رواية شيطان الانتقام الفصل الحادي عشر11 بقلم ولاء حامد
رواية شيطان الإنتقام الحلقة الحادية عشر
مفجاءه كانت لا على البال ولا على الخاطر اشرف قدر يسترجع فيديو الحادثه وعمله حفظ ورجع مسح كل حاجه زي ما كانت ومسح كل البصمات و حط الشنطه في كيس وشال الفلوس علشان تبان سرقه
قطع شغله مكالمه شاكر
اشرف ايو ياباشا
شاكر في حاجه نسيت اقولك عليها يمكن تنفعك
البنت كانت لابسه دهب ولما نقلناها المستشفى عطهولنا
اشرف بهدوء مفتعل: ياباشا ودي حاجه تتنسي
هاتنفعك يا يعني يا اشرف
طبعا يا باشا الراجل اللي هايشيل الليله هنحط الدهب معاه علشان يبقى تأكيد الدهب داه فين يا باشا
معايا في مكتبي في المستشفى
لازم يوصلني دلوقتي يا باشا الوقت بيجري ووقت التنفيذ على وشك
تمام يا اشرف قابلني دلوقتي عند المستشفى
تمام يا باشا هيجيلك حالا
طلع اشرف تليفون صغير برقم من الشارع بيحتاجه في شغله الشمال وعمل اتصال
ايوه يا سيد
ايوه يا اشرف باشا
ساعتين زمن وقابلني في المقطم
تمام يا باشا قبل الميعاد هتلاقني
وصل اشرف للمستشفى تزامنا مع وصول شاكر
ازيك يا باشا يلا بينا الوقت مش في صالحنا الدنيا ليلت ودلوقتي لازم نجهز
صعد اشرف وشاكر في الاسانسير لمكتب شاكر دخل شاكر بستعجال وفتح وطلع كيس بلاستيكي هو داه يا اشرف
أخده اشرف ولبس جوانتي ومسك منديل ومسح كل القطع
شاكر باستغراب: بتعمل ايه يا اشرف
اشرف بتركيز :بمسح البصمات من على كل حاجه علشان ميبقاش عليها غير بصمات سيد
عفارم عليك بجد كل يوم بتأكد ان دماغك سم
اشرف وهو بيكمل مسح كل القطع مبحبش اسيب حاجه للظروف
انتهى اشرف من مسح جميع القطع ووضعهم مره تاني في الكيس بس سابه مفتوح يلا بينا يا باشا علشان نلحق وقتنا
هاتعمل ايه بالدهب داه يا أشرف
هاقابل سيد في المقطم وهاديله الدهب ونص الفلوس وبعد ما يحرق العربيه هياخد السلاح والدهب علشان لما يتقبض عليه تبقى جريمه كامله متكامله وبصماته على الدهب والسلاح والعربيه يبقى ايه
شاكر بستفسار ايه
يبقى جريمه سرقه عربيه وسرقه دهب اللي هايتظبط معاه بجانب السلاح غمزله أشرف
شاكر بنبهار يخربيت دماغك يا أشرف
أشرف بضحك في الخدمه يا شاكر باشا
انصرف أشرف وصعد شاكر للدور السابع
وصل العنايه وطلب حلمي
حلمي بإجهاد خير يا شاكر بيه
شاكر بهدوء حذر طمني حالة البنت ايه دلوقتي
نفخ حلمي بتعب واجهاد للأسف الحاله متطمنش
شاكر بقلق ليه
حلمي بشرح مبسط : قلبها وقف انهارده وربنا ستر ولحقناها
مسح شاكر وشه بكفه كذا مره :طيب لو في جديد في حالتها بلغني ولو فاقت بلغني
ماشي يا شاكر بيه
وصل اشرف المقطم بعد ما عدا على المكتب وجاب شنطه فيها مليون جنيه
سيد بترحاب مزيف باشا منور المقطم
اشرف بضحك :عارف المثل اللي بيقولك مبروم على مبروم
سيد بضحك :مايرولش يا باشا جبتني على ملا وشي
اشرف بنظره خبيثه: طع شنطة الفلوس وفتحها قدام سيد ملي عينك
سيد بصلهم بطمع خطف الشنطه وبقى يشم في الفلوس: من يد ما نعدمها يا باشا
ضحك اشرف وطلع من جيبه كيس الدهب وفتح ايد سيد وكبه في ايده وطلع سلاح ماهر وعطهوله وهو ماسكه بمنديل وعطاه شنطة قمر
سيد بلمعه عين: ايه يا باشا داه حلاوة العمليه داه بقى ولا ايه
لا يا خفه داه هتخليهم معاك متفكرشي تتصرف فيهم
