقوا و عشت مع بابا ، عرفت انك بتنتقم من ماما فيا و عرفت انك انت اللي خليت بابا يط.عن ماما عشان يموتها لما قعدت تبخ الس.م ف ودانه !! انت شي.طان على هيئة إنسان !! من ناحية اني مسامحاك ف انا مسامحاك ف اللي يخصني بس مش هنسى ، يمكن يخفف شوية من ذنوبك المتلتله على دماغك دي !
سعيد : شكرا يا فيروز و اسف تاني مرة
فيروز بصتله ب قرف و ماردتش عليه و مشيت من قدامه
خرجت ركبت عربيتها و قعدت ثواني ساكته و اتحركت راحت و اشترت ورد ف قصرية و اتجهت على مدفن والدها
دخلت و وقفت قدام القبر و قلعت نضارة الشمس
و حطت الحاجه
فيروز : ازيك عامل ايه ، انا مش كويسه خالص علفكرا ! بس مش مهم انا ، حقك جه بعد سنه من وفاتك تصدق حستهم اكنهم شهر مش سنه ، اتحكم على سعيد ب الاعدا.م عاوزاك ترتاح بقى ، انت حاولت تتغير ف الاخر و دي احسن و آخر حاجه عملتها .
ابتسمت ب وجع : مع السلامه
و خرجت من المدفن و اتحركت و هي ماشيه ف الطريق لقت عمر بيكلمها : فيروز عامله ايه انتي كويسه ؟؟
فيروز ضحكت بس صوتها ماكانش طبيعي : اكنك حاسس بيا .
عمر : صوتك ماله ؟؟ هو أنتي برا صح ؟؟
فيروز : ايوا برا
عمر : طب فيه ايه مالك ؟؟
فيروز : أصله ....
و حكتله على الحلم اللي حلمته و اللي حصل مع سعيد
عمر : حقه رجع يا حبيبتي خلاص انسي و بصي للجي اهتمي بحياتك و بشغلك ، انسي عشان تعيشي ، و أنا دايمًا معاكى و مش هسيبك مهما حصل
فيروز : الحمدالله ، بس الموضوع صعب انه الواحد ينسي بصراحه
عمر : واحدة واحدة كل حاجه هتتنسي .
فيروز : ان شاء الله ، أنت هترجع اسكندرية؟؟
عمر : لا مش هرجع انا بظبط الفيلا اللي هنتجوز فيها اللي هتبقى هِنا و مش هعرف ارجع
فيروز : تمام ، هوا البنات عملوا ايه لما رجعوا من السفر و عرفتهم ان فريدة كدا و اتقبض عليها؟؟
عمر : نيرة انهارت خالص بس رهف كانت عادي اللي حدٍ ما ، بس رضيوا بالامر الواقع ، هي كدا كدا وجودها زي عدمه ، ف مش فارقه معاهم اصلا .
فيروز : ربنا يعينهم يارب
عمر: الواد حازم متقدم ل رهف مش عارف أوافق و لا ارفضه
فيروز ضحكت بهستيريه : دا صاحبك
عمر : ما اهو عشان صاحبي هرفضه
فيروز : شوفها هيا عاوزة ايه و قرر
عمر : هي موافقه بس سيبالي الرأي
فيروز : خلاص طلاما هوا كويس ، يبقى تمام وافق و يتجوزوا لما تتخرج
عمر : و نيرة
فيروز : متقدملها عريس؟؟
عمر : اه ياسر اخو مريم انا شافها ف خطوبة مريم و قاسم
فيروز : ياسر انسان كويس جدا متربي معانا ، محترم و راجل و هيصونها بس ف الاول و والاخر القرار قرارك انت و هيا
عمر : حسيته مؤدب و كويس ربنا يقدم اللي فيه الخير
فيروز : ان شاء الله
ف الوقت دا دخلت الينور و اخدت التليفون من عمر
الينور : يا روزا وحشاني
فيروز : ايلي وحشاني عامله ايه
الينور : الحمدالله زي الفُل هنشوفك امتي
