رواية بنت ابليس الفصل العاشر10 بقلم حياة محمد
بنت إبليس
حياة محمد
الجزء ١٠
مريم: نفسى اعرف إنتى جايه الكليه تعملى إيه.
رفعت زينب راسها وقالت بكسل: جايه أنام وكل علاقتى بالجامعة إنها طراوه . والله لولا الإمتحانات ماكنت جيت هنا.
زينب: سهر إيه انتى كمان هو إنت بتحسبينى بنام عشان كنت سهرانه فسح ودلع لا ده أنا مطحونه في الشغل طحنه أجارك الله.
مريم: طب وانتى بتستفادى إيه متسبيه
زينب: هو إنت هبله بستفاد إيه اكيد خبره و فلوس وبعدين أسيب إيه بعد ما بقيت أخد نسبه من الأرباح أسيبها ده على جث*تي
مريم: طيب نامى ياختى لحد ما هتسقطى إن شاء الله.
زينب: والله لو ماكنت ينام كنت خبطتك بالكويايه دى.
مريم: بايخه أمال فين أمانى بقالها فتره مختفيه.
زينب: دورى عليها تحت أى شجرة هتلاقيها مع سى روميو.
$___&$-$$__$$$٣٣٣$$$$$$$
دخل سيد البيت لقى زينب نايمه على الكرسي
سيد: مساء الخير يا زوبه نايمه كده ليه.
زينب: لأ حرام كده والله حرام يعنى المفروض أنا في أجازه المفروض حاليا أكون بسهر بتفسح أو حتى بلعب في الميا في السخنه وإلا مارينا مش أقضى أكتر من نص الأجازه في الشغل من المحلات للمعارض ومن المعارض للبيت ومش لاقيه حتى ترعه أنزل فيها.
سيد بتعب: مش انتى اللى اخترتى واتشرطى كمان وبعدين أنا كمان مطحون في الشغل
زينب: لسه مخلصتوش المصنع.لحد دلوقتي
سيد,: لا إحنا خلصنا المصنع من أكتر من شهرين إنتى ناسيه ده شغل تانى.
زينب: طيب مقولتش ليا عن مكسبك في المشروع الاول كام ؟
سيد: حتى الأن إحنا لسه في البداية ولسه بدرى على ماناخد أرباح وخاصة إننا عايزين نكبر في الشركه ونزود في العمال والمعدات.
زينب: ده إنتوا داخلين في المشروع بهمه.
سيد: على فكره إحنا معزومين على حفله يوم الخميس الجاي
زينب: الله الله الله ده احنا بقينا رجال أعمال بجد وبقى لينا وضعنا وبقينا نتعزم في حفلات رجال الأعمال.
سيد: طبعا وبعدين ده صاحب المصنع هو إللى عازمنا بمناسبة افتتاح المصنع.
زينب: هايل إنت كده محتاج بدله حلوه وشيك وتكون سنييه .
سيد: ودى تيجي بكام.
زينب: مش غالية يعنى هنعوز عشر ورقات.
سيد بخضه: إيه ألف جنيه في بدله.
زينب بضحك: عشر ورقات الورقه بألف
سيد: ده إنتى اتهبلتى عشرة ألاف جنيه في بدله
زينب ': بقولك ايه هى البدل الشيك كده وبعدين انت داخل في عالم رجال الأعمال ودول المظاهر عندهم اهم حاجه فمتبخلش بشويه فلوس.وانا كمان هعوز فستان سواريه يكون شيك كده.
سيد: ليه هتيجي معايا
زينب: أكيد ما أنا لازم أعرف جو رجال الأعمال بيبقى إزاى عشان اجهز لمشروعى.
سيد: ماشى بس تلبسى حاجه مكشوفه كده عريانه كده أدبح*ك.
زينب: لا والله عايزنى أروح وأنا لابسه ملاس.
سيد: وماله الملاس مش أصلك ده ولا إنتى نسيتى إننا صعايده.
زينب: على راسى يا سيدي الصعايده كلهم بس ماتدققش أوى.
