رواية ليث وقمر حبيبتي الفصل الخامس 5 بقلم ايمي عبده
الحلقه الخامسه
عاد ظافر من سفرته وقابلته زوجته وإبنتاه بالترحاب كذلك باقى العائله وكان موعد الغداء فلم يستطع الإنفراد بزوجته التى إشتاق لها كثيرا
جلس الجميع حول مائدة الطعام فأمسك ظافر بيد ندى تحت المائده وهو يرجوها بعيناه أن تصعد معه إلى غرفتهما لكن خجلها منعها من الموافقه رغم إشتياقها إليه
وتورد وجهها خجلا ليكشف ما يفعله ظافر فتحاشى ليث النظر إليهما وحاول أن يخفى بسمته ولم يلاحظ أحدا من الحاضرين الأمر سوى ليث ووالده وتلك اللئيمه زوجة هاشم فأرادت أن تنفث شرها فيهما
لوت فمها ساخره وهى تنظر لهما بحقد بائن : جرى إيه يا ندى هو محدش قالك إن الأكل بيبقى باليمين يا حبيبتى
إنتزعت ندى يدها سريعا من حضن يده ووضعتها على الطاوله وهى تتمنى لو تختفى من خجلها بينما نظر ظافر لتلك الحقود بغيظ وهو يصر على أسنانه
نظرت والدته إلى ندى تسألها ببعض القلق : إنتى كويسه يابنتى
توترت نظرات ندى وهى لا تعرف بما تجيب : هه أأ آه
فاديه : إيدك تعباكى ولا حاجه
ندى: هه أأ آه كا كانت منمله شويه
زوت هيام جانب فمها بسخريه : هى مش العاده إن الرجل اللى تنمل
فأجابها ظافر بغيظ : وانتى مالك
نظرت إلى هاشم الغير مبالى بما يحدث : سامع أخوك
نظر لها بملل من غيرتها الغير مجديه : تستاهلى متطفحى من سكات ولا هو لازم تعملى مولد كل مره
صدمها قوله المهين فقد تمنت أن يدعمها حتى ولو من باب مضايقته لظافر ولكنه لن يفعل فظافر لا يشكل أى إزعاج له فهو بسيط مسالم على عكس ليث ذكى شرس لذا مادام الأمر لا يخص ليث فلن يبحث عن المشاكل
مال إليها ليث ناصحا بما يشبه الهمس : بدل شغل السلايف الأهبل ده ركزى مع جوزك شوفى راحته خليه يمسك فيكى بإيديه وسنانه مش يبقى رامى طوبتك على طول كده
إنفعلت وهى تنظر إليه بغضب : قصدك إيه
تنهد بضيق : غبيه أنا بنصحك بتهللى ليه
حينما سمع هاشم صوت ليث رفع عيناه وهو بتظر اليه بحده مفرطه : مالك ومال مراتى ياليث
ضحك ساخرا : ههههه مراتك انت لسه فاكر ياراجل دا الكرسى اللى انت قاعد عليه منتبهلها عنك
هاشم : ملكش فيه هى مراتى أنا
ليث : وهو أنا جيت جنبها ماتولع بيها
أراد هاشم إغضابه : إتلم وإبعد عنها مش معنى إنك فاضى وصايع ومش لاقى اللى تلمك تقرف فى حريم غيرك
نهره أدهم بحده : هاشم إيه اللى انت بتقوله لأخوك ده
نظر له هاشم بضيق : إيه يابابا يعنى أطرمخ علشان أعجب
فصاح أدهم بغضب : إخرس ياحيوان ليث ضفره برقبتك وسكك الخبص دى مش هو اللى يمشى فيها
إنفعل هاشم أكثر : جرى إيه يابابا هو إنت شغاله محامى على طول مانا ابنك برضو
رمقه بغضب ثم نظر إلى فاديه التى لا تهتم بما يحدث ثم نهض غاضبا وتركهم يفعلون ما يشاءون فقد مل الأمر
ثم تبعه ليث ثم فاديه والأحفاد وإنفض الجمع فى لحظه
نظر له ظافر بضيق : ليه كده ياهاشم
أجاب ظافر بغيظ وهو ينظر إلى كرسى ليث الفارغ : اسكت انت طيب متعرفش غله
تمتم ظافر بخفوت : غله هو برضو
فنظر له هاشم بغضب : بتقول إيه
ترك ظافر الطعام ونهص ممسكا بيد زوجته : بقول شبعت يلا ياندى
نظرت لهما هيام بغيظ وهتفت بندى : انتى راحه فين ياحلوه اومال مين هيشيل الأكل
تركته نهى لتعود فإستوقفها قائلا: هو مفيش غير ندى فى البيت ما إنتى اهوه
وقفت تصيح بغضب : أنا مش خدامه عندكم عشان أشيل وراكم
إنفعل ظافر أكثر وصاح غاضبا : وهى ندى اللى خدامه لأ فوقى إنتى زيك زيها فمتوهميش روحك بسلطه مش بتاعتك
- لآ يا عنيا أنا مرات أخوك الكبير يبقى تحترمنى
- مش لما تبقى محترمه
- إيه إنت اتجننت بتشتمنى طب منش قاعدلكم فيها
- المركب اللى تودى
نظرت إلى هاشم: هاشم سامع أخوك
فأجابها ببرود : آه
سألته بحده: وهتسكتله
- لأ
تهلل وجهها بفرح: أيوه كده وريهم
وقف يمسح يداه ثم نظر لها بضيق : هاتيلى الشاى فى الجنينه
فغرت فاهها بدهشه : هاه
- إيه انطرشتى
- طب وأخوك اللى هزقنى
- إنتى كمان هزقتيه تبقو خالصين
فصاحت بغيظ : ياسلام انت مش قولت إنك مش هتسكت
- آه مش هسكت هنام
تحرك أمامها بمنتهى البرود ثم إستدار قائلا : متنسيش الشاى
لم تجد بدا من الركض بعيدا عن عيونهم الشامته لتلهى نفسها فى تحضير الشاى له حتى لا يصب جام غضبه عليها
تنهدت ندى بحزن : تصدق رغم كل أفعالها دى إلا انها صعبانه عليا أخوك بصراحه معاملته وحشه أوى
زفر بغيظ : ماجمع إلا اما وفق هو لو كان مديها وش حلو كانت اتفرعنت ثم من امتى حد فيكم بيشيل الأكل ولا هو قرف وخلاص
- طب انسى ومتحرقش دمك
زفر الهواء ببطأ ليهدأ : طيب بس بعد كده متعبريهاش البيت مليان خدم مش من حقها تطلب منك تعملى حاجه بطلى تخافى منها وتعمليلها قيمه
إقتربت منه بحب : مش خوف ياحبيبى أنا بس اللى مبحبش المشاكل وهى بصراحه مشكلجيه
تنهد بإشتياق : سيبك منها إنتى وحشااانى
عضت شفتها السفليه بخجل : عيب ياظافر
إبتسم بخبث : عيييب؟ ليه ياروحى هو أنا بقابلك من ورا أبوكى ولا حاجه
ضربته بخفه على كتفه : بس أحسن واحده من بناتك تسمعنا
رفع حاجبه بتحدى : ماتسمع هو إحنا بنسرق ولا هما فاكرينا جبناهم باللاسلكى
إحمر وجهها خجلا من تلميحاته الجريئه فجذبها إليه : يالهوى ياندى يابت دا إنتى مخلفه منى تلاته ولسه بتتكسفى بس تعرفى بتجننينى لما بتحمرى كده
همست بخجل : بس بقى الله
قربها إليه أكثر : بس إيه دا أنا أنا اااه إطلعى قودامى بدل ما اتهور هنا وتبقى فضيحه
دفعته بخجل : هااا
ثم ركضت إلى الأعلى بوجه خجول ضاحك بينما تابعها بإبتسامه سعيده : آه ياندى إنتى عوضى عن اللى فات كله
قاطع لحظته الحالمه صوت هاشم المزعج : لسعت ولا إيه
فإنتفض فزعا : أعوذ بالله
رفع هاشم حاجبه بسخريه : إيه شوفت شيطان
تمتم ظافر بغيظ : ألعن
ثم إبتسم له بغيظ : عن إذنك
- على فين مش هتيجيب تقرير شغل الأيام اللى فاتت فى سفريتك
- ساعه ونازل
- ليه
- نسيت الموبايل
- وهتجيبه فى ساعه ليه هتصنعه من أول وجديد ثم إنت طلعته إمتى دا إنت لسه واصل
-طب يا أخى لسه واصل أطلع أرتاح مش تقولى شغل
أتى ليث : جرى إيه
نظر له هاشم بغيظ : انت لسه هنا
فإبتسم بسماجه : تصدق آه
نظر له ظافر : اسبقنى ياهاشم وأنا هحصلك وانت ياليث روح شوف وراك إيه بلاش مشاكل وحيات ابوكو
زفر هاشم بغضب : ماشى بس متتأخرش مش عاوز عطله
تمتم ليث بصوت مسموع : لأ وانت نشيط وشاطر أوى
فأجابه هاشم بثقه : طبعا من غيرى الشركه تقع
وضع ليث يداه فى جيب بنطاله وضحك ساخرا : هههههههه آه بأماره الإستفتا بتاع أول إمبارح
صاح هاشم معترضا : دا أونطه وأنا هشكك فيه وأنا متأكد إنها لعبه من ألاعيبك بس دا بعينك
تنهد ظافر بيأس : جرى إيه ياجدعان انتو ماشيين تتشاكلو امشى ياهاشم ربنا يرضى عليك دلوقتى
إبتعد هاشم بينما ضاقت عينا ليث وهو يتمتم بغضب : غور إلاهى ماترجع
نظر له ظافر بضيق : وبعدييين ماتعقل انت كمان ثم إيه الاستفتا دا
- البيه بيتنطط عالموظفين وقارفهم وبيضايق الموظفات وأبوك من كام سنه كان عامل نظام المشوره الجماعيه فى قرارات الترفيه والنقل والسفر وعجبتنى الفكره أبقيت بعده عليها والناس عملو استفنا ومن أول اللى واقف على باب الشركه لحد أعلى راس فيها بيطالبو إن هاشم اللى يقوم بالسفريات وانت تقعد مكانه
أشار إلى نفسه بصدمه : أنا ؟!!