سيد بغموض: رسيني على العباره يا باشا عشان معكش الدنيا
زفر اشرف بفروغ صبر
بص يا ابو السيد العباره انك بعد ما تحرق العربيه عارف انك هايتقبض عليك تمام
تمام يا باشا مش محتاجه فقاقه هي
الله ينور عليك الدهب داه والشنطه بتاع البنت اللي ماتت العباره ايه بقى انتا بعد ما سرقت العربيه طلعت بيها الصحراوي علشان تداريها في حتة متطرفه لحد ما الجو يهدأ وبعدين وانتا في الطريق شوفت عربيه فيها راجل ومراته عينك طمعت في دهب مراته لانه كان باين من ايديها وكنت مبلبع حبيتين قطعت عليهم بالعربيه واتشاكلت مع الراجل ضربك ومقدرتش تاخد الست منه لقيت في العربيه مسدس اللي هو في ايديك ضربت الراجل مراته نزلت تصرخ كان معاها ولد صغير مسكتها عشان تقلبها صرخت جامد وحاولت تضربك جوزها قام ضربته بالنار ورميت الولد منها وخبطتها بالمسدس على دماغها ومشيت قلبتها في الدهب والفلوس بس لقيتها ماتت ولعت في العربيه في قلب الصحرا عشان محدش يوصلك شوفت سهله ازاي
سيد مبرق من اللي بيسمعه: طيب يعني كده أنا قتلت 3 الراجل ومراته وابنه صح كده
نفخ اشرف بعصبيه : ايوه بس جوزها عايش مماتش بس بين الحياه والموت
سيد بتفكير: طيب مهو لو عاش شاف الراجل يبقى هايقول انه مش انا
اشرف بعد ما صبره نفد الراجل شبهك انا مخترتكش من فراغ
سيد بطمع : يبقى كده الملعوم هايزيد يا باشا لا مؤاخده داه حوار طويل وانتا قولتها الفرصه بتيجي مره واحده
ودي فرصتي قبل ما اقابل وجه كريم
اشرف بغضب: انتا بتصيع ياض دانا امحيك فوق لنفسك
سيد بلؤم : اهدا يا باشا دي فرصه العمر وانا هاخد إعدام رسمي فهمي نظمي فكر يا باشا وبلغني ردك
اشرف وهو كازز على أسنانه لان الوقت مش هيساعدهم
تمام ياسيد يلزمك كما
سيد بطمع ارنبين كمان
اشرف بصياعه نعم يا روح امك
سيد بضحكه خبيثه :اهدا يا باشا أعصابك
اشرف بغضب :هو مليون كمان وبس لازمك تمام مش لازمك هلاقي غيرك
سيد بتسرع: أمين يا باشا بعد التنفيذ هاخد ارنبين غير اللي في القفص الحلو داه
اشرف بغضب : اديني دقيقه طلع أشرف تليفونه ودخل عربيته وقفل على نفسه ايوه يا شاكر باشا
خير يا اشرف
للاسف الواد اللي هايشيل الليله لما مليته دوره طمع وطلب 2 مليون زياده قبل ما اقرر قولت ارجعلك
شاكر بعد صمت ثواني: تمم اتفاقك يا اشرف الواد شبه ماهر ودي صدفه مش هاتتكرر مره تاني وكمان الوقت مش هايسمح بالتأخير
اشرف بضحكه خبيثه على وشه: تمام يا باشا
نزل من عربيته بهدوء تمام يا سيد بعد التنفيذ الراجل بتاعي هياخدك من الصحراوي ويسلمك شنطه فيها 2 مليون كمان طلع من جيبه صورتين وورهومله دي صورة الراجل اللي اتخانقت معاه وضربته بالنار ودي صوره البنت
سيد بصلهم: وقاله خساره الجمال في الموت تمام يا باشا مقضيه بعون الله الحق وقتي دلوقتي
رايح فين لسه على ميعاد التنفيذ 3 ساعات
سيد بلؤم: رايح اتاوي الأمانه دي في المتوى بتاعي اللي هستنى البوليس فيه وختم كلامه بغمزه
مشي سيد واتحرك أشرف وعمل مكالمه من التليفون المجهول ايوه يا ابني الجثه جاهزه
مجهول : ايوه يا باشا جثه جت امبارح ممعهاش ورق وقريبه اوي من مواصفات جنابك
اشرف بابتسامه: تمام اوي اوي كمان ساعه الراجل بتاعي هيجيلك ياخدها ومعاه حلاوتك وفوقيها حته زياده
