رواية احلامي البريئه الفصل السابع 7 بقلم ملك روحي
التفت عبدالله وكان الخوف في عينيه وحصل اللي كان خايف منه ومراد شافه.
عبدالله؛ نعم يامراد بيه.
مراد؛ قرب منهم شويه. وقال بصوت عالي.. عايزك حصلني عالمكتب.
عبدالله :تحت امرك .. والتفت لأحلام وقالها بصوت واطي شكرا ياانسه احلام ياريت متجبيش سيره لمراد بيه بكلامي معاكي وانا هفهمك بعدين.ومشي عبدالله ناحيه القصر.
عبدالله دخل عند مراد وكان واقف ناحيه الشباك والغضب مسيطر عليه.
عبدالله؛ افندم يامراد بيه.
مراد؛ كنت بتقولها ايه.
عبدالله؛ هيا مين سعادتك.
مراد؛ التفت بغضب.. انت هتستعبط مش عارف هيا مين اللي كنت واقف معاها دلوقتي.
عبدالله :مفيش كنت بسألها على دوا لوالدتي. وحضرتك ندهت عليا.
مراد؛ أنت فاهم انها هتصدقك.
عبدالله؛ مش فاهم بتتكلم عن ايه.
مراد :انت فاهم كويس اووي وريح نفسك عشان مش هتصدقك. اللي متعرفوش انها بتحبني من زمان جدا.. وقعد عالمكتب وحط رجل على رجل. وولع سيجاره ونفخ بكل ثقه.
عبدالله؛ انا ماليش اني اتدخل بس انا هقولك حاجه واحده بس وياريت تعمل بيها عشان متندمش بعدين.
مراد؛ مبتدخلش اومال تسمى بأيه تحزيرك ليها ده انت فاهم اني مصدق كذبك.
عبدالله؛ يامراد بيه صدقني احلام بتحبك لشخصك بلاش تأذيها انا عارف انك قلبك طيب ومبتحبش تأذي حد. المفروض تفرح لما تلاقي حد بيحبك لشخصك مش عايز حاجه من الدنيا غيرك.
مراد؛ وكلامه أثر فيه وقام من عالكرسي بغضب.. وانت ايه اللي مخليك واثق كده انها بتحبني لشخصي مش عشان فلوسي.
عبدالله؛ احلام طول عمرها عايشه معانا في القصر ده وزي ماحضرتك قلت انها بتحبك من زمان وانت متعرفش. يعني بتحبك وعمرها ماقربت منك عشان تاخد بالك منها عارفه الحاجز اللي بينكم انت راجل غني وهيا بنت الجنايني. واحده غيرها كانت عملت اي حاجه عشان توقعك او تلفت نظرك عشان تحبها.
بس احلام اكتفت تحبك من بعيد عشان عارفه انه مستحيل تشوفها او تحبها.
مراد:طب ماحنا مع بعض دلوقتي وهيا قربت مني. واعترفتلي بحبها كمان.
عبدالله؛ ده لما انت قربت فالأول إنما لو عليها هيا مكانتش قربت خالص حتى لو كنت فضلت طول عمرك مش شايفها. عشان هيا أصلها كده بنت شبعانه ومكتفيه بحياتها.
مراد؛ وهوه بيفكر في كلام عبدالله وقد ايه مقنع بالنسباله.. بسس هيا انا لو طلبت منها اي حاجه بتنفذها من غير تفكير ده ميخليكش تشك انها بنت سهله.
عبدالله؛ بالعكس. دي بتحبك وجدا كمان عشان كده بتنفذلك طلبك من غير ماتفكر لو قلتلها افديني بحياتك انا واثق انها مش هتتأخر. لو جربت تحبها زي ماهيا بتحبك هتفهم كلامي..
مراد؛ ياااه ده انت حافظها بقاا انا دلوقتي متأكد انك بتحبها عشان كده بدافعلها.
عبدالله؛ حتى دي كمان انت غلطان فيها عشان لو عرفت تشوف الناس بقلبك عمرك ماهتشك فيهم وهتحسن الظن. بس انت عشان تجربه فشلت فاهم ان كل الناس زي بعض. نصيحه مني بلاش تخسرها مش هتعرف تلاقي حد يحبك زي احلام.
عبدالله :ضحك بصوت عالي. وقال انا لا عايز حد يحبني ولا عايز احب حد.. ونصيحه مني انا بقاا تخليك في شغلك وبس عشان انت اكتر واحد عارف قلبتي.
عبدالله؛ بصله وكان حزين من رد فعله بعد كل الكلام ده ومأثرش فيه.. وقال تمام يامراد بيه.
مراد؛ اتفضل على شغلك.
وخرج عبدالله وهوه بيتوعد في نفسه انه مش هيسمح لمراد انه يأذي احلام مهما كان التمن.....
عند احلام. كانت رايحه جايه في اوضتها بتفكر في كلام عبدالله وايه اللي حصل مع مراد.
وفجأه رن تليفونها وكان المتصل مراد.
احلام؛ ردت بلهفه.. الوو ايوه يامراد.
