رواية رغد ويونس زواج لم يكن في الحسبان الفصل الثامن 8 بقلم امل احمد
"زواج لم يكن في الحسبان "الجزء الثامن
آسر وهو ينظر ل مي بشفقة واقترب منها وقال : ممكن تهدي يا مي عشان نفسك
مي ببكاء : أنا تعبت يا آسر حاسة اني وحيدة معنديش سند ولا حد يحبني غيرك ومسحت دموعها وقالت : عارف لو فكرت تسبني أو تستغنى عني هقتلك وأقتل نفسي وراك وابتسمت بجنون واكملت بس أنا واثقة أنك مش هتعمل كدة صح؟
آسر بخوف داخلي وتوتر : لالااا مش هسيبك أنتي حبي الأول يا مي اطمني انا معاكي على طول
عند يونس وهو يخرج من غرفتة يجد رغد أمامة
يونس : واقفة هنا ليه يا رغد ف حاجة
رغد : بصراحة عايزة اتكلم معاك ف موضوع كدة بس مش عارفة أبدأ منين وازاي ؟
يونس وهو ينظر لساعتة وقال : للاسف اتأخرت على شغلي مش هينفع لم أرجع يا رغد بعد اذنك عشان اتأخرت وتركها ورحل من أمامها
رغد بحيرة : أقول له ولا بلاش بس أنا خائفة من رد فعلة وممكن يفهمني غلط وقالت بغيظ : منك لله يا آسر
وسرحت بذاكرتها
فلاش باااااك#
آسر : حبيبي سرحان ف ايه ؟
رغد: لا مفيش حاجة
آسر : متأكدة
رغد بكذب : أيوة ، آسر هي المرأة من وجهه نظرك ايه ؟
آسر : يعني ايه مش فاهم ؟
رغد : سؤالي واضح يا آسر
آسر:كائن جميل و كيوت يحب الدلع زيك يا قمر يا حليوة أنت كائن ضعيف محتاج اللي يقوية ويكملة
رغد : وايه كمان ؟
آسر : بس كدة هي البنت محتاجة ايه غير دلع واحتواء وحب وعيشة حلوة وأنها تكون سعيدة مع حبيبها
بااااك #
رغد بقرف : كل يوم يعدي يثبتلي اد ايه آسر شخصية مقرفة وسطحية ، مش عارفة كنت فين وعقلي كان فين لم أوهمت نفسي و حبيت واحد زي دة وابتسمت بحب وقالت : مفيش غيرة اللي خد عقلي ، وقلبي بس كنت بكابر وحاولت انساة وأشوف بديل بس معرفتش
وسرحت بذاكرتها مرة آخري #
رغد : ممكن أسأل حضرتك سؤال
هو : اتفضلي
رغد: هي المرأة من وجهه نظرك ايه ؟
هو: بس دة مالوش علاقة بالدرس يا رغد
رغد : عارفة بس ممكن أعرف لو سمحت
هو : المرأة دي حاجة كبيرة أوي لؤلؤة مكنونة يا رغد دي وصية رسول الله لم قال " استوصوا بالنساء خيراً" هي الام، الزوجة : الأخت، الابنه ، الخالة ، العمة ، الجدة بس كل حد منهم ليه معاملة خاص بيه
رغد : المرأة الزوجة ايه قيمتها عندك ؟
هو: دي حاجة كبيرة عليكي انتي لسة صغيرة ع الكلام دة، خليكي ف دراستك ومستقبلك ممكن بقا نبطل ضياع وقت ونكمل الدرس
رغد : أنت اتضايقت ؟
هو : لا خالص ممكن نكمل الدرس
بااااااك#
رغد وهي تبتسم : دلوقتي فهمت وعرفت ليه قولت لي كدة ، حبي ليك مكنش قليل خدت قلبي في فترة قصيرة كل نبضة كانت بأسمك وليك بس حاولت أنساك معرفتش ملقتش بديل ويوم ما فكرت ف البديل مكنش ليك بديل ولا هلاقي ذيك يا يونس أنت حبي الأول كنت فاكرة انها مراهقة وهتروح لحالها بس لاء كل مرحلة وكل سنه تعدي وحبك يكبر معايا حاولت أنساك بآسر وتنازلت عن مبادئي ومشيت في طريق الغلط بس معرفتش كل لحظة وانا مع آسر بجسمي بس قلبي وعقلي معاك أنت قررت أنساك بآسر لم اتجوزت وشوفت حياتك بس فرحت لم عرفت أنك رجعت يوم فرحي بسبب رجوعك صحيت مشاعري و حبي ناحيتك وبقا اكتر من الأول