&&&&&&&&&&&&&&&
يوسف: وبعدين معاكى يا رباب مفيش مره خرجنا إلا واتخانقنا فيها
رباب: ما أنا زهقت بقالنا ثلاث سنوات مخطوبين ومتحركناش حتى لما اتوظفت متغيرش حاجه خالص
يوسف: طيب وأنا أعمل إيه وظيفة واتوظفت وعامل جمعيات بنص مرتبى وانتى مش عايزه نتجوز في الحاره وعايزه شقه في حته راقيه.
رباب: ياسلام هيا هدير بنت خالتى أحسن منى دى هتجوز في شقه كبيره وواسعه في جاردن سيتي.
يوسف: هيا ظروفها مش زي ظروفنا.
رباب: بس مش احسن منى ده أنا أجمل منها ومتعلمه عنها وانت مهندس مش زي خطيبها حته مدرس لولا الدروس الخصوصية مكانتش اتفرعنت عليا.أنا لازم أغيظها وأعيش في حته أحسن منها.فى الزمالك ولا المهندسين مش تقولى الحاره
يوسف: هو أنا لاقى دى الحاره إللى مش عجباكى أقل خلو رجل فيها بالشيء الفلانى ويا ريت لقيين.
رباب: اتصرف مش مشكلتى بس سكن في الحاره مش هسكن.
&&&&&&&&&&&&&&&&&&
دخلت زينب وهي ماسكه ذراع أبوها قاعة الاحتفالات الكبيرة تابعه لفندق سبع نجوم كل شيء راقى وبيلمع كانت مبهوره بكل حاجه الفخامة والرقي استقبلهم عامل ووصلهم لمكانهم..
زينب: شايف يا سيكا ده أحلى من الحفلات إللى بنشوفها في التلفزيون.
سيد بإنبهار: وأكتر انا عشت طول عمرى ومشفتش زى الأماكن دى.
زينب: وكنت هتشوفها فين في الحاره المعفنه بص بص شوف الرجاله كلها بتلمع ولا الستات شايف قال وبتتخانق معايا على الفستان شوف الستات لابسه إيه
سيد بجديه: حتى ولو مرضاش لكى تلبسى عريان زيهم.
زينب: يوووووه طب اتفرج اتفرج دى أمانى هتنجلط لما أفرجها على الڤيديوهات.دى.
سالم: سيد إيه ده كله تصدق معرفتكش.
سيد: أهلا يا سالم بيه
سالم: إزيك يا زينب إيه الجمال ده كله.
زينب بخجل وهى بتسلم على سالم: ربنا يخليك يا سالم بيه
رفع سالم إيد زينب وباسها.
سالم: اعرفكم على.المدام دريه هانم كمال.
سيد بيه شريكى في الشغل
مدت دريه إدها عشان يبوسها سيد لكن سيد سلم عليها وسابها فقالت دربه بصوت واطي: (( جلف وبيئه))أما زينب فكتمت ابتسامتها.
سالم: وده ابنى هيثم
سيد: إزيك يا استاذ هيثم غريبه أول مره أشوفك مبتجيش الشركه معانا ليه
زينب: فعلا أنا بروح الشركه كتير وعمرى ماشفته فيها
سالم: لا هيثم إبنى ميوله سياسيه مش اقتصادية.
زينب: : يعنى هيرشح نفسه في مجلس الشعب.
ضحك هيثم وقال: مش للدرجه دى لسه بدرى أوى على الخطوه دى بس أنا حاليا بجهز نفسى عشان هشتغل في وزارة الخارجية.
زينب
بإنبهار: واااو
ضحك هيثم بصوت عالى : بس شكلى هحب الشركه وهروحها كتير
في حين بصت دربه لزينب بتقيم من فوق لتحت .
سالم: تعال يا سيد أعرفك على صاحب الحفله إللى عزمنا.
هيثم: وانتى يا انسه بتشتغلى فين.
زينب: حاليا أنا ماسكه شغل بابا بس أول مااتخرج أنا هشتغل معاهم في الشركه.
دريه بغرور: وبتعملى إيه في شغل بابا.
زينب بنفس الغرور: أنا بدير لوحدى ثلاث محلات ومخبز وسوبر ماركت غير معرضين كبار للأجهزه الكهربائية.
دريه: ودول يجيبوا كام يعنى.