مجهول: في الخدمه يا باشا
قفل المكالمه واتحرك من مكانه
وقت بطيئ بيمر على الكل مترقب ايه اللي هايحصل
*********************
طارق وصل الفيوم زي المجنون مش قادر يصدق ان قمر اختفت انه قمره معادش هاينور لياليه تاني
الحاج محمد بتعب ووجع من الفراق بس لسه متماسك
ناوي على ايه يا ولدي طمني
الرجاله فين يا عمي
موجودين جوه ادخل
دخل طارق بصحبة الحاج محمد الديب وجد عدد كبير من رجال عمه معهم شرف وضياء أبناء عمه
السلام عليكم ورحمة الله وبركاته
الجميع في صوت واحد وعليكم السلام ورحمة الله وبركاته
مبدئيا كده احنا هنتقسم ل3 مجموعات مجموعه مع ضياء ودول هابعتهم لناس اعرفهم بيتاجرو في البنات والاعضاء
ومجموعه مع شرف هاتدور وبلع ريقه وكمل وكأنه مش قادر يقولها في المستشفيات والمشرحه
ومجموعه معايا ودول هنشوف طول طريق القاهره اسكندريه الصحراوي من مكان الحادثه لحد العمار وعايز كل مكان فيه كاميرا يكون عندي بيه خبر ولو قدرتو تجيبو نسخه من الكاميرات يبقى تمام
اتفقنا يا رجاله
ضياء بلهفه هو شرف اكيد بس فهمني يا طارق دماغك فيها ايه
بشرود قالهم ناوي اقلب البلد حته حته لحد ما الاقيها
الحاج محمد ببوادر امل هانبداء من أمته
طارق نفسي اقول من دلوقتي بس للأسف هانبداء من الصبح علشان الليل وقته قصير
********************
في تمام الساعه 11 مساء توجه احد رجال اشرف الى المشرحه واستلم جثه الفتاه وتحرك في طريق ….
بعد مرور نص ساعه كان في انتظاره سيد بعربية ماهر
سيد ببرود ولا كأنه رايح ينفذ جريمه: معاك المصلحه
رد الراجل بهدوء: ايوه تعالى خدها من شنطة العربيه هستناك هنا تخلص وتيجي تاخد باقى المصلحه
نزل سيد من العربيه وخد البنت وحطها في عربية ماهر واتحرك على المكان اللي قاله عليه أشرف مكان في قلب الصحرا بس لما يولع في العربيه النار هتبان للناس علشان يبقى جريمة متكامله
مرت ساعه وسيد اتصل على الراجل: قرب شويه الطريق طويل ولما ولعت العربيه هارجعها مشي
وفعلا في خلال دقائق كان وصله واتحركوا للقاهره تاني
وقف الراجل في منطقه متطرفه : داه باقي المصلحه الباشا بيقولك كده حقك كامل سلام يا شبح
سيد بنظرة غموض: بلغ الباشا اني في الانتظار سلام ونزل واتحرك من مكانه
مرت ساعتين ونار العربيه لسه مشتعل جذب أنظار الناس على الطريق وفعلا فضول الناس خلاهم يتحركوا يشوفو في إيه لقيو عربيه مولعه اتصل كذا حد بالبوليس وفي خلال دقائق بقت المنطقه ملغمه شرطه وناس
الرائد يوسف: يلا يا جماعه حاولو بسرعه نطفيها
واحد من العساكر: ياباشا في حد جو العربيه
يلا بسرعه زعق يوسف بنفاذ صبر
وبعد مده فعلا كانت النار هديت وقدرو يسيطروا على العربيه
يوسف بزعيق: الكل يبعد وأفرضو كردون أمني حولين المنطقه
الساعه كانت 3 الفجر والدنيا ليل بس لازم تبداء الإجراءات
يوسف في اللاسلكي بلغ يا ابني الادراه بوجود عربيهBMW متفحمه في طريق القاهره الصحراوي وبها جثه متفحمه يبعتو البحث الجنائي واسعاف لنقل الجثه للمشرحه
وقد كان في خلال ربع ساعه اتحركت عربية إسعاف تحمل جثه الفتاه وتم تحميل العربيه على عربية مرور لنقلها للبحث الجنائي
مر الليل الطويل على الجميع والكل لم تغمض له جفن فكلا سابح في بحور همومه
يتبع