فلاش باك #
رغد بصدمة : هرب يعني ايه وامسكت هاتفها واتصلت بآسر وجدته مغلق قامت بإلقاء الهاتف ع الارض وهي تبكي وقالت : الحل يا بابا هنعمل ايه ؟
محمد والد يونس : عندي فكرة كدة بس خايف تعترض يا علي
علي والد رغد : قول انقذني من المصيبة دي
محمد بتردد: اي رأيك لو يونس يتجوز رغد ونعدي الليلة
علي : هو يونس رجع ؟
محمد : أيوة رجع من اسبوع من بعد وفاة مراتة
نادية تعال يا علي معايا كدة عايزاك وأخذت زوجها لمكان بعيد عن الأنظار
قالت: لا طبعا مش موافقة على الكلام دة
علي : بس أنا موافق
نادية : عايز تجوز بنتك أرمل يا علي مش لدرجادي
علي : مش مهم وبعدين يونس راجل ميترفضش وعارفينة وبنتك كمان عارفاة نسيتي لم كان يجي هنا ويذاكر لها أيام الثانويه العامة غير كمان محمد صاحبي ورفيق عمري مش حد غريبه
نادية: وبنتك هتوافق؟معتقدش
علي: نسألها لو وافقت خير وبركة
نادية : ولو رفضت
علي: يبقي مفيش نصيب ، أنا مستحيل أجبر بنتي على جوازة هي مش عايزاها دي حياة أبدية يا نادية
بااااااك#
هذا هو السر كيف ستخبر رغد يونس هذا السر وايه ردة فعلة؟ هل هتقدر رغد على اكتساب قلب يونس ويتقبلها كزوجة ليه ولالاء؟
ف الإسكندرية
يجلس آسر ف غرفتة ويقول : أنا ايه اللي عملتة دي مشيت ورا واحدة عندها عقدة نفسية بسبب أهلها هتعمل ايه يا آسر ف الورطة دي من جهه دمرت حياة بنت كانت ضحية مي ومن جهه مي متمسكة بيك ولو فكرت تخلع منها قصادها حياتك دي مجنونة وممكن تعمل أي حاجة أنا ايه اللي عملته ف نفسي دة
( عشان انت مش راجل يا أسر
) نرجع لروايتنا عشان انا عن نفسي مش طايقة الواد دة
) نرجع لروايتنا عشان انا عن نفسي مش طايقة الواد دة عند مي
مي وهي تمسك هاتفها وتنظر لصورتها وصورة رغد وهما معا قالت : يا ترى حالتك ايه دلوقتي يا رفيقتي اتمني تكوني اتكسرتي زي ما أنا اتكسرت بسببك أنتي عارفة أنا بسببك بكيت كان مرة يا رغد يا مثالية ياللي مفيش ذيك خلااااص محدش من أهلي هيقولي خليكي زي رغد عشان رغد دلوقتي طلعت بنت مش كويسة وسيرتها على لسان كل الناس عريسها سبها وطفش ليلة فرحها
وسرحت بذاكرتها#
مي بصوت عال: انت صدقت نفسك ولا ايه فاكر نفسك عريس بجد وهتتجوز رغد قسما بالله لو اتجوزتها يا آسر هروح أقولها ع كل حاجة وعن علاقتنا وأنها كانت مجرد فخ
آسر بسخرية : تهديد مش أكتر وانا عارف انك مش هتعملي كدة وبعدين اتفقنا اني اسيبها بعد الفرح
مي : أنا غيرت رأي مش هتروح مكان يا آسر على جثتي
آسر : أبعدي يا مي من وشي مش ناقصة عك كلها الليلة دي والأمور تخلص
مي : لو اتجوزتها ، مش هتلحق تفرح عارف ليه وأخرجت له ورقة وأعطتها له فقرأ مضمونها وجلس ع الكرسي بصدمة .......
