رواية احلامي البريئه الفصل الثامن 8 بقلم ملك روحي
احلام اتصلت على غاده وحكيتلها على اللي حصل معاها وكلام مراد واللي قاله ليها عبدالله.
غاده؛ يبقى بيختبرك بيشوف انتي بنت محترمه ولا ايه.
احلام؛ ايه بيختبرني ليه احنا مراهقين.
غاده؛ يابنتي افهمي في رجاله كده بتحب تختبر البنت اللي بيحبها بيشوفها بنت محترمه ولا لأ وممكن لو لقاها مش كويسه يبعد عنها.
غاده؛ اتقلي يابت وخليكي واثقه في نفسك كده الرجاله مبتحبش البنت المدلوقه عليه بيحبوا الواحده اللي تطلع عينيهم.
احلام :انا معرفش اعمل كده انا غير اي حد. ازاي ابقى بحب واحد وابخل عليه بمشاعري واهتمامي.
غاده؛ ياحبيبتي انتي طيبه وقليلين اوي اللي زيك. بس المهم لازم متقبليش اي حاجه مراد يقولهالك وكمان عبدالله حذرك منه اهوو يبقى تاخدي بالك من نفسك لو بتحبيه وعايزاه لازم يعرف انك غير كل البنات الي عرفهم.
احلام؛ حاضر ياغاده.
وقفلت التليفون.. ومراد فضل منتظر احلام انها ترن عليه عشان تقوله انها موافقه تقابله بس خيبت ظنونه واتعصب مراد من رد فعل احلام.. وعدي اليوم. تاني يوم في الصباح... صحي مراد بدري ونزل يقعد في الجنينه. وفجأه طلعت احلام من بيتها عشان تروح الكليه وشافت مراد قاعد في الجنينه اتجاهلته ومبصتش ناحيته ومشيت عالبوابه عشان تروح كليتها.
ومراد استغرب واتعصب زياده وقام مشي وراها. ونده عليها.
مراد:احلام.
احلام؛ وقفت والتفتت لقت مراد وقالت نعم.
مراد؛ ايه مفيش صباح الخير....
احلام :ببرود عكس اللي جواها. صباح الخير.
مراد :بأستغراب مالك يعني بتردي كده من غير نفس.
احلام؛ شوف يامراد انا مبحبش الف وادور كتير انت امبارح طلبت مني نتقابل بليل عشان تقرب مني وقلتلي فكري ولو رفضتي اعتبري اللي مابينا انتهى. صح يامراد.
مراد؛ مقصدش المعنى ده يعني.
احلام :لأ انت تقصد وانا ببلغك اني مش موافقه على كلامك ولو فعلا حابب تقرب مني يبقى نتخطب ونتجوز يااما كده يااما تشوف واحده غيري. وحست انها زودتها وتوقعت رد فعل صادم من مراد وأنه خلاص هيسيبها وقلبها كان بيدق بسرعه جدا.
مراد؛ سمع كلام احلام واتصدم من كلامها وازاي هيا رفضت وكمان بتسيبه وبتنهي علاقتهم ببعض. يبقي كلام عبدالله كان صح وأنه أخطأ في سوء الظن بأحلام. وقال في نفسه انه لازم يظهر لهم انها غير توقعاتهم.. وقال بس اهدي يااحلام انا مقصدش ياستي انتي زعلتي مني ولا ايه انا كنت بهزر معاكي.
احلام؛ فرحت اوي بكلام مراد وأنه فضل متمسك بيها بالرغم من كلامها ليه واتأكدت من حبه. وقالت خلاص يامراد حصل خير بس ياريت متطلبش مني حاجه انا مش هقدر اعملها.
مراد؛ ابتسم حاضر ياحبيبتي وغمز لها.. اتكسفت احلام وابتسمت وبصت في الأرض.
مراد مسك ايديها وقالها وحشتيني علفكره وكنت منتظرك طول الليل عشان اسمع صوتك.
احلام؛ بتوتر ووشها احمر من الكسوف. انا اتاخرت على الكليه بتاعتي. لازم امشي.
مراد؛ طيب يلااا عشان اوصلك.
ابتسمت احلام وهزت راسها بالموافقه وركبت مع مراد العربيه.
وعدي الوقت وجه الليل وكان مراد بيكلم احلام عالتليفون وكان الوقت متأخر ومراد حب يوقع احلام في شباكه الخبيثه.
مراد؛ اااه اممم
احلام؛ مالك يامراد انت موجوع ولا ايه. رد عليا.
مراد؛ وهوه بيتصنع الألم . اااه مش عارف يااحلام في وجع في صدري ومش قادر اخد نفسي.
احلام؛ ايه وده من ايه منتا كنت كويس دلوقتي والوجع ده جالك قبل كده.
مراد؛ لأ اول مره احس بيه بس بيزيد عليا
احلام :بخوف ونبره صوت حزينه. طيب حاول تشرب مايه او اعمل اي حاجه حاول ترتاح.
مراد؛ طيب انا هقفل معاكي هحاول ارتاح شويه يمكن اخف.
احلام؛ بس انا هفضل قلقانه عليك حاسس بايه دلوقتي.
مراد؛ حب يزود من خوفها عليه.. وقال.. اااااه يااحلام مش قادر.
احلام؛ طيب انا هصحي بابا وانادي على عبدالله واجي اشوفك وننزل نروح المستشفى.
مراد؛ لأ مش عايز حد لو ممكن تيجي انتي تكشفي عليا لو في حاجه نبقى ننزل المستشفى انا وعبدالله عشان مش عايز اقلق حد دلوقتي الوقت متأخر.
احلام :بتفكير والخوف سيطر عليها . يعني اجي لوحدي.
مراد؛ عشان يخليها تروح لعنده بدون تفكير.. اااااه الوجع بيزيد مش قادر. والخط قطع.
احلام؛ اتخضت وحست ان قلبها هيوقف من الخوف على مراد.. الووو مراد رد عليا. ومحستش بنفسها غير وهيا بتاخد الحجاب بتاعها وبتخرج ببجامه النوم اللي لابساها واتجهت ناحيه القصر عشان تشوف مراد.
وووو يتبع..
