رواية زين وسيلا ما زلت طفله الفصل الثالث والعشرون 23 والاخير بقلم اسما السيد
الفصل /23
روايه/مازلت طفله
بقلم/اسما السيد
ـــــــــــــــــــــــــــــ
مينا.. يامينا...
مينا يا مينا ياحتت سكره.. قلبك أبيض وشمعته منوره..
نظر مينا لها وهو يكتم ضحكاته التي ستفلت منه.. بأي وقت علي شقيقته التي ما ان تريد شيئا..
تظل وراءه حتي تأخذه..
مينا متصنعا الجديه..
ها.. ارغي.. عاوزه ايه يا ديالا..
عبست بوجهها كالاطفال وقالت..
كدا بردو يامينا.. اومال لو مكنتش أختك من زمان.. كنت عملت فيا ايه..
الرب يسامحك...
ضحك بصوت مرتفع قائلا...
يادودو ياحبيبتي بلاش لف ودوران ها... هاتي من الاخر عاوزه ايه...
اقتربت منه تتمسح به كالقطه وقالت...
هو انت يامينا مش وعدتني انك تخدني رحله بطيارتك الخاصه...
ولا أنا بقي مشبهش.. وانت هتخلف بوعدك.. قول يالا
شكلك هتخلف بوعدك..
ضرب رأسها بخفه قائلا..
ومن امتي بقي ياست ديالا بخلف وعدي معاك..
أوعدك ياأحلي ديالا... اني أخلص اللي ورايا... ونروح انا وانتي أحلي رحله..
لاي مكان انتي تختاريه..
جاءهم صوت غليظ من وراءهم يقول...
أيوا... أيوا.. اقعد دلع فيها...
كدا... لحد متتنمرد علينا..
نظرت لها ديالا بحده كالصقر وهمت أن تتكلم الا ان نظره مينا لها أخرستها..
تكلم مينا مدافعا عن أخته أمام ابنه عمهم المتكبره
وقااال...
وانتي ايه اللي مزعلك بقي ياست كارمن.. واحد واخته اش دخلك انتي..
نظرت له بحقد فهي لطالما حاولت أن توقع به ولكن لا تجد الا الصد منه فهو لا يري الا أخته الصغيره أمامه...
يقضي معظم أجازته معها.. يسهر علي متطلباتها...
تقسم ان لم يكن لها لن يكون لغيرها.. فهي لا يهمها هو بقدر ما يهمها أمواله...
كما ان جميع الاموال باسمه هو وأخته..
لمعت عينيها بشر فإن تخلصت منهم سيؤول كل شئ لهم الورثه..
وخاصه بأن والدتهم ووالدهم لا يباليان الا بالمظاهر
الخداعه.. والمكانه الاجتماعيه...
ااستمعت اليه يخبر أخته أنه سيصطحبها أينما تريد....
بعد انتهاء امتحاناتها...
ــــــــــــــــــــــــــــــــــــــــــــــــــــــ
كان يدور حول نفسه في الغرفه كالاسد الهائج..
قائلا...
ازااي مش لقيتوا لها أثر...
ازاي..انا عملت كل دا عشان سيلا...اتصرفوااا
اقترب منه سامي ذلك الرجل الذي كان يعمل مع فايز
في أعماله المشبوه..
تقدم منه وقال بمكر..يا مازن بيه..قلبنا الدنيا عليها..
ولحد دلوقتي ملهاش أثر..
انا بقول نسيبنا من المدام دلوقت ونركز في الصفقه اللي هتتسلم الليله..
دي أهم وبعد كدا نفكر سيلا هانم فين..
لان انت عارف الصفقه دي..
مع الراس الكبيره ااوي وهي اللي هتعلينا لفوق..
خصوصا بعد مالجوكرات الكبيره وقعوا كلهم..
أومأ له مازن بمكر...
وثقه قائلا عندك حق ياسامي...
انا لازم أعلي اوووي عشان اعرف أخلي زين السالمي يركع تحت رجلي ويترجاني أسيب سيلا...
نفسي أشوفه مذلول..
طول عمره عامل الكبير...
ربت سامي علي كتفه بعدما ضبط شئ ما أسفل ملابسه..
قائلا...عفارم عليك..
هو دا الصح...
