رواية دق قلبي الفصل الثاني 2 بقلم نورسين
~اعرفك استاذ ادم اكيد عرفاه من الشغل
بصيتله بصدمه مش مستوعبه ان ادم هو صحبه
قالها بإبتسامه صغيره
_الحمدال..
قاطعنى صوت رقيه
:ايه يا حزوم عامل اي.. ايدا مش انت المدير
كانت بتتكلم وهى بتشاور على ادم بتعجب
التفتت ليا
:مش ده المدير الرخ.
قطعتها بسرعه وبتحزير
_ايوا يا رقيه هو ده مدير القسم بتاعنا
قطع جو التوتر ده تدخل حازم
~ايه يا جماعه هتسبونا على الباب كده كتير
بعدت عن الباب بحرج منهم
_اه معلش اتفضل ده بيتك
عينه منزلتش من عليا حسيت بتوتر هو من امتى بيبصلى أصلًا
زين جرى عليه
:ادم عامل ايهه
حازم بحده
~وبعدين يا زين مش قولت عيب كده قولو عمو
رد عليه ادم بضحكه وبمرح
ايدا هو بيضحك زينا
=ما تسيبو يا عم يقول الى هو عايزه
كنت مركزه معاه وهو بيضحك مع زين اول مره اشوف الجانب ده من شخصيته ايدا لحظه هو عنده غمازه فى خده الشمال ابن الايه مفهوش غلطه
رحت ساعدت زينب ورقيه وعملت كيك بالشوكلاته وزينته بالفراوله الصراحه كده عملته بكل حب لاجل عيونه مع انى مش طايقه
حطينا الاكل على السفره قعدت بس هو قعد على الكرسى القدامى يعنى توتر مضرب فى اتنين
:يلا يا زينو عشان تاكل
كانت زينب بتنادى عليه عشان يقعد جمبها
بس هو قرب منى وقال بكل برائه
~انا هقعد جمب ليلو
:لا يا زين عشان تعرف هى تاكل
مقدرتش استحمل برائته رفعته من على الارض وقعدته فى حضنى
_انا هأكل دود متشغليش بالك كلى انتِ بس
سكتت عشان عارفه انا بحب زين قد ايه
_يلا يا دود افتح بوقك شاطور
اتكلمت وانا بضحكت على حلوته
وانا بضحك زين حط ايدو على غمزانى
:غمثتك جميله اوى يا ليلو شبهك
إبتسمت بإحراج لان ادم ساب الاكل وبصلى
:شبه غمثت ادم بس انتِ احلى مش صح يا ادم
غصب عنى بصتله عشان اشوف رد فعله
كان بيضحك
=عنك حق يا زين هى احلى
وشى سخن من الاحراج كلهم وجهو نظرهم ليا
رقيه بمرح
؛متشوفش بقا غمزاتها وهى بتضحك من قلبها يا استاذ ادم بتبقا حكايه
غمزتلى فى نهايه كلامها تقريبًا لحظت إعجابى من نحيته
خلصنا اكل وقعدنه فى الليڤنج
كان زين جاب كل الرسمات بتاعته عشان يورهالى
مع كل رسمه مهما كانت وحشه كنت بابين انهارى بيها
-جميله اوى يا دودو بس مين دى
:دى انتِ
شورت على نفسى بحركه عفويه
_انا
:اه انتِ بس هى مش حلوه زيك
كلام زين فى قلبى لو كان بس كبير شويه قرب منى وبسنى من خدى مكان غمزاتى
واتكلم بعبوس طفولى
:بس معرفتش ارسم غمثتك
=ايه يا زين هتفضل قاعد معاها هى بس وكل شويه تبوسها مفيش اى حاجه ليا
ده كان صوت ادم حسيت فيه شويه عصبيه مش عارفه من ايه
قرب منه زين وباسه هو كمان ان المحظوظه
=انا بحبك يا ادم انت كمان بس ليلو اكتر شويه صغنين
ضحكنا انا وهو على كلامه
الوقت كان اتأخر قمت عشان امشى او بمعنى اصح عشان اهرب من نظراته
نزلنا احنا التلاته مع بعض بس هو راح الجراچ
_هنركب ايه
=ليان
_خير عملتى ايه يا روكه الزفت
=محمد جى يروحنا
اتكلمت بصوت عالى
_يروح مين
=انا وانتِ