" زواج لم يكن في الحسبان " الجزء التاسع
آسر وهو يجلس على الكرسي بصدمة قال : ايه دة عملتيها امتى وازاي انتي عايزة توديني وتودي نفسك في داهية " ورقة جواز عرفي " مزورة وبتاريخ قديم
مي بهدوء : عشان كنت عارفة أنك مش هتوافق بالبساطة دي وللعلم الورقة دي معايا من فترة قليلة بقالها تلات أيام
آسر : مكنتش متصور أن مستواكي يوصل لكدة ولا تفكيرك للدرجة دي ونطق بإحباط حاضر يا مي أنا مش رايح الفرح خلاص ارتحتي كدة
فابتسمت مي بسعادة
باااااك#
مي وهي ترمي هاتفها ع الفراش وتتسطح قالت : كدة الواحد ينام بهدوء ومرتاح البال بعد ما الخطة تمت بنجاح
لم تكن تعرف أن خططتها فشلت وكان للقدر رأي آخر ولكنها لا تعلم بذلك، كيف سيكون موقفها عندما تعلم أحوال رغد الحالية؟
عند رغد وهي تتجول في غرفة يونس وتجلس ع فراشة وتسرح بذاكرتها مرة أخري
فلااااش بااااك#
رغد وهي تجلس بفستان زفافها وتبكي يدخل علي ونادية لها فتقف وتقول : آسر جة صح يا بابا هو فين برة
علي : للأسف لا و مالوش أثر وتلفونة مقفول حتي تلفون خالة كمان مقفول
رغد: يعني ايه ؟ خلااااص كدة
نادية : قولها يا علي
رغد : يقولي ايه يا ماما ؟
علي بحب أبوي وهو يقترب منها ويمسح بقايا دموعها قال بهدوء : آسر مش راجع يا رغد
رغد: طيب والفرح والناس هنعمل ايه ؟
علي : ف البديل غير آسر
رغد : نعم ، مين دة ؟
علي: يونس يا رغد
رغد بعدم استيعاب : يونس مين ؟
نادية : مالك يا بت يونس ابن صاحب أبوكي اللي كان بيذاكر ليكي أيام الثانوي
رغد : انتم بتقولوا ايه بس يونس متجوز ومتخيلين مراته هترضى يبقا ليها ضرة
نادية بغيظ : هو دة اللي فارق معاكي
علي: متخافيش يونس وحيد فتدخلت نادية وقالت : يونس أرمل يا رغد مراته ماتتت ورجع وعايش مع أبوة دلوقتي
رغد بصدمة : اييييييه مراتة ماتتت، أمتي ؟
علي :مش عارف ، رغد انتي موافقة تتجوزي يونس القرار قرارك لو رفضتي تأكدي مش هزعل منك رغد بمقاطعة : انا موافقة يا بابا اتجوزة
نادية كأي أم مصرية وهي تضرب صدرها بيدها : نهارك اسود يا بنت بطني هتتجوزي أرمل ليه يا حبيبة أمك ناقصة ايد ولا رجل ولا معيوبة ، أرمل يا رغد لا طبعا أنا مش موافقة.
