رواية سر الهاربه الفصل التاسع 9 بقلم مني الصاوي
سر الهاربه
الجزء9
مني الصاوي ادم... وبعدين يا فاطمه كملي حصل ايه محمد اخد الفلوس
محمد... صباح الخير يا فاطمه
فاطمه... محمد صباح الخير جاي بدرى كده ليه الساعه لسه سته الصبح
محمد... هفضل واقف كده علي الباب كتير
والدفاطمه... لا طبعا اتفضل يا بني وسعي كده يا فاطمه خلي الراجل يدخل
فاطمه... اااه اكيد ادخل يا محمدانا بس مستغربه انك جاي بدرى كده
محمد... قولت اجي نفطر سوى وننزل نلحق نعملك اجراءات السفر مش انت جهزتي الصور
فاطمه... ايوه من يوم كتب الكتاب بس برضو لسه بدرى
محمد... لا مش بدري والا حاجه لسه هنروح الجوازات في واحد صحبي هناك هيخلص لنا الورق بسرعه وبعدين لسه هنروح الجامعه علشان نسحب الورق قبل امتحانات نص السنه علشان السنه متضعش عليكي لازم نبعت اوراقك في اسرع وقت
فاطمه... انا مش مصدقه نفسي معقول يا محمد انا هتخرج من اكبر جامعه في امريكا
محمد... ومش بس كده لازم تاخدي الماجستير والدكتوراه من هناك كمان
والد فاطمه.... ربنا يوفقكم يابني يالا يا فاطمه جهزى الفطار علشان تلحقوا تنزلوا يا بنتي
فاطمه وهي هتطير من الفرحه.. فوريره حالا هجهز لكم اجمل فطار في الدنيا وبتجرى علي المطبخ
والد فاطمه... ربنا يسعدك يا بنتي انا مبسوط انها سعيده كده خلي بالك منها يا محمد شيلها في عنيك يابني دي ملهاش غيري ومن دلوقتي ملهاش غيرك
محمد... ربنا يخليك لبنا يا عمي انت الخير والبركه
فاطمه... انتوا لسه هتتكلموا يالا بسرعه علي الفطار
وبعد ما بيخلصوا الفطار بتاخد فاطمه اوراقها المهمه
فاطمه... محمد احنا نسينا حاجه مهمه
محمد... ايه هي يا حبيبتي
فاطمه.... قسيمه الجواز مش لازم تكون من ضمن الاوراق هو الماذون قالك امتي بتطلع
محمد... لسه مش بتطلع دلوقتي يعني تقريبا هتطلع يوم السفر بس متشغليش بالك انا هتصرف ما قولتلك صاحبي في الجوازات هيساعدنا المهم نطلعلك الجواز دلوقتي
فاطمه... خلاص ماشي يلا انا جاهزه سلام يا بابا وتقبل ايد ابيها وراسه
وهما خارجين بتقابل حسن اللي بينظر لهم بوعيد
حسن... علي فين علي الصبح كده
محمد... الظاهر انك ناسي انها مراتي وعموما احنا عندنا مشاوير علشان اجراءات السفر
حسن... اه وانت بقي كنت بايت عندهم والا ايه
فاطمه.... محمد جه علشان ياخدني معاه الجوازات هيبات ازاي يعني يا حسن ماتاخد بالك من كلامك
محمد... خلاص يا فاطمه احنا مش ملزومين نقوله رايحين فين او جايين منين اركبي العربيه
وفعلا بيركبوا العربيه وبيمشوا
حسن.... وحياه ابويا لاوريكي يا فاطمه واعرفك ازاي تسبيني علشان كل*ب زى ده
بيقضوا اليوم ما بين الجوازات والجامعه وبيرجعوا في طريقهم للبلد وفجأه
فاطمه.... استني يا محمد شوف كنت هتنسيني
محمد.... في ايه
فاطمه.....تعالي ننزل هنا
محمد... بيبص حواليه وبيقول ننزل هنا ليه يا بنتي عايزه حاجه اشتريهالك
فاطمه.... يوووه يا محمد انت نسيت بس كده ده ايه وبتشاور بايديها
محمد.... ده بنك يابنتي سلامه عيونك الحلوين دول
فاطمه... طيب يلا ننزل هسحب الفلوس دلوقتي يدوب تلحق تحجز تذاكر الطيران وتشوف وراك مصاريف ايه
محمد... مستعجله ليه يا فاطمه فكري شويه يمكن ترجعي تندمي
فاطمه... اخص عليك يا محمد انا اندم فداك اي حاجه ياروحي انا نفسي فداك
محمد.... حبيبتي يا فاطمه انا كمان بموت فيكي ياروحي بقولك ايه ماتيجي ناخد اوضه في الفندق اللي هناك ده نرتاح شويه عايز اخدك فى حضنى مشتاق لك اوي
فاطمه... محمد كده مينفعش خلاص مبقاش غير وقت بسيط ونفضل مع بعض
محمدبيقرب... متخافيش هنقعد بس نرتاح شويه واخدك في حضني مش هعمل حاجه غير اني احضنك