فيروز : مش عارفه والله اصله انا قاعدة ف المستشفى عماله اقول ل دكتور معتز يديني اجازة عشان بجهز للفرح اللي كمان ٤ شهور دا بيقولي لسه بدري المرضى اهم
كارم سمعها لأنه الينور فاتحه ال speaker: ازيك يا فيروز روحيله و لو ماقتنعش ، هقنعهولك ، انا انهاردة رايحله
فيروز : ازيك يا دكتور ، اتوسطلي عنده بقى هو صاحبك
كارم : ماتقلقيش يا عروسة
فيروز وصلت المستشفي و دخلت ل دكتور معتز
فيروز : يا دكتور
معتز : مافيش اجازة غير على الفرح
فيروز : يااا دايمًا فاهمني صح كدا
معتز : بس يا بلوة
فيروز : ربنا يسامحك يا دكتور دا انا حتى عروسة يعني ! انا راحه اشوف شغلي
انا راحه اشوف شغلي و خرجت و قابلت معتصم
معتصم : صباح الخير يا دكتورة
فيروز : صباح النور يا دكتور
معتصم : انا جاي اعزمك على فرحي كمان اسبوعين ان شاء الله
فيروز: الف مبروك ، بس غريبة انه فارس وافق علطول كدا
معتصم : لا دا طلع عيني بقالي سنتين عاوز اتجوز أمنية و هو يقولي بعد دراستها
فيروز ابتسمت : مبروك ربنا يكملكوا فرحتكم على خير يارب
معتصم : يارب عقبال فرحك يا دكتورة ان شاء الله
فيروز: ان شاء الله
_______________
في فيلا المنياوي
ريم كانت عماله تتنطط ف انهاردة يوم تخرجها
لبست و جهزت .. لبست سوت سودة واسعه و سيبت شعرها و حطت ميكب خفيف
بصت للدبله اللي ف ايدها و ابتسمت قد ايه هي حبت فارس ، فارس اللي حبها حب صادق و غيرها للأحسن ف هي حاسه ب انها مخطوبه لأحسن شخص رأته .
قارس بعتله message: انا وصلت يا حبيبتي خلصتي؟؟
ريم: خرجالك يا حبيبي
و خرجتله فعلا و اتحركوا على حفله تخرجها هيا و أمنية
_____________
بعد شهر
يوم خطوبة رهف و نيرة
ف أوضة نيرة و رهف
دخلوا فيروز و أمنية و مريم و ريم
أمنية: ماشاءالله
فيروز : ربنا يحفظكوا يارب
رهف : شكلي حلو يا فيروز؟؟
فيروز : قمر يا روحي بس دخلي شعرك جوا الطرحه عشان عمر و حازم و قاسم مايزعلوكيش
رهف : اه صح فكرتيني
نيرة : و انا يا روزا؟؟
فيروز : عسولة يا حبيبتي ما شاء الله
نيرة : حتى توأم يوم خطوبتنا يا رهف
رهف : و هنفضل طول عمرنا مع بعض
الينور دخلت الاوضه
فيروز : اديلو يا الينور اي الحلاوة دي ما شاء الله و انا اللي عماله اقول الواد عمر دا طالع قمر و اجنبي كدا لمين
الينور حضنتها : والله انتي اللي حلوة يا فيروز
خلصوا و كارم اخد البنات و نزلوا على تحت و قعدوا ف و لبسوا الدبل
_________
عند ياسر و نيرة
ياسر : مبروك يا نيرو
نيرة: الله يبارك فيك
ياسر : اوعدك أنى هسعدك دايمًا ان شاء الله
نيرة ابتسمتله ب خجل : ان شاء الله
_________
عند حازم و رهف
حازم : أخيرًا دا اخوكي عمر دا طلع عيني مع أنو صاحبي يعني
رهف : ما هو عشان انت صاحبوا طلع عينك
حازم : مبروك يا حبيبتى
رهف ضحكت : الله يبارك فيك
________
عند عمر و فيروز
عمر: حاسس انه بقالنا كتيير اوي مخطوبين
فيروز : لا هي سنه بس
عمر : و السنه اللي قبليها دي ايه
فيروز : كانت تعارف
عمر : استظرفي ياختي
