رواية سر الهاربه الفصل الخامس 5 بقلم مني الصاوي
سر الهاربه
الجزء 5
مني الصاويالحاج خالد..... وبعدين هنعمل ايه يا ولاد بنت عمكم تختفي كده دي وصيه اخويا الله يرحمه منك لله يا ابراهيم انت وابنك الصايع خليت البت فقدت الثقه فينا كلنا
احمد.... ليه عمي يعمل كده يا بابا فاطمه ملهاش دعوه باللي حصلها دي ضحيه صحيح جاهل هو وابنه انا اسف اني بقول كده
الحاج خالد... انت معاك حق يابني دول جهله عقبوا البنت علي حاجه هي ملهاش ذنب فيها ولما جيت اخدها منه حصل اللي حصل واختفت
حسام... يا بابا انا خايف يكون عمل فيها حاجه وقال انها هربت انت عارف دماغ عمي ابراهيم
خالد...عارف وده اللي قلقني علي البنت خايف تكون عملت في روحها حاجه
احمد... متقلقش يا حاج طول ما مفيش اخبار عنها اعرف انها لسه عايشه
حسام... يعني يا حاج لو كنت وافقت اني اتجوزها واقف جنبها في اللي حصل لها مش كان زمانا مرتاحين من الافتراضات اللي عمالين نفترضها وكنت ارتحت علشان عمي موصيك عليها
خالد.... مكنش ينفع يا حسام البنت كانت في ورطه ولو كنت وافقت انك تتجوزها كنا هنتحط في موقف محرج
بتطلع من داخل احدي الغرف سماح زوجه الحاج خالد
سماح... تتجوز مين يا حسام والله ما كنت هعرفك دي بت قليله الربايه
احمد.... ليه يا ماما كده فاطمه مجني عليها مش قليله الربايه
الحاج خالد... امك اكيد مش قصدها تقول كلام مينفعش يتقال علي بنت اخويا يا احمد بس هي اوقات بتنسي ان فاطمه بنتي
سماح... انا مقصدتش حاجه يا حاج بس متزعلش مني ليه تكون اول بخت ابني
حسام... خلاص هتتخانقوا علشان ايه اهي مشت ومش عارفين ليها طريق
الحاج خالد... ربنا يستر طريقها ويردها سالمه يابني
____________________________
بيدخل ادم الشركه بهيبته يلقي السلام علي الموظفين الكل بيقف يؤدي التحيه باستقبال ادم
بيدخل مكتبه وخلفه فاطمه المرتبكه تنظر حواليها وتقول في نفسها ايه الشركه دي كلها مش باين عليه يعني انه مالك الشركه الكبيره دي
اتنين موظفات بعد ما ادم بيدخل المكتب بتقول موظفه للتانيه
سحر... ودي ايه اللي ماشيه وراه دي
سيليا... شكلها بودى جارد هاهاها
سحر.. اه والله لابسه النقاب ومش باين اذا كانت ست والا راجل
ادم بيدخل يقعد علي المكتب وبيبص لفاطمه
ادم.... واقفه كده ليه اقعدي يا فاطمه قوليلي ايه رايك في الشركه
فاطمه.... صراحه مكنتش متوقعه الشركه كبيره كده
ادم... ده حسد بقي والا ايه يا ست فاطمه
فاطمه... لا والله مقصدش اللهم بارك ربنا يزيدك
ادم.... هاهاها مالك يا بنتي اتخضيتي كده ليه بهزر معاكي وبعدين الشركه مش بتاعتي لوحدي انا شريك انا ومراد
فاطمه.... مراد
مراد.... سامع ناس بتجيب سيرتي
فاطمه.... انا مجبتش سيره حد ممكن يا استاذ ادم تعرفني هعمل ايه
مراد... اه يا استاذ ادم علشان الهانم مش عايزه تشوف وشي
ادم... مراد وبعدين معاك وانت يا فاطمه اتفضلي اقعدي علشان افهمك طبيعه عملك وبعدين لازم تعقلوا شويه علشان انت كمان هتشتغلي مع مراد فلازم تتفاهموا