- آه الناس بتحبك وتحترمك وهو سفره هيبعده ويخليهم يشتغلو من غير أرف
- واشمعنى أنا
- أنا شغلى أغلبه سفر وبغيب كتير عن الشركه لكن انت اللى موجود وأهو تبقى جنب مراتك بدل ما انت وهى عاملين زى المخطوبين
زفر بضيق : يوووه متفكرنيش بقى
- مش ذنبك إن شغلنا بره عاوز متابعه مستمره وأمك واقفه زى اللقمه فى الزور لا عاوزاك تاخد مراتك معاك ولا عاوزه تسيبكم تعيشو لوحدكم عاوزه تشبع منك بعد ما صابتها الأمومه المتأخره
- ياجدع طول عمرها نسيانى وجايه ف دى وتبت فيا إيه دا غلب محدش حاسس بيا خالص
غمزه بمكر : لأ إزاى حاسين وواخدين بالنا أوى أوى
إبتلع ظافر ريقه بحرج : هما مين دول اللى واخدين بالهم ومن إيه
دفعه بخفه : متخفش ياقلب أخوك دا أنا وأبوك بس
زفر بإرتياح : بتلاعبنى ياليث ماشى
أجابه بمزاح : وهو أنا بعرف ألاعب أبوك اللى لعيب كبييير بعد ما أمك إتعدلت قرر يعيد مجد الصبا وساب الشغل وعاملى عريس فى البيت
ضحك ظافر بقوه ثم غمزه مازحا :وإنت إيه مش ناوى
تغير وجه ليث لغضب مخيف وهو يسأله بحده : ناوى إيه
إبتلع ظافر ريقه وحاول تغيير مجرى الحديث : قصدى على أمك مش ناوى تعاملها أحسن من كده
فأجابه بسخريه : يعنى أعمل إيه أتحزم وأرقص كل أما أشوفها
تنهد بحزن : لأ بس على الأقل لما ترجع من السفر وتجرى تقابلك خدها بالحضن
غمزه بمكر : بس كده هحضن وأبوس كمان بس لو أبوك طخنى عيار عفريتى هيجيب أجلك
ضحك ظافر بقوه ثم عقب بمرح : أبوك دا حكايه بقى بغير عليها مووت دا معملهاش وهما صغيرين دا لما برجع من السفر وأجى أسلم بلاقيه بيبرقلى ويقولى سلم بأدبك وماسك إيدها مانعها تحضنى
- هههههههه مش بقولك عامل عريس هههههههه سيبك إنت من غرام الكبار ده و إلحق إطلع لمراتك لتزهق وتنزل وساعتها مش هتتلايم عليها فى نهارك
نظر لها بخوف : لأ تنزل مين دا أنا ماصدقت طلعت
- ههههههه مجنون ربنا يسعدك آه وقبل ما تنسى نفسك إبعت تقرير السفريه مع حد من العيال لهاشم تلاقيه فوق دماغك
كانت تتابع مايحدث بحسره لم تكن تغار من ندى نفسها ولكنها تغار من عشق زوجها لها وتنهدت بحزن وهى تعود إلى المطبخ لتشغل بالها عن التفكير ولكن كيف فهى تجنى ما زرعته استمعت لوالداتها وتزوجت هاشم لثرائه رغم أن حياة والدتها أكبر دليل على فشل هذه النصيحه فأباها يحيا مع والدتها من أجل المظاهر فقط وها هي تعيد الكره بكل غباء وتذكرت حينما كانت محبوبه من أحدهم وتركته من أجل هاشم هو لم يكن فقيرا معدما ولكنه لم يكن بثراء عائلة هاشم لم تتمسك به أبدا
تذكرت حينما تصادفت معه منذ يومان كان برفقة زوجته وطفليه كم كان سعيدا بصحبتهم كان وجهه ينبض بالسعاده لم تره هكذا قبلا فقد كانت متطلبه مدلله ولم يعترض يوما على عكس زوجته المتفانيه التى ساندته حتى نجح فى حياته تفاجأت به يحدثها وكأنها عابر سبيل بحياته وما صعقها هو رد فعل زوجته إتضح أنها سمعت عنها منه فهو لا يخفى شيئا عنها على عكس زوجها الحبيب الذى ركضت خلف أمواله ويعاملها كخادمه ولا تعلم عنه شئ كما أن رذائله لا تنتهى أبدا ولكنها تتصنع الجهل لتحفظ ماء وجهها
بعد أن علم ظافر بخبر حملها أبلغ الجميع وهو فى منتهى السعاده وسعد الجميع بهذا الخبر بينما حاولت هيام تعكير فرحتها وهى تخبرها أنها لابد وأنها حامل بفتاه
فنظر لها ظافر بضيق : وإيه يعنى دا حتى البنات رزق وضحكه حلوه فى البيت والبنت حبيبة أبوها
نظرت له بغيظ : آه بس برضو الواد راجل وسند
- مش دايما ساعات بيبقى خيبه قويه ثم إن كان ولد ولا بنت دا منى مش منها ثم مالك إنتى إن كان ولد ولا بنت
- خايفه على مصلحتها الولاد عزوه برضو ويمكن عينك تزوغ كده ولا كده بحجة الولد
ضحك بقوه جعلها تقضم أظافرها غيظا ثم رمقها بإستهزاء: لا والله طب ما إنتى أهو معاكى بدل الولد أربعه مش شايف جوزك ميت ف هواكى يعنى اللى بيحب مراته وتكون تستاهل مبيفرقش معاه كلام الجهله ده
نظرت حولها فوجدت الجميع ينظر لها بضيق حتى أبنائها فهى لا تنفك تحول فرحهم لضيق فقط لأنها ليست سعيده فى حياتها
نظرت له ندى بعتاب : مكنشى فى داعى تزعلها أنا خلاص خدت على طريقتها دى
عارضها بضيق : يعنى تحرق دمنا وتبوظ فرحتنا وأصقفلها ثم المفروض هى اللى تتغير مش إنتى اللى تتعودى على قرفها
حمحم إبن هاشم الأكبر (سليم)وهو ينظر إلى ظافر بخجل : أنا آسف ياعمى بالنيابه عنها وآسف ياماما ندى
تنهدت ندى بضيق : ياحبيبى وإنت ذنبك إيه ثم أنا كام مره أقول بلاش ماما ندى دى أمك مش طيقانى من غير حاجه
نظر سليم لها بحرج ثم إلى أخواته بحزن فأدرك ظافر أنهم يعتقدون أن ندى ترفضهم بسبب والدتهم فنظر لهم وهو يرسم جديه زائفه على وجهه ويحاول ألا يضحك : لاااا إسمع إنت وهو محدش فيكو يقولها ياماما ندى
نظروا له بحزن سرعان ما تحول لدهشه إنتهت بضحكات سعيده بعد أن غمز ندى وأكمل بمرح : غيرى
فلكظته ندى بخفه ووجهها يتورد خجلا من نظراته لها
تعالت الضحكات حتى أتى هاشم وجلس بينهم : يامساء السعاده خير متفرحونى معاكو
نظر له ظافر وإبتسم : ندى حامل
إبتسم هاشم وهو ينظر إلى ندى : ألف مبروك يامرات أخويا ربنا يكملك على خير
أجابته بهدوء : الله يبارك فيك
جلس الجميع يتسامروا حتى تأخر الوقت وذهب كل إلى غرفته
علم فارس بالخبر من ليث فهاتف ظافر يبارك له ففارس يعد أخا لهم
أبلغت ندى نيره وريم بالخبر فأتت نيره لزيارتها ومباركتها وأرسلت لها ريم برقيه تهنئه ووعد بالزياره قريبا فهى لم تراها منذ تزوجت
فرحت ندى كثيرا بهذا الخبر وظلت تنتظرها كل يوم ولا تمل التحدث عنها حتى إشتاق الجميع لرؤيتها