علي بغضب : اسكتي يا نادية ممكن ونظر لابنته وقال : على اقتناع يا بنتي موافقة دة قرارك النهائي فهزت رأسها تأكيداً على كلامة
بااااك#
عند يونس وهو يقف أمام كورنيش النيل بحزن
فلااااش بااااك#
مريم : عارف يا يونس نفسي في أيه
يونس بحب : في ايه يا قلب يونس
مريم وهي تشبك يدها ف يدة وتضع رأسها ع كتفة وتتحسس بطنها المنتفخة: نفسي الحمل يتم وأسمع كلمة ماما انا تعبت يونس حاسة اني هموت ومش هسمع الكلمة دي أبداً واكملت بيأس : لو الحمل دة متمش مش عارفة ممكن يحصلي ايه ؟
يونس : بعد الشر عنك يا مريم أوعي تقولي كدة ، خلي عندك ثقة وحسن ظن بالله وان شاء الله ربنا هيحقق أمنياتنا قولي يارب ، لو العبد دعى ربة بصدق ويقين أكيد مش هيخذلة الا لو بقا لو ربنا شايل الأحسن ليه
مريم برضا : ونعم بالله وأخذت نفسا عميقاً وقالت : يونس أنت ممكن تحب حد بعدي ؟
يونس بغضب : ايه السؤال الاهبل دة انتي واعية لكلامك
مريم : عادي يا يونس بختبر غلاوتي عندك اعتبرها دردشة افتراضيات
يونس برفض : مفيش الكلام دة واكمل بهدوء مريم أنت روحي عارفة يعني ايه أنتي الركن الهادئ ودنيتي الخاصة بيا أنا عرفت الحب بيكي وحبيبت الحب لأجلك ، أخترتك بقلبي وعقلي، قلبي مستحيل يشوف حد تاني غيرك فاهمة
مريم بحب وسعادة : فاهمة خلاص بقا حقك عليا لو ضايقتك
يونس : بلاش تختبري حبي ليكي يا مريم ، لان انتي عارفة حبي ليكي مالوش وصف.
مريم بمشاكسة: عارفة والله بس بتأكد
يونس : تتأكدي من ايه يا مريم اعتقد تصرفاتي واضحة معاكي
مريم بمرح : خلاص بقا قلبك أبيض يا حبيبي وابتسمت له فبادلها بابتسامتة أيضاً .
باااااك#
يونس وهو يمسح دموعة : وهتفضلي حبي الأول والاخير يا مريم باب قلبي اتقفل من بعدك خلااااص
هل سيستمر يونس ع حالة ام مع مرور الأيام سيتغير؟؟
تحرك يونس واتجة الي سيارتة وانطلق لمنزلة
وسرح بذاكرتة مرة أخري وتذكر يوم زواجة برغد
فلاش باك#
يونس بصوت عال : ليييه يا بابا تاخد قرار كبير زي دة من غير ما ترجع ليا ، هو انا عيل صغير ولا الجواز لعبة جاي تقولي قوم يا يونس البس عشان تتجوز هو في كدة !
محمد : وطي صوتك أنت نسيت أني ابوك ولا ايه
يونس : أنا آسف مش قصدي بس الوضع مش منطقي وبعدين مريم .... محمد بمقاطعة : مريم ماتت يا يونس
يونس بوجع : ماتت بالنسبة ليكم لكن بالنسبة ليا عايشة جوايا وهتفضل معايا لحد ما أموت
محمد بخذلان وهو يجلس ع الكرسي: ماشي يا يونس ، براحتك لو ترضى تصغر أبوك وتكسر كلمتة مع الناس براحتك يا ابني حياتك وأنت حر قدرى بمصلحتك ونهض من على الكرسي واكمل : خلاص هروح عند علي وأقولة صاحبك رجع ف كلامة واعتذر منه
يونس بتفكير : خلاص موافق بس عندي شرط .......
