رواية دق قلبي كاملة وحصرية بقلم نورسين
_صباح الخير يا ست الكل
قولتها وانا بابوس راسها
=صباح النور يا ليان
_قولت كفايه يتخصملى لحد كده المرتب مبقاش فيه
رحت الشغل انا ليان ٢١سنه خريجه تجاره انجلش نزلت تدريب فى شركه ٦شهور عدى منهم ٤شهور فاضل اتنين
رحت الشغل بدرى وده غير العاده
حطيت اكل لبسبوسه وميدو القطط العند الشغل وصحابى كمان دخلت الشركه ولمحتو من بعيد وهو مستنى الاسانسير وقد ايه شكلو چنتل كان لابس بدله رصاصى وتحتها قميص ابيض ورافع شعره وكان كل شويه بيص فى الساعه
قربت عليه هو تقريبًا ميعرفنيش بس انا اعرفه معرفش لحقت اعجب بيه واحبه ازاى فى ٤ شهور من غير ما يوجهلى كلام انما انا حبيته وهى حتى ميعرفنيش غير شكلًا
قربت منه عشان حتى اقول صباح الخير
لكن داليدا سبقتى وهى مديره القسم بتاعى الوحيده من قسمنا الى على تواصل معاه بحكم ان هى الى المسؤله قربت منه
_صباح الخير يا استاذ ادم
شال عينه من على الساعه وخطف نظره سريعه عليها
_صباح النور
بصتلى داليدا
_صباح الخير جايه بدرى يعنى
كانت بتتكلم بنبره مش عارفه اذا كانت خبيثه ولا عاديه لكن هو بص وعنينا اتلاقت لاول مره تقريبًا بعدت عينى عنه بسرعه واتكلمت بحرج
_صباح النور يا داليدا
وتابعت كلامى بمرح
_لا انا على طول باجى بدرى انتِ بس الى مش بتخدى بالك
ابتسمت ليا ابتسامه صفرا وهنا عرفت نيتها كانت ايه
الاسانسير وصل وركبنا مع بعض ريحه برفانه بتشد بتريقه رهيبه كان عندى فضول اعرف نوعها ايه بس للاسف كنت وصلت الدور ٤ انا وداليدا وهو كمل
دخلت مكتبى المشترك مع رقيه صحبتى اتعرفت عليها من سنه وبقت اقرب حد ليا
_صباح الخير يا روكا
_صباح النور يا جميل جايه بدرى يعنى
_انا زهقت كل شويه حد يقولى جايه بدرى بعد كده هاجى متأخر عشان ارضيكو بقا
رقيه بإبتسامه
_لا بالله عليكى انا ما صدقت جيتى يوم بدرى
بدأنا شغل وانا وهى جهه وقت البريك
رحنا الكافتريا انا ورقيه وقعدنا لوحدنا زى العاده
رقيه بتردد
_ليان انا عايزه اقولك حاجه
كنت لسه هاخد قطمه بس رجعت فى كلامى
_طلامه قولتى ليان يبقا عملتى مصيبه
رقيه بتوتر
_انا عايزاكى تفهمينى الاول
انا كلمت محمد تانى
_كلمتى مين انتِ مجنونه
اتكلمت بنبره عاليه ماليانه غضب ووقفت مكانى
مش متخيله انها كلمته تانى بعد العملو
بصيت حوليا لقيت كلو مركز معايا بصيت لكل الموجدين واعتذرت
_معلش اسفه على الصوت العالى
اتكلمت وانا بتلفت حوليا عشان اعتذارى يوصل لكل الناس الى انا سرعتهم دولت
بس لقيته كان تقريبا بيجيب الكوفى لنفسه لان القسم كله فى البريك عيونه كانت مركزه معايا عيونا اتلاقت تانى بس بعدتها و قعدت بسرعه والتفت لرقيه بغضب
_بصى انا مش هتعصب عليكى وهتناقش معاكى بهداوه كلمتى ابن المخبوله دوت ليه
=عشان..