فاطمه.تجلس علي الكرسي المواجه لمراد
انا معنديش حاجه تخليني متعاملش مع استاذ مراد وعموما هو كان لي حق في كلامه حصل خير
مراد... وانا اسف لو كنت قولت حاجه تزعل بس انا مكنتش اعرفك
ادم.... تمام كده نبدء شغلنا بصي يا فاطمه انت اكيد بتعرفي تشتغلي علي الكمبيوتر
فاطمه... اه طبعا بس برضو معرفتش هشتغل ايه
ادم... سكرتيره خاصه للمدير
مراد... قصده للمديرين
فاطمه... تمام ايه طبيعه الشغل
ادم... هتنظمي المواعيد وتكتبي كشفات علي الكمبيوتر بالصادر والوارد وشغل سكرتاريه عادي
مراد... هي فاطمه خريجه ايه
ادم... فاطمه المفروض في سنه تانيه طب بشرى بس عندها ظروف مش هتكمل
مراد... نعم دكتوره ومش هتكمل ليه يابنتي خساره كملي وانت بتدرسي
فاطمه... للاسف مش هينفع
طيب مكان شغلي هيبقي فين
ادم... هيبقي ليكي مكتب بره مع السكرتاريه ثواني
رن ادم جرس السكرتيره تعالي حالا يا داليا
بتخبط داليا علي الباب
ادم.... ادخلي
داليا... افندم حضرتك طلبتني
ادم.... فاطمه السكرتيره الخاصه بتاعتي من النهارده وهي مسواليتك انك تعلميها وجهزلها مكتب جنبك انت ملزمه قدامي انها تكون عرفت كل حاجه في الشغل خلال يومين
داليا.... تمام يا فندم اتفضلي يا انسه معايا
تنظر فاطمه الي ادم
ادم... اتفضلي يا فاطمه مع الانسه داليا هي هتفهم كل حاجه عن الشغل
فاطمه.... حاضر
مراد.... فاطمه استني
فاطمه... نعم يا استاذ مراد
مراد.... انت هتفضلي بالنقاب ده انا عارف انك مش منتقبه
بتبص داليا باستغراب لفاطمه وتنقل نظرها علي مراد اللي يدوب لسه واخد باله من داليا اللي مركزه معاه
ادم.... وبعدين يا مراد بلاش هزار يلا انت وهي علي شغلكم
بيخرجوا البنات وادم بيبص لمراد
ادم.... انت مش حاسس انت بتقول ايه والا بتعمل ايه الينت غلبانه واتفقنا هنساعدها لزومه ايه انك تقول كده قدام داليا
مراد... خلاص يا ادم مخدتش بالي انا راجع مكتبي
بيخرج مراد وبيشوف فاطمه بيبص لبها وبيكمل وهو بيقول لنفسه ايه اللي بتعمله ده يا مراد انت كده بقيت اوفر اوي البنت شكلها غلبانه واللي بتعمله ده مش حكايه قلق منها بيرد علي نفسه اومال هيكون ايه يعني انا معرفهاش بس من اول ما شفتها وانت متعاطف معاها بس بتظهر عكس كده يا ترى حكايتك ايه يا مراد
--------------------------------------------
روان قاعده في كافتريا الجامعه مع شويه من اصحابها
بنت بتقولها يا يخ*رب*يتك يا روان انت ازاي تصدقيه ده مسبش بنت محاولش يكلمها انت مقتنعه بكلامه ده
روان... انا عارفه ان كرم بيجبني والا انت غيرانه مني علشان فضلني علي بنات الجامعه كلهم
الينت... تعرفي اني غلطانه انى بحظرك وتستاهلي اللي ممكن يعمله فيكي سي زف*ت ده
بنت تانيه.. علي فكره اللي عملتيه ده غلط وهي معاها حق ومدام مش بتقبلي النصيحه يبقي انا كمان مش عايزه اعرفك وبتقوم وكمان بنتين معاها بيقوموا وبتبقي روان لوحدها
روان... احسن في ستين داهيه مش عايزه حد كلكمغبرانين مني
فاطمه بتجهز مكتبها وداليا بتديها اوامر كانها مديرتها
داليا... بصي يا اسمك ايه