_انا مش هركب معاه خليه يروحك انتِ انا هركب تاكسى ولا اوبر
=يا ليلو بقا عشان خطرى انا مش هعرف اسيبك لوحدك
اتكلمت بسخريه
_حنينه اوى يا ختى انا مش بحبه الصراحه محمد ده انا سكته عشانك
=انا مش عارفه انتِ مش بتحبيه ليه كل ده عشان
نقصك كام درجه فى اعمال السنه ايام الكليه
_كام درجهه ده انا نجحت رأفه بصى اركبى انتِ معاه وانا هركب تاكسى
=بستنى من خدى انتِ اكتر حد بيراعينى فى الدنيا دى
_براعى ولا چهينه
بصتلى بقرف
=متهزريش تانى يا ليان ارجوكى اهو محمد وصل سلام
اتكلمت بصوت عالى لانها كانت مشت
_انا مش عارفه اقولك ايه انتِ الجدعنه بتخاف منك خلى بالك
وقفت واحده عشان اسألها اطلع ازاى على الطريق العمومى وقفت شويه مستانيه تاكسى
فى عربيه وقفت قدامى انا عرفاها دى عربيته نزل منها
=انتو مشيتو ليه انا رحت اجيب العربيه من الجراچ عشان اوصلكم
_حضرتك مقولتش على العموم ملهوش لازمه رقيه مشت خلاص وانا اهو هركب تاكسى
كنت بتكلم ببرود هو فاكرنى هنسى لما زعق فيا
=لو سمحتى يا انسه ليان اركبى اعتبرينى اوبر
ربعن ايدى وكلمته بإستفزاز
_مش بركب اوبر بركب تكاسى
=هو كدا امان يعنى طب على القليله انتِ عرفانى
كمل بخبث
=اديكى شايفه السواقين نزلين تحرش وخطف فيكم ازاى وانتِ مش عارفه المكان يعنى مش حافظه الطريق الى هيمشى منو فين الامان فى كده بقا
امم هو فاكر كده بيخوفنى هو رعبنى مش خوفنى بس واقنعنى الصراحه
فتح باب العربيه
=اتفضلى يا انسه ليان
اتكلم بطريقه كأنه بيقنع عيل صغير نفس طريقته مع زين
ركبت وانا الصراحه مستغربه طريقته ده كان لسه امبارح هيطحنى ضرب
ركبت جمبه بس لاحظت علبه فيها كيك بصتلها بإستغراب وافتكرت اننا نسينا نقدم الكيك لان ادم كان جايب معاه حلويات
لاحظ استغرابى وانا بصه للعلبه
=ايوا هى
التفت ليه وبصتله بإستغراب
=الكيك بتاعك زينب نست تقدملنا منه فا ادتنى منه وقالتلى لازم ادوق الكيك بتاعك
ابتسمت ليه
_بالهنا والشفاء
سكتنا شويه بس واتكلم تانى
=انا مكنش قصدى انى ازعقلك كده
جاوبته بهدوء
_حصل خير يا استاذ ادم
=انا مش بحب اعتذر لحد او ابرر موقفى بس انا خفت عليكى وخصوصًا انك كنتى لوحدك
ابتسمت ليه
_ولا يهمك حصل خير
غصب عنى مش قادره مخدش منه موقف عارفه انه مش من حقى بس انا مش هقدر اقرب من حد او اخد قرار غلط انا خايفه خايفه يطلع زى بابا
مش بيعرف يعبر عن حنيته مش بيعرف يعتذر دايما زعيق وممكن توصل معاه للضرب ساعات حنيته مش بتظهر غير وقت التعب رغم كل ده بحمد ربنا انى بشوف منه حنيه حت لو مؤقته
عدى اسبوع والنهارده خطوبه رقيه
لبست دريس اسود وطرحه سوده شكلى كان رقيق وجميل ملامحى عاديه لكنها جذابه
سلمت عليها واتصورت معاها شكلها كان يجنن
كنت قاعده على ترابيز لوحدى
=ممكن اقعد لو سمحتى
_اه طبعًا اتفضل
خطفت نظره سريعه عليه كان لابس قميص اسود وبنطلون اسود شكله كان يشد اى حد
ابتسم ليا ابتسامته الجميله
=شكلنا عاملين ماتشنج مع بعض
قرب منى شويه
=بس الصراحه الاسود هياكل منك حته
_هياكل منى حته!