زينب ببعض الغضب: كتير كتير أوى.احنا اصلا أغنيا شاركنا سالم بيه بأكتر من ثلاثة مليون
دريه: وانتى زعلانه كده ليه هو الثلاثة مليون دول فلوس.دى الڤيلا إللى أنا ساكنه فيها بخمسه مليون لوحدها.
زينب في سرها: ياااااابااااااى على تقل دمك
قامت زينب وقالت: عن إذنكم.
وبدات تمشى بين المعازيم لحد ما حست بإيد بتشدها.فإلتفتت وقالت بدهشة مخلوطه بالفرحه: مش معقول: جمال.
جمال:زينب بتعملى هنا إيه؟
زينب بغرور مزيف: معزومه طبعا هو أنا شويه ولا إيه.
جمال: وإيه الحلاوه دي كلها.
خبطته على كتفه بمرح وقالت: أنا طول عمري حلوه تنكر
جمال: لا منكرش
زينب: إنت إيه إللى وصلك للناس النضيفه دى كان أخر أخبارك إللى وصلت ليا إنك اشتغلت في شركه.
جمال: لا أنا سيبت الشركه دى وبشويه ذكاء وحداقه وفهلوه بقيت راجل أعمال وليا شركتى الخاصه.
زينب: وااااو طول عمرك طموح طيب واتجوزت رشا.
جمال: رشا مين إنسى
زينب: أنسى إيه ده انت كنت بتموت فيها واتحايلت عليا كتير عشان أعرفك بيها.
جمال: كل مرحله ولها إللى يناسبها ورشا دى مش مناسبه للمرحله دى.
زينب: كلامك غريب.
جمال: بس واقعى وانتى بتعملى هنا إيه.
زينب: بابا معزوم هنا.
جمال: طبب بما إنك دخلتى في دنيا رجال الأعمال فأنا هديكى شوية نصايح اسمعيها منى واحفظبها كويس لو عايزه توصلى وتبقى من كبار سيدات الأعمال.
زينب: قول يا حبيبي وأنا سمعاك
جمال: أهى دى أول نصيحه.انتى في مجتمع كل حاجه بتنباع وتشتري فبيعى بضاعه متكونيش انتى البضاعه.
زينب: مش فاهمه
فبص لها جمال بوقاحه فقالت: يا قليل الأدب
جمال: أديكى عرفتى إللى فيها أنتى بين ناس بيبيعوا وبيشتروا أوعى تحسسيهم إنك رخيصه
زينب: أنا مش رخيصه
جمال: بس بتتعاملى مع الكل بمرح وهزار وده غلط لأنهم هيفسروا هزارك ده رخص وساعتها هيتلعب بيكى.
زينب بجديه: طب وأنا هاعمل إيه.
جمال:هشششش تسكوتى كل ما قل كلامك كل ما زاد غموضك خليكى تاجره شاطره اشترى ماتبيعيش.
زينب: ماشى سكتنا وبعدين.
جمال: نصيحتى التانيه والمهمه: كل ماتكونى فايقه كل ما هتكسبى أكتر.
زينب: ليه هما هيسكروا زى ما بنسمع وبعد شويه مش هيعرف مين كان في حضن مين.
جمال: الحفلات دى بيقلدوا فيها الخوجات وللأسف بناخد من الأجانب تفاهتهم يعنى يلبسوا زى الأجانب يتكلموا مع بعض بالإنجليزي مع إن كلهم مصريين بس منظره على الفاضي وطبعا الخمور موجوده عشان تبقى راقى ومتحضر زى الغرب.
زينب بضحك: هيا لسه عقدة الخواجه مأثرة عليك والله إنت إللى هتخرب شغلك بسبب أفكارك دى.