أخبر ليث والده بأمر الإستفتاء فنصحه والده أن يبحث عن حل فقد أرسلو هاشم سابقا وتسبب فى مشاكل كثيره أما هنا فهو نوعا ما تحت السيطره
كان الحل هو أن يظل هاشم فى نفس مركزه ولكن يتم تعيين نائب له بإختيار الموظفين يكن وسيطا بينه وبينهم فلا يتم التعامل المباشر بين هاشم والموظفين وبهذا يرضى جميع الأطراف
فى صباح يوم مشرق قرر ليث عمل نزهه لأبناء أخويه وأخذهم جميعا وذهبو وبعد مرور ساعتان أتت الخادمه إلى ندى : الحرس بره بيقول فى واحده بره بتقول إنها صاحبتك وإسمها ريم
نظرت لها ندى بذهول : مين معقول أخيرا نزلت مصر
ثم نظرت إلى أدهم : والنبى ياعمو خليهم يدخلوها بسرعه
إبتسم أدهم بهدوء : هيا دى صاحبتك اللى دوشانا بيها
أومأت بسعاده ونهضت تنظر إلى الباب بلهفه
دخلت فتاه لعوب ترتدى ملابس خليعه وبيدها مصاصه تحركها بإثاره فى فمها فإلتفت الجميع إليها مصدوما
ضربت هيام براحة يدها على صدرها : يا لهوى بقى دى صاحبتها
نظر لها ظافر بذهول : مستحيل
بينما إقتربت الفتاه وهى تلوح لهم بيدها وتتحدث بصوت مثير : هااى إفرى وان
ثم سحبت كرسى وجلست تضع قدما على قدم بلا إستحياء
نظر لها هاشم بابتسامه بلهاء : هاااى
ثم دخل من الباب فتاه محتشمه تمتلك وجه برئ وابتسامه هادئه :السلام عليكم
فأجابها الجميع : وعليكم اليلام ورحمه الله وبركاته
نظر لها هاشم بمكر : هيا الدنيا بتمطر صواريخ النهارده ولا إيه
هجمت عليها ندى واحتضنتها : اااه وحشتينى وحشتينى أوى أوى يا ريم
بادلتها الإحتضان : وانتى وربنا
إبتعدت ندى وهى تسألها بسعاده : إنتى هنا من إمتى
فأجابتها بهدوء : لسه من المطار قولت اعدى عليكى الأول أسلم وأخد نمرتك ولما استقر على فندق اتصل بيكى ونتقابل مكنتش مصدقه إمتى هشوفك مقدرتش استنى لما ارتاح من السفر
ندى : إنتى وحشانى فوق ما تتخيلى وحشتنى قعداتنا وخروجاتنا يااااه
نظر لها ظافر بتمعن فوجهها يبدو مألوفا نوعا ما ثم قضب جبينه متعجبا وهو ينظر بين ريم والفتاه الأخرى : لما دى صاحبتك اومال مين دى
فأجابت ريم بحرج : دى دى إحم دى اختى
نظر لها الجميع بذهول متعجبين : مييين
سألها ظافر : انتو اخوات طب ازاى
أجابته بحرج : عادى إختلاف فى وجهات النظر
اقتربت ندى من ريم هامسه : إيه اللى جابها معاكى
زفرت بضيق وهى تجيبها بهمس : ماما الله يسامحها
- يييه هتقرفنا فى الخروج
- لأ اطمنى هيا مبتقبلكيش فمش هتيجى معانا
- وإيه الأرف اللى هيا لبساه ده
- والنبى ما تفكرينى دا إحنا من المطار لهنا ماشيين بزفه كل من شافها بلم ولا صفر دا حتى سواق التاكسى اللى جينا ليه أول ما خرجنا من المطار ولسه هنشاور لقيته بقى قدامنا وكان مركب زبون خليجى هيشهيصه طرده طردة الكلاب عشان نركب
- ههههههه
- إنتى بتضحكى على إيه اتنيلى بقولك هو جوزك مين فيهم
- اللى هناك ده لابس بنى
- طب خدى بالك منه عشان منظره وهو بيبصلها ميطمنش
كان عقل ظافر يحاول إستيعاب هذا الكائن المدعو انجى كيف سمح لها عقلها بالسير بهذا الشكل فى الطريق ألا يوجد بعائلتها كافه ولو رجل واحد يمنعها من هذا وكيف تكون هكذا وأختها تبدو آيه من آيات الأخلاق
نظرت لهما فاديه بإبتسامه هادئه : جرى إيه بابنات هتقعدو تتوشوشو بعيد كدا كتير
نظرت لها ندى بحرج : هه لآ إحنا مبنتوشوش ولا حاجه
إقتربتا وجلستا معهم بينما مال ظافر إلى هاشم هامسا : يا أخى أنا مش فاهم دول إخوات ازاى البت صاحبه ندى سكه ودى سكه تانيه خالص
فعقب هاشم هامسا وعيناه مسلطه عليها : تانيه وتالته ورابعه
ثم نظر إلى ندى : طب مش تعرفينا
أجابته بهدوء وهى تشير على ريم : دى ريم صاحبتى
نظر إلى الفتاه الأخرى بمكر : طب والأنسه مايوه أأ قصدى إحم
فاجابته بضيق : دى أختها
همس له ظافر بضيق : اتلم بقى لان تقريبا مراتك واخده بالها
فأجابه بلا مبالاه : ياعم سيبك منها
ثم نظر إلى الفتاه : ومقولتليش الصاروخ دا نظامه إيه
قضبت جبينها بتعجب : افندم
غمزها بخبث : إسمك إيه ياعسل
فأجابته بدلال : إنجى
- ااااه يابختك ياعلى
- ههههههههه
كان ظافر غاضبا من افعال هيام مع ندى فأراد ان يكيدها : شاكلك هتطلقى قريب دا مش عامل حساب ليكى ولا للولاد ولا لأبوه حتى
هاشم : إيه رأيك نتعرف
إنجى : نتعرف وماله
هاشم : أنا هاشم ودا ظافر أخويا ودا بابا ودى ماما
عقب ظافر بسخريه : وبالنسبه لمراتك اللى منتجتها من التعارف
تأفف وهو يشير نحو هيام بضيق : آه ودى المدام
مالت ريم هامسه الى ندى : شكل سلفتك هتطلق النهارده أنا هاخدها وامشى بدل ماتتنيل أكتر
ثم نظرت لأختها : يلا يا انجى
فسألتها بتعجب : يلا على فين
ريم : نمشى
تدخلت فاديه وياليتها لم تتدخل : تمشو !! تمشو فين بس
فاجابتها ريم بهدوء : عالاوتيل طبعا
تسائلت : انتو ملكمش بيت هنا
ريم : لأ
فإبتسمت فاديه : طب معقول يبقى بيتنا مفتوح وتنامو فى اوتيل لوحدكم
رفعت حاجبيها تنظر لها بذهول ثم مالت إلى ندى هامسه : حماتك دى بينها هبله
نظرت مجددا إلى فاديه حينما وجدتها تقول : لازم تقعدو معانا ماتقولى حاجه لصاحبتك يا ندى
فأجابت ندى بحرج : هيا ادرى براحتها
ريم: لا متشكرين ياطنط لذوقك
فاديه : لأ ازاى ميصحش
نظرت ريم الى ندى : الظاهر حماتك كريمه اوى وطيبه بس طيبتها وكرمها المره دى مش فى محلهم
نظرت إنجى إلى ريم : الجو هنا لذيذ خلينا
فأجابتها ريم بضيق : خلينا فين لأ طبعا
لم تهتم لضيقها وإستكملت : أنا عجبنى المكان وناسه هههه هفضل
صرت ريم على أسنانها بغضب : تفضلى فين هو بيت ابونا قومى ربنا يهديكى
إعتدلت وهى تنظر إلى هاشم بدلال : يوووه طيب عن اذنكم مع ان الصراحه انتم متتستبوش