باااااك#
ويقطع تفكيرة وهو يأخذ فرامل لانه كان سيحدث له حادث بسبب شرودة ولكنه نجا منه بأعجوبة
بعد مدة وصل للمنزل، واستقبلتة رغد قالت : حمدالله على السلامة
يونس : الله يسلمك ودخل يونس إلي غرفته وقام بتبديل ملابسة وهو يغلق الدولاب وجد زجاجة عطر زوجتة التقطها وفتحها ووضعها ع انفة يستنشقها
وسرح بذاكرتة
فلاش باااك #
يونس وهو ينظر بطرف عينيه ويبتسم قال واقفة بعيد ليه يا مريم قربي
مريم : أنت عرفت منين إني موجودة
يونس : ريحة البرفيوم بتاعتك مميزة كأنها اتعملت عشانك انتي وبس
مريم وهي تحتضن يونس من خلفه وتضع رأسها على ظهرة قالت : خلصت ؟
يونس : قربت أخلص عشر دقائق بس
مريم بملل: كفاية شغل يا يونس وتعال اقعد معايا العشر دقائق بقت ساعة وبعدين اول مرة أشوف واحد يخلص شغلة وهو واقف متعبتش ؟
يونس وهو يترك عملة وسحب يدها وضعها أمامه وحاصرها بين يدية من خصرها قال : القمر يؤمر الشغل مش هيخلص المهم حبيبه قلبي ورضاها
بااااك #
يقطع تفكيرة رغد قالت : يونس خلصت
يونس في الداخل وهو يضع زجاجة العطر ويخرج من الغرفة وجلس امام رغد قال : خير يا رغد كنت عايزة ايه ؟
رغد بتوتر : يونس بصراحة أنا .... وسكتت
يونس وهو يقطع سكوتها قال: اتكلمي يا مريم
رغد بحزن ووجع : انا رغد يا يونس مش مريم
يونس ...........
" زواج لم يكن في الحسبان" الجزء العاشر
يونس بإحراج: أنا آسف يا مريم ، وسكت وأخذ نفسا عميقاً وقال : يارغد حقك عليا آسف بجد
رغد بجمود: ولا يهمك ونهضت فمسك يونس يدها فنظرت ليده فتركها وقال : غصب عني يا رغد وبعدين انتي عارفة اللي فيها قوليلي كنت عايزة ايه
رغد : نسيت ، لم أفتكر هقولك يا يونس عن اذنك وتركته وغادرت إلي غرفتها وأغلقت الباب
ف الخارج يونس وهو يمسح بيدة على وجهه ويقوم بركل الكرسي بقدمه بغضب نظر لغرفة رغد وقال بندم : أنا آسف يا رغد بجد اتمني تسامحني غصب عني
ف غرفة رغد وهي تقف أمام المرآة تحدث نفسها قالت بتوتر : أنا إزاي كنت هقولة لا الوقت مناسب ولا هو مستعد الحمدلله اني متكلمتش واكملت بحزن : لدرجة دي حبك لمريم قوي كدة مش مخليك شايف غيرها يا يونس
وسرحت بذاكرتها
فلاش بااااك#
رغد وهي تجلس يدخل يونس عليها وهو يرتدي بدلتة السوداء
رغد وهي تقف : يونس أنا ....قاطعها يونس وقال : هم كلمتين يا بنت الحلال بس قبل ما أقولهم عايز أعرف عريسك سابك ف يوم زي دة وليه انتم اتخانقتوا؟
رغد : لا والله أبدا وجلست ع الكرسي وقالت هقولك ع كل حاجة يا يونس وحكت ليونس كل شئ عن علاقتها بآسر
وقالت : هي دي كل القصة يا يونس
يونس بإشمئزاز: يا خسارة يا رغد ليبيه يا بنتي تخسري نفسك ومبادئك أبوكي وامك ، فين احترامهم فين ربنا ، هو عشان أهلك بيحبوكي وسايبينك تعملي اللي أنتي عايزاة وأخذ الهاتف الخاص بها من يدها وقال : أبوكي وامك اللي واثقين فيكي وشايفينك وانتي ماسكة تلفونك بالساعات عشان عارفين أن بنتهم متربية مش هتعمل الغلط تقومي تكسري ثقتهم فيكي كدة يا رغد ما هو الحرام والغلط مش بيدوم كويس أوي أن الحكاية انتهت لهنا ربنا بيحبك وراعى أبوكي وامك
فـ الحب هنصحك انك متقدميش اكتر من اللي بيتقدملك
الراجل لازم يبذل مجهود ويتعب علشان يوصلك يقدملك اكتر مياخد منك يسعى ويحاول ويعافر علشانك اللي بيجي سهل بيروح سهل انتِ عزيزه فـ عين نفسك ولازم تفضلي عزيزه لاخر العمر .الحب الحقيقي تضحيات لو فعلاً الحب حقيقي صادق وف النور كل خطوة فيه هتكمل.