المهم صفقه الليله هتكون تجاره أعضاء وطبعا في 100راس هتتشحن الليله
أومأ مازن براسه وقاال ايوا ابعت. ل......يروح يسلمها...بنفسه..
سامي مندفعا...
لا يامازن بيه الشحنه دي بالذات لازم ولابد انت اللي تسلمها الراس الكبيره...
وطالبك بالاسم... عشان الاتفاق..
اتفقوا علي كل شئ وخرج سامي منتصرا..
سامي بعدما ابتعد عن المكان عدل من سماعه البلوتوث خاصته وقال..
كل تم زي مانت عاوز يامعتز بيه...
زي ما سمعت...
معتز بثقه...كنت عارف انك قدها ياسامي هانت يابطل
كلها ساعات ونخلص من الكابوس دا..
وزي ماتفقنا هتبقي شاهد ملك في القضيه..
ودعه سامي علي وعد باللقاء ليلا...
ـــــــــــــــــــــــــــــــــــــــــــــــــــــــــ
التف معتز لايهم وزين
الذين يجلسون يركبهم هموم العالم وقال..
وحدوووه...
ردو بنفس واحد...
لا اله الا الله...
ضحك معتز..وحك رأسه بتوتر قائلا...
بقولك ايه ياأيهم...
أيهم بلا مبالاه..لا متقولش...انت مبتقولش الا النصايب بس..
نفخ معتز خديه بزهق وقال...
اف منك عيل فقري...اسمع بس..
انا نويت أكمل نص ديني..
نظر له زين بنظره مغتاظه
واقترب منه وامسكه من ياقته
قائلا بذمتك ودينك ياأخي..
هااا.بذممك..دا أوانه...ودا وقته...رد عليا ياأخي..
نفض معتز يديه قائلا وهو يضع قدم علي الاخري..
لا بقولكو ايه...هيا كلمه..لو مجوزتونيش..
مش هتمم العمليه دي...
وأكمل بهيااام..
انا من ساعه مشوفتها وانا مش علي بعضي أصلا...
نظر له أيهم باهتمام.. وقد استشف شيئا من حديثه...
وقال...
ها قووول..هيا مين...الاول..
تنهد معنز وقال بهيااام...
مني...مني السكرتيره...بتاع أبوك...اللي بتساعدنا في القضيه...
وقع قلب أيهم بين رجليه وتغيرت ملامحه قائلا...
انت بتقول ايه...
انت عارف انت بتقول ايه...
نظر له معتز وقال...ماتبصليش كدا ياصاحبي أنا عارف كل حاجه عنها
من يوم ماشوفتها وانا بجمع معلومات عنها...
انا عارف انها ضحيه...انا....
ربت أيهم علي كتفه بعدما صمت وقال...
بتردد...
مني حامل...
حااامل من أبويا...يامعتز...انساها يامعتز..انا وعدتها اني هساعدها...
ابويا لازم يتجوز مني..عشان أخويا يتولد بشرف انا مستحيل ادوقه من نفس العذاب اللي دوقناه..
نظر أيهم لزين الصامت يستمع لحديثهم بوجع...
فالدنيا لا تريح احدا..
قام معتز بصمت وترك لهم المكان..وعيونه بها وجع العالم أجمع..
اقترب زين من ايهم الصامت بحزن..قائلا..
انت عملت الصح ياصاحبي..أخوك حته منك..
اوعي تفرط فيه...
رفع ايهم عينيه قائلا...معتز ميستهلش كدا...خايف أكون بظلمه...خايف عليه..
اغتصب زين بسمه علي وجهه قائلا..
لو ليه نصيب معاها هيتجمعوا...
متقلقش...النصيب غلااب ياصاحبي اسألني انا...
ضحك أيهم متذكرا نصيبه الذي جمعه بمن عشقتها روحه بعد ثلاثون عام...
فالنصيب غلاب..
ــــــــــــــــــــــــــــــــــــ
خرج معتز..بقهر وقاد عربته باتجاه منزلها...مني التي خطفته من اول نظره...
حينما تواجدت مع أيهم.. تدلي بشهادتها...
بحث عنها وتحري وعلم الكثير ولكن خبر حملها
لم يعلمه الا الان..لمحها تنزل الدرج مع أختها الصغيره..
ملامحها الحزينه
ولاول مره يلمح وزنها الذي ازداد..
قليلا...
كم سهر ليالي يتخيل أولاده منها كيف سيكونو..
