رواية انتقامي مختلف الفصل الرابع 4 بقلم عادل عبدالله
قولت في نفسي استني لما يروح في النوم اوي علشان اقوم بدون ما يحس بيا وتحصل مشكلة .
لكن المصيبة انه حط ايده عليا و لأنه كان سكران افتكرني هند اختي وقرب مني اوي عاوز يحضني وساعتها افتكرت خيانة مدحت ليا وفكرت في أني ارد الخيانة بخيانة !!!
سبت نفسي له وانا بتخيل منظر خيانة مدحت ليا وقلبي بيدق اوي !!!
وبعد ما انتهت العلاقة الكاملة بينا وهو كان سكران وغايب عن الوعي نام ، وانا قومت خرجت شوفت هند اختي وبناتي نايمين ، روحت نمت جنبهم وانا بفكر في اللي حصل ومش عارفة حصل كده ازاي !!!
مش قادرة افتح عيني من الخوف !! بدأت اطمن نفسي ان مفيش حد شافني ولا عرف اللي حصل حتي هو نفسه كان سكران ومش داري بحاجة .
وافتكرت ساعتها ان ربنا بس هو اللي شافني واكيد هيعاقبني عقاب كبير علي اللي عملته ده !!!!!! لكن ربنا عارف انا عملت كده ليه ، انا طول عمري محافظة علي نفسي وعلي شرفي وشرف جوزي بس هو جوزي وخيانته اللي خلاني اعمل كده علشان احس اني اخدت حقي منه وزي ما هو خاني انا كمان خونته !!! وكمان انا نفسي انه يعرف اللي حصل علشان يدوق النار اللي انا حسيت بيها !!
لكن ضميري كان بيأنبني اوي خصوصا من ناحية هند اختي اللي انا خونتها وهي عمرها ما عملت معايا حاجة تزعلني !!! مش عارفة انا عملت معها كده ازاي ؟؟!!!
لكن الصدفة هي اللي عملت كل حاجة !!
الصدفة بس هي اللي خلتني انام مكانها في نفس اليوم اللي اكتشفت خيانة جوزي ليا وان جوزها ييجي سكران وهي نايمة ويحصل اللي حصل وهو فاكر اني مراته مش اختها !!! ولو الموقف ده اتكرر الف مرة تاني مستحيل كنت هسمح ان ده يحصل ابدا .
طيب يا تري لما هند تصحي الصبح وتلاقي جوزها نايم في سريره هتفهم ايه ؟؟ اكيد هتعرف انه دخل الاوضة وانا نايمة وهتشك ان حصل حاجة !!!!!
وبعد تفكير طويل اكتر من ساعتين نمت اخيرا !!
الصبح لقيت هند بتصحيني وبتقولي يلا يا حبيبتي علشان نفطر مع بعض .متابته للصفحة
ولما فتحت عينيا افتكرت اللي حصل بالليل ودعيت ربنا انه يكون حلم مش حقيقة .
قومت قعدت معاها وسألتني : انتي خرجتي نمتي جنبي انا والبنات امتي ؟
: معرفتش انام والبنات بعيد عني خرجت علطول ونمت جنبهم .
: الحمد لله ، اصل علاء رجع بالليل .
: معقول ؟؟
: ايوه ، مش عارفة رجع ليه رغم انه كان قايل انه هيبات في الشغل ، لما يصحي دلوقتي هفهم منه .
خرج علاء في اللحظة دي وقال : صباح الخير ، جايبين في سيرتي ليه علي الصبح ؟
هند : خد هنا قولي انت ايه اللي جابك وانت قايل انك هتبات في الشغل ؟!!
: طيب مش لما ارحب بأختك الاول وبعدين تحققي معايا .
: طيب يلا يلا علشان انا جعانه اوي يلا نفطر سوا .
قعدنا وفطرنا كلنا وكانت البنتين لسه نايمين وبعد الفطار قولت لهند انا داخله اخد شاور وبعدها هنزل اروح مشوار .
وبعد ما دخلت الحمام اكتشفت ان باب الحمام مش بيتقفل كويس ، لكن قولت عادي مفيش مشكلة لأن هند مو
جودة في البيت .
لكن سمعت صوت علاء بيطلب منها تنزل تشتري حاجات من الشارع وانا اول لما سمعت كده خوفت وحاولت اخلص واخرج بسرعة .
وفعلا في دقيقتين كنت بخرج من الحمام لكن اتفاجئت لما شوفت علاء قدامي واخدني من ايدي عاوز يدخلني الحمام تاني !!!
قولتله : ايه ده انت بتعمل ايه ؟!!
قالي : علفكرة انا صحيح كنت سكران بالليل لكن كنت في وعيي وعارف كويس ان انتي اللي كنتي معايا مش اختك .
: يا نهار اسود !!! عارف ايه ؟؟ !!!
:اسود ليه !! ده ابيض وقشطة وزي العسل ، صراحة انا كان نفسي فيكي من زمان بس كنت مش عارف اجيبها ازاي لكن انتي بقي سهلتي عليا كل حاجة .
: انت مجنون !! محصلش حاجة ، انا كنت نايمة .
: كدابة اوي ، انتي كنتي صاحية وواعية وحاسة بكل حاجة ، يلا بقي بسرعة قبل ما هند ترجع .
: يلا ايه ؟
: بلا نعمل في الحمام زي ما عملنا بالليل .
: انت اتجننت ؟؟!!
: اشمعني بالليل وافقتي وكان بمزاجك وعلي هواكي ؟؟!!
: طيب ابعد خليني اخرج من هنا.
: مش هبعد ويلا بسرعة قبل ماهي تيجي .
: ابعد يا مجنون . هصرخ وافضحك .
: انا مش هبعد ولو مش عجبك لما تيجي هند قوليلها ، ولا ايه رأيك اقولها انا ؟؟ يلا بقي.
: تقولها ايه يخربيتك .
: هقولها ان اختك موزة جامدة ملهاش حل احلي واطعم والذ منك مليون مرة .
: يخربيتك ابعد ابعد عني .
: يعني عاوزاني اقولها ؟؟
: اخرص اسكت خالص .
: طيب يلا بقي .
و زي ما حصل بالليل علي سرير اختي حصل تاني الصبح في الحمام لكن المرة دي واحنا الاتنين في كامل وعينا .
مش عارفة الورطة دي انا اتورطت فيها ليه ؟ وهخرج منها ازاي ؟
انا مستحيل كنت اتصور ان علاء جوز هند يطلع ندل بالشكل ده !!!
ده واضح عليه مستبيع يعني فعلا ممكن يقول لهند علي اللي حصل .
ولو هند عرفت هتبقي مصيبة اولا هخسر اختي حبيبتي للابد ده غير ان بيتها طبعا هيتخرب !!!!!
ياربت كل قارئ للقصة يقول لو كان مكان البطلة ( ولاء ) هيعمل ايه ويتصرف ازاي في الورطة دي ؟؟