مراد :في ايه مالك.
احلام؛ انا بس قلقت عليك اصلك كنت متعصب انهارده لما خرجت ورجعت وحتى لما ندهت على عبدالله انا اتخضيت من صوتك.كان عالي جدا. طمني يامراد في حاجه حصلت.
مراد؛ لامفيش قوليلي عبدالله كان عايز منك ايه. وازاي تقفي معاه كده لوحدكم.
احلام؛ والله ابدا انا موقفتش كان بابا موجود وهوه قال انه عايزني اقراله روشته بتاعت مامته.
مراد؛ اتأكد ان عبدالله ملحقش يقول حاجه لأحلام.. وقال دي اخر مره تقفي معاه تاني ولا تسمحيله يكلمك انتي فاهمه.
احلام :قالت في نفسها انه اكيد بيقولي كده عشان غيران عليا.. وقالت حاضر يامراد بس ان كانت دي غيره فامتغيرش من عبد الله يعني.
مراد :وليه بقاا مغيرش من عبد الله واشمعنا هوه.
احلام؛ لأن انا طول عمري موجوده هنا معاكم في القصر عمري ماشفت منه حاجه وحشه غير كل احترام وتقدير.
مراد؛ اتعصب وقال في نفسه هما بيدافعوا عن بعض بثقه ليه وايه اللي مابينهم اذا ماكانش حب يبقى ايه هوه..
احلام؛ روحت فين.
مراد؛ مش عايز اسمع سيرته تاني انتي فاهمه وحسك عينك المحك واقفه بتتكلمي معاه ولعلمك ياهانم انا بلاحظ انه معجب بيكي وبيحاول يتقرب منك بس انا صاحيله اووي.
احلام :ضحكت وقالت عبدالله معجب بيا. مستحيل طبعا..
مراد :وايه اللي مخليكي متأكده كده بقاا.
احلام؛ لاني عندي نظره في الناس وعبدالله راجل محترم وآخر حد ممكن يفكر كده لو حتى هوه معجب بيا كان صارحني من زمان اللي زي عبدالله مش من النوع اللي بيلف ويدور على البنات.
مراد؛ كان هيجنن من كلامها ويشبه كلام عبدالله عنها وازاي بيدافعوا عن بعض كده. وهو متأكد انها بتحبه هوه. وقال بغضب خلاص خلصنا احنا هنفضل طول الليل نتكلم عن عبدالله ولا ايه.
احلام؛ خلاص متتعصبش انت ليه مكبر الموضوع كده ده كلام عادي.
مراد؛ ماشي المهم انا محتاجك جنبي مش عايز اي مسافه بينا...
احلام؛مانا جنبك اهوو ومع بعض.
مراد؛ لا مقصدش انا عارف انك جنبي بس انا محتاج نقرب اكتر. يعني نشوف بعض ونتقابل يعني بدل مانتكلم في التليفون نتقابل ونسهر مع بعض ونقضي وقت حلوو.
احلام؛ مش فاهمه
مراد؛ اقصد يعني تيجي القصر نقعد مع بعض نسهر سوا نشوف فيلم او ننزل نروح سينما.
احلام؛ مينفعش يامراد انا مستحيل اعمل كده أخلاقي متسمحليش.
مراد :ابتسم بخبث وقال بصوت واطي. أخلاقك متسمحلكيش تيجي القصر بس تسمحلك تكلميني ونتسلي في التليفون.
احلام؛ أنت صوتك واطي ليه مش سامعه بتقول ايه.
مراد؛ هه مبقولش بس اللي فهمته دلوقتي انك مبتحبنيش.
احلام؛ ليه بتقول كده.
مراد؛ عشان بطلب منك نقرب من بعض اكتر وانتي بتبعدي.
احلام؛ مش ببعد بس انا ازاي اجي القصر واقعد معاك لوحدنا انت ناسي الحراس وكمان بابا وبعدين انت راجل عازب انت عايز بابا يقتلني.
مراد؛ اذا كان على ابوكي ممكن تخرجي ساعه من غير مايحس وهيكون الوقت متأخر وبعدين الجنينه في القصر يعني مش هتخرجي بره.
احلام؛ مستحيل ده يحصل انا مش هعمل كده مش عشان خايفه من بابا او الناس ولا كمان عشان بحبك. انا مش هعمل كده عشان ده غلط وانا عمري ماعملت حاجه غلط.
مراد؛ بغضب يبقى تنسى اي حاجه بينا طالما انتي حابه تبقى بعيده عني ياأما نتقابل ونقرب اكتر من بعض ياأما تنسيني انا حابب أقرب منك حابب اشوفك كل يوم جنبي وقريبه مني . فكري وردي عليااا سلااام.
وقفل التليفون واحلام استغربت من رده وازاي عايزها تقابلوا في القصر.المفروض لو بيحبها يخاف عليها وعلى سمعتها ميطلبش حاجه زي دي. وبدأت تفكر وأفتكرت كلام عبدالله لما قالها تاخد حزرها من مراد بس ملحقش يكمل كلامه.
ووووويتبع..