كل شئ تحطم الان...
هو يعلم بأنها ضحيه..
ولكن كيف سيتقبلها المجتمع..
لو كانو بمجتمع أخر وعلي دين أخر لحارب الدنيا من أجلها..
ولكن كيف له أن يمنع طفل صغير ..من حقه في الحياه والنسب..
يكفيه شرف ان ايهم سيكون أخيه...
سيودعها هنا في هذه اللحظه..
ولو كان مكتوب عليهم ان تجتمع دروبهم يوما...
سيجتمعون....
وعلي نغمات أغنيه خالد سليم...
رحل متمنيا لها حياه سعيده...
مع السلامه ياحبيب قلبي..
وسلاااام.
ياريت..تشوفني كل ليله في المنااام..
ـــــــــــــــــــــــــــــــــــــــــــ
ليلا...
اقترب مازن من سامي...قائلا..
يالا بينا نتحرك دلوقت...
أومأ سامي بالموافقه...وذهبوا باتجاه تسليم الشحنه...
كانت قوات الامن قد أخذت اماكنها بانتظار ساعه الصفر....
كانت يترأسهم ماجد صديق معتز..وذهب معتز في مهمه القبض علي فايز والد أيهم...
بينما أيهم وزين ويجاورهم خالد ومينا جالسون بانتظار انتهاء المعركه...
ـــــــــــــــــــــــــــــــــــــــــــ
اقترب مازن من الرجل الذي يقف بعنجهيه ينظر له من تحت لفوق بغل واضح..
قال الرجل بالانجليزيه..
لقد أتيت لي بقدمك أيها الغبي...
انت السبب بموت شقيقتي أقسم سأدعك تطلب الرحمه ولا تطالها..
ماكس شقيق كريس.. ورئيس العصابه..
الرجل الكبير..
مازن بتفاخر وكأنه يصنع انجازا...
أهلا وسهلا بك سيد ماكس.. أتمني ان يعجبك التعاون بيننا...
ماكس بمكر كالثعلب..اقترب من أذنه وقال..
لي الشرف سيد مازن...
اتمني انا أيضا ان تعجبك ضيافتنا..
لم يفهم مازن كلماته ولكنه اومأ بلا مبالاه وكأنه ملك الكون.
بعد نصف ساعه من الكلام..
اقترب مازن من العربه التي تحمل الفتيات والاطفال..
وقال لماكس وهو يشير له بأن يتقدمه..
تقدم ماكس أمامه..
ووضع يديه علي جيبه...مستعدا لشيئ ما..
واقترب من العربه مفتحا بابها فوجد العديد من الفتيات والاطفال والرجال..نائمون بسلام من أثر
المخدر..
أشار ماجد بيديه للقوات بالاستعاد..وفي ثواني واثناء نقل البضاعه كانت القوات تحاوطهم من كل جانب..
ماجد وهو يضع مسدسه علي رأس ماكس..
قائلا...
وأخيرا وقعت سيد ماكس..لقد أتعبتنا كثيرا يارجل..
ضحك ماكس وقال بنبره خاليه من الحياه..
ليس قبل أن اخذ حقي ممن قتلوا أختي...
لم يمهلهم أكثر وأخرج مسدسه..
وثواني وقد أفرغ جميع رصاصته برأس مازن..
الذي أصبحت رأسه أشلاء..
تتناثر في كل مكان...
أغمض الجميع عينه..بقرف من منظره...
وتم القبض علي ماكس ومن معه...
وانتهي مازن للابد...
اما سامي قد أخذ شاهدا ملكا...
ــــــــــــــــــــــــــــــــــــــــــــــــــــــ
بعد اسبوع...
اخيرا ياأخي الواحد خرج كنت حاسس اني مخنوق جوا...
مفيش احلي من الحريه..
خالد بتهكم..اللي يشوفك ياأخي يقول كنت مسجون حقيقي..
مكنتش قاعد في فندق خمس نجوم..
نظر له زين بحده وقال...
اش فهمك انت ياخالد بيه..وانت قايم نايم في حضن مراتك...
خمس خالد بوجهه وقال...
قل أعوذ برب الفلق...ايه يابني القر دا...
اهو قرك دا..اللي جيبني ورا...هلاقيها منك ولا من سيف افندي..
ولا من ستي اللي قاعده علي قلبي ليل نهار..