قطعتها بغضب
_متدفعيش عنه بس انا بقولك اهو من الاول
=ما تتهدى بقا عايزه احكيلك
اخدت نفس بتحاول ترتب افكارها
=انتِ عارفه انى لسه بحبه
_للاسف
=وفى السنتين الفاته معرفتش انساه ولا هو عرف ينسانى وانتِ عارفه كده كويس كل الموضوع ان الظروف كانت اقوى منه بس هو رجع تانى رجع عشانى يا ليان ارجوكى افهمينى
كنت بسمعها بصمت مش قادره انسى الفتره المرت بيها لمجرد بس ان باباه فرض عليه انه يسافر معاه ويفسخ الخطوبه انا محضرتش الفتره دى معاها من الاول بس وقت متعرفت عليها كانت لسه متعفتش
مسكت ايديها
_اعملى الى يريحك يا روكا انا اهم حاجه عندى اشوفك مبسوطه
مسحت دمعه وهميه كانت بتحاول تستعطفنى بيها
=عايزه اطلب منك طلب يا قنبله الجيل انت يا حلو
_اخلصى ياختى خلينا نلحق ناكل
=عايزاكى تخلصى الشغل الى ورايا عشان انا هستأذن بدرى عشان اقابل حموكش
_شغل ايه الى اخلصه
=هتلقيه على مكتبى
كانت بتتكلم وهى بتلم حاجاتها باستنى من راسى
=انا عارفه انى مليش غيرك
ملحقتش اعترض قالت كلمها وجرت من قدامى
اتنهدت وقمت كملت شغلى وشغل رقيه كمان اتأخرت ساعتين عن معادى
طلبت الاسانسير الشركه كانت فاضيه كنت خايفه دخلن الاسانسير بسرعه من غير ما ابص كنت حاسه ان فى حد هيخنقنى من ورا دخلت الاسانسير وانا بتنفس بسرعه من الخوف
=انتِ بتعملى ايه لحد دلوقتى
حطيت ايدى على قلبى ولفيت بسرعه من الخضه
كان هو واقف ورايا
جاوبت بإرتباك
_كان ورايا شغل
=وشغل ده مخلصتهوش ليه فى وقته
_عشان كان كتير
=كتير ولا قليل احنا هنا عندنا ساعات شغل معينه انتِ ملزمه تخلصى شغلك فيهم فاهمه يا انسه ليان
نبرته كانت عاليه وطريقته معجبتنيش منك لله يا رقيه الكلب ايدا ثانيه هو عارف اسمى منين أصلًا
ولو برضو معرفته لاسمى مش هتشفعلو على صوته العالى ده
_انا مش فاهمه حضرتك بتتكلم معايا ليه كده ده شغل ولازم يتسلم بكرا وكان كتير ومحتاج دقه على العموم مفهوم حضرتم
خلصت كلامى وكان الاسانسير وصل طلعت منه بعصبيه يعنى اول مره اتكلم معاه كلمتين على بعض يزعقلى
كان الشارع ضلمه او مره اشوفه كده بحكم اننا دايما بنيجى الشغل بالنهار وبنمشى قبل ما الليل يجى
مديت شويه على امل انى الاقى اى حاجه اركبها مكنش فيه حاجه فى عربيه قربت منى ولقيت فيها شباب
~الجميل مشى لوحده ليه
عملت نفسى مش سامعه وطولت
~استنى بس انتِ زعلتى ولا ايه
محستش بنفسى غير وانا بلم اكتر من طوبه من على الارض وحدفتهم عليهم تقريبًا كسرتلهم ازاز العربيه
~امشى بسرعه دى طلعت مجنونهه يا عم
جرو بسرعه بالعربيه لمحت عربيه تانيه كانت تقريبًا لازقه فيهم اخدت طوبه وكنت لسه هحدفها بس نزل من العربيه واتكلم بغضب
=انتِ مجنونه ازاى تعملى كده افرضى كانه عملو فيكى حاجه ولا حد فيهم نزل ضربك هو مفيش دماغ وماشيه لوحدك هنا
صوته كان عالى جدا لدرجه خلتنى اترعش انا اصلا كنت خايفه منهم هو كمان بدل ما يطمنى زود خوفى اكتر
دموعى اتجمعت فى عينى انا كده لما حد بيزعقلى مش بقدر امسك دموعى
_ان.. انتَ بتزعقلى ليه كده كنت عايزنى اتصرف ازاى يعنى مش ذنبى ان الشارع ضلمه
قرب منى لكن مع وجود مسافه لما قرب شاف دموعى القربت تنزل
اتنهد ومسح جبينه
=طب اركبى عشان اوصلك مينفعش اسيبك هنا
اتكلمت بعناد