ما إن وقفت حتى أسرع هاشم قائلا : لا وربنا مانتى ماشيه دا انتى ضيفتا إحنا بيت كرم
انجى : كده
هاشم : آه
انجى : طيب اقعد بقى
جلست مجددا فتأففت ريم : استغفر الله العظيم دا ايه الجنان ده يلا يابنتى من هنا أقولك أنا ماشيه
لوحت انجى بيدها بلا إهتمام : امشى براحتك أنا عاجبنى جو العيله أوييييييى أوى
زغرت ريم بضيق : اللهم طولك ياروح
تدخل أدهم : خليكم يابنتى الظاهر إن الانسه مبسوطه هنا ومش ناويه تمشى
نظرت له انجى بسعاده : برافو يا اونكل بس قولى انت ازاى كده
قضب جبينه : ازاى اللى هو إيه
غمزته بوقاحه : ازاى مز كده وولادك رجاله دا أنا حسيتك اخوهم
نظرت ريم لندى بقلق : يالهوى دى اديرت على حماكى
ربنا يسترها
أجاب أدهم بثقه : مهو أنا أخوهم و أبوهم وعمهم وخالهم أنا سندهم وهما عكازى
انجى : وااو بتقول حكم
زفر أدهم بضيق : انا رايح المكتب متنسيش يا ندى تجهزيلهم الاوضه الفاضيه اللى جنب اوضه ليث
فإعترض هاشم بلهفه : مانا جنبى اوضه فاضيه يخدودها
فأجابه أدهم بحده : لأ
تركهم وغادر وتأفف هاشم فمال إليه ظافر هامسا له : أبوك مش أهبل وعارف بلاويك لو حطهم جنبك هتجيبلنا فضيحه يا هيام هتعبيك إنت وهيا فى كياس
نظر له بسخط : ووجودهم جنب ليث هيخليهم يطفشو
ذهبت الفتاتان برفقة ندى إلى غرفتهما بينما ثارت هيام تعترض على وجودهما فلم يهتم هاشم وتركها وذهب إلى عمله برفقة ظافر
حل المساء وعاد ليث بصحبة أبناء أخويه ولكنهم لا يمرحون كعادتهم ووجه سليم عليه آثار ضرب ويبدو غاضبا وإبنة ظافر الكبرى(يارا) تبدو باكيه
لم يعقب أحد فعلاقة ليث بهم قويه ولا يسمحون لأحد بالتدخل بينهم وبينه
لم يكن هناك سوى والديه وظافر وهيام فندى نامت من تأثير الحمل كذلك صديقتها وأختها من إجهاد السفر وهاشم لازال بالخارج
إقتربت هيام من سليم بلهفه تتفحص وجهه ثم نظرت إلى ليث بغيظ : عملت إيه فى الولد؟
زفر بضيق فهى بدون أن تسأل ظنت به السوء وقبل أن تستمر فى لومه وجدت أولادها ينظرون لها بكره وتركوها وصعدو إلى غرفهم فإقتربت من ليث تصرخ بوجهه : بتعصى العيال عليا ياليث
جلس بهدووء غير مبالٍ لها : بيتهيألى العيال مش أغبيه عشان يعرفو إنك لا تصلحى تكون أم ياشيخه دا إنتى حتى مفكرتيش تسألى الولد لو كان كويس ولا لأ ولا سألتيه إيه اللى جراله جرى شبطتى فى خناقى
نظرت حولها تبحث عمن ينصرها فلم تجد فصعدت إلى غرفتها تتحسر على ما هى فيه
ذهب أدهم وفاديه للنوم بينما جلس ظافر أمام أدهم : ناوى تقولى إيه اللى حصل ولا أقوم أنام أحسن
رفع حاجبه وسأله بثقه لعلمه بالإجابه : وهيجيلك نوم
تنهد بضيق : الصراحه لأ منظر سليم بيقول كان بيتخانق ومنظر يارا بيقول إنها كانت زعلانه عليه بس اللى مش فاهمه سليم مش مشاغب إيه اللى خلاه يتخانق
إبتسم ووهو يرجع رأسه للخلف ويفرد ذراعيه على كافة الكرسى : استنتاجك نصه بس اللى صح سليم فعلا كان بيتخانق لكن عياط يارا مش زعل عليه دا زعل منه
قضب ظافر جبينه متعجبا : زعل منه !! ليه؟
- أصل الخناقه كانت بسببها فبعد ما خلص المولد طلعه على جتتها
إزدادة حيرة ظافر : بسبب يارا !! ليه؟
إعتدل ليث فى جلسته : هحكيلك وعاوزك تفضل متماسك للآخر وحاول تتحكم فى غضبك ومتعرفش ندى حاجه عشان مطلعش تعب حملها على العيال
- هى إيه الحكايه بالظبط
- بعد ما اتفسحنا خدتهم وقعدنا ف جنينه وكان فى ولد عينه على يارا من ساعة ما قعدنا وهى خدت بالها وأنا مرضتش أتدخل حبيت أشوفها هتتصرف ازاى
رفع ظافر حاجبه بسخريه : لا ياشيخ من امتى مبتدخلش
فتنهد ليث بحزن : من زمان يا ظافر من ساعة ما خوفى عاللى بحبهم خلاهم ضعفا ومبيقدروش يواجهو ولا يرفضو ويقولو لأ
إنتقل ظافر للجلوس بجواره وربت على كتفه بحنو : حقك عليا مكنش قصدى أفكرك
إبتسم بألم : هه وهو أنا كنت نسيت
حاول ظافر تغيير مجرى الحديث : بطل تتوه وكمل إيه اللى حصل
أدرك محاولته فى تغيير الموضوع فتنهد مكملا : شويه وطلبت منها تروح هى و سليم يجيبو كانز وعصير
قاطعه ظافر : آه أنا كده فهمت الولد اتعرضها وسليم ضربه
نظر له بجانب عينيه : برضو نص استنتاجك اللى صح بعد ما جابو الحاجات وراجعين فى بنت تقريبا كده طلعت زميلة سليم ف المدرسه كانت موجوده ف الجنينه شافته راحت تسلم عليه وواضح إن البنت عينها منه ووقفت تتقصع ياظافر وهى بتكلمه أما تشوفها مستحيل تقول عيله
إبتسم ساخرا : دا إحنا اللى عيال الجيل ده بيفتح بدرى أوى
بدأت وتيرة صوت ليث الهادئه تتحول إلى نبره ساخره : بالظبط عمك الحاج سليم إندمج مع الرقاصه وبنتك دخنت وسيبتهم ومشيت
أومأ بظافر برأسه وهو يتحدث بجديه : لازم إتكسفت إحنا عيالنا متربيه برضو
لم يستطع ليث أن يكتم ضحكته : ههههههههههه متربيه هههههههه دى متربيه تربيه عسسل هههههه
قضب ظافر جبينه ونظر له بإستغراب : إنت بتضحك على إيه
نظر له بإستهزاء : على خيبتك يعنى عندنا واحد زى هاشم مبيعتقش أى مؤنث حتى ولو كانت أنثى الجراد وعندنا واحد زى حضرتك عاملى روميو طول الوقت وناسى إن فى خلق فى البيت وهيام هانم مشغوله بنزوات جوزها وناسيه عيالها وندى هانم مش عاوزه تقتنع إنها كبرت على دور سندريلا اللى عايشاه معاك وأبوك وأمك اتعدو منكم وبيعيشو أول الفيلم ف آخره تقدر تقولى مين اللى رباهم
فغر فاهه بصدمه : هاه
- دا لولا شوية الوقت اللى بقضيه معاهم فى اجازاتى كان زمانها خربت
توتر ظافر من حديثه : أأ أنا أأ أصل
قاطعه بلا إهتمام : أنا بس بمهدك للى جى
إبتلع ريق بقلق : ليه هو إيه اللى جرى
- اللى جرى إن الولد لما لقى يارا لوحدها راح يكلمها ويتعرف ويعرض عليها يساعدها فى الشيل
قضب جبينه : شيل إيه؟!