قااال ايه...بت ولدي تعبانه مهياش حملك...
.وانت كيف الطور الهايج...
ضحك زين حتي ادمعت عيناه قائلا...
والله معاها حق..نفسي اعرف بتعملها ازاي...
نظر له بغيظ..وقال..
هيا ايه دي؟
زين بمكر وهو يلاعب له حواجبه...
التوأم ياحبيبي هيكون ايه..
أزاحه خالد بحده قائلا..
اوعي ياأخي كدا...دي قدرات خاصه يابابا..اش فهمك انت...
ورحل الصديقان كل الي منزله التي يفصلهم عن بعضهم بجدار واحد..
هم زين ان يدخل..الا ان صوتا مرحا أتي من الخلف قائلا...
أهلا...بأعز الحبايب...
نظر له زين بحده...قائلا...أهلا بالجيره الوسخه...
اقترب خالد مره أخري قبل ان يدخل حينما استمع لصوت مينا..
وقال...لا لا...ملكش حق كده يازين..دا مينا دا عسل...
ضم مينا فمه كالاطفال وقال..
معلش دلوقتي اما تشوف مفاجئتي تيجي تشكرني...
ربت أيهم القادم من فيلته..
التي تجاور فيلا مينا وعائلته...
علي كتف مينا وقال...
وانت بردو بيجي وراك مفاجات والله أشك...
نظر لهم مينا بغيظ وقال...
ماشي...اثبتوا علي كلامكو دا...
سي يووو ياحلوين...عشان واخد البت ديالا في رحله..
باي باي يابشر...
زين بصوت مرتفع..خد يالا...متستندلش..
ولا... .. يا... مينا...ولا حياه لمن تناااادي...
نظر لايهم وخالد...قائلا...
عجبكو كدا...اهو سابني وخلع...
نظر أيهم وخالد لبعضهم بمكر وتركوه وذهبوا كل لزوجته.....
نظر زين لهم بغيظ قائلا...
ياولاد...ال...ماشي..
ــــــــــــــــــــــــــــــــــــــــــــ
دخل زين الي الفيلا وذهب باتجاه غرفه نومه....
خلع جاكت بدلته...وجلس بجانب السرير واضعا يديه علي رأسه مفكرا بها...
لن يستطيع الانتظار أكثر قبل أن يراها...
يريد احتضانها بشده..يريد أن يخبرها أن كابوسهم انتهي الي الابد...أن يبكي عمرا أضاعه بعيدا عن أحضانها...
اليوم فقط يشعر بأن روحه طائره كالفراشه..
يشعر بالحريه وكأن هناك شيئا كان يجسم فوق صدره وانزاح...
تنهد..براحه قبل أن يستفيق من شروده..علي لمسات يدين يعرفهما جيدا...
تخلل أصابعها بين شعره...
سيلا برقه...زيني...
زين بصدمه رفع نظره لها.. يتأكد من ما سمعه هل صحيحا ام من وهم خياله..
نفض رأسه قائلا...
لا أكيد بحلم..
ضحكت بغنج وازاحت يديه وجلست علي قدميه..
واقتربت تقبله بخفه..
وابتعدت فزمجر مطالبا بالمزيد..
فضحكت ومررت يديها
بخفه علي وجهه وقالت وهو مازال علي نفس صدمته..
زيني..يرضيك كدا..
زين بتوهان...لا ميرضنيش ياعيون زينك..
ضحكت عليه وقالت..
بمكر بجانب أذنه...يرضيك يازيني معرفش انام من يوم ماسبتني..
كل يوم بالليل أحاول أنام معرفش.. من ابنك ولا بنتك..
+
هز رأسه قائلا..لا ياقلب زينك ميرضنيش...
ملهمش حق.
لازم يتربوا...
عبست بوجهها وقالت...زين..
زين بتوهان..سيلا ياقلبي..
سيلا بمكر علي حالته.....امممممم.
زين..هو انتي هنا بجد...
سيلا..بمكر..اتأكد بنفسك..
لم يمهلها أكثر وفي كل دقيقه يسالها..هل حقا هنا..
أم مازال يتخيل؟
ــــــــــــــــــــــــــــــــــــــــــــــــــ
منتصف الليل...
تقلب يمينا ويسارا..وجد السرير خاليا...