فاطمه... لااا هنتأخر وبابا هيقلق انزل يالا نسحب الفلوس ونروح
محمد بخيبه امل خلاص يلا انزلي انت بت فصيله
بتضحك فاطمه وبتخرج بطاقتها من الشنطه وبتدخل البنك مع محمد وبالفعل تسحب مبلغ مليون جنيه
فاطمه.... اتفضل يا حبيبي سحبت مليون وسبت مبلغ بسيط علشان الحساب يفضل مفتوح
محمد... اه طبعا يا حبيبتي وبعدين مليون حلو اوي تسلميلي يارب ياقلبي
فاطمه.... تمام وصلني احسن زمان بابا علي اخره ومضايق اني طول اليوم بره مش عارفه هيقعد لوحده ازاي ده مش بياكل غير معايا
محمد... بكره هيتعود يا حبيبتي وبعدين هو فرحان علشان انت فرحانه
فاطمه... عارفه بس صعبان عليا هسيبه لوحدي بفكر اقوله يروح يعيش مع عمي خالد هو طيب وبيحب بابا وهيخلي باله منه عكس عمي ابراهيم اللي طمعان انه يورث بابا
محمد.... فعلا فرق كبير بين عمك ابراهيم ده وباباكي
هوصلك لحد البيت وامشي علي طول علشان عايز اصحي بكره بدرى اخلص اجراءات البعثه بس عايز اطلب منك حاجه
فاطمه.... اطلب يا حبيبي خير
محمد.... ياريت متقوليش لبايا علي موضوع الفلوس لاني هبقي محرج منه
فاطمه... انا قولتلك بابا مش هيعرف وبعدين دي فلوسي وانا حره فيها
بترجع فاطمه للواقع علي صوت ادم
ادم.... ازاي تعملي كده يا فاطمه معقول تسحبي مبلغ زي ده من غير علم والدك
فاطمه.... كنت بثق فيه ثقه عمياء نزلت راسها وقالت كنت بحبه
ادم... حتي لو بتحبيه كان لازم تحافظي علي فلوسك لانها امانك مكنش لازم تثقي فيه كده عموما كملي حصل ايه بعد كده
فاطمه.... روحت البيت وفعلا مقولتش لبابا عن الفلوس اللي سحبتها اي حاجه بالعكس سالني روحتوا فين قولت كل حاجه بس مذكرتش البنك
بترجع بالذاكره
فاطمه.... انا فرحانه اوي يا بابا محمد خلص كل الاجراءات بتاعتي وقريب هستلم جواز السفر ونحدد يوم السفر بس زعلانه علشان هسيبك لوحدك
والدها.... مين قال ده انا كل يوم هكلمك صوت وصوره وكانك معايا المهم تكوني بخير وسعيده يا حبيبتي
بتحضنه فاطمه ربنا يخليك ليا يا بابا
بيوصل محمد الفندق وبيفتح الباب بيلاقي كريمه نايمه علي السرير اول ما بتشوفه بتدور وشها الناحيه التانيه
محمد.... انت مخرجتيش النهارده
كريمه.......
محمد.... مش بتردى عليا ليه خلاص مش هقولك المفجأه اللي محضرهالك
كريمه..... مفجأه ايه هتجبيلها هنا
ادم... هاااها لا مش للدرجهدي
كريمه.....لا بجد يا بيبي مفجأه ايه
محمد... دلوقتي بقيت بيبي ماشي يا ستي هقولك تعرفي تقولي الشنطه دي فيها ايه
كريمه.... هيكون ايه اوراق البعثه
محمد بيفتح الشنطه وبيلفها جه كريمه واول ما كريمه بتشوفها بتصرخ.. واوووو معقول مليون جنيه
محمد.... عييب عليك انت مش عارفه قدراتي والا ايه
كريمه... لا طبعاً عارفه ياروحي البت وقعت فيك لشوشتها بس مكنتش متوقعة انها عبيطه كده دي مخدتش في ايدك غلوه
محمد... طبعا يابنتي مقدرتش تقاوم واد حليوه زيي مهندس وهاخد الدكتوراه
كريمه.... طبعا طبعا بس قولي انا نصيبي كام
محمد... كله ليكي ياقلبي هو انا ايه وانت ايه مش واحد
كريمه.... لا يا حبيبي لازم اعرف ليا كاممحمد... بجد ليكي المليون جنيه بس بشرط
كريمه... اخص عليك يا بيبي هتتشرط عليا علشان مبلغ زى ده ده انا كوكو حبيبتك
محمد... هو شرط صغير بس لو وافقتي هحبك اكتر
كريمه... قلقتني عايز ايه يا محمد قصاد مليون جنيه
محمد.... ليله واحده بس
كريمه.... مش فاهمه حاجه ليله ايه اتكلم علي طول
محمد... توافقي نعمل زفه ودخله انا وفاطمه
كريمه.... نعم
محمد... ليله واحده بس هقضيها معاها والصبح نكون في المطار وتبقي تقابلني لو عرفت توصلي تاني.
يتتتتبع