- كانت شايله علبتين عصير الولد لقاهم تقال عليها حب يساعد وكانت هتهلهله بس لمحت سليم منسجم مع البت دكها حبت تفرسه امت مديه الولد علبه العصير والولد وهو بياخد العلبه مسك ايدها هوب لقيتلك سليم دلق البت اللى معاه ونط عالواد وهات ياضرب فيه روحت أحوشه وأهل الولد جم وكانت ليله بقيت مكتف سليم وهو مصر ياكله بسنانه والولد لما لقانى مكتفه وأمه وأبوه جنبه عمل عنتر راح هبشه ف وشه قومت سايب سليم عليه بقى أبو الواد وأمه يحوشو فيه ومش قادرين عليه عود أبوه استنجد بيا ههههه قولتله مانا حوشته وابنك اللى شعللها تانى بقى هيبوس ايدى المهم حوشت سليم وحاولنا نحلها ودى وأم الولد مصره تعمل مشكله ومحضر وعماله تزعق وتقول اللى زى ده مكانه الأحداث دا تربية شوارع وأنا عمال اهدى ودى تشعللها وصممت نروح القسم ودى عاشتلى دور أمينه رزق وإدتها تولويل ومش عاوزه تسكت لحد ما الضابط صدع منها قالها اسكتى لأرميكى ف الججز اتخرست وسليم ويارا حكوله اللى حصل بس سليم قال إن الواد اتعرضها ويارا قالت إن سليم أنقذها منه والولد ياقلب أمه الصدمه اللى كانت على وشه بتقول إنه داخل على جلطه منهم الظابط بص لأم الولد وقالها يعنى ابنك اللى غلطان ولما جت تعترض قلها إن لو المحضر كمل ابنها اللى هيتأذى بما إن سليم كان بيدافع عن أخته وكانت كلمه سودا لقيتلك سليم هاج وزعق ف الظابط وعمال يقول مهياش اختى فاهمين مش اختى واهوه وقام ساحب البت فى لحظه وهوب عندك أعصاب أكمل ولا
زفر بغيظ : إخلص يا ليث وترتنى
حاول كتم ضحكته : لقيتلك سليم قلب فلنتينو واخد يارا ف حضنه وتخيل الباقى
إتسعت عيناه برعب : إوعى تقولى باسها
عزيزى ظافر أتمنى أن تكون على قدر كافى من التماسك لتحمل القنابل الآتيه
عاد ظافر من سفرته وقابلته زوجته وإبنتاه بالترحاب كذلك باقى العائله وكان موعد الغداء فلم يستطع الإنفراد بزوجته التى إشتاق لها كثيرا
جلس الجميع حول مائدة الطعام فأمسك ظافر بيد ندى تحت المائده وهو يرجوها بعيناه أن تصعد معه إلى غرفتهما لكن خجلها منعها من الموافقه رغم إشتياقها إليه
وتورد وجهها خجلا ليكشف ما يفعله ظافر فتحاشى ليث النظر إليهما وحاول أن يخفى بسمته ولم يلاحظ أحدا من الحاضرين الأمر سوى ليث ووالده وتلك اللئيمه زوجة هاشم فأرادت أن تنفث شرها فيهما
لوت فمها ساخره وهى تنظر لهما بحقد بائن : جرى إيه يا ندى هو محدش قالك إن الأكل بيبقى باليمين يا حبيبتى
إنتزعت ندى يدها سريعا من حضن يده ووضعتها على الطاوله وهى تتمنى لو تختفى من خجلها بينما نظر ظافر لتلك الحقود بغيظ وهو يصر على أسنانه
نظرت والدته إلى ندى تسألها ببعض القلق : إنتى كويسه يابنتى
توترت نظرات ندى وهى لا تعرف بما تجيب : هه أأ آه
فاديه : إيدك تعباكى ولا حاجه
ندى: هه أأ آه كا كانت منمله شويه
زوت هيام جانب فمها بسخريه : هى مش العاده إن الرجل اللى تنمل
فأجابها ظافر بغيظ : وانتى مالك
نظرت إلى هاشم الغير مبالى بما يحدث : سامع أخوك
نظر لها بملل من غيرتها الغير مجديه : تستاهلى متطفحى من سكات ولا هو لازم تعملى مولد كل مره
صدمها قوله المهين فقد تمنت أن يدعمها حتى ولو من باب مضايقته لظافر ولكنه لن يفعل فظافر لا يشكل أى إزعاج له فهو بسيط مسالم على عكس ليث ذكى شرس لذا مادام الأمر لا يخص ليث فلن يبحث عن المشاكل
مال إليها ليث ناصحا بما يشبه الهمس : بدل شغل السلايف الأهبل ده ركزى مع جوزك شوفى راحته خليه يمسك فيكى بإيديه وسنانه مش يبقى رامى طوبتك على طول كده
إنفعلت وهى تنظر إليه بغضب : قصدك إيه
تنهد بضيق : غبيه أنا بنصحك بتهللى ليه
حينما سمع هاشم صوت ليث رفع عيناه وهو بتظر اليه بحده مفرطه : مالك ومال مراتى ياليث
ضحك ساخرا : ههههه مراتك انت لسه فاكر ياراجل دا الكرسى اللى انت قاعد عليه منتبهلها عنك
هاشم : ملكش فيه هى مراتى أنا
ليث : وهو أنا جيت جنبها ماتولع بيها
أراد هاشم إغضابه : إتلم وإبعد عنها مش معنى إنك فاضى وصايع ومش لاقى اللى تلمك تقرف فى حريم غيرك
نهره أدهم بحده : هاشم إيه اللى انت بتقوله لأخوك ده
نظر له هاشم بضيق : إيه يابابا يعنى أطرمخ علشان أعجب
فصاح أدهم بغضب : إخرس ياحيوان ليث ضفره برقبتك وسكك الخبص دى مش هو اللى يمشى فيها
إنفعل هاشم أكثر : جرى إيه يابابا هو إنت شغاله محامى على طول مانا ابنك برضو
رمقه بغضب ثم نظر إلى فاديه التى لا تهتم بما يحدث ثم نهض غاضبا وتركهم يفعلون ما يشاءون فقد مل الأمر
ثم تبعه ليث ثم فاديه والأحفاد وإنفض الجمع فى لحظه
نظر له ظافر بضيق : ليه كده ياهاشم
أجاب ظافر بغيظ وهو ينظر إلى كرسى ليث الفارغ : اسكت انت طيب متعرفش غله
تمتم ظافر بخفوت : غله هو برضو
فنظر له هاشم بغضب : بتقول إيه
ترك ظافر الطعام ونهص ممسكا بيد زوجته : بقول شبعت يلا ياندى
نظرت لهما هيام بغيظ وهتفت بندى : انتى راحه فين ياحلوه اومال مين هيشيل الأكل
تركته نهى لتعود فإستوقفها قائلا: هو مفيش غير ندى فى البيت ما إنتى اهوه
وقفت تصيح بغضب : أنا مش خدامه عندكم عشان أشيل وراكم
إنفعل ظافر أكثر وصاح غاضبا : وهى ندى اللى خدامه لأ فوقى إنتى زيك زيها فمتوهميش روحك بسلطه مش بتاعتك
- لآ يا عنيا أنا مرات أخوك الكبير يبقى تحترمنى
- مش لما تبقى محترمه
- إيه إنت اتجننت بتشتمنى طب منش قاعدلكم فيها
- المركب اللى تودى
نظرت إلى هاشم: هاشم سامع أخوك
فأجابها ببرود : آه
سألته بحده: وهتسكتله
- لأ
تهلل وجهها بفرح: أيوه كده وريهم
وقف يمسح يداه ثم نظر لها بضيق : هاتيلى الشاى فى الجنينه
فغرت فاهها بدهشه : هاه
- إيه انطرشتى
- طب وأخوك اللى هزقنى
- إنتى كمان هزقتيه تبقو خالصين
فصاحت بغيظ : ياسلام انت مش قولت إنك مش هتسكت
- آه مش هسكت هنام
تحرك أمامها بمنتهى البرود ثم إستدار قائلا : متنسيش الشاى
لم تجد بدا من الركض بعيدا عن عيونهم الشامته لتلهى نفسها فى تحضير الشاى له حتى لا يصب جام غضبه عليها
تنهدت ندى بحزن : تصدق رغم كل أفعالها دى إلا انها صعبانه عليا أخوك بصراحه معاملته وحشه أوى
زفر بغيظ : ماجمع إلا اما وفق هو لو كان مديها وش حلو كانت اتفرعنت ثم من امتى حد فيكم بيشيل الأكل ولا هو قرف وخلاص
- طب انسى ومتحرقش دمك
زفر الهواء ببطأ ليهدأ : طيب بس بعد كده متعبريهاش البيت مليان خدم مش من حقها تطلب منك تعملى حاجه بطلى تخافى منها وتعمليلها قيمه
إقتربت منه بحب : مش خوف ياحبيبى أنا بس اللى مبحبش المشاكل وهى بصراحه مشكلجيه
تنهد بإشتياق : سيبك منها إنتى وحشااانى
عضت شفتها السفليه بخجل : عيب ياظافر
إبتسم بخبث : عيييب؟ ليه ياروحى هو أنا بقابلك من ورا أبوكى ولا حاجه
ضربته بخفه على كتفه : بس أحسن واحده من بناتك تسمعنا
رفع حاجبه بتحدى : ماتسمع هو إحنا بنسرق ولا هما فاكرينا جبناهم باللاسلكى
إحمر وجهها خجلا من تلميحاته الجريئه فجذبها إليه : يالهوى ياندى يابت دا إنتى مخلفه منى تلاته ولسه بتتكسفى بس تعرفى بتجننينى لما بتحمرى كده
همست بخجل : بس بقى الله
قربها إليه أكثر : بس إيه دا أنا أنا اااه إطلعى قودامى بدل ما اتهور هنا وتبقى فضيحه
دفعته بخجل : هااا
ثم ركضت إلى الأعلى بوجه خجول ضاحك بينما تابعها بإبتسامه سعيده : آه ياندى إنتى عوضى عن اللى فات كله
قاطع لحظته الحالمه صوت هاشم المزعج : لسعت ولا إيه
فإنتفض فزعا : أعوذ بالله
رفع هاشم حاجبه بسخريه : إيه شوفت شيطان
تمتم ظافر بغيظ : ألعن
ثم إبتسم له بغيظ : عن إذنك
- على فين مش هتيجيب تقرير شغل الأيام اللى فاتت فى سفريتك
- ساعه ونازل
- ليه
- نسيت الموبايل
- وهتجيبه فى ساعه ليه هتصنعه من أول وجديد ثم إنت طلعته إمتى دا إنت لسه واصل
-طب يا أخى لسه واصل أطلع أرتاح مش تقولى شغل
أتى ليث : جرى إيه
نظر له هاشم بغيظ : انت لسه هنا
فإبتسم بسماجه : تصدق آه
نظر له ظافر : اسبقنى ياهاشم وأنا هحصلك وانت ياليث روح شوف وراك إيه بلاش مشاكل وحيات ابوكو
زفر هاشم بغضب : ماشى بس متتأخرش مش عاوز عطله
تمتم ليث بصوت مسموع : لأ وانت نشيط وشاطر أوى
فأجابه هاشم بثقه : طبعا من غيرى الشركه تقع
وضع ليث يداه فى جيب بنطاله وضحك ساخرا : هههههههه آه بأماره الإستفتا بتاع أول إمبارح
صاح هاشم معترضا : دا أونطه وأنا هشكك فيه وأنا متأكد إنها لعبه من ألاعيبك بس دا بعينك
تنهد ظافر بيأس : جرى إيه ياجدعان انتو ماشيين تتشاكلو امشى ياهاشم ربنا يرضى عليك دلوقتى
إبتعد هاشم بينما ضاقت عينا ليث وهو يتمتم بغضب : غور إلاهى ماترجع
نظر له ظافر بضيق : وبعدييين ماتعقل انت كمان ثم إيه الاستفتا دا
- البيه بيتنطط عالموظفين وقارفهم وبيضايق الموظفات وأبوك من كام سنه كان عامل نظام المشوره الجماعيه فى قرارات الترفيه والنقل والسفر وعجبتنى الفكره أبقيت بعده عليها والناس عملو استفنا ومن أول اللى واقف على باب الشركه لحد أعلى راس فيها بيطالبو إن هاشم اللى يقوم بالسفريات وانت تقعد مكانه
أشار إلى نفسه بصدمه : أنا ؟!!
