رواية رغد ويونس زواج لم يكن في الحسبان الفصل السابع 7 بقلم امل احمد
" زواج لم يكن في الحسبان " الجزء السابع
الشعور بالنفور أمر صعب، عندما تشعر أن قيمتك قليلة وسط عائلتك وأحبابك المقربين تنكسر القلوب وتضعف الأجساد.
مي بعصبية: هي مش أحسن مني ولا هتكون أنت فاهم رغد مش أحسن مني يا آسر
مي بوجع : أهلي هما السبب
آسر بدون فهم: ايه دخل أهلك ف الموضوع ؟
مي : هما اللي وصلوني لكدة دائما خليكي زي رغد شوفي رغد بتعمل ايه وكوني زيها شوفي رغد وصلت لفين وانتي فين مقااارنات مقااارنات لما تعبت
آسر : تعرفي رغد من أمتي ؟
مي : من مرحلة الإعدادي كنا جيران قبل ما نعزل ونجي اسكندرية هنا ويشاء القدر ندخل جامعة واحدة هنا واكملت بوجع: عارف يعني ايه كل وقت وكل دقيقة وكل ثانية انت ف نظر أهلك قليل مهما عملت مهما تعبت دائما قليل في نظرهم ( وأخذت نفسا عميقاً وأكملت) أنا كرهت نفسي وكرهت أهلي
آسر وهو ينظر لها بصدمة وذهول ..........
ف القاهرة
عند يونس يستقيظ من نومه بنشاط كعادتة للذهاب إلي عمله " محاسب ف بنك" ينهض من على الفراش ويخرج من غرفتة يجد رغد تقول :صباح الخير ، هعمل قهوتك تكون جهزت وتركتة وغادرت للمطبخ
يونس بإستغراب : من أمتي رغد بتصحى بدري كده ؟ وعرفت منين إني بحب أشرب القهوة على الريق ؟واتجة إلى الحمام
بعد نصف ساعة
ف غرفة يونس وهو يرتدي بدلتة الرسمية ويسرح بذاكرتة
فلاش باااك #
بعد انتهاء دوام عملة يمر بجانب محل العطور ليقابل مريم دلف للمحل وقال " مساء الخير "
مريم : أنت تاني ؟
يونس وهو يبتسم لها : كويس أنك فاكراني
مريم : عايز ايه ؟
يونس : أنتي
مريم بشهقة وغضب و قالت : اطلع بره قبل ما امسح بكرامتك المحل هنا يا أسمك ايه انت ؟
يونس ببرود: يونس أسمي يونس، وبعدين شاب زي محترم ولابس بدلة يتمسح بيه كرامتة بالبساطة دي هو أنا عملت ليكي حاجة ؟
مريم بغيظ : المظاهر خداعة مش كل اللي مظهرة محترم يحترم ، وللأسف وقتنا الحالي الناس بتحكم على المظاهر واكملت ( بوقاحة) و أنت مظهر محترم بس أسلوبك وطريقة تعبيرك مش باين عليها ولا تعرف الاحترام عقليات الناس بقت مستواها ف الأرض بصراحة عندها المظهر الخارجي أهم من المبادئ والجوهر الداخلي "ليس كل ما يلمع ذهباً" متفرحش بنفسك ومظهرك أوي ممكن تكون الناس تنجذب ليك و لمظهرك مش احترام ليك لاء عشان المظهر ومركزك وسطهم بس و لكن لو الناس بتنجذب ليك لذاتك وشخصيتك مش هيفرق معاهم مظهرك ولا مركزك أي كان مكانتك جمال الشخص و احترامه مش بالمظهر. والاهتمام الخارجي سبب مش كافي علي فكرة، كل الناس تعرف تهتم بشكلها بس مش كل الناس تعرف تكتسب إحترام حقيقي وف مثل بيقول لا تنخدع بالمظهر فمن أراد البحث عن اللؤلؤ فاليغص إلى الأعماق
باااااااك#
تقطع تفكيرة رغد وهي تقول : انا آسفة يا يونس اني دخلت أوضتك ، بس خبطت ونادهت عليك مردتش فأضطريت أدخل
يونس : ولا يهمك يا رغد ، وأخذ القهوة من يدها وقال : شكرا تعبتك
رغد : لا عادي ، عن اذنك وخرجت من الغرفة
عند رغد وهي تقف ف المطبخ تذكرت آسر فسرحت بذاكرتها
فلاش بااااك#
رغد : عايز ايه يا آسر جاي المطبخ ليه ؟
آسر : جاي أساعدك
رغد بضحك: تساعدني وده من ايه أن شاء الله اللي أعرفة أن الرجل الشرقي معندوش الصفة دي
آسر وهو يقترب منها قال بحب : بس أنا مختلف عنهم ، وبكرة اثبت لك لم نتجوز ونعيش ف بيت واحد
رغد: عايزة أسألك سؤال وتجاوبني بصراحة
آسر: قولي
رغد : هو ممكن في يوم من الأيام تتغير معايا وتيجي عليا
آسر باستغراب : ايه السؤال دة ، وليه ؟
رغد بحيرة : مش عارفة بس دايما على بالي وعايزة اعرف رد فعلك
آسر وهو يمسك يدها ويقول : مش هيحصل يا رغد صدقيني مش هتغير معاكي ولا هاجي عليكي ومش هتندمي على اختيارك ليا ده وعد من حبيبك ، متشغليش بالك بالأفكار دي آسر وعد وهيوفي
بااااااك #
رغد وهي تمسح دمعتها التي سقطت من على وجنتيها قالت : كدبت إحساسي وتجاهلت الإشارات، ومشيت في طريق مجهول خدت منه الخياااانة والكدب وكلام فاضي
ف الإسكندرية
آسر بصدمة وذهول : تكرهي أهلك؟! ، مش لدرجة دي يا بنتي
مي بإنهيار : لا لدرجة دي وأكتر أنت متعرفش أهلي وصلوني لأيه أنا مستعدة أعمل اي حاجة تتخيلها المهم محدش يكون أحسن مني وانفجرت ف البكاء ولم تكمل حديثها
آسر...........
" نعم عزيزي القارئ فكارثة المقارنة بين الأبناء وأصدقائهم مشكلة خطيرة ليست بسيطة قد تسبب مشكلات نفسية كثيرة،يرى الوالدين أن المقارنة هي الحل المثالي للتشجيع والرقي والتقدم وإعطاء حافز ولكن هي عكس ذلك من الممكن أن تؤدي إلى زرع الحقد والغيرة وعدم الثقة بالنفس ووصول رغبتهم للانتقام من جهة أصدقائهم والابتعاد تدريجيا عن الوالدين والنفور منهم وللأسف هذة هي المرحلة التي وصلت لها مي
هل ستتعافى أم الأمر سوف يتطور ويزداد خطراً؟