رغد : كنت فاكرة أسر بيحبني بجد انت مشوفتش كان بيعمل ايه عشاني على السوشيال غير الهدايا اللي جبهالي في خطوبتنا كان بيحاول بكل الطرق يقربني منه
يونس : (المبالغة) فى اظهار الحب ورومانسية العلاقات على السوشيال ميديا.. مالهوش أى علاقة بالحب.. ولا أى علاقة بالرومانسية..
الهدايا كلها اغراءات وأوهام لإثبات الحب معظم الناس مغفلة فاهمة أن دة حب وان "حبيبي دة أعظم انتصار"سوشيال بس في الحقيقي ممكن يكون " أسوء أختيار " فاكرة تقليدها للانفلوست والبلوجر حاجة واو أن مفيش زيها تعالي شوفي حياة الناس دي بعد الجواز حاجة مقرفة في تناقد ومشاكل انتم اللي عيشتوا نفسكم في وضع كداب واوهمتوا نفسكم أنه حقيقي مع أن الحقيقية مش كده خالص معظم علاقات الحب الشائعة عاملة زي البالونه واخدة حجم مش اكتر لكن جواها هواء أقل ضغط يفرقعها زي تفكير ناس فاكرة أن قصص حبهم مفيش زيها ولا اقوى منها مع أول مشكلة كله بيظهر على حقيقته زي آسر كده
رغد ببكاء وندم : غلطت وندمت والله العظيم وعرفت اني اخترت غلط أوعي يا يونس تقول لبابا وماما حاجة عشان خاطري مش عايزة صورتي تقل من نظرهم
يونس : تبقي غلطانه ولسه متعرفيش مين يونس مستحيل أعمل كدة ، أنا موافق اتجوزك يا رغد بس عندي شرط
رغد : شرط ؟! ايه هو؟
يونس : جوازنا هيفضل على الورق ، هنعيش مع بعض سنة واحدة جوة البيت اخوات، برة البيت زوجين عادين وبعد السنة نتطلق هنقول أننا مرتحناش مع بعض نفس الوقت ابقي طاوعت أبويا وكمان حلينا مشكلتك موافقة ؟
رغد بحزن : موافقة يا يونس
يونس وهو يبتسم : تمام كدة ، الاتفاق دة سري بينا مفيش طرف تالت يعرف بيه
رغد : حاضر يا يونس
باااااك#
رغد وهي تضع يدها على رأسها قالت : غبية عايزة تقولي يا يونس اني بحبك بقالي أربع سنين متخيلة ايه هيفتحلك حضنة ويقبلك ايه العبط دة أول مرة أشوف قصة حب من طرف واحد لا وكمان من طرف البنت وهو ولا على باله حب مراتة مسيطر عليه بشكل كامل شكلي كدة كنت هلخبط الدنيا وهخسر يونس ومكنتش هوصل لنتيجة وسرحت بذاكرتها.