- آه الناس بتحبك وتحترمك وهو سفره هيبعده ويخليهم يشتغلو من غير أرف
- واشمعنى أنا
- أنا شغلى أغلبه سفر وبغيب كتير عن الشركه لكن انت اللى موجود وأهو تبقى جنب مراتك بدل ما انت وهى عاملين زى المخطوبين
زفر بضيق : يوووه متفكرنيش بقى
- مش ذنبك إن شغلنا بره عاوز متابعه مستمره وأمك واقفه زى اللقمه فى الزور لا عاوزاك تاخد مراتك معاك ولا عاوزه تسيبكم تعيشو لوحدكم عاوزه تشبع منك بعد ما صابتها الأمومه المتأخره
- ياجدع طول عمرها نسيانى وجايه ف دى وتبت فيا إيه دا غلب محدش حاسس بيا خالص
غمزه بمكر : لأ إزاى حاسين وواخدين بالنا أوى أوى
إبتلع ظافر ريقه بحرج : هما مين دول اللى واخدين بالهم ومن إيه
دفعه بخفه : متخفش ياقلب أخوك دا أنا وأبوك بس
زفر بإرتياح : بتلاعبنى ياليث ماشى
أجابه بمزاح : وهو أنا بعرف ألاعب أبوك اللى لعيب كبييير بعد ما أمك إتعدلت قرر يعيد مجد الصبا وساب الشغل وعاملى عريس فى البيت
ضحك ظافر بقوه ثم غمزه مازحا :وإنت إيه مش ناوى
تغير وجه ليث لغضب مخيف وهو يسأله بحده : ناوى إيه
إبتلع ظافر ريقه وحاول تغيير مجرى الحديث : قصدى على أمك مش ناوى تعاملها أحسن من كده
فأجابه بسخريه : يعنى أعمل إيه أتحزم وأرقص كل أما أشوفها
تنهد بحزن : لأ بس على الأقل لما ترجع من السفر وتجرى تقابلك خدها بالحضن
غمزه بمكر : بس كده هحضن وأبوس كمان بس لو أبوك طخنى عيار عفريتى هيجيب أجلك
ضحك ظافر بقوه ثم عقب بمرح : أبوك دا حكايه بقى بغير عليها مووت دا معملهاش وهما صغيرين دا لما برجع من السفر وأجى أسلم بلاقيه بيبرقلى ويقولى سلم بأدبك وماسك إيدها مانعها تحضنى
- هههههههه مش بقولك عامل عريس هههههههه سيبك إنت من غرام الكبار ده و إلحق إطلع لمراتك لتزهق وتنزل وساعتها مش هتتلايم عليها فى نهارك
نظر لها بخوف : لأ تنزل مين دا أنا ماصدقت طلعت
- ههههههه مجنون ربنا يسعدك آه وقبل ما تنسى نفسك إبعت تقرير السفريه مع حد من العيال لهاشم تلاقيه فوق دماغك
كانت تتابع مايحدث بحسره لم تكن تغار من ندى نفسها ولكنها تغار من عشق زوجها لها وتنهدت بحزن وهى تعود إلى المطبخ لتشغل بالها عن التفكير ولكن كيف فهى تجنى ما زرعته استمعت لوالداتها وتزوجت هاشم لثرائه رغم أن حياة والدتها أكبر دليل على فشل هذه النصيحه فأباها يحيا مع والدتها من أجل المظاهر فقط وها هي تعيد الكره بكل غباء وتذكرت حينما كانت محبوبه من أحدهم وتركته من أجل هاشم هو لم يكن فقيرا معدما ولكنه لم يكن بثراء عائلة هاشم لم تتمسك به أبدا
تذكرت حينما تصادفت معه منذ يومان كان برفقة زوجته وطفليه كم كان سعيدا بصحبتهم كان وجهه ينبض بالسعاده لم تره هكذا قبلا فقد كانت متطلبه مدلله ولم يعترض يوما على عكس زوجته المتفانيه التى ساندته حتى نجح فى حياته تفاجأت به يحدثها وكأنها عابر سبيل بحياته وما صعقها هو رد فعل زوجته إتضح أنها سمعت عنها منه فهو لا يخفى شيئا عنها على عكس زوجها الحبيب الذى ركضت خلف أمواله ويعاملها كخادمه ولا تعلم عنه شئ كما أن رذائله لا تنتهى أبدا ولكنها تتصنع الجهل لتحفظ ماء وجهها
بعد أن علم ظافر بخبر حملها أبلغ الجميع وهو فى منتهى السعاده وسعد الجميع بهذا الخبر بينما حاولت هيام تعكير فرحتها وهى تخبرها أنها لابد وأنها حامل بفتاه
فنظر لها ظافر بضيق : وإيه يعنى دا حتى البنات رزق وضحكه حلوه فى البيت والبنت حبيبة أبوها
نظرت له بغيظ : آه بس برضو الواد راجل وسند
- مش دايما ساعات بيبقى خيبه قويه ثم إن كان ولد ولا بنت دا منى مش منها ثم مالك إنتى إن كان ولد ولا بنت
- خايفه على مصلحتها الولاد عزوه برضو ويمكن عينك تزوغ كده ولا كده بحجة الولد
ضحك بقوه جعلها تقضم أظافرها غيظا ثم رمقها بإستهزاء: لا والله طب ما إنتى أهو معاكى بدل الولد أربعه مش شايف جوزك ميت ف هواكى يعنى اللى بيحب مراته وتكون تستاهل مبيفرقش معاه كلام الجهله ده
نظرت حولها فوجدت الجميع ينظر لها بضيق حتى أبنائها فهى لا تنفك تحول فرحهم لضيق فقط لأنها ليست سعيده فى حياتها
نظرت له ندى بعتاب : مكنشى فى داعى تزعلها أنا خلاص خدت على طريقتها دى
عارضها بضيق : يعنى تحرق دمنا وتبوظ فرحتنا وأصقفلها ثم المفروض هى اللى تتغير مش إنتى اللى تتعودى على قرفها
حمحم إبن هاشم الأكبر (سليم)وهو ينظر إلى ظافر بخجل : أنا آسف ياعمى بالنيابه عنها وآسف ياماما ندى
تنهدت ندى بضيق : ياحبيبى وإنت ذنبك إيه ثم أنا كام مره أقول بلاش ماما ندى دى أمك مش طيقانى من غير حاجه
نظر سليم لها بحرج ثم إلى أخواته بحزن فأدرك ظافر أنهم يعتقدون أن ندى ترفضهم بسبب والدتهم فنظر لهم وهو يرسم جديه زائفه على وجهه ويحاول ألا يضحك : لاااا إسمع إنت وهو محدش فيكو يقولها ياماما ندى
نظروا له بحزن سرعان ما تحول لدهشه إنتهت بضحكات سعيده بعد أن غمز ندى وأكمل بمرح : غيرى
فلكظته ندى بخفه ووجهها يتورد خجلا من نظراته لها
تعالت الضحكات حتى أتى هاشم وجلس بينهم : يامساء السعاده خير متفرحونى معاكو
نظر له ظافر وإبتسم : ندى حامل
إبتسم هاشم وهو ينظر إلى ندى : ألف مبروك يامرات أخويا ربنا يكملك على خير
أجابته بهدوء : الله يبارك فيك
جلس الجميع يتسامروا حتى تأخر الوقت وذهب كل إلى غرفته
علم فارس بالخبر من ليث فهاتف ظافر يبارك له ففارس يعد أخا لهم
أبلغت ندى نيره وريم بالخبر فأتت نيره لزيارتها ومباركتها وأرسلت لها ريم برقيه تهنئه ووعد بالزياره قريبا فهى لم تراها منذ تزوجت
فرحت ندى كثيرا بهذا الخبر وظلت تنتظرها كل يوم ولا تمل التحدث عنها حتى إشتاق الجميع لرؤيتها
أخبر ليث والده بأمر الإستفتاء فنصحه والده أن يبحث عن حل فقد أرسلو هاشم سابقا وتسبب فى مشاكل كثيره أما هنا فهو نوعا ما تحت السيطره
كان الحل هو أن يظل هاشم فى نفس مركزه ولكن يتم تعيين نائب له بإختيار الموظفين يكن وسيطا بينه وبينهم فلا يتم التعامل المباشر بين هاشم والموظفين وبهذا يرضى جميع الأطراف
فى صباح يوم مشرق قرر ليث عمل نزهه لأبناء أخويه وأخذهم جميعا وذهبو وبعد مرور ساعتان أتت الخادمه إلى ندى : الحرس بره بيقول فى واحده بره بتقول إنها صاحبتك وإسمها ريم
نظرت لها ندى بذهول : مين معقول أخيرا نزلت مصر
