رواية عشق لا يقبل التحدي الفصل التاسع عشر19 بقلم سعاد محمد
عادت لمار وهى حزينه على عابد بعد صد والدها له وكذلك حالة الضعف التى رأت سلمى عليها الى الفيلا بعد أن اوصلها عابد وغادر لتجد ساهر يجلس بالحديقة بالمكان الذى دائما تجلس به وبجواره صندوق مغطى فزاد عندها الفضول لمعرفة ما بهذا الصندوق ورجحت أن يكون مقلب منه ردا على مقالبها معه التى دائما ما تفوز عليه بها
لتحدث نفسها مع أن مزاجى سىء بس مافيش مانع ارخم على الغبى دا يمكن يفرج عنى شويه
فذهبت إليه وتقول بسخرية إنت صايع معندكش شغل قاعد فى الشمس تاخد حمام شمس علشان تاخد اللون البرونزي إلى بيطلعوا بيه الابطال فى الأفلام الهندى
ليقول بسخرية وحضرتك بتحبى الافلام الهندي علشان لون جلدهم البرونزى
لتقول لمار لأ طبعا مش كلهم فيه منهم بحبه وفيه بحس أنه دهان ومش لايق عليه زيك كده بيبقى لطخ
ليرد بغضب ل إيه
لترد بتأكيد لطخ
ليقف بغضب ويقول تعرفى إنى لو مش متربى كنت عملت فيكى ايه إلى واقف قدامك دا بيوقف مينا بورسعيد على رجل
لترد بسخرية هو مينا دا مش موحد القطرين وكمان وقف بورسعيد على رجل والله الفراعنه دول كانوا خارقين
ليرد بغضب والله إنت مخك ولسانك خارقين
لترد عليه شكرا على المجاملة الرقيقة منك
ليردبغيظ مجاملة ايه يا غبيه دا أنا بتريق على غبائك
لتنظر إليه بغضب وتقول تصدق أنى غلطانه إنى واقفه مع واحد لطخ زيك
ليقول بغيظ لسانك الطويل دا فى مره هقطعه واعيشك خارسه وتشاورى
لتقول بغضب مين إلى تعيشها خارسه وتشاور دا كنت اعيشك فى الإنعاش دا أن عشت أصلا
ليقول ساهر تصدقى إنى كنت غلطان لما جبتلك هديه
لتنظر إليه نظره وديعه بجد إنت جبتلى هديه
ليقول دا كان قبل لسانك الاذع ما يبخ سمه
لتقول بوداعه أيه دا أنت زعلت منى دا كنت بهزر معاك دا حتى إنت ابن عم ابويا يعنى فى مقام عمى
ليقول ساهر مقام عمك دا انت جيتى تكحليها عميتها
لتقول له بزهق انت قولت إنك جبتلى هديه أعطيها لى ولخص
ليقول وهو يضحك مع إنك متستحقيهاش بس خلينى العاقل خدى الهديه
ليعطيها لها
لتضعها على الطاولة وتفتحها لتفجأ بقطه صغيره
لتقول بتعجب دى قطه انت بتهادينى بقطه
ليقول بسخرية أما أحب اهادى نمره اهديها بايه أكيد مش ههاديها بكلب لازم تكون حاجه من فصيلتها
لتقول بغضب فصلوا رأسك الغبى عن جسمك
لتحمل القطه وتقول له انت عارف ان اكتر حيوانات أنا بكرهه هى القطط وبحب اضربهم لترميه بالقطه وتقول خد اديها للى فى المطبخ يدبحوها ويعملوا عليها ملوخية وتتركه وتتجه إلى الداخل ليستغرب من كرهها للقطط ويقول اظاهر أن أبناء الفصيلة الواحده بيكرهوا بعض
💥💨💥💨💥💨💥💨💥💫
دخل إلى مكتبه بالشركة فى كامل غضبه من رفض والد سلمى التحدث معها
ليأمر مديرة مكتبه إلغاء كل المواعيد المحددة
ويقول بقوه أنا عايز الأستاذ عارف
يكون موجود فى مكتبى خلال ساعة
***
فى المساء عاد إلى الفيلا لتستقبله غاده وتقول بسخرية سمعت ان حبيبة القلب رجعت ياترى بعتتلك خبر ولا كالعاده انت آخر واحد فى حسابتها
ليرد بهدوء لأ للأسف أنا أخر واحد فى حسابتها زيك بالظبط ما إنت جوزك وولادك آخر حساباتك أهم حاجه المظهر الاجتماعي ونظهر على أننا أسعد أسره ومش مهم الجحيم إلى عيشينه طالما مخفي ومش ظاهر للناس