فلااااش باااك
بعد أن تنتهي الجميع من إجراءات كتب الكتاب
محمد وهو يقول ل علي: ممكن اتكلم مع رغد لوحدنا
نادية بقلق: خير يا ابو يونس هو ف حاجة ؟
محمد : لالا عادي عايز ادردش معاها شوية
رغد وهي تنهض وتذهب مع محمد لغرفة الضيوف
وتجلس على الأريكة قالت : خير يا عمو
محمد : بصي يا بنتي أنا راجل مباشر محبش اللف والدروان وعارف ابني بيفكر ازاي كل اللي عايز أعرفة ايه الشرط اللي قاله ابني مقابل أنه يتجوزك يار غد متنكريش عشان أنا عارف ومتأكد أن يونس مش عايز الجوازة دي بس وافق عشاني ، لم اتكلمت معاة قالي أنه موافق بس عندة شرط وشرطة أنه يقابلك ويقعد معاكي قبل كتب الكتاب
رغد وهي تتهرب منه قالت مفيش الكلام دة يا عمو شرط ايه اللي بتتكلم عليه
محمد وهو ينهض ويمسك المصحف ووقف أمامها قال : أحلفي أن يونس متشرطش عليكي يا رغد
رغد وهي تبعد يدة وتنهض وتقول : مفيش الكلام دة حضرتك فاهم غلط يا عمو ممكن نخرج
محمد وهو يمسك ذراعها بحنية قال : وغلاوة أبوكي وأمك يا رغد عرفيني يونس قالك ايه؟وانا أوعدك كأني معرفتش حاجة بس طمنيني
رغد بتوتر واستسلام وهي تقول له( شرط يونس )
محمد بحزن على وضع ابنه: يونس ادمر من بعد وفاة مريم يا رغد ، حالتة النفسية كانت زي الزفت يونس وصل لمرحلة الانعزال وجالة اكتئاب حاد وأكمل بحزن ابني كان بيضيع مني يارغد لدرجة أنه فكر ينتحر متخيلة يوصل لأية الفترة دي حسيت إن ابني حد تاني مستحيل أن دة ابني اللي ربيتة اوقات كنت بكلم نفسي وأقول مين دة؟ مش يونس ابني العاقل المؤمن بقضاء ربنا بس كان ربنا رحيم بيا وبيه وقدر يتجاوز الصدمة ويرجع لطبيعتة بعد ست شهور ، الست شهور عدوا كأنهم ست سنين قلبي اتوجع على ابني وحزنه عارفة يعني ايه أب يشوف ابنه عايش بس ميت جسم من غير روح حالة يونس كانت صعبة أوي يا رغد ابني حب مريم بطريقة مجنونة دة ما كنش حب دة عشق ابني تخطى مع مريم الحب وهي كانت تستحق دة بس قدرهم أن قصة الحب دي نهايتها جت بدري أوي بس الذكريات لسة سايبة أثر وللاسف معرفش يتخطاها قراري أن يونس يتجوزك مجاش من فراغ لاني عارف ان ف مشاعر من ناحيتك ليونس وانا لاحظتها وعارف انك بتحبي يونس من زمان يا رغد يمكن أبوكي ما خدش باله بس انا لاحظت من نظراتك وافعالك تجاهه، عشان كدة اقترحت على أبوكي أنه يجوزك يونس بس اتفجأت أنه وافق بدون تردد ودة فرحني جداً وسهل الأمور عليا و لاني واثق فيكي وعارف محدش هيخرج ابني من ذكريات مريم ، ويساعده ويفتح قلبه مرة تانية ويعيش حياته غيرك أنتي، عارف أنه صعب وهياخد وقت بس انتي قدها يا بنتي مش كده؟
رغد بذهول وصدمة ...........
التاسع من هنا
