رواية حماتي وعذاب الموت الفصل الخامس 5 بقلم هويدا زغلول
وامها كانت وافقه عامله تبص عليا
وجت المغسله وقالت
المغسله
اطلعوا كلكم برا لو سمحت ومامتها والست
دي بس اللي هيفضلوا هنا
الام
لا محدش خارج من هنا خالص ردي وقولي
عملتي اي في بنتي علشان يحصلك كده
الحما
أنا معملتش فيها حاجه ارجوكي اتصرفي
أنا ايدا وجعتني حاولي تشيلها
المغسله
للاسف مافيش حل غير ان نقطع ايدك
وتتحط معاها في التربه
الحما
لا لا ارجوكي بلاش يحصل فيا كده
الام
يبقي تقولي قدام الناس كلها اي اللي
حصل ليه بنتي طلبتك انتي بالذات علشان تغسليها هي كانت عارفه ان هيحصلك كده
الحما
أنا كده في كل كلمه قولتها عليها منال
اشرف من الشرف مافيش رجاله دخلت بيتها
ابني اللي كان مولع السيجاره وبعدين علشان
مدفعش مؤخر بعت جبتها وخليت واحد
في الشقه
الام
طيب ورقمك اتمسح ازاي من علي تلفونها
الحما
أنا مسحته والله يا بنتي انا قولت
كل حاجه منال شريفه عفيفه أنا اللي كنت
باجي عليها وبعدها أيديا اتفكت وحاولت
ابوس رسها
الام
والنبي يا يحصل روحي مش مسمحاكي
دنيا واخره وذنب اللي حصل في بنتي
ده في رقبتك
الحما
اوعي تقولي لي ان هي اللي عملت في نفسها كده
الام
ابدا انا بنتي بتخاف ربنا وعمرها ما هتغضبوا ابدا ده من الزعل اللي انتي عملتيه فيها كسرتي فرحتها لسه عروسه جديده وعملت فيها كل ده
، وانا بصيت ليها وقولت
الحما
والنبي يا منال انا عارفه انك سامعيني والنبي تسامحيني يا بنتي حقك عليا والله انا اسفه
المغسله
امشي بقي من هنا خلينا نغسلها ، وبعدها
خرجت وخرجت ورايا امها عامله تزغرط
الام
لولوللوي لولوللوي افرح يا محمد اختك
شريفه معملتش حاجه ابدا
محمد
هو اي اللي حصل بالظبط وانتي عرفتي منين
الكلام ده
الام
اختك جابت حماتها هنا علشان تبراها ما تقولي
اللي عملتي
الحما
والله منال بريئه سبوني بقي في اللي انا
فيه حرام عليكم
محمد
وربنا ما انتب قاعده في البلد دي تاني من بعد النهارده وانا اللي هقفلك بقى
الحما
والله عندي استعداد امشي من الدنيا كلها بس منال سامحني
محمد
امشي من هنا وبعدها بص للناس وقال لهم
الست دي لازم بيتها يتكسر لازم حق اختي
يجي كنتوا رافضين أن اختي تتكرم وتكون
في ترب ابويا حق اختي في رقبتكم كلكم
وبعدها أنا مشيت ومكنتش عارفه هروح
فين وبعدها كنت قاعده في الشارع وجت ليا ست كبيره
الست
مالك قاعده كده ليه وعامله تعيطتي ليه
الحما
مش لاقيه مكان اروح فيه ومش عارفه اعمل
الست
وفين عيالك اوعي تقولي أنهم عملوا
فيكي كده ورموكي في الشارع
الحما
ارجوكي شوفي ليا مكان اقعد فيه انهارده
بس الدنيا ساقعه اوي عليا
الست
تعالي ، وبعدها روحت معاها البيت وخبطت
وفتحت ليها ايه
ايه
كل ده تاخير يا ماما حرام عليكي انا قاعده قلقانه عليك ايه ده هو انتي معاكي ضيوف ولا ايه
الست
اه يا حبيبتي معايا ضيوف ادخلي حضري دينا لقمه ناكلها ،وبعدها بصت ليا تعالي اقعدي
لحد ما ايه تعمل لينا اكل
الحما
ربنا يخليها ليكي يارب وفعلا جابت الاكل
وقالت ليها ايه
ايه
أنا هطلع شقتي يا ماما ابص علي العيال
وانزلك عالطول عقبال ما تكلوا اكون نزلت
واعمل ليكم الشاي
الست
ماشي يا حبيبتي , وبعدها طلعت وهي فضلت
تقول ربنا يخليكي ليا يا ايه ويحميكي يا بنتي
ويرزقك الصحه والعافيه يارب اصل بيقولوا
دعوه الحما من السما
الحما
هي دي مرات ابنك أنا كنت فكرها بنتك والله
ربنا يخليها ليكي يارب
الست
احن من بناتي عليا بس الرك عليا أنا
برضه لولا أن بحبها ومخليها زي بنتي لولا
ما بتحبني من يوم ما دخلت بيتي وانا حطها
في عيوني وهي حطاني فوق راسها اكيد
انتي حما وعارفه
الحما
اه ليا مرات ابني ربنا يرحمها كانت اميره
زي مرات ابنك كده
الست
ربنا يرحمها طلما كانت كويسه معاكي طلعي
علي روحها
الحما
اكيد والله هعمل كده محتاجه ارتاح شويه ارجوكي ينفع ادخل انام
الست
ماشي حاضر تعالي يا حبيبتي وبعدها دخلت
نمت وشويه وسمعت صوت واحد
عامل يزعق برا
رؤوف
يعني ايه يا امي جايبه لنا واحده من الشارع علشان تريح جسمها شويه انتي فاهمه انتي عملتي اي افرضي عامله مصيبه
الست
وطي صوتك يا رؤوف بالله عليك لا تسمع ما ينفعش طريقه كلامك دي الست شكلها غلبان جدا والله
رؤوف
وانا قولت لا يعني لا مش هتقعد هنا يا امي دقيقه واحده ثانيه وبعدها أنا خرجت واول
لما رؤوف شافني قال
رؤوف
ايه ده ام احمد هو انتي ليكي عين تيجي هنا انتي عرفتي امي منين
الحما
هو انت يا ابني تعرفني انت بتعرفني منين
وبعدين والله انا مليش مكان اروحه
رؤوف
ما انت مالكيش مكان بسبب اللي انتي عملتيه انا صاحب محمد اخو منال الله يرحمها
الست
طب ما ترد عليا يا ابني انت تعرفها منين وايه اللي هي عملته بالظبط
رؤوف
هتقولي انتي ولا اقول انا ولا تاخدي بعضك وتمشي من هنا وماشوفش وشك هنا ثاني