انت عارفه أيه عن مشاعر واحد فينا الوحيده إلى هربت من جحيمك هى رحيل ولو مش أنا ساعدتها كان زمانها اكتر مننا كارهه حياتها
حتى منتصر برغم وجود بنته جنبه بس مش قادر ينسى الماضي ولا يتأقلم مع الحاضر وبابا إلى بتلوميه على غلطه زمان كان إنت السبب فيها بتجاهلك لمشاعره كان بشوية اهتمام قدرتى تكسبيه إنما ازاى غاده هانم هى الصح هى إلى قديسه مش بتغلط
أنت عارفه أيه سبب تمسكى بسلمى غير حبي لهاطبعا رغم أنها دايما أنا آخر حسابتها أنها اتربت على التضحية بسعادتها علشان غيرها ومتأكد إنى اما اتجوزتها هكون سعيد وعارف أنها ممكن تضحي بسعادتها علشان سعادتى
لترد غاده بغضب مشتعل وهى تضحك وتقول إنت بتقول تضحى بسعادتها علشان سعادتك وهى هجرتك ومعرفتكش مكانها
ليرد عابد بقوه أنا متأكد وعندى يقين أن سلمى فى سر هى مخبياه ومش عايزانى اعرفه وعلشان كده هى اختارت البعد وأنا متأكد ان ممكن يكون لك دخل ببعدها بس أنا عمرى ما هتخلى عنها وهفضل احارب حتى قلبها ومتأكد إنى هتنصر وساعتها هى بنفسها إلى هتختارنى وتعرف أن سعادتى فى قربها هى وبس
ليتركها ويصعد لغرفته وسط بركانها المشتعل التى تعد باحراقها قبل أن تصبح إبنة صفاء سيدة هذا المنزل
💥💨💥💨💥💨💥💨💥💫
بعد أيام دخلت لمياء بابنها على سلمى لتجدها تنام على بطنها وتعمل على الحاسوب
لتضع طفلها بجوارها وتجلس على الفراش وتقول
إنت مش بتزهقى من الشغل ما تقفلى الجهاز ده وخلينا نتكلم احسن لتغلق سلمى الاب توب وتعتدل فى جلستها وتجذب الصغير اليها وتقول له بمرح أكيد أنا مش عارفه إنت هادى وجميل كده لمين دى أمك دى اجن واحده أقولك عملت أيه علشان تخلى أبوك يتجوزها
لتضحك لمياء ويفرح قلبها فأخيرا عادت البسمه على وجه سلمى رغم أنها ليست مكتملة ولكن كما يقولون أول الغيث همى ربما تكون بدايه حصولها على السعادة
لتقول لمياء ماهو أبوه السبب فى حالة الاكتئاب إلى عندى
إنت عارفة أنه من يوم ماتصاب وهو فى آخر مهمه له وكان جاله أصابه فى رجله قعدت عاله عليه فتره استقال من الداخلية ومسك المصنع مع بابا وهو مبسوط اكترمن ما كان فى الداخليه
لتقول سلمى طيب كويس احسن ما كان يجيله اكتئاب
لترد لمياء سريعا دا إلى هيجلى اكتئاب منه
لتبتسم سلمى وتقول هى هرمونات الحمل طلعت
لتقول لمياء هرمونات حمل ايه البيه مبسوط من البنات إلى بتشتغل فى المصنع وهما بيعكسوه
لتنظر باستغراب وتقول بقى نادر الطيب الهادى هيبص على البنات وبعدين نادر ماسك الأداره مش الإنتاج علشان يكون له اختلاط بالعمال
لتقول لمياء ماهو ساعات بينزل عند العمال يشوف طلابتهم يقوموا يعاكسوه وهو مش بيصدهم طبعا ما هما أشكال وألوان إنما أنا بقيت شبه البالونه بعياله إلى فى بطنى
لتقول سلمى وعياله الى بطنك عاملين ليكى ايه
لتقول عاملين فريق كوره جوه شىء يضرب شمال وشيء يضرب يمين وشيء يضرب فى النص
لتبتسم سلمى وتقول قولت لك ما تخديش منشطات حمل انت إلى اصرتى واهو بقيتى حامل فى تلاته
لترد لمياء انا كنت باخدها قبل ما حمل فى سليم وهو جه واحد بس إنما بعد سليم مخدهاش وحملت بسرعه عليه وكمان فى ولدين وبنت
