رواية سر الهاربه الفصل الثامن 8 بقلم مني الصاوي
سر الهاربه
الجزء8
مني الصاوي بتدخل رودى اوضتها وبتطبطب علي فاطمه اللي بتعيط فاطمه بتبص لرودي وبتقول والله انا مش زي ما بتفكروا وبكره تعرفوا اني مش بكدب
وفي صباح جديد علي ابطالنا وبالتحديد عند الحاج ابراهيم اللي مصمم يلاقي فاطمه وابنه حسن
حسن... صباح الخير
يوسف.... صباح الز*ف*ت علي دماغك
حسن... الله في ايه يا حاج علي الصبح يوسف.... لسه مفيش اخبار عن بنت عمك من جيهه راحت علينا فلوسها ومن جيهه تانيه وطت راسنا في البلد بعملتها وهروبها
حسن.... بقولك ايه يا حاج انا علي اخرى في الموضوع ده وبعدين كنت فين والمحروس اخوك كان بيجوزها لواحد غيرى والا كل حاجه انا السبب فيها
فجأه بيدخل اخوه عليهم ومعاه اولاده
الحاج خالد... السلام عليكم
ابراهيم.... وعليكم السلام اهلا يا خويا نورت
خالد.... منور بيك يا اخويا لقيت فاطمه والا لسه يا ابراهيم
حسن... احنا بقالنا كتير بندور يا عمي مفيش خرم ابره في البلد مدورناش فيه
حسام... يعني انت السبب في هروبها وبتدور عليها كويس والله
حسن... بقولك ايه يا حسام انت بالذات متتكلمش هو انت مفكرني نسيت انك مصدقت وعايز تصطاد في الميه العكره وتتجوز خطيبتي
حسام... خطيبتك ايه انت مصدق نفسك عمك حط ايده في ايد راجل غريب عن البلد علشان يخلص من شبكتك
الحاج خالد... وبعدين ياواد انت وهو مفيش حد مالي عينكم والا ايه واقفين لبعض زي الديوك وناسين المصيبه اللي احنا فيها
حسن... المصيبه دي ماتدخلش فيها انت وعيالك يا عمي انا هم*وته*ا وانتقم لشرفي
بيقرب منه حسام وبيمسكه من ياقه قميصه تق*تل مين يااد انت والله لو شعره نقصت من فاطمه انا اللي هقطعك
بيقف بينهم احمد اخو حسام والحاج ابراهيم بيزعق
ماتحوش ابنك يا خالد هو جاي دارنا يضرب ابني
الحاج خالد... حسااااام ايه اللي بتعمله ده هو ده كلام ناس عاقلين كمان مفيش احترام ليا انا وعمك
حسام... ماهو يابابا انت شايف حسن بيقول ايه
خالد... خلاص مش عايز كلام منكم يلا خد اخوك واستنوني بره
احمد... يلا يا حسام
بيخرجوا احمد وحسام
خالد... شوف يا ابراهيم لو حد مس فاطمه باي مكروه مش هقولك هعمل ايه وانت عارف انا ممكن اعمل ايه وانت يا ولد انت اول ما تعرف حاجه عن فاطمه تيجي تقولي
حسن... حاضر يا عمي ومتزعلش مني ابنك هو اللي بيستفزني
بيبصله خالد وبيمشي من غير ما يتكلم
حسن... وبعدين بقي ايه دخل اخوك وولاده دلوقتي افرض لقيناها مش هنعرف نتصرف معاها
ابراهيم.... لقيها انت بس وبعدين يحلها ربنا
حسن.... هلاقيها هي هتروح مني فين سيبك منها دلوقتي خلينا في المهم
ابراهيم... هو في اهم منها
حسن... اه البهوات ادم ومراد بيكلموني علشان الثفقه بتاعت الموالح اللي هتتصدر خلينا نفوق بقي لشغلنا
ابراهيم.... خلاص جهز كل حاجه واتصل بيهم وحدد ميعاد علشان ينزلوا البلد وقولهم اننا موافقين علي عرضهم ومش هنمشبهم زعلانين زي اخر مرهفي منزل ادم بينزل ادم الصبح علشان يروح شغله وبيلاقي الكل مجتمعين علي الفطار ماعدا فاطمه
ادم... صباح الخير
رودي... صباح الخير يا ادم ممكن توصلني الجامعه في سكتك اصلي اتاخرت ولو روحت مواصلات اليوم هيروح عليا
ادم بيبص لامه اللي مردتش عليه وبتفطر وكانه مش موجود
ادم..... هي فاطمه فين
رودى... منولتش من الاوضه بس انا طلعتلها الفطار
ادم... ماشي تعالي اوصلك انا اساسا رايح امضي ورق مهم وارجع وبيبص لروان وبيقولها وانت يا ست روان مش رايحه الجامعه انت كمان
روان.............