ثم نظرت إلى أدهم : والنبى ياعمو خليهم يدخلوها بسرعه
إبتسم أدهم بهدوء : هيا دى صاحبتك اللى دوشانا بيها
أومأت بسعاده ونهضت تنظر إلى الباب بلهفه
دخلت فتاه لعوب ترتدى ملابس خليعه وبيدها مصاصه تحركها بإثاره فى فمها فإلتفت الجميع إليها مصدوما
ضربت هيام براحة يدها على صدرها : يا لهوى بقى دى صاحبتها
نظر لها ظافر بذهول : مستحيل
بينما إقتربت الفتاه وهى تلوح لهم بيدها وتتحدث بصوت مثير : هااى إفرى وان
ثم سحبت كرسى وجلست تضع قدما على قدم بلا إستحياء
نظر لها هاشم بابتسامه بلهاء : هاااى
ثم دخل من الباب فتاه محتشمه تمتلك وجه برئ وابتسامه هادئه :السلام عليكم
فأجابها الجميع : وعليكم اليلام ورحمه الله وبركاته
نظر لها هاشم بمكر : هيا الدنيا بتمطر صواريخ النهارده ولا إيه
هجمت عليها ندى واحتضنتها : اااه وحشتينى وحشتينى أوى أوى يا ريم
بادلتها الإحتضان : وانتى وربنا
إبتعدت ندى وهى تسألها بسعاده : إنتى هنا من إمتى
فأجابتها بهدوء : لسه من المطار قولت اعدى عليكى الأول أسلم وأخد نمرتك ولما استقر على فندق اتصل بيكى ونتقابل مكنتش مصدقه إمتى هشوفك مقدرتش استنى لما ارتاح من السفر
ندى : إنتى وحشانى فوق ما تتخيلى وحشتنى قعداتنا وخروجاتنا يااااه
نظر لها ظافر بتمعن فوجهها يبدو مألوفا نوعا ما ثم قضب جبينه متعجبا وهو ينظر بين ريم والفتاه الأخرى : لما دى صاحبتك اومال مين دى
فأجابت ريم بحرج : دى دى إحم دى اختى
نظر لها الجميع بذهول متعجبين : مييين
سألها ظافر : انتو اخوات طب ازاى
أجابته بحرج : عادى إختلاف فى وجهات النظر
اقتربت ندى من ريم هامسه : إيه اللى جابها معاكى
زفرت بضيق وهى تجيبها بهمس : ماما الله يسامحها
- يييه هتقرفنا فى الخروج
- لأ اطمنى هيا مبتقبلكيش فمش هتيجى معانا
- وإيه الأرف اللى هيا لبساه ده
- والنبى ما تفكرينى دا إحنا من المطار لهنا ماشيين بزفه كل من شافها بلم ولا صفر دا حتى سواق التاكسى اللى جينا ليه أول ما خرجنا من المطار ولسه هنشاور لقيته بقى قدامنا وكان مركب زبون خليجى هيشهيصه طرده طردة الكلاب عشان نركب
- ههههههه
- إنتى بتضحكى على إيه اتنيلى بقولك هو جوزك مين فيهم
- اللى هناك ده لابس بنى
- طب خدى بالك منه عشان منظره وهو بيبصلها ميطمنش
كان عقل ظافر يحاول إستيعاب هذا الكائن المدعو انجى كيف سمح لها عقلها بالسير بهذا الشكل فى الطريق ألا يوجد بعائلتها كافه ولو رجل واحد يمنعها من هذا وكيف تكون هكذا وأختها تبدو آيه من آيات الأخلاق
نظرت لهما فاديه بإبتسامه هادئه : جرى إيه بابنات هتقعدو تتوشوشو بعيد كدا كتير
نظرت لها ندى بحرج : هه لآ إحنا مبنتوشوش ولا حاجه
إقتربتا وجلستا معهم بينما مال ظافر إلى هاشم هامسا : يا أخى أنا مش فاهم دول إخوات ازاى البت صاحبه ندى سكه ودى سكه تانيه خالص
فعقب هاشم هامسا وعيناه مسلطه عليها : تانيه وتالته ورابعه
ثم نظر إلى ندى : طب مش تعرفينا
أجابته بهدوء وهى تشير على ريم : دى ريم صاحبتى
نظر إلى الفتاه الأخرى بمكر : طب والأنسه مايوه أأ قصدى إحم
فاجابته بضيق : دى أختها
همس له ظافر بضيق : اتلم بقى لان تقريبا مراتك واخده بالها
فأجابه بلا مبالاه : ياعم سيبك منها
ثم نظر إلى الفتاه : ومقولتليش الصاروخ دا نظامه إيه
قضبت جبينها بتعجب : افندم
غمزها بخبث : إسمك إيه ياعسل
فأجابته بدلال : إنجى
- ااااه يابختك ياعلى
- ههههههههه
كان ظافر غاضبا من افعال هيام مع ندى فأراد ان يكيدها : شاكلك هتطلقى قريب دا مش عامل حساب ليكى ولا للولاد ولا لأبوه حتى
هاشم : إيه رأيك نتعرف
إنجى : نتعرف وماله
هاشم : أنا هاشم ودا ظافر أخويا ودا بابا ودى ماما
عقب ظافر بسخريه : وبالنسبه لمراتك اللى منتجتها من التعارف
تأفف وهو يشير نحو هيام بضيق : آه ودى المدام
مالت ريم هامسه الى ندى : شكل سلفتك هتطلق النهارده أنا هاخدها وامشى بدل ماتتنيل أكتر
ثم نظرت لأختها : يلا يا انجى
فسألتها بتعجب : يلا على فين
ريم : نمشى
تدخلت فاديه وياليتها لم تتدخل : تمشو !! تمشو فين بس
فاجابتها ريم بهدوء : عالاوتيل طبعا
تسائلت : انتو ملكمش بيت هنا
ريم : لأ
فإبتسمت فاديه : طب معقول يبقى بيتنا مفتوح وتنامو فى اوتيل لوحدكم
رفعت حاجبيها تنظر لها بذهول ثم مالت إلى ندى هامسه : حماتك دى بينها هبله
نظرت مجددا إلى فاديه حينما وجدتها تقول : لازم تقعدو معانا ماتقولى حاجه لصاحبتك يا ندى
فأجابت ندى بحرج : هيا ادرى براحتها
ريم: لا متشكرين ياطنط لذوقك
فاديه : لأ ازاى ميصحش
نظرت ريم الى ندى : الظاهر حماتك كريمه اوى وطيبه بس طيبتها وكرمها المره دى مش فى محلهم
نظرت إنجى إلى ريم : الجو هنا لذيذ خلينا
فأجابتها ريم بضيق : خلينا فين لأ طبعا
لم تهتم لضيقها وإستكملت : أنا عجبنى المكان وناسه هههه هفضل
صرت ريم على أسنانها بغضب : تفضلى فين هو بيت ابونا قومى ربنا يهديكى
إعتدلت وهى تنظر إلى هاشم بدلال : يوووه طيب عن اذنكم مع ان الصراحه انتم متتستبوش
ما إن وقفت حتى أسرع هاشم قائلا : لا وربنا مانتى ماشيه دا انتى ضيفتا إحنا بيت كرم
انجى : كده
هاشم : آه
انجى : طيب اقعد بقى
جلست مجددا فتأففت ريم : استغفر الله العظيم دا ايه الجنان ده يلا يابنتى من هنا أقولك أنا ماشيه
لوحت انجى بيدها بلا إهتمام : امشى براحتك أنا عاجبنى جو العيله أوييييييى أوى
زغرت ريم بضيق : اللهم طولك ياروح
تدخل أدهم : خليكم يابنتى الظاهر إن الانسه مبسوطه هنا ومش ناويه تمشى
نظرت له انجى بسعاده : برافو يا اونكل بس قولى انت ازاى كده
قضب جبينه : ازاى اللى هو إيه
غمزته بوقاحه : ازاى مز كده وولادك رجاله دا أنا حسيتك اخوهم
نظرت ريم لندى بقلق : يالهوى دى اديرت على حماكى
ربنا يسترها
أجاب أدهم بثقه : مهو أنا أخوهم و أبوهم وعمهم وخالهم أنا سندهم وهما عكازى
انجى : وااو بتقول حكم
زفر أدهم بضيق : انا رايح المكتب متنسيش يا ندى تجهزيلهم الاوضه الفاضيه اللى جنب اوضه ليث
فإعترض هاشم بلهفه : مانا جنبى اوضه فاضيه يخدودها
فأجابه أدهم بحده : لأ
تركهم وغادر وتأفف هاشم فمال إليه ظافر هامسا له : أبوك مش أهبل وعارف بلاويك لو حطهم جنبك هتجيبلنا فضيحه يا هيام هتعبيك إنت وهيا فى كياس