_مش هركب معاك انا اصلا معرفش زيك زى بتوع اوبر المتحرشين
=والله ده على اساس انك متعرفيش انى المدير
اركبى يلا خلينى اخلص
_انا مش فاهمه انت عمال تزعقلى وتدينى اوامر ليه من ساعت ما شوفتنى وبتتكلم بطريقه وحشه زيك ليه
شاور على نفسه
=انا وحش
_اه وحش وعمال تزعق
بصيت للطوبه اللسه فى ايدى وكملت
_تصدق انا غلطانه المفروض كنت احدفك بيها
عينه اتسعت من صدمه الى قولتو وانا الخمسه فى الميه الى فى شجعتى خلصو بعدت عنه وكملت مشى حسيت انه هيرزعنى قلم لو ممشتش من قدامه
مشيت كام خطوه كان هو ركب عربيته وماشى ورايا لحد ما لقيت تاكسى ركبته بسرعه ووصلت الحمد الله بعد يوم طويل
سلمت على اهلى وحكيت لماما الى حصل معايا طبعًا كنت مستأذنه منهم انى هتأخر
رحت تانى يوم الشغل شوفته من بعيد لكن مدتلهوش اهتمام زى كل مره شكلى كنت مبهوره بشكله انما شخصيته زفت بس برضو قمر يخربيتى نفسى اثبت على موقفى
_صباح الخير يا صغيره على الحب وشك منور
=صباح النور يا ليلو يا عسل
قامت حضنتنى وباستنى من خدودى
=ليلو ام غمزات يا جميل انت انا مش عارفه اقولك ايه يعنى خلصتيلى شغلى وسلمتيه كمان
_اه اتمنى تكونى مبسوطه
=مبسوطه اووى يا ليلو خطوبتى انا ومحمد الاسبوع الجاى
برغم انى لسه مش مسمحاه انه زعلها قبل كده لكن فرحتها عندى بالدنيا قومت حضنتها
_بجد انا مش قادره اوصفلك فرحتى قد ايه ربنا يسعدك يا روكا
=ويسعدك يا ليلو اه صح زينب (بنت خالت رقيه اتعرفت عليها من كام شهر هى متجوزه ومخلفه)
عزمانا عندها النهارده اوعى متجيش
_مش عارفه هشوف ماما الاول
=انا هكلمهالك اه صحىيح روحتى امتى امبارح
_ هبقا احكيلك على الحصل
=تعرفى (حازم جوز زينب) صحبو الانتيم شغال معانا وعزمو معانا عشان نتعرف على بعض
_و نتعرف على بعض ليه
_هتلاقي عم ابراهيم بتاع الكافتريا هو الى صحبو فى الاخر
=انا كنت شكه من الاول
_بس يعنى عزمو معانا ليه
=عادى يعنى هو عازمه بالمره عشان انتِ عارف زينب بتطبخ فى السنه مره
خلصنا شغل وروحت جهزت عشان اروح لزينب
لابست دريس بيچ ضيق من الوسط شويه ونازل على واسح وعليه حجاب من درجات البيچ وحطيت ميكب رقيق
~ازيك يا ليان يا حبيبتى عمله ايه
_الحمد الله يا زينب وانتِ
~انا بخير ادخلى يلا رقيه جوا مستنياكى
اول ما دخلت استقبلنى زين ابنها
جرى عليا وحضنى
:ليلو عمله ايه وحشانى
ضميته ليا
_وانت وحشتنى اكتر يا دودى
شيلته وقعدت على حجرى وقعدت جمب رقيه
فضلنا نحكى انا وهى وكنت بحكلها على الى حصل مع ادم
=ده قليل الذوق بصحيح بس انتِ برضو يا ليلو غلطانه هو كان عايز يساعدك
_يساعدنى فا يقوم مزعقلى ده شويه وكان هيخدنى قلمين
رقيه بضحك
=قال يعنى انتِ سكتيله عايزه تدى المدير بتاعك بالطوبه يا ليان
اتكلمت بحرج وانا بهز دماغى على اساس كده هنسى
_بس بالله عليكى ما تفكرينى انا بحاول انسى
قاطعنا دخول زينب
~روكا تعالى ساعدينى فى المطبخ
~وانتِ يا ليان اقعدى مع زين معلش
_من عيونى
عدى نص ساعه والجرس رن استنيت حد منهم يفتح بس زينب قالتلى افتح
رحت افتح بإحراج شديد شوفت حازم كان واقف قدام الباب
اتكلمت بحرج
_ازى حضرتك يا استاذ حازم
=بخير يا انسه ليان
بص نحيه الاسانسير واستنى حد يطلع منه
=اعرفك ده استاذ .....