ادم انت كمان مش عايزه تردى خلاص براحتك يالا يارودى علشان اوصلك وارجع بيبص لامه اللي رفعت وشها علشان بيقول هيرجع تاني
اه هرجع علشان هاخد فاطمه ونروح تعمل التحاليل اللي الدكتور طلبها يالا يارودى علشان مستعجله وبيخرج هو ورودى
روان... اتفضلي يا ست ماما لسه مش مصدقه ان البت دي بت شمال وهو عارفها ولما اتدبس فيها وحملت هربت من اهلها وجابها هنا
صفاء.... روان اتفضلي علي جامعتك بقي وبطلي كلام في الموضوع ده
روان... ماشي يا ماما انا مش هتدخل بس بكره هتقولي روان قالت سلام
بتخرج روان وتطلع الفون من شنطتها وببتصل برقم... الووو ايوه يا بيبي انا قدام البيت ماشي ياقلبي مستنيه
بعد شويه بيجي شاب بعربيه وبياخد روان من قدام البيت وهما في الطريق بيشوفها ادم بس هي مش بتشوفه لانها كانت مركزه مع كرم وبيهزروا بطريقه ملفته لاي حد
بيوصل ادم البيت واول ما بيدخل امه بتدخل المطبخ بيبصلها وبيتصل بفاطمه
الووو.. ايوه يا فاطمه انا تحت انزلي علشان نروح تعملي التحاليل اللي الدكتور طلبها
بتنزل فاطمه ومعاها شنطه هدومها
ادم... ايه اللي معاكي ده
فاطمه... هدومي انا كنت مستنياك علشان اقولك اني همشي انت مالكش اي ذنب في اللي بيحصل ده
ادم.... تعالي معايا بيشدها من ايدها وبيدخل اوضه المكتب وامه خارجه من المطبخ بتشوف اللي حصل بتقول في بالها..كده يا ادم يعني كلام البت روان طلع بصحيح وبتطلع علي اوضتها
ادم... كملي حكايتك يا فاطمه انا مش هسيبك تمشي غير لما اعرف الحكايه كلها وبعدين امشي زي ما انت عايزه
فاطمه... حاضر هكمل الحكايه وقفنا لما محمد قالي انه هيسافر بعثه وهياخد اخته وانا وبعدها محمد جه وقالي ان عنده مشكله والمشكله دي ان مصاريف السفر كتير وهو حاليا مش هيقدر ياخدني معاه بس بيحاول يدبر مصاريف السفر بتتنهد وبتفتكر كان ردها ايه
فاطمه... هي دي المشكله انا ورثي من امي مبلغ كويس بابا حطه في البنك باسمي وانا وانت واحد يا حبيبي
بيلمس محمد خدها وبيقرب منها حبيبتي يا فاطمه متشكر ياروحي بس مش انا الراجل اللي ياخد فلوس من مراته
فاطمه... ليه بتقول كده هو انا غريبه وبعدين مفيش فرق بيني وبينك بيقرب منها فاطمه بترجع لورا انا كده هتاخر علي الجامعه يلا سوق خلينا نوصل بسرعه
فعلا بيتحرك بالعربية وبيوصل للجامعه
محمد... سلمي علي اصحايك وعرفيهم انك هتسحبي ورقك بكره علشان انا بدءت في اجراءات تقديم في الجامعه في امريكا
بتنزل من العربيه حاضر كمان هشوف اجراءات سحب الورق هتعدي عليا امتي
محمد... هشوف يا حبيبتي لو خلصت بدري هتصل بيكي قبل ما اوصل الجامعه
بتدخل الجامعه وبيطلع محمد فعلا علي الجوازات وبيخلص اجراءات السفر ووقت خروج فاطمه من الجامعه بتلاقي محمد مستنيها
فاطمه.... انت رجعت امتي مش قولت هتتصل قبل ما تيجي
محمد.... خوفت تكوني في محاضره عموما يا ستي انا خلصت اجراءات السفر ومن بكره هنخلص جواز السفر بتاعك وباقي الاجراءات علشان الجامعه
فاطمه... بجد يا حبيبي انا مبسوطه اوي بس هتعمل ايه في المصاريف
محمد... متشغليش بالك انت انا هتصرف
فاطمه... انت ليه دماغك ناشفه قولتلك الفلوس بتاعتي ومفيش حد هيعرف وبابا مش هقوله المهم تفهم اننا واحد
محمد... بيبتسم خلاص يا حبيبتي مالك زعلتي كده خلاص هاخد الفلوس بس بشرط
فاطمه... لسه هتقول شروط يا محمد بجد زعلتني
محمد... هعتبرهم دين سلف وهرجعهم اول ما الظروف تتحسن هو ده شرطي
فاطمه... خلاص موافقه يالا روحني وبكره نعدي علي الينك نسحب الفلوس
محمد... ياترى معاكي كام كده اوعي يكون مبلغ بسيط وعامله كل ده
فاطمه... مش عارفه بس متهيالي يعدي مليون
محمد بيفرمل العربيه فجأه
فاطمه... في ايه يا محمد وقفت ليه كده خضتني
محمد... معاكي اكتر من مليون ده انت مليونيره ومكنتش اعرف
فاطمه... لما ماما اتوفت سابتلي حاجات كتير بابا باع كل حاجه وحطلي الفلوس في البنك علشان كان خايف عليا وقالي معرفش حد علشان محدش يطمع فيا
محمد... معاه حق بس انا بحبك من قبل ما اعرف يا حبيبتي وبعدين انا مش محتاج انا عندي كتير بس مش عارف اتصرف بسرعه عايز سيوله وكل اللي عندي املاك وعقارات
فاطمه... عارفه يا حبيبي يلا بقي وصلني بابا زمانه هيقلق عليا
بيوصلها محمد وبيجرى علي كريمه يبلغها بالخبر وبتفرح جدا وبتقول
بص يا محمد اليت هتديك الفلوس ونهرب بسرعه قبل ما حد يكشفنا
محمد... انت هبله دي لسه عندها بلاوي انا مش هفرح بمليون جنيه واسيب الباقي
كريمه.... محمد انت كده بتلعب بالنار خلينا ناخد المليون ونهرب والا البت حليت في عينك لا فوق احسن اقلب عليك الدنيا مش انا اللي يتلعب بيا
محمد.... يوووه حاجه تقرف انا ماشي وسيبلك المكان
كريمه... محمد محمد ماشي يا محمد انا مش هسكت وبتصرخ وبتحدف الباب بالمج اللي كان في ايديها
يتبع
ياترى محمد هيكمل لعبته والا هيكتفي بالمبلغ اللي فاطمه هتديهوله