_ انت مين ممكن توصلنى بأستاذ ادم لو سمحت
ضحك ضحكه واسعه المرادى ضحكته حلوه اوى
=مع حضرتك نسخه ادم مش بتطلع غير للحبايب
غمزلى اخر كلامه وقام يسلم على حازم
_للحبايب!
ده طلع باد بوى
عدى اسبوعين بقينا بنتقابل كتير فى الشركه من ضمنهم مره اتعزمنا تانى عند زينب
صحيت تانى يوم بدرى على غير العاده اتشيكت مش عارفه ليه او عارفه بس بستعبط
وصلت الشركه بس سلمت الاول على بسبوسه وميدو كنت بحطلهم اكل
_صباح الخير يا بسبيسو انتِ وميدو جبتلكم شويه لنشون ايه حكايه و حلوانى كمان
قطعتعولهم وحطيت لهم مايه
ميدو قرب من بسبوسه وبدأ يلحسها
_حتى انتِ يا بسبوسه لقيتى شريك حياتك الحنين وانا لاء
جيت اطبطب على بسبوسه بعدت وراحت نحيه ميدو تانى
_بقت كده يا بسبوس شوفى مين هيأكلك
كملت بمرح وانا بغنى
_وقوليلو ياخد بالو منك زى ما كنت انا بخاف
=هتفضلى قاعده هنا كتير ولا ايه
وقفت بسرعه اتخضيت من صوته
اتكلمت بإرتباك
_انت هنا من امتى
=من ساعت ميدو ما عاكس بسبوسه
عمل نفسه بيفكر
=امم ولا اقولك من لما جبتى شويه لنشون انما ايه حكايه لحد وقوليلو ياخد باله منك
حسيت بحراره فى وشى اتكسفت جدا من الموقف
قرب خطوتين منى وقرب من ودنى
=متقلقيش هتلاقى شريك حياتك زى بسبوسه وهيبقا احن من ميدو كمان
بعد شويه بص لوشى وكمل
=فى حاجه عايز اعملها بس هانت خلاص
استغربت من كلامه
اتكلمت بإرتباك
_ع..عن ازنك عشان متأخرش
مشيت من قدامه او جريت بمعنى اصح
حكيت لرقيه وطبعًا مسلمتش منها
=انا رأى تلبسى نبيتى فى الخطوبه بيليق عليكى
اتكلمت بنفاذ صبر
_انا غلطانه انى بحكيلك والله
=ليه كده بس يا ليلو ده انا حتى بحبك
_وانا لاء
كان فيه اجتماع للقسم بتاعنا مع ادم
كنت حاسه ان عينه متشلتش من عليا تقريبًا كله لاحظ كده لان رقيه كانت عماله تضربنى فى رجلى من تحت الترابيزه
=احنا هنتقسم تيمات عايزكم تراجعه حسابات الشركه فى اخر ٥سنين وجزء منكم هيحسب تكفله المشاريع الجديدة وهتراجعو الميزانيه
هتتقسمه اتنينات
=اتفضلى يا انسه داليدا عرفيهم التيمات
بدأت داليدا تقول الاسامى وللاسف رقيه بقت مع حد تانى لحد ما جه اسمى
:وليان هتبقا مع حسن
كنت لسه هعترض لكن هو سبقنى
=اشمعنا يعنى هتبقى مع حسن
:لان ليان لسه متدربه محتاجه حد يكون عنده كفائه يعرفها اساسيات الشغل
مردش عليها بس شفته وهو بيشد على قبضه ايده