لتقول سلمى بمزاح ماهو على ما أثرت معاكى وبعدين إنت حالتك هتبقى صعبه هتعرفى تربى العيال دى ازاى
لتبتسم لمياء بخبث ما أنا ناويه أما أولد
أدى واحد لحماتى والتانى لماما واخد انا البنت وكفاية عليا هى وسليم حبيبي وافوق لنادر
لتقول سلمى بتعجب دا انت وزعتى انتاجك بعدل
💥💨💥💨💥💨💥💨💥💫
ذهب عابد إلى مهدى بالمصنع بعد أن طلب لقائه
ليدخل عليه ويتحدث إليه بهدوء ويقول
انا طلبت إنى اقابل حضرتك علشان نكلم بخصوص إتمام جوازى من سلمى يعنى نعمل الفرح وتجى تعيش معايا فى بيتى
ليرد مهدى بقوه بس سلمى مش عايزه تتمم الجواز وعايزه تطلق وإنت عارف كده من زمان
ليرد عابد بس انا مسمعتش كده من سلمى وحتى لو هى قالت أنا عمرى ماهنفذه لها
ليرد مهدى بغضب يعنى هتجبرها تعيش معاك من غير إرادتها
ليقول عابد أنا متأكد ان سلمى بتحبنى بس حضرتك إلى مش عايز تصدق إنى بحبها وحبى لها مش امتلاك أو إجبار أنا حبى ليها احترام وتقدير
ليرد مهدى بغضب شديد واحترامك وتقديرك ليها يعطوا لك الحق انك تستبيح جسدها وهى لسه فى بيتى
لينصدم عابد ويقول بارتباك هى مراتى شرعا وقانونا وإلى حصل مكنش حرام أو غصب عنها
ليرد مهدى بحزم هى صحيح مراتك بالشرع والقانون بس العرف يمنع استباحتك لجسدها قبل ليلة البناء وأظن إنت فاهم أنا أقصد ايه
وحكاية أنه كان برضاها فأنا متأكد إنك مارست عليها حصار نفسى خلاها توهبك نفسها فى لحظة ضعف من غير ما تفكر فى عواقب الخطوه إلى كان ممكن يكون لها مدى واسع
ليقف مهدى ويقول بقوه أنا قولت لك يوم عقد قرانكم أنها عندك أمانه ولازم تصونها وأول حاجه لازم تصونها منها هى نفسك وأنك لو خنت الامانه أنا هخدها ومش هرجعها لك تانى وانت خونت الأمانه لما مارست عليها حصارك النفسي واستبحتك ليها فأنا النهاردة بسترد الامانه إلى اديتهالك وأنا قولت لك إن سلمى مش عايزه تكمل معاك فياريت تطلقها بهدوء
ليقف عابد ويقول أنا عمرى ما هطلق سلمى لو آخر يوم فى عمرى ويتركه ويغادر والاثنان فى قمة غضبهم وأصبحت هى بالمنتصف بينهم
💥💨💥💨💥💨💥💨💥💨💫
+
بعد هذا اللقاء بأيام ذهب المحامى الخاص بسلمى إليه لتفاهم معه على اجراءات الانفصال ليخبره أنها تتنازل عن حقوقها الماديه له ولا تريد سوى الطلاق بهدوء
ليشترط عابد لقائها للتفاهم على ما تريد
****
دخل وجيه إليه بمكتبه ليجده يعمل على بعض الملفات أمامه وهو يدخن بشراهه والغضب ظاهر عليه
ليقول وجيه له بنصح أرحم نفسك من السجاير إلى هتحرق قلبك قريب
ليرد عابد وهو قلبى مش محروق أنا فى قلبى نار تحرق الأخضر واليابس وهى الوحيده إلى تقدر تطفيها بس هى مبسوطة بحرقه قلبى
ليقول وجيه بهدوء هى لسه مصره على الطلاق
ليقول عابد أنا متأكد إن أبوها إلى مصر وهى مش عايزه تخرج عن رأيه ودافع عن حبنا بس أنا هدافع عن حبنا إحنا الاتنين
ليقول وجيه باستعلام وهتعمل ايه
ليرد عابد بتصميم هتشوف انا هعمل ايه
***
اتصل عليه محاميها الخاص يبلغه أنها وافقت على التفاهم معه وأنها ستحضر إليه بالغد للتفاهم لإنهاء زواجهم ليغلق الهاتف ويقول كل إلى انت عايزاه هطوليه اذا الفراق هو هدفك فهو لك
+