نظر له بسخط : ووجودهم جنب ليث هيخليهم يطفشو
ذهبت الفتاتان برفقة ندى إلى غرفتهما بينما ثارت هيام تعترض على وجودهما فلم يهتم هاشم وتركها وذهب إلى عمله برفقة ظافر
حل المساء وعاد ليث بصحبة أبناء أخويه ولكنهم لا يمرحون كعادتهم ووجه سليم عليه آثار ضرب ويبدو غاضبا وإبنة ظافر الكبرى(يارا) تبدو باكيه
لم يعقب أحد فعلاقة ليث بهم قويه ولا يسمحون لأحد بالتدخل بينهم وبينه
لم يكن هناك سوى والديه وظافر وهيام فندى نامت من تأثير الحمل كذلك صديقتها وأختها من إجهاد السفر وهاشم لازال بالخارج
إقتربت هيام من سليم بلهفه تتفحص وجهه ثم نظرت إلى ليث بغيظ : عملت إيه فى الولد؟
زفر بضيق فهى بدون أن تسأل ظنت به السوء وقبل أن تستمر فى لومه وجدت أولادها ينظرون لها بكره وتركوها وصعدو إلى غرفهم فإقتربت من ليث تصرخ بوجهه : بتعصى العيال عليا ياليث
جلس بهدووء غير مبالٍ لها : بيتهيألى العيال مش أغبيه عشان يعرفو إنك لا تصلحى تكون أم ياشيخه دا إنتى حتى مفكرتيش تسألى الولد لو كان كويس ولا لأ ولا سألتيه إيه اللى جراله جرى شبطتى فى خناقى
نظرت حولها تبحث عمن ينصرها فلم تجد فصعدت إلى غرفتها تتحسر على ما هى فيه
ذهب أدهم وفاديه للنوم بينما جلس ظافر أمام أدهم : ناوى تقولى إيه اللى حصل ولا أقوم أنام أحسن
رفع حاجبه وسأله بثقه لعلمه بالإجابه : وهيجيلك نوم
تنهد بضيق : الصراحه لأ منظر سليم بيقول كان بيتخانق ومنظر يارا بيقول إنها كانت زعلانه عليه بس اللى مش فاهمه سليم مش مشاغب إيه اللى خلاه يتخانق
إبتسم ووهو يرجع رأسه للخلف ويفرد ذراعيه على كافة الكرسى : استنتاجك نصه بس اللى صح سليم فعلا كان بيتخانق لكن عياط يارا مش زعل عليه دا زعل منه
قضب ظافر جبينه متعجبا : زعل منه !! ليه؟
- أصل الخناقه كانت بسببها فبعد ما خلص المولد طلعه على جتتها
إزدادة حيرة ظافر : بسبب يارا !! ليه؟
إعتدل ليث فى جلسته : هحكيلك وعاوزك تفضل متماسك للآخر وحاول تتحكم فى غضبك ومتعرفش ندى حاجه عشان مطلعش تعب حملها على العيال
- هى إيه الحكايه بالظبط
- بعد ما اتفسحنا خدتهم وقعدنا ف جنينه وكان فى ولد عينه على يارا من ساعة ما قعدنا وهى خدت بالها وأنا مرضتش أتدخل حبيت أشوفها هتتصرف ازاى
رفع ظافر حاجبه بسخريه : لا ياشيخ من امتى مبتدخلش
فتنهد ليث بحزن : من زمان يا ظافر من ساعة ما خوفى عاللى بحبهم خلاهم ضعفا ومبيقدروش يواجهو ولا يرفضو ويقولو لأ
إنتقل ظافر للجلوس بجواره وربت على كتفه بحنو : حقك عليا مكنش قصدى أفكرك
إبتسم بألم : هه وهو أنا كنت نسيت
حاول ظافر تغيير مجرى الحديث : بطل تتوه وكمل إيه اللى حصل
أدرك محاولته فى تغيير الموضوع فتنهد مكملا : شويه وطلبت منها تروح هى و سليم يجيبو كانز وعصير
قاطعه ظافر : آه أنا كده فهمت الولد اتعرضها وسليم ضربه
نظر له بجانب عينيه : برضو نص استنتاجك اللى صح بعد ما جابو الحاجات وراجعين فى بنت تقريبا كده طلعت زميلة سليم ف المدرسه كانت موجوده ف الجنينه شافته راحت تسلم عليه وواضح إن البنت عينها منه ووقفت تتقصع ياظافر وهى بتكلمه أما تشوفها مستحيل تقول عيله
إبتسم ساخرا : دا إحنا اللى عيال الجيل ده بيفتح بدرى أوى
بدأت وتيرة صوت ليث الهادئه تتحول إلى نبره ساخره : بالظبط عمك الحاج سليم إندمج مع الرقاصه وبنتك دخنت وسيبتهم ومشيت
أومأ بظافر برأسه وهو يتحدث بجديه : لازم إتكسفت إحنا عيالنا متربيه برضو
لم يستطع ليث أن يكتم ضحكته : ههههههههههه متربيه هههههههه دى متربيه تربيه عسسل هههههه
قضب ظافر جبينه ونظر له بإستغراب : إنت بتضحك على إيه
نظر له بإستهزاء : على خيبتك يعنى عندنا واحد زى هاشم مبيعتقش أى مؤنث حتى ولو كانت أنثى الجراد وعندنا واحد زى حضرتك عاملى روميو طول الوقت وناسى إن فى خلق فى البيت وهيام هانم مشغوله بنزوات جوزها وناسيه عيالها وندى هانم مش عاوزه تقتنع إنها كبرت على دور سندريلا اللى عايشاه معاك وأبوك وأمك اتعدو منكم وبيعيشو أول الفيلم ف آخره تقدر تقولى مين اللى رباهم
فغر فاهه بصدمه : هاه
- دا لولا شوية الوقت اللى بقضيه معاهم فى اجازاتى كان زمانها خربت
توتر ظافر من حديثه : أأ أنا أأ أصل
قاطعه بلا إهتمام : أنا بس بمهدك للى جى
إبتلع ريق بقلق : ليه هو إيه اللى جرى
- اللى جرى إن الولد لما لقى يارا لوحدها راح يكلمها ويتعرف ويعرض عليها يساعدها فى الشيل
قضب جبينه : شيل إيه؟!
- كانت شايله علبتين عصير الولد لقاهم تقال عليها حب يساعد وكانت هتهلهله بس لمحت سليم منسجم مع البت دكها حبت تفرسه امت مديه الولد علبه العصير والولد وهو بياخد العلبه مسك ايدها هوب لقيتلك سليم دلق البت اللى معاه ونط عالواد وهات ياضرب فيه روحت أحوشه وأهل الولد جم وكانت ليله بقيت مكتف سليم وهو مصر ياكله بسنانه والولد لما لقانى مكتفه وأمه وأبوه جنبه عمل عنتر راح هبشه ف وشه قومت سايب سليم عليه بقى أبو الواد وأمه يحوشو فيه ومش قادرين عليه عود أبوه استنجد بيا ههههه قولتله مانا حوشته وابنك اللى شعللها تانى بقى هيبوس ايدى المهم حوشت سليم وحاولنا نحلها ودى وأم الولد مصره تعمل مشكله ومحضر وعماله تزعق وتقول اللى زى ده مكانه الأحداث دا تربية شوارع وأنا عمال اهدى ودى تشعللها وصممت نروح القسم ودى عاشتلى دور أمينه رزق وإدتها تولويل ومش عاوزه تسكت لحد ما الضابط صدع منها قالها اسكتى لأرميكى ف الججز اتخرست وسليم ويارا حكوله اللى حصل بس سليم قال إن الواد اتعرضها ويارا قالت إن سليم أنقذها منه والولد ياقلب أمه الصدمه اللى كانت على وشه بتقول إنه داخل على جلطه منهم الظابط بص لأم الولد وقالها يعنى ابنك اللى غلطان ولما جت تعترض قلها إن لو المحضر كمل ابنها اللى هيتأذى بما إن سليم كان بيدافع عن أخته وكانت كلمه سودا لقيتلك سليم هاج وزعق ف الظابط وعمال يقول مهياش اختى فاهمين مش اختى واهوه وقام ساحب البت فى لحظه وهوب عندك أعصاب أكمل ولا
زفر بغيظ : إخلص يا ليث وترتنى
حاول كتم ضحكته : لقيتلك سليم قلب فلنتينو واخد يارا ف حضنه وتخيل الباقى
إتسعت عيناه برعب : إوعى تقولى باسها
عزيزى ظافر أتمنى أن تكون على قدر كافى من التماسك لتحمل القنابل الآتيه