عدى يومين من لما اشتغلت مع حسن طريقته مكنتش عجبانى كنت حساه خبيث شخص مش مريح وبيحاول يتعدى حدوده وانا كنت بصده sweet taker درجه اولى
~خلصتى الملف ده يا انسه ليان
_اه بس فى حاجه مفهمتهاش
~ايه هى
وقف جمبى بس مع احترام المسافه ما بينا مديتله الملف وبدأنا نتناقش فيه
=خلصته الملفات ولا لسه
بصيت لمصدر الصوت بإستغراب
كان ادم واقف وباين على ملامحه الغضب مش عارفه ايه الجايبه مكتبى دى اول مره يعملها
~اه يا استاذ ادم فاضل كام ملف قدرنا نخلصهم بفضل شطاره انسه ليان
ملامحه بقت حاده اكتر
=طبعًا كله يشهد على شطاره ليان
وجه كلامه ليا
=هاجى كمان ساعه استلم منك الملفات
هزيت راسى بمعنى حاضر
وكملنا شغل عدى وقت كتير
كنت بشتغل بسرعه ودقه عايزه اخلص من حسن ده والحق اسلمهم
~ليان بصى كده
بصتله بعصبيه
_انسه ليان لو سمحت
~يا سلام طب ما استاذ ادم لسه قايلك ليان ومتكلمتيش ولا هو حلال لغيرى وحرام ليا احنا كلنا عرفين علاقتك بالمدير يا حلوه
بصتله بصدمه من كلامه ازاى قدر يتكلم عنى كده
_انت حيوان ازاى تتكلم عنى كده انا اشرف منك
حاول يمسك ايدى بعدتها عنه بسرعه
وصوتى بدأ يعلى
_تعرف شكلك واحد مهزق وبتحب الى يهزقك
قرب منى كان هضربنى
بس فى ايد منعته كان ادم
اتكلم بزعيق
=ممكن افهم ايه الى بيحصل هنا
_اتعدى حدوده معايا الزباله
~انا زباله ي..
=بس ولا كلمه ليان على مكتبى وانت تدخلى بعدها سامع
صوته من كتر ما هو عالى خلانى اترعش غصب عنى
اتحركت وراه بكل طاعه
حكتله كل حاجه حصلت
مع كل كلمه بقولها كانت ملا محه بتبقا حاده اكتر وبيشد على قبضته اكتر
=ومقولتليش ليه من الاول
_لانه كان بيقول كلام وخلاص وانا كنت بوقفه عند حده
اتكلم بصوت عالى
=ما لو هو انتِ بتوقفيه عند حده ازاى قدر يتطاول معاكى كده فهمينى
_تقصد ايه
سألته وانا مستانيه يرجع فى كلامه ويطمنى ويقولى انه هياخد حقى منه
=اتفضلى على مكتبك
اتكلمت بإنفعال
_رد عليا تقصد ايهه
_يخساره بجد كنت فكراك مختلف طلعت زيهم انا همشى ومش هرجع تانى
كنت هطلع بس لفت نظرى كوبايه مايه كانت قدامه حسيت انه مش هيرجعلى حقى اخدتها وفتحت الباب وانا عارفه انى هلاقى حسن واقف برا مكتبه وطلعت صح كبتها فى وشه بسرعه
_اياك تظهر تانى قدامى انت سامع المره الجايه هكسرك ايدك الكانت هتتمد عليا
اتكلمت بثقه لميت حاجتى ومشيت وانا دموعى على خدى وقلبى مكسور مشيت وانا مقرره انى مش هرجع تانى
يتبع..
لثالث من هنا