زين بصدمه...هو انا كنت بحلم فعلا...يعني سيلا مكنتش هنا...
وخبط بيديه علي رأسه..انا شكلي اتجننت..
لمح بعينيه مئزرها فانفرجت أساريره ببسمه مرتاااحه..
قائلا...
دي هنا فعلا وقام مرتديا ملابسه مسرعا..
يبحث عنها...
كانت تقف بالمطبخ تكاد تبكي تحاول عبثا صنع شيئا تأكله ولكن لا فائده..
بحث عنها فوجدها تقف
بالمطبخ مرتديه قميصا
يكشف عن ساقيها ببزخ..
مكشوف الذراعين..
فتأوه بصمت من منظرها المهلك..قائلا..
جننتي امي يابنت عمي..
أعمل فيكي ايه...
انتبه لها تقدمت وجلست علي المنضده بحزن ورفعت رأسها له
وقالت بغيظ..هتفضل تبصلي كدا..
انا جعانه جدا..ومش لاقيه حاجه أكلها..ومش عارفه أعمل حاجه..
قولتلك علمني..
ضحك بمرح واقترب منها مسرعا وقال...
سيلا حبيبتي انتي بجد هنا؟
زفرت بغيظ منه...وقالت..يوووه يازين دي المره الالف..
ايوا هنا..والله هنا..واقتربت بغنج منه وأحاطت رقبته..وقالت..
تحب أثبتلك ازززاي...
زين بمكر؟
أحاط خصرها ونظر لعينيها...وقال..
قربي مني أكثر..وانا أقولك ازاي..
أطاعته كالمغيبه وثواني وكان يأخذ شفتيها في رحله بعيده..
مؤكدا لنفسه انها هنا بين يديه..
ــــــــــــ
بعد ساعه كان يضع أمامها الطعام.. قائلا..
أحلي بيتزا..لاحلي سيلا..
ايه رأيك بقي...؟
ضحكت بسعاده.
+
-..اللي يشوفك يقول انك عملتها بايديك..
مش طالبها دليفري..
اغتاظ منها واخذها ..
-خلاص هاكلها لوحدي..
صدح صوت طفولي من خلفهم..
يقووول..
انتو عمالين تحبوا في بعض هنا...
وسايبني انا لوحدي..
ايه مفيش نظر..
طب راعوا مشاعري شويه.
واقترب من والده قائلا...
بذمتك انت اب انت...
نظر له زين بذهول..قائلا...دا انا...ليه انشالله..
مالك بطفوله..
عشان مبتقفشي جنبي.؟
زين..باستنكار..أنا؟
اومأ مالك وعبس بشفتيه قائلا...أيوا..
قلتلك جوزني أيراام..وانت مش راضي..
وسايبني لسيف يلعب بيا الكوره...
يقولي هاتلي 100 بقره وانا أجوزك أختي...
رحت قلت لجدي...قالي موافق..
خلاص علي خيره الله..
رجعت عشان أقول لسيف الزفت..
...قالي لا..عاوز 100 ناقه...
أجيبهم منين بقي انا...
وجلس يضع يديه علي خده بحزن...
نظر زين بصدمه لسيلا...
التي عبست هيا الاخري
وكادت أن تبكي وقالت...
اصرف يازين والا والمصحف اخد ابني وامشي..
انت كدا هتعقدلي الواد...
كان ينظر لهم كانهم من كوكب أخر...
وضرب كفيه قائلا...
منك لله ياخالد انت وعيالك..
بوظتلي مخ الواد وامه...
وتركهم ذاهبا للاعلي...
يتمتم...بغيظ...ال 100ناقه قال..
ان موريتك ياخالد انت وولادك...مابقاش زين...
يمهل ولا يهمل...
نظر مالك لوالدته بغيظ...وقال...
عاجبك في ايه دا...هااا..
سيلا بصدمه...مالك..!
أشاح مالك بيديه قائلا...
ياشيخه بلا مالك..بلا زفت..بقي..
ــــــــــــــــــــــــــــــــــــــــــــــــــــــ
ـــالي اللقاء في الخاتمه انشالله...
ديالا ومينا...حكايه رأس السنه..استنوني...
في جزيره شيااام.. العشق المحرم
بس تحبوا أكتبها فصحي ولا زي ما احنا ماشييين
رأيكو في النهايه...
ومتنسوش التصووويت