فاطمه.... اسمي فاطمه
داليا... اه فاطمه بصي مستر ادم معندوش هزار والا دلع يعني لازم تكوني هنا قبله بتجهزي مواعيد اليوم كله وبتعملي حساب وقت الغدا ووقت ما بيروح وهقولك علي كل حاجه في وقتها اول يوم بعد كده تكوني عرفتي كل حاجه
فاطمه... حاضر
بيعدي اليوم وبيخرج ادم من مكتبه بيلاقي فاطمه بتكتب علي الكمبيوتر كل الموظفين واقفين بيروح ادم لفاطمه
ادم.... ايه الاخبار يا فاطمه فهمتي الشغل
فاطمه..... ايوه فهمت وداليا قالت لو في حاجه هسالها
ادم.... تمام كده خلصتي والا لسه في حاجه
فاطمه.... مش عارفه وبتبص لداليا
ادم... بيبص لداليا بمعني ايه
داليا.... ايوه يا مستر كده خلاص النهارده
ادم... خلاص يلا يا فاطمه علشان اروحك
فاطمه.... بتبص للموظفين اللي بيبصوا عليهم بفضول عايزين يعرفوا ايه حكايه فاطمه
خلاص حضرتك انا ممكن اروح لوحدي انا عارفه الطريق
ادم.... خلاص ايه انا كمان مروح هنمشي سوى يلا لمي الورق ده وانا هستني في العربيه
بينزل ادم وفاطمه بتلم الورق وداليا بتبص عليها بحقد وموظفه اخرى بتقرب منها وبتقول ايه الحوار ياداليا ده بيقولها هيروحوا مع بعض نفس الطريق هي قريبته والا ايه
بتبص عليهم فاطمه وتقول انا ماشيه يا انسه داليا تامرى بحاجه
داليا... بتشاور براسها لااء
بتنزل فاطمه تلاقي ادم في العربيه بتركب
فاطمه... انا اسفه يا مستر ادم بس مش همشي معاك تاني بعد كده هعرف الطريق واروح لوحدي
بيبصلها ادم وبيتحرك بالعربيه من غير كلام
فاطمه بتسرح بخيالها وبتفتكر لما كانت بتركب مع محمد في العربيه
فاطمه... محمد انا مش هركب معاك تاني البنات في الكليه كلهم بيتكلموا عليا
محمد... وانت ليه مش بتقولي اني خطيبك وبوصلك البلد
فاطمه... في بنات كتير معايا من البلد واكيد عارفين اني مش مخطوبه
محمد.... انا كنت لسه هكلمك في الموضوع ده انا عندي شغل مهم هيغير حياتي كلها وعايز قبل ما اسافر اتقدملك ونسافر سوى وتكملي كليتك هناك
فاطمه... هناك ده فين
محمد... امريكا هنسافر امريكا وهتاخدي شهادتك من اكبر جامعات امريكا
فاطمه... بجد يا محمد هتخطبني وبابا هيوافق مش هيوافق انا عارفه كمان حسن ابن عمي يعتبر خطبني
محمد.... هششش متفكريش كتير انا عندي مفجأه ليكي
فاطمه... ايه هي المفجأه
محمد... انا كلمت باباكي ووافق يقابلني وهروح له بكره بس انت لكي دور
فاطمه.... ايه هو الدور ده
محمد... لازم تزني وتعيطي وتهددى انك هتموتي نفسك كمان وانا هجيب اختي ونجيب نقابل ابوكي بكره
فاطمه.... يارب يارب انا اسعد واحده في الدنيا انا بحبك اوي يا محمد
محمد... وانا بموت فيكي يا قلب محمد
بتفوق فاطمه علي صوت ادم
ادم.... ايه يابنتي عجبتك القعدة والا ايه
فاطمه.... هااا لا بس سرحت شويه اسفه
وبتنزل من العربيه وفجأه بتحس بدوخه شديده وبتفقد الوعي
ادم.... فاطمه
استوووووب
لسه مش عارفين ايه هو سر فاطمه وياترى هي حصلها ايه وياترى محمد هيتجوزها فعلا والا هيضحك عليها
وياترى هو ابو ابنها والا مين ابو الطفل اللي حامل فيه فاطمه