جمال: سيبك منى وركزى في نصايحى
زينب: غرقنى غرق
جمال: اسمعى وانتى مكتومه المهم وأهم حاجه إنك تنتشرى
زينب: يعنى إيه
جمال: علاقات علاقات علاقات كل ما ليكى علاقات اجتماعية ومعارف كل ما توصلى اسرع التاجر الشاطر يبيع الهوا وزى ما بيتقال يبيع الميه في حارة السقايين وإللى ماتحتاجيش وشه بكره يحوجك الزمن لقفاه وانتى ماشاء الله شاطره فروحى اتعرفى على الكل استنى هعرفك على خطيبتى وهيا هتعرفك على الباقيين .تعالى معايا واخدها ومشى من غير مايخدوا بالهم بالعيون إللى بتراقبهم من بعيد
(( سالم: مين الراجل الواقف مع بنتك ده تعرفوا
سيد: لأ
سالم بغضب: سايب بنتك مع الشباب كده مش تنادى لها
شافها سيد من بعيد بتسلم على بنت تانيه بتتكلم بحماس
جمال: أعرفك يا شاهى على زينب كانت زميلتى في الجامعه
زينب: متصدقهوش زميله إيه ده كان في رابعه وأنا كنت في أولى ومبطلناش خناق اول ثلاث شهور بس بعد كده بقينا أصحاب المهم إنه قالى خطيبتى حلوه بس مقالش إنك ملكة جمال مصر
شاهى: ميرسى يا عمرى
زينب: مرسي إيه انا بقول الحقيقة وفستانك يهبل يجنن
شاهى بفرحه: بجد عجبك ده أنا شارياه من اسبوع الموضه في باريس..
زينب: يعنى مش بس حلوه لأ وذوقك حلو كمان
(( رفع جمال صابعه الكبير علامه لايك من ورا ظهر شاهى))
جمال: مش تاخدى زينب يا شاهى وتعرفيها على بابى ومامى.
شاهى: أوكى تعالى يا زىنب أعرفك على كل أصحابي.
زينب: ياريت.
بعد ساعتين كانت زينب بتصحك وبتتكلم مع بعض رجال الأعمال إللى اتعرفت عليهم وبعدها راحت عند أبوها
زينب: بابا متقوم ترقص معايا
ضحك سيد بصوت عالى: أرقص إنتى اتهبلتى هو أنا برقص.
زينب:وليه لا تعال معايا عشان خاطرى.أصل بصراحه كام واحد طلبنى للرقص بس أنا رفضت
دريه وليه ترفضى ده عيب ومش من الاتيكيت.
زينب: طظ في الإتيكيت.وبعدين أنا مبعرفش أرقص
سالم: طيب تعالى ارقصى معايا
سيد: أه بجد أرقصى معاه ده زى عمك
اخدها سالم من إيدها واتجهوا للبست وزينب مستغربه سماح أبوها لها بالرقص مع سالم بيه.
حط سالم إيده على خصر زينب ومسك إيدها بإيده التانيه في حين حست زينب بالضيق فبالرغم من سهراتها مع أصحابها إلا إنهم كانوا بيرقصوا رقص شباب كله حركه وتنطيط مفيش فيها القرب والحميميه دى.
سالم ببعض الغيره: مين الشاب إللى كنتى بتتكلمى معاه.
زينب بإضطراب وعدم راحه: ده جمال صاحبى
ضغط سالم على خصرها وقال: مفيش حاجه اسمها صاحبى فيه زمايل وبس فهمانى.ومن دلوقتي تقعدى جنبنا ومتقوميش من مكانك
زقت زينب إيده من خصرها وقالت بغضب: لأ واضح إنك مش دريان بنفسك إزاى تكلمنى بالأسلوب ده فوق لنفسك وشوف إنت بتكلم مين.(( وقبل ما تبعد))
سالم: انا أسف أنا مقصدش بس أنا خايف عليكى. مش أكتر
زينب: وأنا مش عيله صغيره
سابته زينب وراحت لأبوها
سيد: مش يالا يا زينب أنا نعسان أوى وعايز ارتاح
زينب: يالا يا بابا أنا كمان عايزه أروح.
هيثم: مابدرى يا أنسه زينب
زينب: معلش أشوفك مره تانيه سلام
سالم: خدى بالك من نفسك
بصت له زينب وقالت إن شاء الله.
&&&&&&&&&&&&&&
في الشركه
سالم:: شوف يا سيد انا مبحبش اللف ولا الدوران .أنا عايز بنتك زينب
سيد بفرح: عايز تخطبها لإبنك هيثم ده يبقى يوم المنى
سالم: هيثم مين هيثم ابنى خاطب بنت وزير أنا بقولك عايز زينب بنتك لنفسى
سيد: بتقول إيه
(( فى نفس الوقت كانت زينب في حالة زهول على باب المكتب)
